豚王 (新城市廣場) (已結業)

下班一人吃晚飯，想又快又正便下樓吃豚王拉麵。畢竟下班累既不想吃太差，可又心急想早點回家不想等太久，拉麵是個不錯的選擇。叫了個黑王加一隻流心的溫泉蛋。沒記錯價錢大概是$110左右，不會相差太遠。叉燒的像半肥瘦，不過今次略肥的部分太蛋。而湯底黑王則味道相當濃郁，又不會太咸。溫泉蛋自然是流心，一戳就是香濃的流質蛋黃，蛋白挺嫩的還不錯。雖然豚王沒以前那麼好吃，但仍保持一定水準，上菜又快價錢也算是合理地點方便，也算是不錯的選擇。

拉麵質素好正咪睇佢得一張紙做菜單,入面D選擇多到你吾信D麵粗又得 幼又得 硬又得 軟又得 跟住有五種湯底比你選擇 美中不足就係成個雪櫃都係得可樂 綠茶可樂同酒 如果吾想飲呢D枱上面仲有杯檸水店員亦都好有禮貌,不停對住峉人笑但我覺得最正都係D芽菜芽菜好 appetizing 令到我好delighting

拉麵界黎講，豚王既口啤一直都唔錯，所以特意黎試一試個湯底同面底如何。揀左特濃同多香油，配肩肉（比較瘦），店員服務態度非常親切，點餐紙亦好詳細，可以揀最岩自己口味既拉麵。湯底果然係濃，杰杰地，好適合重口味既人去食，而且個面都幾彈牙！

本身冇諗住星期五晚都食拉麵但沙田新城市實在太多人呀幾乎每間都要等位，見豚王冇咩人等，好似比較容易攞位。沙田呢間嘅裝修同埋擺位有啲特別，佢全部都係有一大張枱然後同幾個唔識嘅食客一齊坐，冇得唔搭檯，雖然位置比較迫但係我都覺得幾特別，一直望住其他人究竟叫咗啲乜嘢野食。因為我實在太鍾意食豬骨湯嘅拉麵啊所以我都係食返普通嘅叉燒豬骨拉麵，仲追加左叉燒。後尾仲聽到店員話加叉燒已經冇貨啦，我諗係驚叉燒嘅供應量不足掛。味道同埋口感就同尖沙咀同其他分店都係差唔多都係咁好味真係好鍾意飲佢哋嘅湯底。如果星期六日唔想等位等太奈嘅話都可以過嚟食～

這家拉麵店價格中等，或許是因爲晚上時段，沒有午市優惠，不過整體來說，還是值得一試。赤王豚肉日式拉麵 HKD$96上桌滿滿的辣油湯底，紅而鮮豔，上面鋪滿厚厚的肉醬及辣粉。豚肉肥而嫩滑，把肉醬打散混入湯底後，湯汁肉味濃郁而香辣惹味。拉麵彈牙爽口，配上不同配菜，入口香而味濃，辣而爽。＋HKD$17 溏心蛋半流心蛋混住麵吃，在辣中帶有蛋香甜，不同享受。日式拉麵店普遍辣度不足，因為日本人不太能吃辣，但這麵卻讓人爽得噴火，辣！

同男朋友去左沙田個商場搵野食，你地知個商場幾多人架啦，最好就係禁哂地下果層既餐廳排隊票先，邊間有位就食邊間。等左十五分鐘先入到座。我叫左個豚王拉麵，最平既果個。豚王有得好似一蘭咁揀拉麵既硬度，我中意食硬，揀左最硬。拉麵彈牙，個豚肉湯又濃郁又香，攞個spoon裝少少湯，浸住個拉麵，一齊放入口果下真係幸福到傻左其實今次係食第二次。個人認為好食過銅鑼灣一蘭，又平過佢，又好食過佢。順帶一提，我同男朋友都幾中意店入面播既日文歌cover，可見店員十分有taste

今日係沙田行街，所以就云左豚王食晚餐。由於九點鐘嘅關係，所以無人排隊，直接可以入。我哋兩個人都點左黑王，每碗$98都算中等價位。水準跟以往一樣，非常濃郁。我最愛它的黑木耳，好爽口，同黑王個味好夾，所以我追加左一碗黑木耳。不過今次塊肉有少少失色，好肥，所以入口口感有點差。其他配菜反而好出色，個麵都好好口感，所以大家可以揀普通會好食d,因為我朋友揀左軟，結果真係太軟而欠缺口感。不過佢最出色係個湯底，所以最後我仲加多個麵底。

下午茶平靚正平時我都好鍾意食豚王，因為佢濃淡軟硬全部都可以自己揀，一定可以整到最愛口味。不過平時又冇得成日食因爲覺得佢都唔平，成一百蚊碗。不過自從佢出左下午茶，我就成日有得食。一個豚王52蚊，加埋其他小食大概就58至的62蚊，其實連個小食都平左，所以其實抵食架。今次就叫左58蚊既豚王加奶凍。豚王一如以往咁正啦，豬骨味好濃，因一般豚王一樣不過只係細碗左。鍾意食辣既我叫左6辛，岩岩好，食得好爽。然後第一次食奶凍，正喎！啲奶味幾濃，又滑，有驚喜！58蚊食到呢個水準，好不錯。不過其實雖然話細碗啲，對於一般女士平時未必食得晒正常份量既話，下午茶絕對夠飽！一個字，抵！

呢間野唔執,相信只因揀岩位,附近冇競爭,沙田想食拉麵只可揀佢,亦係今日我中伏嘅原因。一間餐廳最緊要係食物質素,其次係服務及環境,呢間嘢三樣都唔得。先講食物: 拉麵好重味精,食完好口渴,分量又同款式又唔多。學日本拉麵店俾客人custom自己想要的配料, 但廚房卻跟唔到做錯哂我地兩人嘅單。再講環境: 冇分partition嘅概念應該係想客人之間/客人同店家間少啲隔膜,但係張枱配合唔到,枱腳兩邊有條大橫陣頂腳,似係原本for坐兩邊後來為做生意加到四邊,食野全程要縮腳加前傾。最令人失望係顧客服務: 我唔可以話啲staff冇禮貌,但絕對係under-trained,對顧客敏感度低,令人非常唔舒服。舉個例就係我同同伴因為張枱頂腳坐咗個隔離邊,個staff發現張單唔同咗之後就過嚟當住成枱客話"你哋下次轉檯唔該講聲吖",其他人你眼望我眼。喺其他餐廳如果有同樣事件,一般staff clarify左之後都唔會轉頭話個客,仲要係public嗰隻。埋單每碗over100蚊,我到底買左食物,環境,定服務呢? Review完,冇下次。

沙田要搵日本拉麵食真係好少 豚王都算係不錯的一間 去到大概等左15分鐘有位 今個月限定王係胡麻王 感覺很辣 所以無試到 叫左兩個 豚王 一個要肩肉一個就腩肉 可以試下不同 仲有其他野都可以根據個人喜好去選擇 麵的湯底很濃香 很不錯 肉個人覺得肩肉比較好食 而且菜係多 好快就食哂 本來想加隻流心蛋 但真係太飽了 所以放棄左 係座位比較迫夾 其他都不錯 ~ 

見工前緊係要食番餐好既鼓勵下自己先。同朋友喺沙田揀咗間自己幾中意既豚王。等位都算等得幾耐，事關拎位時大概十二點到，無論番工既番學既出街食早午餐既，都會呢個時候湧哂出嚟。所以等咗大約廿張枱就到我地。而入到去同日式拉麵店有啲似，就係自己一張獨立既落單紙，比你揀番邊隻湯底，咩肉，咩菜，濃定淡湯，咩麵，軟定淋。唔想或唔識揀既大可以揀廚師決定，或者好似我咁，試下佢個豚王限定。今次佢個豚王限定叫蟹味噌王，佢有一匙既蟹膏，同埋兩隻蟹腳。佢個湯底都算清淡，可能怕搶咗啲蟹膏味。而啲蟹膏大大啖放入口，再加埋軟度啱啱好既麵底，簡直一流！由於我都幾中意食辣，而呢個限定王係廚師發板，所以冇得揀辣。唯有自己落啲豚王有提供既辣椒粉啦。最後埋單，限定王收你120蚊。比一般既豚王呀赤王呀貴二三十蚊左右。但蟹膏味好重，而且同個麵幾夾。所以都推薦大家試下！

前天下午，我忽然間想食豚王，因為都有一段時間冇食啦！當日都有不少人，等咗大約6-8分鐘才有位置。一到去之後，我叫左一個肩肉要椰菜，1辛辣的的豚王拉麵。在落單的時候，服務員已經同我講，今日比較多order，所以食物要大約等15-20分鐘才送到。不過既然都入咗嚟，唯有繼續等吧！果然真係等左好耐，等左大約25分鐘，拉麵🍜才送上😰豚王拉麵有肩肉，椰菜，木耳絲，湯底濃郁，滿滿的豬骨湯味。不過，如果吃不慣太濃味的朋友們，可以要求要清一點的湯。我認為最好味嘅竟然係台面上的配菜——芽菜。可能我嘅個人口味，我真係好鍾意食芽菜。而佢哋嘅枱面上面係有一甖任你加嘅芽菜，芽菜好爽口，加埋拉麵一齊食，真係好味好多！雖然全程都等左好耐，不過食拉麵又真係好快食完，最少滿足到我想食拉麵嘅慾望。一碗豚王拉麵，最後埋單係$89。

同幾位朋友嚟好出名嘅豚王嚟食，佢呢度全部都係大大檯，所以都要搭檯的選擇唔多，每人一張order紙由於我嗜辣同重口味，所以叫咗赤王，秘製醬油揀咗多，香味油濃，蒜蓉多，豚肉叉燒方面揀咗腩肉，野菜方面揀咗蔥，麵揀咗細麵(即係普通拉麵)，麵質揀咗軟因為本身赤王應該係辣，所以唐辛醬就淨係揀咗1辛本身仲想叫溏心蛋，但係太貴一嚟到有點兒嚇親，已經有成座山咁高嘅辣粉好彩原來只係肉燥，上面啲粉蓋住咗呢度嘅辣湯底唔特別impressive，飲落就係覺得普普通通不過因為所有嘢都係自己揀，所以真係比較啱口味，麵嘅軟硬度適中叉燒腩肉原來得薄切，雖然肉質幾彈牙，但份量少唔係好夠喉朋友叫咗黑王，個樣好犀利，但係湯底味道都一般埋單真心幾貴，朝聖呢啲真係試下就好下次都係食返平靚正嘅拉麵

其實都食左好多次，水準依舊，無乜驚喜，一如以往。每次去到沙田新城市廣場，諗唔到食乜，就會選擇豚王，今次選了赤王及豚王，但其實我個人覺得黑王最好味，因為我覺得香啲，湯味道正啲，佢哋嘅溏心蛋都好好食！

Just wanna a hot ramen in the cold winter and go into this Ramen restaurant in the shopping mall.From waiting til the bowl of Ramen arrive is really so disappointing Waiting like 15 min and there is not much people inside the restaurant but the waiter just want the guest to standing outside and wait.The Ramen , I really no idea what kind of ramen it is , it’s more like a pasta then ramen ( can see the photo attached ). I rather buy a cup noodle home and not going this place anymore