影片
今晚喺铜锣湾豪宴荟同屋企人食生日饭 试咗几道招牌菜同晚式特价开心孖宝，每样都各具特色，水准不俗： **1. 吊烧鸡** 皮脆肉嫩，咬落去「咔嚓」一声，鸡肉依然保持juicy，腌得入味但唔会过咸。最惊喜系鸡胸部位都唔会「鞋口」，火候控制得恰到好处。 **2. 上汤焗西澳龙虾（配乌冬底）** 龙虾肉质爽弹鲜甜，上汤汁浓郁得来唔会太咸，精华完全渗入乌冬度。乌冬吸满龙虾鲜味，口感滑溜，简直比龙虾本身更抢镜！ **3. 竹笙鼎湖上素** 清新怡人，竹笙吸尽上汤鲜味，配上各种时令菌菇同蔬菜，口感丰富。食完浓味菜式后，呢道菜正好平衡返味蕾。 **4. 生果咕噜虾球** 虾球大只弹牙，外层炸得酥脆，裹上酸甜适中嘅咕噜汁。加入新鲜菠萝增加清新感，比传统做法更开胃，食多几件都唔觉腻。 **整体评价**： 食材新鲜，烹调手法传统中见心思，调味恰到好处。特别系海鲜同烧味类菜式，尽显师傅功架。环境舒适，服务周到，冷气又唔会太冻，连平时怕冻既我都坐得舒服，仲有糖水送，大家都话系一间值得再访嘅中菜厅。
继续阅读
想不到复活节假期都订到这里的晚饭时间，可能真是很多人北上了。😅第一次来这里食饭，门口装饰很多花，明显是婚宴场地，大厅有海景位，但楼底矮，也较挤迫，出入要逼来逼去。😅餐牌选择很多，也有套餐，但我觉得没有青菜，所以都是散叫，选了特价菜半只脆皮烧鸡＄68，正价菜北菇红烧豆腐＄98，试下最普通的菜式就知水平。北菇红烧豆腐，份量足，够热，厚北菇片，有几条翠绿菜心，味道不错，但芡汁太厚，扣分了。脆皮烧鸡🐔很快送到，配一碟南乳汁，皮脆肉淋，味道还可以，这个价钱不敢太要求。服务方面都不错，我嫌大风要换台，店员马上帮忙，有求必应，赞👍。食完饭还有西米红豆沙送，做足功夫，埋单＄238，在铜锣湾区算是经济实惠。👌
继续阅读
一行五人到这里晚饭，座位比较窄有点背对背，幸好附近食客都斯文，不太嘈吵。广东片皮鸭二食$278，鸭肉厚切大片，配料酱汁好多，二食叫左酱爆西芹炒鸭丝，好惹味。云吞鸡半只$98，云吞有6 粒，个浓汤都吾错。沙爹肥牛粉丝煲，有啲芽菜而且份量都多，不过食到煲底略为多油。浓汤鲜竹菠菜苗，清清地，冇乜特别。送糖水，红或绿豆沙，红豆沙比较出色。埋单$745/5位，可以。题外话，收银姐姐和侍应都相当有礼貌，用餐体验良好。
继续阅读
话说同老母亲平日11:15到达，去到叫我地按飞，要我地稍等，我地排第一，入面好多吉台都唔比我地入，可能佢地因为想完左11:30优惠早市先比我地入。期间有熟客黎到都立刻比入。熟客先入无问题，我唔介意，但问题系你咁多张空台，都唔比我地同后面排队的茶客入，就居心可测啰。我地等左10 分钟都无动静，我地嬲得滞，决定离场走人。待客安排态度奇差，非常赶客。野食好唔好食我唔知，但未入去的体验已经好差，祝福佢好生意。
继续阅读
豪宴荟铜锣湾告士打道311号皇室堡9楼今日去饮早茶，茶楼供应醒晨孖宝 $39.8，我拣左黄金鲜奶卷，配腊肠滑鸡饭茗茶每位$12。黄金鲜奶卷好香口好食，腊肠滑鸡饭卖相不错，滑鸡嫩滑好味，腊肠有些少肥油，都系食少少就好。
继续阅读