豐鍋雞煲 (京瑞廣場1期)

营业中

休息中

今日午餐出去食石門嘅豐鍋～雖然午餐食呢個價錢一啲都唔平，但係我覺得性價比高！今次又係叫佢地嘅午市套餐，幾乎每次有蒸黃立䱽我都會揀！成日都俾人笑我似地盤佬😂😂豉汁蒸黃立䱽真係好好送飯！雖然我覺得係蒸到條魚有啲老嘅～呢度嘅午市套餐又有老火湯，又有碟菜，營養好均勻！而且非常有住家飯嘅味道～我好鍾意！除咗有老火湯之外，仲跟嘢飲！$72有齊晒咁多樣嘢，性價比係唔係幾高先？同事叫咗下面呢個餸都幾正！如果幾個人利息係可以叫幾個唔同嘅套餐，跟住分享啲餸

石門最近多咗好多食肆，今日試左呢間雞煲火鍋，食得非常之滿足。叫左滋補花膠螺片雞煲，食雞煲重點當然係隻雞，好香雞味，肉質好爽口結實，食得出好新鮮，大大隻鷄，四個大人都食唔晒嘅份量！花膠有唔少件，食得出質素唔錯！成個湯十分鮮甜，之後用黎打邊爐都夠晒味唔使調味料。打邊爐嘅材料都係勁新鮮！食到舔舔脷👍🏻十優狀丸超彈牙，鍾意呢個可以一次過試晒咁多種味！牛頸脊有返咁上下厚度，好有咬口又爽滑，肉質鮮嫩多汁，爆香牛味。美國桶蠔每隻都好肥美鮮甜，甘香！蜂巢豆腐軟滑彈牙，吸満了鮮甜湯底，食唔停口。最後要推介烏梅汁，解膩而味道很好！

放假同屋企人出黎食飯, 兩老未食過雞煲揀左間坐得舒服既同佢地食雖然鋪頭唔算大間, 但係D位都闊落, 坐卡位舒服首先我地先叫左個雞煲, 佢地唔食得辣, 淨係叫左微辣黎到好夠味, 雖然係微辣, 但係都辣辣地, 雞濃得黎唔算咸, 汁掛係出面, 雞肉冇煮到柴曬以雞煲黎講有8-9分兩老第一次食, 唔知食完有得加湯打邊爐, 咁我就叫加湯, 再叫野食首先打邊爐點可以冇牛, 碟牛黎到好靚, 食落都好香牛味, 但係唔好煮得太耐, 耐少少都有D韌另外都叫左桶蠔, 唔算好大隻, 但係幾鮮 最後叫左D丸, 黑柏葉同少少菜收尾整體黎講, 我覺得野食係水準以上, 服務態度都好好, 值得一試

同朋友放咗工，想食吓嘢傾吓計，發現沙田石門有一間隱世火鍋店。呢間火鍋店有好多新鮮、有多款菜式，可以滿足我嘅要求．招牌滋潤椰子雞煲。呢個湯底用咗新鮮椰子同雞煲熬煮，湯底飲落去原來係好鮮甜，好夾，不得不推介這個湯底，自己忍唔住飲多几啖．手工黑松露墨魚丸，手工丸子質地韌身，而且入口好有彈性。再加上黑松露嘅香味，真係好有層次感．美國桶蠔。除咗蠔肉好新鮮、鮮甜，而且好大隻，好有口感，打邊爐啱晒😊．花膠筒。原來花膠配埋嘅椰子雞湯底嘅鮮味更加突出，令人食咗之後口感好滑順，好滋潤呀．雜菜籃。呢個籃有好多唔同嘅蔬菜，包括菜心、油麥菜、唐生菜同娃娃菜等等，有好多菜，保證你一定揀到想要嘅菜．手工即炸魚皮。呢個菜式可以作為小食或者配菜，魚皮薄脆，又唔會太油膩，原來係佢哋新鮮炸，食到佢吔用料新鮮．至於飲品方面，呢間火鍋店飲品非常大杯，一定夠飲，啱晒打邊爐。我同同事叫咗鹹檸七同大檸樂。飲個痛快😋

滋潤椰子雞煲(半隻) $198-湯底鮮甜，再加上椰子水變得清甜-雞份量都好多，兩個人點半隻都好夠椰子雞煲一定要配粟米🌽($36)即炸爆芝紫菜響鈴($49/3件)-超級脆，又唔會太油膩十優狀丸($108/10粒)-分別有黑松路墨魚丸、蝦丸、墨魚丸、鯪魚丸-每粒都好彈牙，特別推薦蝦丸！頂級安格斯牛 ($198/小)-入口好濃牛味👍🏻👍🏻👍🏻同滑鍾意食海鮮都有，某啲款就要預訂飲品 藍蝶雪梨($38)，龍鳳檸樂 ($34)

為慶祝跟未婚妻二十九個月的紀念日，決定來這裡吃一個雞煲！餐廳位於京瑞廣場，有少少羅湖城的味道，但麻雀雖小，五臟俱全！近港鐵站的一面是一期，千萬不要走錯方向哦！這個商場，人流不太多，最旺場就是這個雞煲店！門口有個大大個招牌，豐鍋的豐字經過改造，變成打邊爐的圖示，大家千萬不要以為豆鍋是去錯地方哦！進到店鋪後，大約有十二張枱，晚飯時間計，人流很多！差不多有11張枱坐滿了客人！沒訂座的我不禁鬆了一口氣！甫坐下，店員便立刻介紹店鋪的招牌菜式，麻辣雞煲！為照顧客戶不同的需要，有分大辣、中辣、小辣、BB辣、走辣等不同程度的辣度！可以按照需要挑選！我地點了BB辣，店員會問我地BB辣食唔食到，因為呢度既BB辣等如外面的少辣，怕辣的還可以請廚房放少一點辣椒，十分貼心，抵讚！自助調味吧設置係走廊區，各種調味料也是適當地陳列！接下來，不同的菜式接連上台！雞煲遲遲未上場，原因是在自助調味吧旁邊即叫即整，這個跟外面的雞煲店不同，外面的要望住個煲等待熟，這裡的不是，出哂味之後才上台！一上台就已經可以開始食！終於可以開餐了！店員有提示我地要先食細舊既先！這裡的雞煲調得不錯，雞件大件，唔同出面果啲呃人雞雞煲店俾啲雞骨你

🥘招牌麻辣雞煲bb辣上枱時已經覺得好香啦入面有好多紫洋蔥同配料店員仲會幫忙炒雞雞煲香辣惹味, 醬汁較濃厚雞肉香滑爽口又入味食完雞煲就加湯打邊爐🍽️頂級雪花肥牛(細份)份量足夠2人食肥牛油脂分佈平均，牛肉肉質好嫩滑🍽️手工四寶（蝦丸,墨魚丸,黑墨魚丸,鯪魚丸）每款兩粒各有特色粒粒入口彈牙有質感🍽️即炸爆芝響鈴爆芝響鈴即叫即製響鈴中間夾住一片芝士即食或浸湯都好食浸湯後芝士溶溶地更顯「芝」味,勁邪惡!🍽️手工即炸魚皮上枱見到超大塊同隻手掌差唔多大新鮮魚皮即炸爽脆美味即食或浸湯都得🍽️蘿蔔🥤龍鳳檸樂🥤大檸茶

放假同朋友去石門整蛋糕，整完蛋糕順便喺附近食埋晚餐，經過見到呢間主打食雞煲嘅餐廳都幾多人食，好似唔錯，所以就黎試吓啦。雞煲有幾款，另外仲有大量嘅火鍋配料，包括：海鮮、手工丸、手工餃同飲品等等，幾多選擇。豐鍋招牌麻辣雞煲($178/半隻)店員介紹呢度既辣度比出面辣，於是叫咗BB辣，雞件幾滑，而且入味，醬汁香辣、濃郁、惹味。食完雞煲，店員會落清湯俾我哋打邊爐。牛舌芯($118)牛舌芯大大塊，厚薄適中，煙靭爽口。手工四寶丸($89)四寶丸有墨魚丸、蝦丸、黑墨丸同埋鯪魚丸，每款兩粒，口感幾彈牙。手工即炸魚皮($54)炸魚皮大大塊，有前臂咁長，炸得夠薄身，鬆脆香口，索埋湯汁幾正。水魷($59)我哋放落雞煲一齊炒，口感煙韌，索左雞煲啲汁幾惹味。雜菜籃($70)有菜心、白菜仔、油麥菜同生菜，蔬菜翠綠，而且都幾新鮮。烏梅汁($38)酸甜開胃，口感清爽。大話七($34)即係鹹檸七，鹹鹹酸酸，幾解渴，打邊爐啱晒~

石門呢間雞煲想試左好耐,今日終於夾到朋友收工一齊過黎食,book左6:30枱,之後見佢陸陸續續都坐滿晒,果然係人氣雞煲。有大檸檬茶同鹹檸七嗰啲叫大大杯都係30幾蚊,好抵飲叫左個小食慢慢等野食順德撈魚皮勁香辣同爽口,好快就清碟招牌麻辣雞煲店員推介麻辣味係佢地既招牌而且店員提到佢地既辣係比出面再勁D既建議平時出去食開小辣嘅朋友,可以考慮叫BB辣先今次我同朋友就叫咗小辣試吓, 一食果然有料到,不過味道好刺激,越辣越過癮雞肉肉質鮮嫩,同埋雞肉好入味加湯打邊爐都冇再特別點豉油,好夠味頂級安格斯牛份量好大碟,肥瘦分鋪均勻,入口牛味好甘香肉質鮮美滑嫩黑牛柏葉唔係度度有Size切得好大塊,食落好有口感十優狀丸包括五款不同種類既手打丸分別有黑松露墨魚丸、蝦丸、墨魚丸、黑墨魚和鯪魚丸，每款都有兩粒。每粒都各有特色，黑松露墨魚丸帶有淡淡的松露香氣，蝦丸新鮮彈牙。雞煲必備呢啲勁索汁嘅蔬菜蘿蔔切嘅厚度啱啱好，去到最尾索晒啲汁勁好味自家炸響鈴見到佢仲有好多特色既炸響鈴有紫菜味有芝士味，不過同朋友都係想先試下原味，大大件同炸得好鬆脆。食完呢個已經超級飽了。

今晚好想打邊爐，見到呢間餐廳有得食，所以入咗去。我地叫咗：❤️招牌麻辣雞煲，但走辣 $178呢間嘢都幾得意，首先上咗雞煲，食完之後加水變湯底，夠晒味道。雞好入味，嫩口😍。❤️墨魚丸、黑松露丸、墨魚丸：上碟嘅時候一粒粒脹卜卜，睇起嚟好新鮮，似即日整。煮熟咗之後都仲好彈牙👍❤️頂級雪花肥牛雪花分佈好平均，煮完之後仲好嫩口👍❤️手工即炸魚皮呢個都係舖頭特色食品之一，魚皮炸到好脆口，面頭shum 咗味粉，好正，值得推介👍❤️新鮮淮山好爽口，夠晒新鮮，健脾又健康😋

低調名氣火鍋小店，我6:30搵食，見佢無咩人就貪方便試下。估唔到未到7點就坐滿9成，然後陸陸續續好多電話訂位🤩🤩滋潤椰子雞煲 $198（半隻）👍初頭仲擔心食開濃味麻辣嘅我會覺得太清，估唔到水滾一打開蓋超級椰香，個湯好鬼甜 配料：滋潤養生三寶 $138 👍（花膠+魚肚+竹笙）竹笙超大條，又粗身，絕唔係平貨😍魚肚都好粗身手工丸/滑/餃類：自家製麻辣雲吞 $68（8粒）即叫即包，皮薄又滑，仲要唔會煲完成煲湯都好厚生粉水肉類：頂級安格斯牛（小）$198滑😍香😍蔬菜類：雜菜籃 $70 👍小食類：手工即炸魚皮 $54 👍呢個一定要試啦，出面未見過，又薄又脆😍飲品：玫瑰柚子（杯）$38 👍龍鳳檸樂 $34 👍 （自選zero)

石門 豐鍋雞煲 天氣咁熱都冇阻我去食火鍋，路過見啲相好正咁，忍唔住黎食 滋補螺片花膠雞煲 $218 半隻雞 個湯好清，有唔少花膠和螺片，越煲越濃味 啲雞滾左一陣就食，啲肉好嫩，而湯就有雞嘅精華 手工黑松露墨魚丸 $96 建議唔好加醬料，原味食已經好吸引，咬落去黑松露勁濃，加埋墨魚味，簡直絕配 美國桶蠔 $178 隻隻都好肥大，大火滾左2分鐘左右，蠔勁嫩滑 juicy鮮甜，加啲醬汁更野味黑牛柏葉 $98量好多，建議唔好煮太耐，會爽口好多，大啖食超滿足，而且唔會有腥味 水蜜桃梳打 $38 大話七 $34 

屯馬線開通，石門都轉型，附近商場都開咗好多食店，今午嚟開中旅社換證，食埋飯先返屋企「豐鍋」雞煲火鍋店裝修簡約，座位闊落，店員都好親切。滋潤椰子雞煲（半隻）$198店員即場開左一個椰子，100%新鮮椰水加上枸杞紅棗、竹笙，浸熟既雞可以想像到係幾咁鮮甜！雞肉用左粟米雞，雞味濃而肉質鮮嫩，成個湯又甜又鮮，忍唔住飲左好多碗湯。牛舌芯$118牛舌芯係牛舌中心的根部，肉質柔軟爽滑，味道更有層次感。餃餃陣$88一碟有齊晒鮮蝦雲吞，魚皮餃、韭菜餃，麻辣雲吞共八粒，小店每日人手包製，新鮮又大隻。即炸爆芝響鈴（3件）$43小店有四款不同口味的自家製響鈴，即叫即炸，浸滿鮮甜湯汁的響鈴卷裏面仲食到香濃芝士🧀️，超正。雜菜籃$70菜心、白菜仔、紹菜生菜、大大棵夠新鮮。玫瑰柚子$38藍蝶雪梨$38除左打邊爐，一定要試吓嚟度的特飲，好大杯又好飲。

豐鍋雞煲 (京瑞廣場) (沙田)沙田石門安群街3號京瑞廣場一期1樓137號舖黎到石門京瑞廣場俾我相像中多好多人😀以為係工廠區，朋友訂位個時我都奇怪點解去到咁入食雞煲😅點知黎到又幾熱鬧下🤪都有幾多野食🤩🤩黎到叫咗個半隻招牌雞煲💰178 食，試咗BB辣😅，可以另外加最多兩款材料入去俾佢一齊煮，我加咗紫洋蔥同腐皮，d雞好入味唔錯👍🏻唔會得個咸字，紫洋蔥🧅又煮到剛剛好，而的腐皮就要快啲食，因為熟得耐好容易爛。食完雞煲可以順便打邊爐，叫左….🔹頂級雪花肥牛(細)💰118牛好好食🤤，幾重牛味👍🏻同每塊都好大塊🔹即炸爆芝紫菜響鈴 💰49/3件雖然得3件，但佢都好大件下，一人一件都好夠😋加左芝士🧀️同紫菜都幾好食😋好想再叫，但食完真係濟左..🔹10優狀丸 💰108有5款丸，每款2粒，個人鍾意食佢個黑墨丸，好彈牙😂🔹蔬菜籃🧺 💰70而為蔬菜籃會有埋菇類，點知原來全部都係菜黎，有幾款菜咁，無乜特別😅最後我有另加多一碟金菇，不過冇再特別影相😝😝總結：味道👅確係唔錯👍🏻都幾多人食，好彩朋友識book位😅無book位既都要等位🙈不過有樣野要提提，佢有個醬料費，每位$8蚊，你係用唔用佢都會收你錢既，不過入去個陣佢又

好耐冇食雞煲，見里間都好多好評，又近屯馬綫，非常之就腳。我哋怕多人，一早過嚟食。餐廳有唔同嘅雞煲，有麻辣雞煲、椰子雞煲、花膠雞煲及藥膳雞煲。鍾意食辣，又唔食得好辣嘅我哋，當然叫咗豐鍋招牌麻辣雞煲，同叫咗幾樣嘢來打邊爐，分別有頂級雪花肥牛、手工四寶丸、鴨血、手工即炸魚皮及唐生菜，飲品叫咗龍鳳檸樂及大檸茶。豐鍋招牌麻辣雞煲我哋叫咗BB辣，餐廳職員話同出面嘅小辣差唔多，雞煲上面鋪上滿滿嘅芫荽，啱晒鍾意食芫荽嘅我哋，雞非常之嫩滑同Juicy，配上麻辣，非常之香口惹味。頂級雪花肥牛雪花均勻，牛味濃郁。手工四寶丸有蝦丸、黑墨魚丸、墨魚丸同鯪魚丸，爽口彈牙，尤其係黑墨魚丸同蝦丸都鮮味十足。手工即炸魚皮非常之香口，脆卜卜，令人停唔到口。大檸茶同龍鳳檸樂佢哋啲嘢飲都大大杯，食雞煲最啱。