豚王 (新城市廣場) (已結業)

呢間野唔執,相信只因揀岩位,附近冇競爭,沙田想食拉麵只可揀佢,亦係今日我中伏嘅原因。一間餐廳最緊要係食物質素,其次係服務及環境,呢間嘢三樣都唔得。先講食物: 拉麵好重味精,食完好口渴,分量又同款式又唔多。學日本拉麵店俾客人custom自己想要的配料, 但廚房卻跟唔到做錯哂我地兩人嘅單。再講環境: 冇分partition嘅概念應該係想客人之間/客人同店家間少啲隔膜,但係張枱配合唔到,枱腳兩邊有條大橫陣頂腳,似係原本for坐兩邊後來為做生意加到四邊,食野全程要縮腳加前傾。最令人失望係顧客服務: 我唔可以話啲staff冇禮貌,但絕對係under-trained,對顧客敏感度低,令人非常唔舒服。舉個例就係我同同伴因為張枱頂腳坐咗個隔離邊,個staff發現張單唔同咗之後就過嚟當住成枱客話"你哋下次轉檯唔該講聲吖",其他人你眼望我眼。喺其他餐廳如果有同樣事件,一般staff clarify左之後都唔會轉頭話個客,仲要係public嗰隻。埋單每碗over100蚊,我到底買左食物,環境,定服務呢? Review完,冇下次。