豚王 (新城市廣場) (已結業)

一月份推出蟹味噌王 可惜未有機會一嚐蟹王！ 見到有post 二月份仍然都係蟹味噌王！ 終於搵到機會去試😋 新城市可以用app拎飛 方便好多 所以一去到 等5分鐘已經可以入位了！蟹味噌王 $118若果揀選了限定王 只可以揀拉麵粗幼 以及 軟硬度 其他都係由廚師調配好蟹味噌 - 應該係成個麵的精髓！ 望落好少 食落原來都幾多 蟹味噌嗅落去已經十分香 食落口 亦都有好大陣蟹膏味道 同食蟹膏醬撈飯一樣 十分美味！湯底 肉 - 十分清 配上生蒜同蔥 咁樣就可以襯托返蟹既鮮甜味！愈飲愈好吃！絕對不會咸蟹鉗 - 有兩小隻 一隻正正常常 另一隻是雪藏的味道☹️

一月時已經想試呢款限定王，但錯過了，誰知，因為大受好評而延長，做多一個月限定王！蟹味噌簡直無得輸，好吃不在話下，根本就是整碗拉麵的精髓！食落有蟹膏的鮮味之餘，又不會太鹹，配合清清地的湯頭，互相輝映，湯頭不會搶過蟹的鮮味，湯頭都可以喝完，不油膩！相對下，其實配料如肩肉、蟹鉗等都是配角，沒有過於調味之下，味道吃落平平無奇。可能正因如此，才能突顯蟹味噌的好味！！另外，配有洋蔥和青葱，不需要的話，可以落單時跟店員說。

夜晚七點到黎食，唔洗排隊即刻入得👍🏻豚王拉麵賣四款拉麵：豚王、黑王、赤王、翠王。黑王（$96）黑王湯底本身偏濃，所以最重要記得湯底唔好揀濃！如果唔係會好咸，普通濃度已經足夠。呢款拉麵對我黎講比較容易滯，食完都易口乾。但比起其他款，我覺得黑王係最好味😹肉嘅份量幾多，可惜冇溏心蛋，加一隻嘅話要$16～朋友嗌翠王（$96）佢話個湯底好濃郁，芝士味唔雖然唔太特出，但覺得整體好味過黑王。另外麵嘅份量唔算太多，男仔可能唔夠食～

之前喺其他食評都見到好多人食呢一個限定王喎，本身都以為只係廣告效應，未必會好好食。不過，食過今次之後我真係好想佢喺上次Menu度出現啊！佢本身係用雞湯，而唔係平時嘅豬骨湯來做個湯底，所以一飲落去係非常之清新而且係唔會行嘅。再加上佢落咗好多蔥同埋生洋蔥，有呢啲蔬菜感覺就更加清爽啦。而且就咁食麵有少少似上海拉麵 無乜油膩感！之後再試一試個蟹味噌 加少少落一啖麵 鮮甜無比呀！先唔好心急撈勻佢 因為一撈個清湯就會破壞左 用呢個食法啖啖都有蟹味 好滿足！蟹鉗無雪味 好好食 當然叉燒係一貫水準啦 我加左紫菜同椰菜 成餐就更健康了！

去完第一城準備走果間，見到有間拉麵好多人等位，吸引左我望一望邊間拉麵，原來係豚王，平時去尖沙咀食開都無留意佢邊度有分店，咁有緣就入完回味下中一下赤王拉麵🌶🌶🍜再加隻蛋。等左半個鐘就有位。赤王，睇見都覺得辣。咁凍既天氣緊係要食辣驅寒，本人好鐘意佢濃濃既豬骨湯，食完忍唔住飲左大半碗湯。最希望佢地可以加底😂😂😂 糖心蛋，沒有不食的理由。煮到岩岩好。

明明無人等位，但上菜要20mins ，但後期的人上面超快叫refil 芽菜，但個侍應就拎左隔離個芽菜俾我們，但就無refill 到，隔離枱同我們都o晒咀到隔離枱要芽菜先話無晒。咁都得？好似無所謂咁！如果一早有禮貎同我們講，會好d我們加面底，又唔記得，之後加錯去其他客人地方，最後臨時即煮俾我們，但又煮錯面底，我們要腍面底，俾錯左硬面底。😤😤😤😤

豚王多年前在中環已經很受歡迎。當年我每次經過，它基本上任何時間都排長龍。不過自從三四年前出現地溝油傳聞，我就沒有刻意去望望有沒有吉位食個麵。🤔相隔多年，今次我們去沙田這一間都需要排隊。等拉麵的時間都頗長，店員很語重心長地預先叫我們要有心理準備😂😂不過我和摯友一直傾不停嘴，完全沒所謂啦😂我選了豚王、腩肉、椰菜、扁平麵。味道中規中矩啦。可能脂肪比例多、腩肉易入口又幾香。我偷吃了朋友點的幼麵。粗幼分別真的好少🙈🙈基本set要$89，但個份量對細食的女子才剛好啦。好友要加底才叫做夠飽。味道中規中矩，不過勝在傾幾耐偈都沒有店員得閒趕我們走👍🏻

成日聽身邊既朋友大讚豚王好食，一直都好想試，今日終於試到啦！😎當時可能因為午飯時間，門外勁多人排隊，就算我得一個人都不能倖免，照樣要等位！咁多人棒場，拉麵質素應該唔差，但結果我係有啲失望既😯-翠玉拉麵 $96見到呢個幾特別既湯底，毫不猶豫咁落左單😬豚骨湯加上芝士，橄欖油同羅勒葉，湯底係綠色，賣相不俗。芝士味道都幾重，鹹鹹香香，味道唔係特別討好。叉燒係慢煮而成，口感軟稔，幾好食。麵條份量太少，我咁細食都唔夠飽，未必有下次了😢我諗都係傳統日式既湯底較適合我～

係沙田同男朋友搵野食，最後揀左豚王，我地過左6個號碼，但店員都好好，照比我地入，可能果陣無咩人等一入到去，環境都佈滿聖誕氣氛，木枱木櫈，特別有感覺！就好似去左日本咁我嗌左豚王骨湯底配腩肉拉麵 $88走唔甩一定要加溏心蛋($17)，一咬蛋漿流哂出黎，不得了～暫時係我食過最好食既溏心蛋，真係好好食無誇張！同肩肉相比我更愛腩肉，嘻嘻！肥肥地咁，有野咬下。而湯底既味道都非常濃，成功鎖住肉汁同埋拉麵，食落更加香，好香濃！腩肉有3塊，大大塊架，食過腩肉既我返唔到轉頭，腩肉好好食！好好食！好好食！🤞🏻(重要事要講3次)💁🏻‍♀️如果大家想碗拉麵更加香，可以加埋芝麻，份量由自己控制，即時已經聞到好香啦😊男朋友幫我落左好多芝麻，我碗麵都香噴噴了！滿滿既芝麻香味！·

係沙田行行下想食野，咁岩見到豚王，就入到試試。由於都同樣未到正餐時間，人流好少，位置好多，而且空間感都好強。呢度感覺幾適合一班人坐埋一齊傾計，邊食嘢嘅環境。點咗碗豚王拉麵，簡咗濃湯底、硬身拉麵。上菜速度都尚算快，唔洗等好耐已經有得食了。食落嘅感覺係每一樣都不過不失，唔會有伏，但未有「哇，好特別」個種驚喜。份量都適中，好穩穩陣陣嘅感覺。如果要簡一樣比較特出，我諗會係簡佢嘅湯底，因為真係好濃，同時都好油哈哈

夜晚去完沙田個文化中心睇完野咁就返返去沙田市中心搵野食突然想食拉麵所以就去呢間豚王好多人等緊真係好多人我係到咗一個鐘等既期間就去咗行一田既入到去 我地係坐中間既大枱黎好大張枱 每一個人個位都闊落舒適既咁望咗一陣餐牌我點返個普通既豚王拉麵朋友點咗個辣既我試咗佢個碗一啖個辣味都幾惹味 我覺得唔錯而我呢個原味拉麵都唔錯但唔算話好出色件叉燒麻麻地 我覺得好一般下個湯底唔算惹味整體都係一般但沙田真係太多人啦到到都要等成層食野個間到冇一間唔駛等搵野食真係難

每次食都有驚喜，由其事係佢既限定王，期待蕃茄再推出，呢排推出咖哩王都唔錯，但我此終都係最愛翠王😍😍😍連女女唔太愛食拉麵都話好好味會叫我要比多啲佢👍🏻👍🏻👍🏻如果可以有一至2款小食推出相信會仲受歡迎，同埋希望黎緊可以推出多幾款主力拉麵，唔洗食黎食去都係果4款，不過都會繼續支持...最緊要既就係最最最值得一讚係啲員工真係好好服務，同老公成日講笑，好服務到我地有少少唔好意思，同埋帶小朋友去又會幫排埋小朋友餐具，講真宜家好多餐廳都未必有，最岩我呢啲大頭蝦既媽媽湊小朋友去食飯

We went there so late as we off work late, it was glad that we could still have a hot noodle after work. But actually we just lucky, after we went inside the restaurant, they gave a "close" door sign for other customers.Soup was thick and tasty, smell good. Noodle was good, not too soft and too hard.

因為一啲事，原定嘅餐廳食唔到，唔知食咩好，就去出名多餐廳嘅沙田搵吓食喇，亂亂行就去到哩間豚王，雖然好多地方都有佢嘅分店，但剛好我哋一行人都冇人食過，所以就入去試吓喇。因為見到下午茶好優惠，比正常拉麵平一半價錢，於是兩個女仔就叫咗下午茶拉麵，男仔就叫返正常大細。等咗一陣四碗麵嚟到大家都嚇呆咗，普通嘅果然係普通大細，下午茶嘅細到想喊⋯⋯開心樂園餐都俾佢大份，難怪平咁多😥真係便宜莫貪！不過基本上味道係OK嘅，料都好足，只係所有嘢都迷你咗咁解😅糖心蛋係加錢嘅，食拉麵點可以冇糖心蛋呢？哩隻糖心蛋我非常滿意，冇嘢可以挑剔。餐牌上另外有得點綠茶可樂，大家都好疑惑，到底係咩味，於是就叫咗一支大家試味。um...飲落係綠茶味，但飲完又有少少可樂味，硬要講，我覺得應該叫綠茶汽水，可樂味唔太出，不過係好飲嘅，Good👍🏻

我有位福岡朋友大讚這裡的拉麵比日本的拉麵更好吃，於是我便慕名而來，這次已經是我第二次來這裡了！第一次帶了一位日本朋友來，他也說味道不錯，可見這裡的拉麵是得到日本人認可的味道～也合香港人的胃口～ ✨🍜🍜🍜湯底味道濃郁，喝過湯後也不會口渴，叉燒脂肪比例剛好，肥美入味，特別喜歡這裡提供的檸檬水，可消除拉麵的油膩感覺！吃拉麵不一定要配香辣青蔥，配上新鮮椰菜，也別有一番清甜爽脆的滋味，平衡拉麵的油膩🥗吃拉麵，其湯底最重要，比起有名的一蘭，個人更喜歡豚王的湯底味道，所以兩家的拉麵，我會投豚王一票♥️