豚組 (已結業)

細佬生日,夜晚9點MK有咩好食少少.依度未試過,之前都試過吉列專門同梅林等..今次試埋依間叫完野就做一做計動..磨芝麻+吉列醬豬扒醬.我自己叫左咖喱吉列豬扒飯 咖喱汁味偏濃,帶DD牛肉味,唔似日本咖哩,冇蔬菜FEEL, 少量薯仔, 係日本RESTAURANT食既咖喱唔EXPECT係咁, 這裡的的令人非常失望! 豬扒一般, 鬆既情度只比買十幾蚊既豬扒飯好DD.肉味亦普通,跟另外2間既豬扒有距離.父親大人叫左咖哩牛肉鳥冬,咖哩汁係包圍住成個鍋,但父親說好咸.媽媽食吉列白豚定食,也說豬扒很一般細佬同佢老婆叫左個2人餐...有沙律,MINI胡麻蕃茄,吉列拼盤.我食左2舊試試味,同係百佳買黎炸不遠,少油DD.

同老公行旺角經過見到地庫有好多餐廳，就試下睇睇啦，原本想食大板王將，但太多人之下放棄左，見到呢間有位就入去試下啦，試左個芝士包包，因我地唔係太肚餓，所以就剩係叫左一個餐食，芝士味唔係太重，其實可以話係合格，但我個人覺得如果可以濃味番少少會仲好d，呢間野環境都算舒服既，服務方面唔算好主動，有待改善，整體黎講都ok既^^

今日又去旺角行模型鋪，問佢想去邊度食，佢即刻話去番上次間豚組我男友食完好食既野，佢就唔會轉，所以次今次佢都係叫番"芝士包包定食"味道keep 到，仍然好冇芝士味。我就叫左薄紙吉烈豬，但就加$15將定食改左我鍾意既咖哩石鍋烏冬圖中個轆就係用嚟切豬扒。塊豬扒好大塊個吉列做得好好，脆卟卟但又唔會油淋淋。塊豬扒就真係整到好薄，但我覺得味道唔係咁好，因為無左啖啖肉既感覺，似齋食吉列多啲個烏冬好濃咖哩味，烏冬就如其他食家所講，唔係好彈牙。

今日同男友行” 家樂”，攰攰地就去咗地庫揾野食。見未試過呢間豚組咪入去試下囉。入到去先知原來之前電視都有介紹過喎!男友叫咗過原味芝士包包定食。我覺得好好味，芝士味好濃 職員之前介紹芝麻和醬料的用法，但我覺得就咁食好味啲。至於啲菜就可以配法律汁，有柚子味和WASABI味。我個人覺得WASABI味好味啲我自己就叫咗個咖哩厚切豚肉烏冬，係我最鍾意的石鍋上。上枱時，仲滾熱辣，好正呀!

到了家樂地庫, 心想反正從沒光顧過這裡任何一家店, 便隨便進了豚姐, 反正下次再可以試別的, 結果令人失望, 恐怕未必會再回來呢...不錯的吉列大蝦, 很脆, 醬汁不錯, 烏冬沒特別, 是沒彈沒讚的呢!咖喱汁味道超鹹, 內裡久缺配料, 薯仔一兩粒便完事, 蘿蔔或洋蔥都不見影, 很馬虎呢, 老實說, 咖喱汁是很難不令人接受的, 這裡的的令人失望! 豬扒一般, 有雪藏味, 真是浪費!

星期6晚市, 三個人去豚組, 以為要等好耐先有位, 發現入面有好多位 有點奇怪@@ 都好GE. 唔洗等位, 因為真係好攰好肚餓. 食左新出GE黑椒芝士包包. 之前試過原味包包覺得好好味. 芝士味好濃 職員會首先介紹芝麻和醬料的用法, 法律汁有分柚子味和WASABI味, 磨芝麻的過程都幾好玩一個定食有面鼓湯, 白飯, 菜絲. 漬物, 豬扖, 挺豐富的: >一切開個豬扖.. D 芝士汁就BI晒出來 = = , 好想知食咩方法係唔會漏晒芝士汁GA =.= 原來D黑椒係係D芝士汁入面, 唔多特出, 如果唔留意GE話, 係同原味差唔多, 一樣都係好濃芝GE芝士味 (HAHA 卡路理唔理了! )D芝士汁漏出來好快就會凍, 凝固, 所以真係要趁熱食先好食AR 我個人覺得芝士包包同D醬汁係唔多夾的, 所以我都無點過D汁, 因為芝士汁好濃味, 配上醬汁好似會無左芝士味, 好奇怪.菜絲配上沙律汁都幾開胃, overall , 我覺得真係幾貴, 每人要$120 成間野GE裝飾大部分都係豬, 都幾有特色AR ...

臨時飯局，去了豚組，不用等位，四個人坐在四人卡位，不會很擠迫，環境不俗。我們吃了～即磨芝麻醬：落單後馬上送來一小碗芝麻和一枝木棒，稍為擂了幾下，已嗅到陣陣芝麻香。根據侍應的介紹，再加了一點吉列醬，食指大動。味噌湯：每個定食均附上兩小塊漬物和味噌湯。漬物沒甚麼特別，反而味噌湯頗佳，湯內有一小塊蒟蒻，味道不像用粉沖製。椰菜絲：三款豚肉定食都有一大堆椰菜絲，可以加柚子汁或芥末汁，我試了柚子汁，酸酸的很開胃，可惜個人不喜歡椰菜，加甚麼都不會令我欣賞。原味芝士包包定食($108)：一切開，芝士便流出來，正！豬扒大小雖然不及店門前擺放的那塊般，但已足夠令人吃得很飽了。餐牌說明是薄豚外層，的確吉列豬扒不厚，不會整口麵粉、麵包糠。菠蘿芝士包包定食($108)：與原味芝士包包定食分別不大，只是芝士內有菠蘿肉，豬扒的賣相較脹。一切開，豬扒出現皮肉分離的狀態，那些餡料亦掉出來。味道方面，菠蘿肉很甜，芝士不會很膩，好！珍珠米飯：個人喜歡吃軟的飯，這碗飯則屬於硬的，兼且不夠熱，所以只是一般。唯一好處是大大碗，又一飽肚保證。厚切豚肉香辣湯烏冬($65)：石頭鍋熱騰騰，香辣湯不算辣卻偏鹹，豚肉較肥，烏冬尚可。烏冬上

打8號，訓醒想食烏冬，走去味吉，點知無開！去左隔離「豚組」。未食過，都想try 下。因為打風無乜人，不用等位有得食，開心！叫咗薄豚定食同烏冬，個賣想好靚又大份，都知一定食唔哂，waiter哥哥好用心教我點cut 個吉豬同搞個汁。cut 到細細舊，開始食。一食…唔熱既？！個味一般，個汁又怪，同芝麻唔夾。可能薄豚太薄，唔juicy。到個烏冬…Omg! 咖哩唔得，太淡，d 烏冬texture nth special~ Just waiters service ok!Anyway.... No next time

早幾日同男朋友買完支長鏡 見夜夜地又唔想食咁heavy 本黎諗住食格離既果間烏冬既,不過我又中意試新野所以就食左呢間啦一入到去 d staff都幾hea喎 無乜人想理你咁(果時唔係好多人)男朋友掛住玩新鏡,得我係到揀野食因為唔想食咁多野,所以無叫到大大塊果隻吉豬見到人地食,都覺得飽左啦男朋友叫左個牛肉咖哩烏冬我就叫左個雞絲沙津烏冬 跟住男朋友問我"既然都係黎食烏冬,點解唔去番本黎果間食-v-".......於是我唯有再另外叫多塊吉豬d野都上得好快牛肉咖哩烏冬因為係用石鍋上 所以好熱好香!d味道都ok. 唔會太hot食唔到到我果個烏冬真係超慘 俾d菜墊到個底勁高,d烏冬得勁少 果到一個烏冬都唔知有無呀..不過第一次食沙津生菜既烏冬 其實都幾好食成個感覺真係好鬼fresh同埋覺得自己好健康但係真係因為得好少又好鬼fresh 所以食完好似無食過野咁我覺得都幾岩減肥人士食.........至於佢塊吉豬..只能說味x整得俾佢更好食好多小店都好味過佢唔知同我唔係食大大塊大關係啦..不過我諗佢主打吉豬都係因為佢係日本野同埋有大大塊..

之前已經食過兩次, 覺得環境吳錯, 所以今次再黎, 慶祝生日.由於我地7點已到, 所以吳駛等位, 被安排坐左係卡位, 環境吳嘈, 傾計一流. 炸豬扒定飯: 上一次已食過炸豬扒定食, 配左碗白飯, 覺得乾左d, 所以今次加左十幾蚊轉烏冬, 個烏冬吳錯, 幾滑, 不過細碗左d. 豬扒炸得吳太乾, 又吳燶, 兩個人share, 吳怕熱氣沙律醬掛冷烏冬: 呢個好好食呀, 可能天氣熱, 食d 凍野好舒服, 而且個醬酸酸甜甜, 正呀 下次都會再黎, 不過炸豬扒太熱氣啦

星期五晚上旺角到處都人頭湧湧。三心兩意的在家樂坊走來走去，為的是找一間人龍較短 (痴人說夢話！) 的食店。最後決定痴等豚組...等了45分鐘終於入座！我點了吉烈魚 ... 加15財配烏冬 ... 吉烈魚炸得金黃，但魚肉仍然鮮嫩，好！小鬼雞點了薄紙吉烈豬定食 ... 大過面的薄豬，初吃一兩塊覺得得新鮮 ... 喪吃數件後實在 "漏" 得眼 "妲" ... 宜SHARE不直獨劈！整體不錯，值得一試。沒錯，一試。可惜的，是沒有免費加添菜菜子這項服務。

7:10pm黎到旺角店,見到店面已經企左幾個人,以為入面已經full左,所以就向店員拎左籌。同朋友傾左兩句之後,轉過頭見到d人已經入晒座,我同友人都呆左,拿拿聲問經理。經理同派籌比我地既店員係兩個人,始發現店員安排混亂。一早預左食吉列豬會好漏,提議叫一個沙律補充下纖維。蕃茄沙律份量比我想像中少....好多!!一個日式沙律,一粒蕃茄加少少菜。價錢去到三十幾四十,但份量唔值咁既價錢!在等候期間又係玩磨芝麻時候,磨好之後再加吉列醬汁。食椰菜絲有兩隻日式沙律醋,一隻係柚子醋,一隻wasabi醋。個人比較偏好柚子醋。吉列黑豚定食定食包括: 吉列黑豚一份+椰菜絲+醃漬物+麵豉湯+白飯一碗以上各樣勻冇得追加!如要追加,請加錢! 吉列鬆脆,咬落肉身厚實,肉汁仍保持在內。椰絲切得十分幼細,未有苦澀味。麵豉湯不過不失。另外叫左杯菠蘿特飲,味道偏甜。未能解去吉列既膩口感。最後,我都係比左十蚊去追加,佢話有定食入面兩倍份量既椰菜絲。上到黎...er唔似兩倍播...收得百幾蚊一份吉列,就唔好吝嗇個少少椰菜絲同白飯!客人唔會因為無料追加而下次再黎,但絕對因為有料追加而唔再黎!!

一直都好想試試位於家樂坊的豚組.... 終於有機會平日放假來了是日與好友游泳之前嘗一嘗它的 lunch ~~~~ 店內不多客人, 我們2人坐了可容納4人化卡位, 坐得十分寬敞, 好啦, 到落order 的時候, (影真佩服90後的waitress) 落落下order , 我都未講哂個餐個名, yeeeeee ?! 一陣電話拎聲響過來, 之後個90後waitress, 閃了? 冇錯, 是極速閃走了去聽那電話, 好彩..... 又好快閃番番來....仲曉用佢把嬌嫩的聲音講唔好意思...... (算, 我放過你! )落完order , 佢收餐牌同覆番我們叫左咩..... 2 個餐之嘛.... 都可以記錯1 個...... 我們叫了 鰻魚定食 + 吉列黑豚漢堡石頭鍋烏東定食 個鰻魚定食, 塊鰻魚紙咁薄之餘, 仲要好短, 同隻食指差不多長,仲要得一塊, 好"孤韓", 一般定食通常有2大塊厚厚的......好失望!! 鰻魚實在太薄, 尚算食得出其味道, 唔錯....有2隻鬼祟餃子躲在草沙律旁, 我都忘了它是什麼味道了 ~!!!! 唯一可睇得下的只是個石頭鍋烏東.... 份量起碼是正常的.....

自Greenbox 被Neway 收購後，在業務重組下家樂坊的Greenbox 被迫結業，改成多家日式食肆，好讓大家多了一個覓食的據點，而豚組也首次進駐旺角，想在此日式食肆小巷分一杯羹。日本的幅射對豚組的影響不算大，起碼我也要等上一回才能入座。對日式咖哩一直沒有興趣的我竟然喜歡上這兒出品的，可能一來夠香濃，二來辣度也有。烏冬有少許煙韌而不夠彈性，牛肉也只是一般。豬扒還未來，當然要先把芝麻壓碎，再加上店方特製的豬扒醬汁，過程是廷好玩的。此豚肉外層炸得香脆，也不會太油膩，是收貨的，而肉質感到不夠鬆軟，芝士只能滿足到視覺效果但未能滿足味蕾，主要是因為味道偏淡。另外，要用這塊豬扒清一碗白飯是很難的，所以中途把飯加了烏冬的咖哩汁。炸雪糕，炸的外層不太熱但很厚，有點像牛脷酥的質感，中間的雪糕本身少少凍，不過一咬下外層，中間那少許的雪糕都變了流質，兩者味道也完全不夾，是完全失敗之作。未點炸雪糕，還會給ok的，因為還可吃一次，最多走出來說一聲「平凡不過」，但這個炸雪糕實在是嚴重減分，不得不給它一個哭臉。

是日目標本是場內的18 grams,誰知遇上半場被包作學堂,等候時間定比平時慢得多,兩個飢腸轆轆的女子唯有轉到場內另一炸豬扒店代替,皆因門前那塊道具大豬扒及小火車實在吸引視線。日式布簾及玄關裝置之下看不清裡面狀況,只有向侍應問:有位嗎??答案是有的,萬料不到週末下午的旺角仍有不用等位的餐廳,充滿日式風味的精緻卡位沒有了,四人座椅也蠻不錯,坐得舒服嘛!店內四週充滿著小豬圖案及擺設,連餐巾也有一個豬鼻,結果拍呀拍呀!! 前面的大玻璃更有著不規則的磨砂豬鼻,十個有趣!侍應奉上的玄米茶初期熱得冒煙而飲不出味道,反而稍為冷卻就能啖出其淡淡炒米香,就算熱得不想飲熱茶的我也蠻好飲的;桌上兩枝分別是柚子醋及哇沙比醋是椰菜絲的拌料,樽上只以紅綠兩個圓點代表,大惑不解之時侍應的親身解說就派上用場了,難怪只以顏色沒有文字啦。點了炸豬扒因而送來一碗芝麻及木棒讓客人先玩樂一番,美人以纖纖玉手將芝麻磨成幼粉狀,即時飄出好香的芝麻味! 繼而加入那微酸帶甜又鹹鹹的豬扒醬,混合芝麻後就成了炸豬扒的蘸醬了;自己很喜歡那像日本水殼的小木殼耶。美人的炸蠔先送到,醬蘿蔔/炸蠔/椰菜絲/他他醬/麵豉湯的組合實在壯觀。炸蠔外層看得