豪宴薈

营业中

休息中

聽到皇室堡以為一定好貴，點知下午茶時段去食，又唔貴喎！我哋四個人食,人均都係$160左右,叫到成枱都係,超級滿足!!!!真係味覺盛宴又極致~酒樓上菜好快👍🏻每碟都仲係熱辣辣出晒煙咁上菜👍🏻首先上嚟嘅係香噴噴嘅雪山叉燒包,一碟有3個,肥油泰半,麵粉軟滑,好食👍🏻之後有潮州蒸粉粿,餡料好足,重點唔厚皮!不得不提係..蟹籽燒賣!!好大粒燒賣,蟹籽鮮甜多汁,餡料厚實豐富。之後有北菰棉花雞,雞肉嫩滑多汁,菰菇香味濃郁,口感獨特。銀芽肉絲煎脆麵亦好開胃,脆而唔乾,麵同汁分開上,唔會令麵淋左👍🏻另外,脆皮燒腩仔,個皮好脆,水準十足;叉燒腸,好薄皮,唔錯🤤仲有仲有係..鮑汁炆鳳爪,滾爛軟爛,好入味!椒鹽魷魚鬚,好好食真係!好超級酥鬆,魷魚鬚好彈牙!川味口水雞,不過不失～黑松露魚鮮蝦帶子餃,都係大大粒,賣相好吸引👍🏻瑤柱竹笙灌湯餃,叫左兩籠😆餡料超級豐富,皮又薄又滑,味道岩岩好,唔會好鹹～總括黎講,呢間酒樓飲茶款式全面,質素好高,而且價錢非常合理;環境優雅,寬敞乾淨,坐得好舒服～下次會再黎食！

睇OpenRice 見呢間中菜甘多好評，就同屋企人黎試下！wow, 點知遇到個樓面黑口黑面😅 問佢隔離枱某一碟餸係咩菜式，佢話係套餐，跟住我問佢咁個碟有冇得散叫？佢話有，但係我睇哂成個菜單都冇見到嗰個菜式，之後佢就甘就行走咗不了了之😅
.
開心孖寶 $358 x2 📌吊燒雞（1隻）外皮香脆，雞肉嫩滑.
📌上湯焗西澳龍蝦（烏冬底）
龍蝦尚算多肉，唔彈牙！配稻庭烏冬！個烏冬overcook左，淋到好似麵糊咁👎🏽 .片皮鴨二食 $198📌片皮鴨切到好厚😅 食落似鴨肉包多過片皮鴨！皮唔算好脆，肉偏柴好瘦！配上煙韌既皮同配菜：青瓜、京蔥、紅椒、韭黃、芥末醬、甜酸醬同甜麵醬！不過不失！
.
📌 豉蒜涼瓜炆鴨件 二食價要了呢個，但係因為我唔食涼瓜，所以就冇食到唔知好唔好食!.大龍躉兩食 $348 📌碧綠炒斑球📌蒜蓉蒸頭腩我哋十個人，得九舊，所以我無食到！.📌啫啫芥蘭煲 $98芥蘭好老，有苦味！
.📌錦江海皇豆腐煲 $108
個芡汁打得太勁，食落又唔夠調味，一般！.📌藍妹 （大枝）$29x6 
.
📌糖水紫米露完全唔夠甜😅 食咗兩啖擺咗喺度! 好想知啲人其實食糖水唔甜，食黎做咩！
.Overall,

【灣仔區】【豪宴薈】去完北海道旅行，意猶未盡，都想見吓。嚟到皇室堡九樓嘅豪宴薈酒樓，都幾多人，等咗成四個字先有得入座。先食各 $48 嘅午市精選小食「XO醬炒蘿蔔糕」同「一口脆皮豆腐」，前者略嫌平庸，後者外脆內軟，比較吸引。講吓頂點 $38.8 嘅「原隻蝦餃皇」，始終成十蚊粒，質素有返啲保證，幾好。跟住嘅「蟹籽燒賣皇」、「四寶雞扎」同「沙律明蝦角」都係 $35.8 嘅特點，其中蝦角係我叫嘅，因為好似好多酒樓都冇做喇，結果都整得幾好。其餘嘅燒賣同雞扎都係 okay，只係雞扎啲雞肉個色水令我一度誤以為佢未熟。殺到落 $32.8 嘅大點，呢款就叫咗「雪山叉燒包」三隻、「XO醬蒸鳳爪」、「瑤柱珍珠雞」、「上海小籠包」同「黃金鮮奶卷」，叫咗五碟大點。呢幾樣就顯得有啲平庸，尤其係鳳爪，唔係好明佢邊有資格收人三十幾蚊，個奶卷仲要好似冇嚟過，畀錢嗰吓大家爭住畀冇人留意到。仲有 $56 係 $14 一位嘅茶錢嚟，加埋一埋單都 $508，我就覺得四個人咁樣食唔算好抵食喇。。。（地址：銅鑼灣告士打道311號皇室堡9樓）#1amfoodie #foodie #hkfoodie #thatfoodiething

約了屋企人去銅鑼灣飲茶🫖，揀咗位於皇室堡9/F 的豪宴薈，環境舒服，不用跟別人搭枱，我哋可以坐一張枱。飲茶🫖當然要有壺靚茶，我哋今次揀咗鐵觀音茶，喜歡那種優雅而帶有微酸熟果香味的感覺。平日午市會有些粉麵配點心孖寶優惠，我們點了一份孖寶優惠再加些點心。🔶蠔皇珍菌炆伊麵🔶我跟老公都超喜歡吃炆伊麵，這個份量也很大份，有不少野菌，加入蠔油醬油等炆到伊麵很入味。🔶蟹籽燒賣皇🔶燒賣好大粒，每粉份量十足，豬肉同鮮蝦混搭得宜，吃起來很有肉汁。🔶黑魚籽炸芋角🔶賣相不錯，炸芋角外層酥脆香口，裡面芋頭亦好香，仲有些肉碎餡料。🔶春風得意紅米腸🔶紅米製成的腸粉皮包著油條，油條裡面再包著蝦仁，腸粉皮幾薄又帶靭性，吃起來整個口感豐富入口Q彈酥脆。🔶家鄉煎薄撐🔶這款懷舊點心我的屋企人都超愛吃，每次飲茶都點，粉漿加入了蝦米、香蔥等材料煎成金黃色，食落會好香。🔶流沙奶皇包🔶呢個一定要趁熱吃的，打開裡面會流出金黃的奶皇，甜而不膩。這裡點餐用點心紙剔選，下單後出餐很快好有效率，點心上枱也是熱烘烘的，食物質素好，又坐得舒服，員工也很有禮，值得推介！

去酒樓飲茶的驚喜體驗係一間精緻粵式酒樓，環境好大，好乾淨！酒樓有好多點心款式選擇，最後我地叫到成枱都full曬😆雪山叉燒包,叉燒肉鮮嫩多汁,與麵團的軟糯完美融合；潮州蒸粉粿,外皮柔軟Q彈,內餡好多料好足料；蟹籽燒賣皇,真心無得頂👍🏻大大粒且餡料粉嫩多汁,好味👍🏻北菰棉花雞,雞肉鮮嫩多汁,菰菇味醇香濃郁,好入味!銀芽肉絲煎脆麵,口感好香脆,醬汁味道煮得岩岩好,唔會太鹹；另外脆皮燒腩仔,份量唔少!皮脆肉嫩,食到停唔到口,一啖接一啖！鮑汁炆鳳爪,燉煮軟爛；椒鹽魷魚鬚好爽脆,好好味🤤川味口水雞,正常水準。最後，黑松露魚鮮蝦帶子餃和瑤柱竹笙灌湯餃同樣出色,餡料豐富多汁,外皮亦十分Q彈,真心好高質！

今日係銅鑼灣收工當然要食我最愛的酒樓E間位於皇室堡的豪宴薈已經食左不下十次推薦大家食d 我自己好鍾意食招牌菜- 晚市開心孖寶$328 呢一個set真係每一台必叫，因為真係好抵食，有吊燒雞半隻+ 上湯焗西澳龍蝦一隻（烏冬底）呢一個set兩個人食都好夠- 魚湯鮮竹浸菠菜苗 $98湯底好鮮甜，最後我食到連湯都飲曬- 鮑魚仔（2隻） $124鮑魚好新鮮都好肥美，每次嚟都會同朋友一人嗌一隻- 西芹腰果炒虎蝦球 $138蝦球份量都唔錯，搭配埋西芹同腰果味道剛剛好。

今日星期日約埋一家大小飲茶賀新年，早2日已經打電話同酒樓book枱，個員工話「冇得book，要自己取票酒樓門口等」。所以我哋一家大細在酒樓等，發現全埸酒樓都有吉位，於是向職員查詢，個員工話「啲枱比人book曬（又話冇得book)，仲話人哋約咗11:00，用歺時間2小時」嘩，我哋9點幾10點到達洒樓，即係要等到13:00，完全係唔合理。由門口員工到經理都態度非常惡劣，仲話「你要去第二間都係咁啦，你哋鍾意啦」。希望酒樓大老闆重視一下呢個問題

我今早到銅鑼灣皇室堡飲早茶，環境舒適又不用搭檯，比較自由又自主。我點左魚肚灌得餃及廣州式腸粉，腸粉幼滑好食，點心大碟又好味👍！平時食2個點心是$55，今日就要$74。年近歲晚，都是值得的。

我約左好友飲茶於銅鑼灣告士打道311號皇室堡大廈9樓全層的豪宴薈，環境舒適及闊落，好友傾計最合適。我點左醒晨孖寶每份 38.8（共3份），計有鳳爪排骨飯配香茜牛肉腸粉、百花蒸釀豆腐（2個）及蟲草花上湯鮮竹卷（2個），優惠點心有蝦餃皇2粒（3個）$53.4，擋沙煎堆仔（2個）$47.6，粗糧糕（2個）$47.6，魚茸煎釀雙寶$25.8，鮮蝦菜苗餃（2個）$51.6，粟米鯪魚餅$25.8，茗茶每位$11。所有點心都好食，材料新鮮，腸粉滑溜。

屋企十人約咗食飯，散叫十幾個餸，叫佢可以上，佢居然喺10分鐘之內上晒我所有嘅餸，12人枱都放唔落，叫佢慢慢上唔肯，服務員絕對有問題，從來冇諗過餸會凍，搞到趕唔切食，真係真心覺得點解香港人越嚟越喜歡北上，香港飲食業好多真係冇服務可言。🤬🤬🤬

第一次黎呢間飲茶有驚喜喎地方乾淨又坐得舒服每樣野食都唔錯8:00am 好多位到左9:00 先開始多人相比富軒呢度靜好多乾淨好多👍🏼👍🏼👍🏼見到有片皮鴨做優惠都係$198應該搵日會試吓😊

9月10號到銅鑼灣皇室堡豪宴薈飲早茶，樓面招呼非常差！當時坐在一張未執嘅枱，個樓面全程口噏噏，又面黑，鬼食泥！是否現在比錢飲茶都要睇當時樓面忙不忙先帮襯呢？如果是這樣態度，在銅鑼灣區真是影響市容！

I WANT FISH- Fantastic Spicy Grilled Fish in CWB同女朋友同朋友喺銅鑼灣打完golf，想食吓辣嘢，就去咗百樂中心8樓既「我要烤魚」。烤魚有驚喜，麻辣湯底恰到好，魚都有掛到麻辣火鍋味，其餘小食串燒等都好好食！推薦大家去食👍🏻$368 重慶麻辣烤魚烤魚BB辣，鱸魚魚肉多，魚香濃郁。另外加$38既四配菜都好足料，有土豆、蓮藕、豆腐、豆芽，全部都有足夠麻辣味。食完烤魚我哋又叫左配料加入去打邊爐，$22豆腐尤其好食，$88手切鮮封門牛柳都唔錯，肉質鮮嫩。$38招牌咸蛋黃雞肉餃一人一粒都剛剛好！打完邊爐，我哋見仲有空間食野，就叫串燒食下😂$38 味淋魚干 $28 燒香蔥手抓餅，下次試埋地瓜味先🫣$38 芝土年糕 $16 椒鹽燒秋葵$18 蜜糖燒粟米 $38 香燒原條茄子，好大條！勁好食又唔會太咸！$16 鹽燒BB蕃薯仔 $38 招牌雞腿肉$20 孜然燒雞翼 $28 雞軟骨$68 爆蒜燒蠔$48 鹽燒白鱔，白鱔又滑又多肉，唔錯👍🏻$46 椰青 $32 百香果水果茶 $28 菠蘿青檸梳打，梳打好refreshing，食串燒飲岩哂👌🏻$22 自家制酸梅湯 $

假日好多時都會陪吓屋企人，去茶樓坐低嘆杯茶，食返幾籠點心，就可以傾吓偈消磨一個下晝～今次揀咗銅鑼灣呢間新開嘅酒樓，喺皇室堡上面，環境都算幾闊落，仲有個無敵大海景🌊，飲完茶仲可以行街消化吓～呢個地段同埋環境，週末過嚟食個下午茶唔算貴，唔怪得下午茶時段嚟到都要等位！星期六、日同埋公眾假期嘅價錢可以參考返：小點-$23.8 中點-$26.8 大點-$29.8 特點-$33.8 頂點-$36.8------------------------------💕◖醬皇金錢肚◗ 大佢用咗鳳爪嘅嗰一種醬料，比平時食開嘅更加濃味，醬香味更加出💕◖百花蒸釀魚肚◗ 特魚肚上面釀咗啲蝦膠，魚肚爽脆多汁，幾鮮甜💕◖黑松露鮮蝦帶子餃◗ 特有少少黑松露嘅香味，更加帶得出蝦同埋帶子嘅鮮味💕◖上海小籠包◗ 大小籠包外皮都幾薄身，包住嘅肉餡唔會話好肥，肉汁都幾多下💕◖流沙奶皇包◗ 中流沙奶皇包細細粒咁，流沙餡甜度啱啱好，做到流沙嘅效果，好食💕◖蜜汁叉燒腸粉◗ 大叉燒腸腸皮偏厚身，都俾得幾多叉燒，口感食落都幾滑溜💕◖原飯蝦餃皇(2粒)◗ $18個人覺得佢個蝦餃做得唔錯，個皮薄得嚟有韌氣，內餡大大粒，夾雜住粒粒嘅

皇室堡新開高質酒樓🫖豪宴薈屋企有老人家，比較傳統，都係偏向鍾意食中菜。所以就帶佢哋去咗皇室堡一間新開，有好評如潮嘅中菜酒樓🫖因為而家都屬於新開張比較多優惠，所以覺得好抵食，啲食材都好新鮮，煮出嚟樣樣都覺得好好食👍🏻🤤一定會再去‼️晚市時段🍽️人均：$200-$300🕰️時間：週末晚上（建議先致電預約，週末晚上都幾多人）開心孖寶 $358•吊燒雞（半隻）•上湯焗西澳龍蝦 （一隻）（烏冬底）燒雞好靚仔，啲皮燒得又脆又光滑👍🏻都比較多肉，唔算多骨🤤龍蝦烏冬，簡直係正呀！龍蝦啖啖肉烏冬，佢係用咗稻庭烏冬，彈牙又爽口‼️推薦大家試吓呢個優惠期間嘅開心孖寶😍片皮鴨一食 $198片皮鴨又係即叫即片，皮脆肉嫩，而且夠晒多麼麼，有成一打咁多，配料同醬汁都好足夠🤞🏻好食😋竹笙羅漢上素 $128羅漢上素好大碟，4-6個人分都好夠👍🏻料都多，木耳、竹笙、菜芯等。藍妹 （大枝）$29$29一大枝都算抵飲🙌🏻最後仲有紅豆沙做飯後糖水🤤😍Bible rating: 9.5/10📍地址：豪宴薈 (銅鑼灣)銅鑼灣告士打道311號皇室堡9樓