豪宴薈

营业中

休息中

I WANT FISH- Fantastic Spicy Grilled Fish in CWB同女朋友同朋友喺銅鑼灣打完golf，想食吓辣嘢，就去咗百樂中心8樓既「我要烤魚」。烤魚有驚喜，麻辣湯底恰到好，魚都有掛到麻辣火鍋味，其餘小食串燒等都好好食！推薦大家去食👍🏻$368 重慶麻辣烤魚烤魚BB辣，鱸魚魚肉多，魚香濃郁。另外加$38既四配菜都好足料，有土豆、蓮藕、豆腐、豆芽，全部都有足夠麻辣味。食完烤魚我哋又叫左配料加入去打邊爐，$22豆腐尤其好食，$88手切鮮封門牛柳都唔錯，肉質鮮嫩。$38招牌咸蛋黃雞肉餃一人一粒都剛剛好！打完邊爐，我哋見仲有空間食野，就叫串燒食下😂$38 味淋魚干 $28 燒香蔥手抓餅，下次試埋地瓜味先🫣$38 芝土年糕 $16 椒鹽燒秋葵$18 蜜糖燒粟米 $38 香燒原條茄子，好大條！勁好食又唔會太咸！$16 鹽燒BB蕃薯仔 $38 招牌雞腿肉$20 孜然燒雞翼 $28 雞軟骨$68 爆蒜燒蠔$48 鹽燒白鱔，白鱔又滑又多肉，唔錯👍🏻$46 椰青 $32 百香果水果茶 $28 菠蘿青檸梳打，梳打好refreshing，食串燒飲岩哂👌🏻$22 自家制酸梅湯 $

假日好多時都會陪吓屋企人，去茶樓坐低嘆杯茶，食返幾籠點心，就可以傾吓偈消磨一個下晝～今次揀咗銅鑼灣呢間新開嘅酒樓，喺皇室堡上面，環境都算幾闊落，仲有個無敵大海景🌊，飲完茶仲可以行街消化吓～呢個地段同埋環境，週末過嚟食個下午茶唔算貴，唔怪得下午茶時段嚟到都要等位！星期六、日同埋公眾假期嘅價錢可以參考返：小點-$23.8 中點-$26.8 大點-$29.8 特點-$33.8 頂點-$36.8------------------------------💕◖醬皇金錢肚◗ 大佢用咗鳳爪嘅嗰一種醬料，比平時食開嘅更加濃味，醬香味更加出💕◖百花蒸釀魚肚◗ 特魚肚上面釀咗啲蝦膠，魚肚爽脆多汁，幾鮮甜💕◖黑松露鮮蝦帶子餃◗ 特有少少黑松露嘅香味，更加帶得出蝦同埋帶子嘅鮮味💕◖上海小籠包◗ 大小籠包外皮都幾薄身，包住嘅肉餡唔會話好肥，肉汁都幾多下💕◖流沙奶皇包◗ 中流沙奶皇包細細粒咁，流沙餡甜度啱啱好，做到流沙嘅效果，好食💕◖蜜汁叉燒腸粉◗ 大叉燒腸腸皮偏厚身，都俾得幾多叉燒，口感食落都幾滑溜💕◖原飯蝦餃皇(2粒)◗ $18個人覺得佢個蝦餃做得唔錯，個皮薄得嚟有韌氣，內餡大大粒，夾雜住粒粒嘅

皇室堡新開高質酒樓🫖豪宴薈屋企有老人家，比較傳統，都係偏向鍾意食中菜。所以就帶佢哋去咗皇室堡一間新開，有好評如潮嘅中菜酒樓🫖因為而家都屬於新開張比較多優惠，所以覺得好抵食，啲食材都好新鮮，煮出嚟樣樣都覺得好好食👍🏻🤤一定會再去‼️晚市時段🍽️人均：$200-$300🕰️時間：週末晚上（建議先致電預約，週末晚上都幾多人）開心孖寶 $358•吊燒雞（半隻）•上湯焗西澳龍蝦 （一隻）（烏冬底）燒雞好靚仔，啲皮燒得又脆又光滑👍🏻都比較多肉，唔算多骨🤤龍蝦烏冬，簡直係正呀！龍蝦啖啖肉烏冬，佢係用咗稻庭烏冬，彈牙又爽口‼️推薦大家試吓呢個優惠期間嘅開心孖寶😍片皮鴨一食 $198片皮鴨又係即叫即片，皮脆肉嫩，而且夠晒多麼麼，有成一打咁多，配料同醬汁都好足夠🤞🏻好食😋竹笙羅漢上素 $128羅漢上素好大碟，4-6個人分都好夠👍🏻料都多，木耳、竹笙、菜芯等。藍妹 （大枝）$29$29一大枝都算抵飲🙌🏻最後仲有紅豆沙做飯後糖水🤤😍Bible rating: 9.5/10📍地址：豪宴薈 (銅鑼灣)銅鑼灣告士打道311號皇室堡9樓

收工約埋同事一齊食飯，平日兩人好少上酒樓食飯，多數去餐廳搵食，同事book咗皇室堡呢間「豪宴薈」，再上OpenRice 搜尋有啲乜嘢食，呢間中菜館推出多款大優惠菜式，不妨一試，平日晚市都好多人，好彩同事book 定枱，七點左右上到嚟已經full咗啦。開心孖寳$328～上湯焗西澳洲龍蝦🦞 約一斤的西澳龍蝦，鮮甜彈牙，配上稻庭烏冬底。～脆皮吊燒雞（半隻） 上菜速度快，熱辣辣，外皮香脆，雞肉嫩滑juicy。招牌新鮮咕嚕肉$128 酒樓用上新鮮梅頭肉製作咕嚕肉，外脆內嫩，啖啖肉，酸甜適中。

上星期四同同事去咗銅鑼灣食飯，經過皇室堡見到呢間新開打卡嘅酒樓，欲欲一試。😋呢間酒樓可以睇到維港靚海景，仲有特色打卡位。大家一定唔好錯過。📸兩個人點咗以下餐點：1️⃣🦆片皮鴨一食$198皮脆肉嫩，脂肪分佈平均，加上新鮮爽脆嘅青瓜、京蔥、紅椒，仲有甜麵醬、甜酸醬、芥末醬，配上煙韌嘅餅皮，滋味無窮。😋2️⃣海鮮孖寶A🐟清蒸沙巴斑仔+🐷蜜汁叉燒$228肉質新鮮嫩滑，薑蔥帶出魚嘅鮮味，豉油鹹度適中。👍🏻🐷蜜汁叉燒入口鬆軟，肉質Juicy，有點焦香，蜜汁甜而不膩。3️⃣金銀蛋莧菜$98莧菜新鮮翠綠，同皮蛋、鹹蛋好夾，好好味。👍🏻今餐每人仲附上清甜起沙紅豆沙一碗！😊大滿足！❤️下次想品嚐下佢哋嘅點心！😍

約了好友在銅鑼灣相聚，在他的介紹下我們來了這間位於皇室堡樓上的酒家。12:30來到，已經近乎爆滿，還好朋友有提早預約。.他們的點心選擇很多，看得我們三心兩意，選了又選，這個想吃，那個又想吃。最後幾番糾結後，叫了以下的點心。.原隻蝦餃皇（頂）蟹子燒賣皇（特）四寳滑雞扎（特）南乳炆豬手（大）百花蒸釀魚肚（特）瑤柱竹笙灌湯餃（頂）鮑汁炆鳳爪 （$50）上海小籠包（大）叉燒腸（大）.整體來說這間酒樓的點心質素都很高，難怪人流不絕。鮑汁炆鳳爪和南乳炆豬手均是我心目中的第一名🥇，兩者難分上下，入口膠原滿滿，軟淋入味的同時又不失彈性。.原隻蝦餃皇和蟹子燒賣皇這兩道經典點心味道也做得到位，蝦餃飽滿大隻，燒賣濕潤彈牙。叉燒腸叉燒份量也是很足。.上海小籠包湯汁滿滿，灌湯餃和四寳滑雞扎都是珍寶size，尤其是雞扎內的嫩滑雞件，令我印象深刻。.*茶位每位$14（Mon to Fri）酒家：豪宴薈 地點：銅鑼灣告士打道311號皇室堡9樓

豪宴薈 銅鑼灣告士打道311號皇室堡9樓全層9/F, Windsor House, 311 Gloucester Road, Causeway Bay地方好大光亮, 入到來氣派門面都很靚, 而且是辣新裝修, 我家兩同佢地出街食都指定要中菜, 找到間合心意的,來和他們吃頓飯。晚餐有做緊優惠, 都是受歡迎的菜式, 如龍蝦伊麵, 片皮鴨等等, 都是一家大細不分年齡層都愛吃。海蜇青瓜，真是夏天必食涼盤$68 一個咕嚕蝦，晚市優惠超抵，蝦球大隻炸到香脆蝦肉彈牙，醬汁酸甜開胃北京片皮鴨試食價$258 原隻鴨上枱，即叫即片，顏色紅潤，好吸引！配菜有蔥絲、青瓜絲、紅椒、芥末醬和甜醬，配上熱辣辣嘅麵皮，入口好新鮮，表面香脆，肉質鮮嫩二食價要了鼓蒜涼瓜炆鴨件，涼瓜好爽，夏天要食瓜，當做。$18 又試了新出 peach hoegaarede幾甜似cocktail 和老人家吃這頓中菜, 大家都讚抵食, 晚市優惠吸引。

今日同屋企人去咗銅鑼灣皇室堡上面嘅呢間豪宴薈度食晚餐餐廳環境闊落 啱晒一家大細去共度美好時光 有部份座位仲可以睇到維港夜景片皮鴨二食 超級邪惡嘅片皮鴨 外皮香脆，而且鴨油十足 甘香油潤 夾埋軟綿綿嘅麼麼皮同醬汁韭黃 青瓜一齊食 口感豐富 又唔漏 有部份仲帶有鴨肉 肥瘦適中豉蒜涼瓜炆鴨件 鴨件仲係啖啖肉，而且份量唔少 炆得夠冧夠入味 涼瓜同樣索晒豆豉同蒜蓉嘅香氣 加上甘甘地 唔錯酸菜魚 魚片無骨 夠薄 魚肉嫩滑，大人細路都啱食 酸菜湯底味道適中 下面仲有好多芽菜同酸菜 送飯一流蟹肉撈粉絲 蟹肉份量都幾多一梳梳 鮮味十足 粉絲炒得夠乾身 而且火候十足

嚟到銅鑼灣，去咗皇室堡睇戲。睇完戲，諗住食個快餐，點知見到呢間幾好嘅中菜，就去試吓啦。入到去發現裝修幾靚，唔似係普通酒樓😲我哋叫咗三個菜，兩個人食啱啱好粟米脆皮龍躉球🐟食得岀唔係用普通嘅魚，肉質結實得嚟又鮮甜。煮法嘅都唔係用普通嘅煎，而薄薄上一層炸粉，再放落油炸。佢做到表面鬆脆，入邊又滑，再配粒粒粟米汁，正😋黑椒牛仔骨🐮牛仔骨嘅份量都幾多，最重要佢啲肉質亦都唔會太過煙靭，同埋肉嘅比例啱啱好。用熱辣辣嘅煲裝住，用嚟送飯最啱☺️脆皮燒腩仔🔥啲燒腩仔皮脆肉嫩，食落又唔會太過油膩。配埋芥末食就最啱🤤

最近睇得promotion多，食片皮鴨心癮起~咁啱朋友call Friday Dinner,就搵咗新開酒樓試下~呢間酒樓由裝修至餐具都企企理理，個Menu又幾靚，感覺唔錯~嚟呢度主要目的就係食片皮鴨，睇下二食都幾抵，就點埋醬爆西芹炒鴨絲。食片皮鴨最怕餅皮同佐料唔夠，但呢度份量就俾到好足!仲有埋紅椒絲同芥末，鐘意點配都得!鴨皮片得薄薄帶少少脂肪，入口有油脂甘香，另外都有唔少鴨肉片，食得開懷~ 而醬爆西芹炒鴨絲亦頗令人驚喜，醬料非常香口而且炒得夠鑊氣，西芹爽口無渣，好食~我地仲點咗薑蔥焗桶蠔，原本預食物份量應該剛好，點知一打開煲蓋，就見到手掌咁大嘅蠔肉，真係好誇張! 桶蠔應該略為炸過，加上煲仔將薑蔥香氣迫晒出嚟，非常惹味~呢間酒樓雖然新開，不過都幾旺場，準備同朋友下次嚟試下點心~

今日同朋友去咗銅鑼灣飲茶樓底好高 仲可以望到海景價錢方面 廿幾三十就有一個點心有好多唔同選擇另外仲有小菜2個人嗌咗好多款嘢食點心：蟹籽燒賣皇 (特) $35.8飲茶必備嘅燒賣流沙奶皇包 (中) $29.8爆晒餡 夠晒流心😙黑松露咸水角(中) $29.8黄金糕 $25好少地方有黃金糕🥺如果係煎嘅話 就更加好嚕小食：金薯蜜汁一口牛 $ 70幾有大排檔嘅鑊氣 有啲surprise🥰牛肉好惹味 又唔會韌川味口水雞 $55又麻又辣 雞肉都幾嫩滑一口脆皮豆腐 $48夠晒香口汾酒牛展 $60海蜇食落好爽 而牛展都幾入味幾滿足嘅一餐

呢晚同屋企人黎到酒樓食晚飯～想不到位於銅鑼灣皇室堡新開靚裝豪宴薈 都幾抵食~一入嘅走廊位置都吸引左不少食客打卡～開心孖寶 $328 唔可以同其他晚市優惠一齊用，但個人覺得呢個最正如不想食龍蝦亦有其他選擇！上湯焗西澳龍蝦 一隻（烏冬底）西澳龍蝦啖啖肉，鮮嫩爽彈！火候剛好，烏冬底比傳統伊麵會清爽d!南乳吊燒雞 （半隻）皮脆肉嫩有黃油，係不錯！欖菜肉燥炆豆腐$98 惹味送主食一流，有9-10件豆腐入面都係滑溜溜，有菜心伴碟不用額外點菜

想在皇室堡飲茶，在open rice 搵到這間新開張，見評論不錯便試試。酒樓環境很好，我們看看有幾款點心紙，價格也可以，便叫了幾款點心，味道不錯，份量也足夠，服務都很好，這餐亦很滿足。

在銅鑼灣ikea 添置家品，掃貨後在對面的皇室堡找餐廳開餐！在水牌上見到豪宴薈，印像是新餐廳吧！一於一試！花海布置，浪漫滿瀉！自設大水缸，保證有新鮮靚海鮮供應！🥰🥰🥰開心孖寶 $328餐，價格吸引。點了一客上湯焗西澳洲龍蝦🦞，配吊燒雞，龍蝦約一斤重，龍蝦大隻多肉，還送稻庭烏冬，省回不用叫飯麵，相當抵食！龍蝦肉肥美，厚身鮮甜！好味道！😍😍😍烏冬底，嫩滑！吸滿了龍蝦汁，目測都非常美味！脆皮吊燒雞半隻，皮脆肉嫩，味道不錯！雞脾肥美，嫩滑有雞汁，好食！海皇雜菜煲 $108，有蝦仁、鮮魷，西蘭花🥦、雜菌等，清清地，挺好的！蝦仁爽口，大少適中！鮮魷爽嫩，𠝹花增添美感！飯後有免費甜品贈送，分別有紅豆沙及紫米露，兩款都的不錯，自己比較喜歡紫米露。

約咗朋友嚟銅鑼灣食晏，想搵間環境優雅，坐得舒服，地點又方便嘅餐廳。上網 search 到皇室堡新開咗間「豪宴薈」。一出𨋢就見到酒樓門口佈置得好有心思，粉彩嘅花花裝飾，再配上開揚闊落嘅用餐大堂，非常適合用作婚宴場地。我哋點咗幾款炸點，另外再加咗個粉麵點心孖寶。黑魚籽炸芋角 ($32.8)：芋角外層炸得好鬆脆，入面嘅芋頭軟綿綿，中間仲有啲肉碎，夾埋面頭嘅黑魚籽一齊食，非常可口。家鄉煎薄撐 ($32.8)  薄撐大大塊，煎得啱啱好，食落外脆內軟，一啲都唔油膩，有蔥嘅香味。蒜香鮮蝦春卷 ($32.8)  春卷嘅外皮好薄，入面啲蝦肉夠多又飽滿，就算放耐咗先食都仍然好脆口。瑤柱珍珠雞 ($32.8)  珍珠雞餡料豐富，內有豬肉、蛋黃、蝦米和菇粒等，糯米綿糯軟滑，入口散發著荷葉香味。粉麵點心孖寶 ($148)：鮮蝦菜苗餃、魚茸煎釀雙寶+瑤柱蛋白炒飯，菜苗餃皮薄餡靚、煎釀青椒茄子味道亦唔錯，鯪魚肉比率頗重，釀得好飽滿。蛋白炒飯有好多瑤柱，飯粒乾身分明。陳皮紅豆沙 ($25.8) 入面有好多濃稠起沙嘅紅豆；香芋椰汁紫米露 ($29.8) 有好香椰汁味，入面啲芋頭好粉腍，味道非常香甜。