豪宴薈

营业中

休息中

皇室寶呢間酒樓味道不錯，見到有promotion ,片皮鴨又好吸引！一鴨兩食都係$258 ，同朋友叫左片皮鴨同涼瓜鴨件。鴨件好Juicy ,夾住包皮食，好滿足！兩個人好夠食，好飽！涼瓜鴨都炒到好好食！好好送飯！海皇豆腐湯，炸豆腐配埋海鮮，好正呢！呢個煲好中意食，有好幾種海鮮！好好食！仲叫多個海皇雜菜煲，菜好新鮮，又好健康，超大一煲！菜好新鮮，正好平衡片皮鴨既油！呢間價錢實惠又好食，同朋友下次encore !

第一次嚟呢間酒樓，門口布置非常吸引一整面花墻拍照一流📸位置好！環境好！ 服務好！重點是菜品質量都很贊👍我口味比較清淡，所以很適合我簡單介紹就揀咗海鮮孖寶同埋晚餐四選一海鮮孖寶A套餐🥣清蒸沙巴仔肉質緊實彈牙，刺少夠新鮮 ，大概一斤左右🥣秘制叉燒厚切，沒明顯的肥肉不會太甜，好吃另外加咗🥣濃湯海鮮雜菜煲比想像中的份量大，搭配豐富魷魚 蝦搭配各種蔬菜同香菇 粉絲好清甜🥣菠蘿咕嚕蝦球蝦🦐球好大個😍 酸酸甜甜特別開胃性價比高吃完最後還有贈送餐后糖水🥣紅豆沙西米露好贊👍👍看到隔壁桌龍蝦🦞都好好吃，下次試下📍銅鑼灣告士打道311號皇室堡9樓這間酒樓擺酒席首選！

好少過海飲茶比我發現左一間正野銅鑼灣皇室堡樓上有間酒樓點心好食 份量大 仲要性價比高吾貴～～～同朋友叫咗七個點心 一個甜品蝦餃，叉燒腸粉，煎釀尖椒，菜心，灌湯餃，XO醬煎蘿蔔糕一口炸豆腐，芋頭椰汁紫米露基本上係全部都好食但想重點推介嘅係我自己係一口炸豆腐 呢款點心基乎係我去邊間酒樓都叫既炸得好香口，外脆內軟 味道剛好非常滿意煎釀尖椒都好好食，而且份量都好多蝦餃好大粒。入邊好足料蝦好大粒我朋友最中意係叉燒腸粉佢話覺得啲叉燒好好食其實中餐廳睇嘅，都係啲叉燒多所以其他野相信都吾會差XO醬蘿蔔糕都好惹味！ 呢個點心都係我最愛之一😍最後食埋個糖水就完滿了🥰👍味道啱啱好，唔會太甜 又吾會淡料係好足嘅 落椰汁個比例都好好芋頭又吾會過多或過少 整體都好好食👍 環境又靚 爆哂場 ！ 一定會再黎食🥰👍

環境都是婚宴的酒樓，地方特別華麗！開心孖寶吊燒雞-半隻外皮相當香脆，皮薄脂肪少，雞肉亦非常嫩滑，雞肉剛好煮熟有水份感！上湯焗西澳龍蝦（烏冬底）龍蝦新鮮大隻又多肉，基本上不需要拆殼，已全部龍蝦肉一口咬下便離殼，非常方便，蝦肉更是鮮味及彈牙，都很對得起這個價錢，性價比超高！片皮鴨一食鴨皮肉份量不少，足足能把一整碟鋪滿，麵皮也相當多，不怕包不完鴨皮肉！而鴨皮肉不太肥，把蔥段、青瓜及紅椒絲包起來，吃起來一點也不膩！

家人生日訂了豪宴薈晚飯, 位於銅鑼灣皇室堡, 交通方便, 酒樓新開張, 裝修好靚, 入門花花世界.酒樓燈光效果好, 店員招呼優質.   大廳面積大, 另有貴賓房,   間隔四正, 內設新電動麻雀機兩枱, 真係好.生日訂了   每席包 紅酒 1 枝, 啤酒（或汽水）鮮橙汁 2 渣.鴻運乳豬全體 ~  乳猪皮薄够脆, 很香口.翡翠珊瑚玉帶子 ~ 賣相一般, 入口 OK.發財多子瑤柱甫 ~  有原個瑤柱, 炒得吾太油, 調味正. 金盞沙律炸蟹鉗 ~  餡料滿滿多蟹肉.紅燒雞絲生翅 ~ 食材豐富,  好味又滿足.原隻鮑魚扣鵝掌 ~  溏心鮑魚尺寸合意,  鮑魚燘得入味且軟稔, 入口爽彈鮮美.  鵝掌也燘得稔,  墊底的小棠菜, 浸在濃稠醬之中, 好味.清蒸大沙巴龍躉 ~ 大大條,  蒸得時間剛好,  魚肉好新鮮又滑, 加青蔥薑絲好食.當紅招牌脆皮 ~ 上枱仍帶溫熱, 金黃皮脆且香口, 雞肉也嫩滑鹹香. 幸福炒飯 ~  材料豐富,  有雞粒, 蝦仁, 雞蛋, 翠玉瓜粒, 紅蘿蔔和冬菇粒同炒,  有點似福建炒飯, 吾會乾.長壽伊面 ~  一般水準.甜在心頭 ~ 紅豆沙,  有豆香, 煲到起沙, 不

銅鑼灣皇室堡新酒家「豪宴薈」面積夠大就算平日飯市都係等十多分鍾就有位，空間感都唔錯，坐得舒服。一坐低店員火速地為我們上茶，態度和藹。所有即點即整，客人也要保持應有的耐性。兩個人共嗌咗七款點心, 今日要highlight 幾款特別出色的點心。春風得意紅米腸$35.8肯定是即點即做，暖暖的腸粉皮帶靭性，皮下是脆口油炸鬼和蝦仁，口感相當豐富，推介。瑤柱竹笙灌湯餃 $48我個人麻麻太多肉的灌湯餃 ，所以全交男朋友處理。佢話隻餃超有份量，爆多豬肉餡，好滿足！原隻蝦餃王$38.8今時今日仲有一𠖥四隻蝦餃實在少之又少。而且餡料絕無揸流攤，載滿爽口全蝦肉，餃皮又薄又煙靭，必食。薑汁雞包仔$28.8雞包仔唔係好多酒樓會再做，所以見到一定會嗌。這個鷄包仔size 剛好兩三口可以KO 佢。外皮十分鬆軟；餡料但味道吾錯，鷄肉也滲出淡淡薑汁味，芫茜是不能缺少item ， 過多就太濃太搶，這個份量適中，這是令人懷念的味道。蓮蓉大壽桃$15.8中規中矩，蓮蓉不多，造吾出爆饀和流油效果。正常發揮如下鮮竹牛肉球$29.8黑松露鮮蝦帶子餃 $35.8茶介每位$18 性價比唔錯嘅一間酒樓，兩個人跑到捧住個肚走, 人均消費$

我最近天氣好熱，喺屋企都唔想煮飯，皇室堡睇完戲去樓上酒樓dinner ，我哋到達嘅時候6:30p.m，好彩嚟得早，見到7:00已經full哂。開心孖寶～吊燒雞色澤金黃，外皮烤得酥脆，夾起有肉汁，肉質彈嫩，上到枱仲出晒煙，唔錯！上湯焗西澳龍蝦龍蝦新鮮，有蝦羔，烏冬底原來都好吸汁，同濃郁嘅上湯汁好夾，入口好鮮甜！而家做緊晚飯四大優惠，四選一，我哋揀咗寶寶至愛嘅海皇冬瓜盅呢款係一道清爽嘅湯品，大大個冬瓜，足夠4-6位吃，賣相精美，湯汁清澈透明，品嚐到冬瓜清香。

唔係北京菜館先有片皮鴨食，位於皇室堡樓上嘅豪宴薈，最近做緊北京片皮鴨試食價$188，真係CP值好高！原隻鴨上枱，即叫即片，顏色紅潤，好吸引！配菜有蔥絲、青瓜絲、紅椒、芥末醬和甜醬，配上熱辣辣嘅麵皮，入口好新鮮，表面香脆，肉質鮮嫩，份量都幾多。加$50就可以二食～鴨肉炒涼瓜，涼瓜切成片狀，入口清爽，而且難得冇苦味，炒過嘅鴨肉，質感更加紮實，真係好唔錯👍🏻我哋仲order咗青瓜海蜇，天氣咁熱，配搭涼菜零舍開胃，入口凍冰冰，好舒爽！

上2星期同朋友約左喺皇室堡睇戲朋友book咗新開嘅《豪宴薈》酒家請食飯仲話知我鍾意食片皮鴨特別book咗呢一間新酒家今次朋友發辦叫咗《片皮鴨》《酸菜魚》《小炒王》第一道上菜嘅係《片皮鴨》有12款唔同嘅配料同醬汁唔止色彩靚💖味道加埋仲好夾本人10分建議去到一定要叫片皮鴨第二道菜係《酸菜魚》未上到枱已經聞到好香酸菜味大家急不及待立即試吓金色嘅酸菜魚湯係我鍾意嘅口味 夠酸 如果可以加辣就好喇裏面有少許薯粉同豆芽魚質滑嫩 厚薄適中 火喉煮到剛剛好呢度酸菜魚比起某幾間出名嘅酸菜魚還好食都建議黎到都可以試吓最後一道菜係《小炒王》平時去大排檔係我一定會叫嘅餸都係第一次喺酒樓食小炒王入面加咗菜譜食落更有咬口炒得香有火喉埋單前服務員送咗兩個糖水俾我哋一個紅豆沙 一個紫米露我哋兩個人最後飽到捧住個肚睇左成場戲#酸菜魚# #片皮鴨# #銅鑼灣# #粵菜#

最近在網上得知，之前酒樓已經轉手，今晚專程來到這間新酒樓一試。這裏的裝修比之前更加豪華，地方寬敞，想不到18:00來到已經坐了五成人以上。開心孖寶$308，上湯焗西澳龍蝦1隻、吊燒雞-半隻。上湯焗西澳龍蝦1隻，約一斤重，龍蝦肉爽口鮮甜，份量十足，加上有伴碟的烏冬，單是這個龍蝦，都差不多半飽。吊燒雞-半隻，雞皮香脆，雞肉鮮嫩可口，以這個價錢來說，非常超值。魚湯鮮竹漫菠菜苗$98，魚湯味道偏甜，以現今的健康尺度來說，每餐晚飯都應該有蔬菜。餐後還有免費甜品，是日甜品是紅豆沙，雖然是免費的，質素一點也不錯。

假日同屋企人去銅鑼灣飲茶，係皇室堡呢間 #豪宴薈 屋企人成日黎食，話好抵又好食😋今日食完真心好平😜又好好食wor . 。星期六日午市時段既點心都係$26.8起，最貴既頂點都係$39.8 😅 直頭平過好多屋邨酒樓👍🏼 野食方面除左點心仲有其他午市小菜、粉麵炒飯咁都抵食，重點係啲野又幾好食🥰所以超爆場，等位等左半個鐘🥹🥹🥹茶芥$15/位。。🥢菠蘿脆皮咕嚕肉 $53午市叫小菜，份量細啲，但價錢超合理，平日$50喳，係星期六日+$3，脆皮咕嚕肉夠晒脆！酸酸甜甜好開胃。。🥢紅燒妙齡乳鴿 $55乳鴿好大隻！$55合理價，乳鴿新鮮爽口。。🥢惹味豬手 $58呢個必點！凍豬手加左蒜蓉香蔥同特色醬汁一齊撈，好Q彈有咬口。。🥢燒鵝瀨粉 $50份量都幾多下既燒鵝，燒鵝分碟上，皮脆肉厚好香燒鵝味！。點心就叫左以下幾款：百花蒸釀魚肚 $36雪山叉燒飽 大 33.8沙律明蝦角 特 36.8。點心評價都好高分👍🏼👍🏼又好食又唔貴，終於明白點解等咁耐位都咁多人🤭

我朋友話位於銅鑼灣皇室堡樓上啲豪宴會好抵食 ～ 一於試吓～晚飯時候都座無虛席 非常多人 好彩餐廳夠大 我哋都唔使特別等位 呢度晚飯真係好多優惠， 開心孖寶都幾抵 $308 已經有上湯龍蝦伊麵 同埋半隻吊燒雞另外亦有晚飯四大優惠 價錢望落去都好抵！睇咗一陣叫咗幾樣嘢~杏汁燉豬肺湯 用上豬肺同杏仁 杏仁味到十足 非常濃郁 飲落去非常順口 好滋潤南乳溫公齋煲叫咗啲蔬菜食，呢個就真係好好食，用上粉絲～ 蘿蔔 西蘭花 腐竹冬菇等等 配上南乳 健康又好送飯金沙黃金蝦球 濃郁蛋黃包裹着爽口彈牙嘅大蝦，超好食！老壇酸菜魚非常大份！估唔到$88有咁大碟！ 酸菜魚香氣十足 味道酸酸辣辣 10分刺激味蕾 ～再加上好滑嘅魚片 芽菜同雲耳等等嘅配菜 令人忍唔住係咁食！ 估唔到銅鑼灣都有一間性價比咁好嘅中菜餐廳～

在銅鑼灣豪宴薈預祝父親節，2丁友所以唔太叫得好多餸，所以叫d簡而精既，而且爸爸鐘意食龍蝦！咁岩佢地又有新menu做緊offer around $300就有燒雞and龍蝦，咁就叫左呢個啦！脆皮吊燒雞半隻，但係隻雞都幾好肉，外層燒到幾脆口！而且夠多肉汁，外層脆肉又夠嫩，有雙重口感好正！上湯焗西澳龍蝦，大大碟賣相夠靚仔！龍蝦肉夠緊緻又多肉，味道帶上湯芝士香！爸爸食到唔停口，所以我都好滿意。瑤柱蛋白炒飯，炒得幾有鑊氣有份量，炒到粒粒分明夠質感唔會成碟油！用料簡單但係夠好食。整體環境夠大坐得舒服，食完仲有甜品送，紫米露糖水都好足料呢！

因為好耐冇食中菜打算同朋友搵間中菜食，本身一心係想食片皮鴨，但點知去到落單先知尾經賣曬，但菜單其他都一樣咁吸引，價錢同質素都令人有驚喜。———————————————🌟上湯焗西澳龍蝦1隻(烏冬底) 龍蝦份量比想像中多，一隻分出嚟都有好多件。味道上感覺上湯個汁調得唔錯，唔會話太咸，反而仲有少少保留咗鮮味嘅感覺。至於烏冬底真心好好食，平時出面都係伊麵多，但其實我個人係比較喜愛烏冬，呢個烏冬煮得煙韌，連埋呢個汁亦都唔會太膩，成個菜式整體都出色👍🏻.🌟吊燒雞－半隻雞肉個皮燒得好香脆，內裡嘅肉又好嫩滑多汁，皮表面有醃鹽會濃味少少，隔離仲配有甜豉油點雞肉食一流。. 🌟酸菜魚 $88呢個酸菜魚都係晚市其中一款特價菜色，上台果下嚇親冇諗過$88有咁大兜🤣而且入面份量係超足。淨係魚肉片睇相都見到有大量，全部都好滑一啲骨都冇。湯底仲有好多芽菜、酸菜同水晶粉，飲落酸酸地好開胃，辣度唔高，怕辣嘅朋友仔都唔洗擔心自己食唔到。.🌟蝦乾啫啫通菜煲 $98通菜份量都足，上菜果下熱辣辣好香，不過應該一開始唔記得撈一撈，所以食到底就會開始咸少少，但整體一樣都好食。.🔸整體評價🔸晚市真係好多優惠菜式，其實計返性價比真係超高

假期節日， 就自然想同家人飲啖茶食個包，去間坐得舒服,食物又高質的酒樓渡過美好周末的酒樓。-銅鑼灣皇室堡的豪薈宴裝修富麗輝煌，維園以及對面海的景色 盡入眼簾比同幢大廈其他酒樓都要坐得舒適。--周末日午餐都有各款combination,除了各款點心或，也有時蔬配炒粉麵孖寶，絕對抵食之選。 另外也有各款燒味小食都應有盡有。 -涼瓜龍躉頭腩炒河午市都有龍躉頭腩食，超驚喜🥰🥰龍躉頭腩炸至金黃色，入口香嫩滑肥美, 而魚肉件件都有厚厚膠質,-伴着甘甜的 涼瓜，味道濃郁, 成碟炒河都勁有鑊氣。-咸魚蓉白菜簡單的鹹魚蓉襯托出白菜的鮮甜，簡單好食。-點心都係即叫即蒸蟹籽燒賣王粒粒蟹籽就係燒賣上面豬肉彈牙之餘再咬下去，食落仲有蝦肉鮮嫩香甜的內餡！ 趁熱食最好食。-百花蒸釀魚肚魚肚釀入雪白彈牙的蝦膠蒸熟，蝦膠鮮甜彈牙，飽滿入味，帶有點點嚼勁，懷舊點心都做得好食。-春風得意紅米腸薄身嫩滑的紅米腸粉皮，一口咬下去，吃到脆卜卜的蝦卷網，口感外軟內脆，腸粉的紅米香與鮮甜的蝦肉結合，質感和味道都非常出色。-墨西哥叉燒包蜜汁叉燒饀料鮮濃，墨西哥包皮脆帶軟，外酥內香甜，雙重口感的滋味果然係酒樓先做得到。