豚丼のぶたはげ (德福廣場1期)

营业中

休息中

放工OT完自己一個人走左去呢間豚丼試下，叫左個和牛壽喜燒set，一份天婦羅，加一杯啤酒。啤酒好夠凍，飲落去果下好似一天的辛勞都消失。和牛壽喜燒set，配菜都夠多，美中不足的係和牛得兩片，好似要慳住食咁....但蝦刺身夠新鮮夠鮮甜，湯唔太咸, 整體都不錯。天婦羅略為油左D，可能索油索得唔夠澈底, 所以有D油膩感。不過用黎送啤酒都係一個不錯的選擇。可能時間都比較夜，所以人流不太多，服務都尚算不錯。

小編假日去左九龍灣，入左德福搵好西，到處都人山人海！ 好彩搵到間都唔差既日式丼飯，小編仲未有機會真正飛去日本前都可以望丼飯思念家鄉😆😆😆【海老魷魚天丼】$78好多件炸物望起都非常之開心哦！❤️件件都尚算脆口！ 日式炸物既犀利位就係將小編不喜歡既蔬菜都變到個賣相好好食！😂 飯都好彈牙煙靭， 如果可以再多啲汁就更加好味啦！【 帶廣名物稀有豚肉丼(並盛）】$108上枱個賣相已經非常之得，燒肉既醬汁夠香濃，幾香好口食！ 不過個豚肉肉質不夠軟身，不過尚算ok, 未至於太失分。估佢唔到既係，飯隔離細細碟配菜仔竟然幾好食！ 小編平時最不喜歡呢d配菜，因為通常一定唔好食要黎伴點裝豐富😂但呢間呢一碟小小的配菜竟然煮得幾好味！小編有被驚艷到！分數：（10分滿分💛）味道：7.5價錢：7環境服務：7.5（以上評分只是小編個人口味而已）

有一日夜晚同屋企人一齊食飯，經過見到呢間日本野睇落感覺唔錯，就諗住試下，入到去坐低發現呢間嘢係自助落單嘅，扮晒高級自動化咁，就睇下係唔係真係好食，就叫咗個雜錦海鮮天丼套餐，包括刺身，副菜，味噌湯同甜品黑糖果凍，上餐速度算幾快雜錦海鮮天丼配溫泉玉子🌟🌟🌟🌟雖然係天婦羅但食落唔會話太油膩配搭上溫泉蛋，真係好夾，因為本身天婦羅好乾，就咁食會好滯，依家咁樣就好啲，但如果可以加返啲醬汁會更好味噌湯🌟🌟🌟🌟🌟味道濃郁，亦唔會太鹹，但本身我都鍾意食味道比較濃嘅食物，所以非常符合我嘅口味

黎到九龍灣，想試一試比較特式，出面少d有既餐廳，就揀左呢個專食豚丼同天婦羅既餐廳👨‍🍳帶廣名物稀有豚肉丼🐽（$95）呢款係店內推介的，上碟時表面望落微微焦香食落肉質充滿油香，豐富醬汁令到豚肉好juicy,加上5粒青豆做點綴😂南瓜茄子天婦羅🍤 （$12/一件)味道正常，南瓜都幾粉甜&茄子中間都有汁，作為小食都唔錯！如果唔想食咁多，可以跟我地一樣叫一個帶廣豚角包（$38），類似刈包🥙，夾左一塊厚切廣豚肉連同醬汁，食落面包會中和豚肉既油膩，係一個好既配搭！😋❣️溫馨提示：呢間只係收電子支付 (❌💵)豚丼のぶたはげ (德福廣場1期) (九龍灣)📍九龍灣偉業街33號德福廣場1期地下G54A2號舖

這裡出名食豚肉🐷，第一次來當然叫個帶廣名物稀有豚肉(特盛)$112，加$30要個餐，一個要豚肉🐷味噌湯，另一個要蝦味🦐味噌湯，另加$58要一個特上刺身。 副菜係薯仔🥔沙律，味道一般，份量則兩啖就食哂。蒸蛋🥚，只係得半杯份量，有三粒冬菇🍄，味道正常。主菜豚肉共6片，四四方方的，肉質頗有頭，邊有點肥肉，味道主要來致係個燒烤汁，類似teriyaki味。🍚飯的份量吾算多，但飲完碗湯，一定夠飽夠飽。 反而，今餐亮點係個湯👍，平日通常吃左d料便放棄，今回😅飲曬。。除了味噌，蝦味🦐噌湯仲有好多紅蘿白片，櫻花蝦🦐，蒟蒻粒，油豆腐皮，薯仔粒，好多料，而且蝦味非常濃郁，正。而個豚肉味，由幾片豚肉，代替櫻花蝦，味道亦非常好，但個人喜歡蝦味多點😋。 刺身，也算抵吃，有一隻蝦🦐，兩片三文魚🐟，一只帶子中間開一切成倆片及一些大粒三文魚籽。 甜品，寒天加黑糖，哈😅，吃左一啖便放棄了，除了黑糖味+卡路里外。。。 沒什麼吸引。連加一，$376.2， cp值ok啦!

夏天熱辣辣，熱辣辣🔥，最啱食清新嘅海鮮料理🐙！今日同媽媽撐枱腳，嚟到源於日本北海道嘅超人氣豚丼專門店「豚丼のぶたはげ BUTAHAGE」，佢哋嘅稀有豚肉丼曾經喺日本「全國丼飯大賽」中榮獲金賞㗎🥇，絕對係最正宗嘅日式丼飯滋味。雖然其他丼飯同天婦羅都好吸引，但係見到餐牌有期間限定新品「什錦海鮮天丼配溫泉玉子」，當然要試新嘢啦🍚~————————————————👅 什錦海鮮天丼配溫泉玉子定食（$152）👍🏻套餐非常豐盛，天丼配刺身、前菜、茶碗蒸、味噌湯及甜品，海鮮愛好者不能錯過🤩👍🏻天丼以帆立貝及小貝柱兩款貝類海鮮為主，亦有其他豐富海鮮及野菜🐚，包括甜蝦、露筍、南瓜、本菇同埋茄子。食材切粒狀再炸成天婦羅，不得不讚天婦羅外皮薄脆金黃，秘製天婦羅醬汁同溫泉玉子裹著每粒日本宮城縣A級米飯🥚。想更加滿足？仲有赤海蝦、三文魚及三文魚籽三款刺身延續海鮮滋味~👅玉子鰻魚丼（$108）👍🏻媽咪係鰻魚愛好者，鰻魚魚油豐盈，比其他餐廳更大片，甜玉子吸收晒鰻魚汁精華，超級下飯😋👍🏻另外加$18升級定食，多咗果茶、副菜、茶碗蒸同甜品，幾抵食！————————————————🚩總結：好似去咗北海道旅行咁正😍—————

📍去開九龍灣做嘢，跟著過咗德福廣場食晚飯，見到間食豚丼店就入咗去試吓。🐷Menu寫話用北海道豚肉的肉眼製作，同埋用沾上八十年歷史嘅秘製祖傳醬汁之後再烤熟，米飯用日本宮城縣產特A級米。😊我叫咗個稀有豚腩丼 (特盛)$108，再升級做丼飯定食，加$30就包括有前菜、湯同甜品添，另可再加$5換豚肉味噌湯。👈🏻👈🏻食落豚肉薄身、肉汁豐富兼入味同有少少焦香，飯粒都有米香，個豚肉味噌湯都幾唔錯，食到好滿足！！😃📍

朋友話呢間餐廳係著名嘅豚丼同天丼專門店，係北海道好岀名。我覺得價錢就有少少貴，不過lunch 就有優惠，加$18可以配副菜、茶碗蒸、甜品、果茶。我自己就試左，覺得幾值得加，佢茶碗蒸有瑤柱，而且蒸得好滑，淨係佢都值返！果茶係荔枝茶，味道偏甜。豚丼 $92豚丼嘅豚肉肥瘦均勻，配埋佢秘製醬汁，真係好好食！雖然只有4塊，但都唔會覺得餸少飯多，唯一美中不足，係成個餐嘅菜只有幾粒豆，似係只係用黎點綴。天婦羅冷烏冬 $82天婦羅有南瓜、炸蝦、淮山等等，炸得都係高水準，可能只係有少少輕微唔夠熱，個冷烏冬夠哂凍，呢個絕對係一個讚美，因為佢可以keep住呢個溫度一段時間，值得讚一讚！

⏳呢間北海道豚丼專門店開業半年多，⏱餐廳標榜用上80年秘傳醬汁，聽落幾吸引，所以即管一試！😉🐷帶廣名物稀有豚肉丼（$95）🐷✊🏻當然要叫呢款必試既鎮店名物啦，🍵我另外再+$5要杯熱抹茶煎茶。🔥上碟時豚肉燒得微微焦香，望落表面有醬汁油分，但肉上面既5粒青豆確係奇怪😅 豚肉食落肉汁豐富，味道尚算唔錯！😌🍤特上天丼（$138）🍤⏲天婦羅份量都唔少，但可惜食落溫度唔夠熱，亦唔太酥脆，可惜可惜！🍙味道黎講竟然係塊紫菜最好食，而隻流心蛋用黎餸飯亦唔錯既😉😋總體 (味道, 性價比, 環境, 服務態度) : 7/10——————————————————————————————⏳This restaurant is famous for its Hokkaido pork rice, ⏱they use 80 years old secret recipe in making the sauce, it sound attractive and worth a try!😉🐷Japanese Premium Rare Pork Loin Tendon ($95)🐷✊🏻This is a must-try

之前睇報道話超過80年歷史嘅豚肉丼專門店插旗九龍灣 今日專登過嚟試一試❣️ 帶廣名物稀有豚肉丼（特盛）$112嗌左大碗有六塊 塊塊都好大 攤開完全覆蓋晒個飯呢間舖頭嘅豬肉都係嚴選日本頂級稀有嘅「かみこみ豚（KAMIKOMI豚）」 每一塊上面都平均鋪滿醬汁 味道好特別同平時一般嘅燒肉醬唔同 不過唔知係咪因為汁只係得個面有 咬落啲豬肉度都偏乾 莫講話最後想撈埋飯食感覺差少少❣️和牛壽喜燒定食 $198有前菜刺身蒸蛋主食甜品 見到咁多嘢都唔知食邊樣先好刺身都好大份 唔係平時附送嗰啲迷你size 蒸蛋好足料足足有成兩隻蝦 壽喜燒火鍋比較淺 邊煮邊食都有啲淺到件衫牛肉片數量唔多少 豆腐好嫩滑 仲有金菇同雞蛋 最後甜品係黑糖寒天 滑劣劣勁消暑❣️SAPPORO 生啤 $32冇平時嗰啲咁濃 都幾易入口 一邊食住壽喜燒入邊飲冰凍啤酒🍻正呀

🍽豚丼本家💙🤍💙🤍💙🤍 🦊 小編餐單1️⃣期間限定大蝦帆立貝丼 (圖一) 💲118🔹好味度: 2.5/52️⃣特上天丼 (圖二) 💲95🔹好味度:2.5/53️⃣熱烏冬 (圖三) 💲35🔹好味度:2/5 💙🤍💙🤍💙🤍 🙊小編覺得特上天丼好一般，大蝦帆立貝丼不過不失。🙊小編覺得選擇比較少。💙🤍💙🤍💙🤍小編評分👅食物 🦊2.5/5 👀環境 🦊2.5/5 📸打卡指數 🦊1.5/5 總評分 🦊2/5

太耐冇去日本，好掛住日本既野食，見到喱間豚肉丼飯幾吸引就試下先😋今次叫左豚肉眼既帶廣名物稀有豚肉井(並盛)同辛味豚丼配溫泉玉子。兩個豚丼賣相都好吸引，豚肉燒得好香，每塊都好大塊，而且都幾多，一層肉夾雜住一層薄薄既肥膏🤤肉質都唔錯，而且我覺得並盛份量對於女仔岩岩好。辛味豚丼配溫泉玉子我覺得豚肉同帶廣名物稀有豚肉井差唔多，不過係會加左小小辣粉既味係上面同多左個溫泉蛋，我覺得佢既辣道應該算係小辣😜

今日好肚餓，見到豚肉丼諗住冇伏，點知啲豬肉又乾，又老，又靭，不如改名做特靭豚肉丼啦仲要收成112蚊，我女朋友叫左個正常size 92，望落去基本上大少冇分別，又比佢昆多28蚊咁肚餓食呢間野啲質素都覺得差，咩水準大心照，總言而之，入得去食就自求多福，剌身我就冇食過，但望隔離果枱都係咁上下，價錢貴到一個點，但啲質素就非常參次，要挑剔嘅地方非常之多，入得去食就預左食香口膠豬肉一句講曬啦，總之一定冇下次啦。

今晚幸運遇上這間日式餐廳，想跟推介給各位食家，特別是涉谷控！這裡門面其貌不揚，有門簾蓋住，而且我們兩人來到時也沒有人排隊，但我們為了飽肚就進來了。進入餐廳，首先聽到很有動感，很陽光，很動漫的日本音樂，也聞到誘人的醬油香，再仔細看看明亮日本風裝修，讓人感到回到家鄉。可惜我們兩人今天下班都很累，跟這裡明快的氣氛頗有距離。如果週末白天來，感覺應該更正！下單規定用手機，對我這個中坑不是很方便。不過選擇不多，而且價錢合理，就像很多日本餐廳一樣。先不講食物，這裡的水是沒有水喉水味的，值得一讚！地方也非常用心設計同打理，簡潔乾淨，沒有雜物到處放，非常喜歡desu~至於食物，豚肉滿是油香但不膩，厚度剛好夠滿足而且爽口，一上菜就是撲鼻香氣，令人垂涎三尺。天婦羅跟日本吃到的一樣，新鮮炮製，熱烘烘，脆卜卜。茶碗蒸同湯都不錯，但最驚喜的是其貌不揚的沙律。朋友見到賣相就說不吃，但我吃到的是很開胃，冰冰涼涼酸甜剛好的前菜。唯一怪怪的是甜品，水晶涼粉配楓糖漿，聞到就覺得自己在麥當當吃pancake早餐，自己固有的感覺讓甜品跟環境有點格格不入。一個簡單而精緻的"setto"讓我感受回到鄉下的感覺，不可以只有我吃到。如

帶廣名物稀有豚肉飯(並盛) $92 + 套餐 (豚肉味噌湯) $32呢間既豚肉飯幾似之前既丼丼屋, 唔知係咪其實同一間？？今次嗌咗豚肉無選豚腩, 味道方面都唔錯, 豚肉片唔會好肥, 只係有少少肥膏係個邊邊位, 仲燒得幾香口並盛係有4塊豚肉, 再淋上燒肉汁送飯一流另外加錢要左套餐, 有豚肉味噌湯, 蒸蛋, 前菜同甜品前菜食唔出係咩醬，少少甜甜地。蒸蛋夠滑, 味噌湯幾足料, 入面有幾多豚肉片同蘿白甜品配上黑糖漿, 口感似啫喱, 個黑糖漿幾好味但個啫喱本身係無味