豐鍋雞煲 (京瑞廣場1期)

营业中

休息中

屯馬線開通，石門都轉型，附近商場都開咗好多食店，今午嚟開中旅社換證，食埋飯先返屋企「豐鍋」雞煲火鍋店裝修簡約，座位闊落，店員都好親切。滋潤椰子雞煲（半隻）$198店員即場開左一個椰子，100%新鮮椰水加上枸杞紅棗、竹笙，浸熟既雞可以想像到係幾咁鮮甜！雞肉用左粟米雞，雞味濃而肉質鮮嫩，成個湯又甜又鮮，忍唔住飲左好多碗湯。牛舌芯$118牛舌芯係牛舌中心的根部，肉質柔軟爽滑，味道更有層次感。餃餃陣$88一碟有齊晒鮮蝦雲吞，魚皮餃、韭菜餃，麻辣雲吞共八粒，小店每日人手包製，新鮮又大隻。即炸爆芝響鈴（3件）$43小店有四款不同口味的自家製響鈴，即叫即炸，浸滿鮮甜湯汁的響鈴卷裏面仲食到香濃芝士🧀️，超正。雜菜籃$70菜心、白菜仔、紹菜生菜、大大棵夠新鮮。玫瑰柚子$38藍蝶雪梨$38除左打邊爐，一定要試吓嚟度的特飲，好大杯又好飲。

豐鍋雞煲 (京瑞廣場) (沙田)沙田石門安群街3號京瑞廣場一期1樓137號舖黎到石門京瑞廣場俾我相像中多好多人😀以為係工廠區，朋友訂位個時我都奇怪點解去到咁入食雞煲😅點知黎到又幾熱鬧下🤪都有幾多野食🤩🤩黎到叫咗個半隻招牌雞煲💰178 食，試咗BB辣😅，可以另外加最多兩款材料入去俾佢一齊煮，我加咗紫洋蔥同腐皮，d雞好入味唔錯👍🏻唔會得個咸字，紫洋蔥🧅又煮到剛剛好，而的腐皮就要快啲食，因為熟得耐好容易爛。食完雞煲可以順便打邊爐，叫左….🔹頂級雪花肥牛(細)💰118牛好好食🤤，幾重牛味👍🏻同每塊都好大塊🔹即炸爆芝紫菜響鈴 💰49/3件雖然得3件，但佢都好大件下，一人一件都好夠😋加左芝士🧀️同紫菜都幾好食😋好想再叫，但食完真係濟左..🔹10優狀丸 💰108有5款丸，每款2粒，個人鍾意食佢個黑墨丸，好彈牙😂🔹蔬菜籃🧺 💰70而為蔬菜籃會有埋菇類，點知原來全部都係菜黎，有幾款菜咁，無乜特別😅最後我有另加多一碟金菇，不過冇再特別影相😝😝總結：味道👅確係唔錯👍🏻都幾多人食，好彩朋友識book位😅無book位既都要等位🙈不過有樣野要提提，佢有個醬料費，每位$8蚊，你係用唔用佢都會收你錢既，不過入去個陣佢又

好耐冇食雞煲，見里間都好多好評，又近屯馬綫，非常之就腳。我哋怕多人，一早過嚟食。餐廳有唔同嘅雞煲，有麻辣雞煲、椰子雞煲、花膠雞煲及藥膳雞煲。鍾意食辣，又唔食得好辣嘅我哋，當然叫咗豐鍋招牌麻辣雞煲，同叫咗幾樣嘢來打邊爐，分別有頂級雪花肥牛、手工四寶丸、鴨血、手工即炸魚皮及唐生菜，飲品叫咗龍鳳檸樂及大檸茶。豐鍋招牌麻辣雞煲我哋叫咗BB辣，餐廳職員話同出面嘅小辣差唔多，雞煲上面鋪上滿滿嘅芫荽，啱晒鍾意食芫荽嘅我哋，雞非常之嫩滑同Juicy，配上麻辣，非常之香口惹味。頂級雪花肥牛雪花均勻，牛味濃郁。手工四寶丸有蝦丸、黑墨魚丸、墨魚丸同鯪魚丸，爽口彈牙，尤其係黑墨魚丸同蝦丸都鮮味十足。手工即炸魚皮非常之香口，脆卜卜，令人停唔到口。大檸茶同龍鳳檸樂佢哋啲嘢飲都大大杯，食雞煲最啱。

星期六晚係沙田 突發想食雞煲 夜晚7點幾已經full full 地 餐廳唔算好多張枱 around 8張4人枱到好多都係book位 所以想walk in 就建議早dd 或者打電話問左先我地2個人去食 半隻雞+肥牛+餃子+響鈴+一碗飯麻辣雞煲 小辣 好惹味 尤其加左芫荽同蔥不過唔太食得辣既朋友仔 又想食小小辣 可以叫BB辣 仲有響鈴係必食 佢有幾款 今次試左紫菜響鈴 即炸 食落口感好脆 唔會好油膩既感覺店內既員工有禮 主動幫忙 而且店舖乾淨整齊 加分 會再光顧😊

雞煲雖然話係冬天經常食但係嚟到呢個初春嘅時分 就特別掛住，太耐冇食，好想要回味一下 呢間雞煲之前嚟過一次已經覺得好食，今次掛住雞煲就諗起佢啦 主菜先叫咗個半隻雞煲 🐥。少辣 即叫即整 入哂味，味道一流。煮既時間剛好 雞肉仲好滑 食完啲雞 就開始加雞湯打邊爐 安格斯肥牛（小）但份量都唔少，而且顏色鮮嫩，肥瘦均勻，食落入口即溶，真係好正😋😋 淥幾秒鐘好啦 ~~ 黑牛柏葉黑牛柏葉 冇經漂白食落健康啲 新鮮爽口 ，同雞煲又幾夾 😌😌 十優狀丸🍡🍡 最好就係佢有一啲拼盤可以叫😆兩個人黎食，有拼盤，每樣丸有兩粒。。全人手打 又爽又滑 🤩🤩 雜錦蔬菜🥬有四款時菜，真係特別適合兩、三個人嚟食嘅時候叫 ，份量夠 手工即炸魚片🐟🐟成尺長嘅魚皮 可能係全港獨有 真係好吸引 就咁食超脆 打邊爐又吸汁 ~~ 飲品大話七（鹹檸七）& 龍鳳檸樂大大杯夠抵飲 又解辣

今日同朋友去沙田石門食雞煲✊ 依間雞煲 出名好食又夠辣 又夠味道 另外點左招牌炸魚皮 有別於出面既魚皮 依到又鬆化又脆，另外 手切牛肉 牛味夠又新鮮 重點一讚 一眾姨姨服務態度一流細心解釋！會同我地講明辣度如何，下次必定再黎打卡

🚊由港鐵開咗屯馬線後, 從九龍中入馬鞍山沿線, 都搵到好多好嘢食嘅地方, 石門站都係一個超方便嘅聚腳點🥰商場內經過這家標榜住雞煲火鍋（新鮮配料）及住家小廚嘅餐廳, 卡座舒適闊落, 一於坐低醫下肚仔先😍🫕滋補螺片花膠雞煲（半隻）$218湯底配料豐富, 含有芫茜, 白蘿蔔, 螺片, 再加半隻雞, 肉質鮮嫩, 花膠夠黏口, 待湯大滾後, 再飲返兩碗真係滋補又滿足💕🐂頂級安格斯牛(小) $198雖然係細份, 但係份量十足, 刀功切片厚薄適中, 上碟賣相一流, 肉質嫩红, 牛脂分佈均勻, 牛味濃郁😋✨火鍋配料必選嘅肉丸, 我哋揀咗：十優狀丸 $108一碟裏面有10粒五款唔同味道嘅手打肉丸, 可以試多幾款, 包括鯪魚丸, 蝦丸, 墨魚丸, 黑墨丸及黑松露墨魚丸, 爽口彈牙, 有嚼口感😋✨野生竹笙 $82吸滿咗濃湯嘅竹笙, 好入味非常爽口❤️🥗雜菜籃 $70四款好新鮮嘅蔬菜集於一籃, 可以食多啲唔同款式, 真係夠晒二人一日所需嘅纖維量👍🏻🍹餐廳飲品👍推介類🍊玫瑰柚子 $38🍐藍蝶雪梨 $38呢兩款飲品口味清新又唔會太甜, 外觀別緻, 係非常解喝之選💕

豐鍋 位於石門 邊爐店滋潤椰子雞煲 半隻職員會即場倒入原個椰子椰子好香 湯底清甜 加入紅棗 杞子 罪惡感減半先食雞 肉質嫩滑 新鮮自家製鮮蝦木耳雲吞 8隻一雲吞內有一蝦 木耳 爽爽的 西班牙頂級黑豚豬梅肉欣賞 有一定厚道 脂肪比例平均 但邊爐完 又唔好鞋颯颯 又唔會覺得油膩蜂巢豆腐上枱時 似冰條 落湯後 原全去吸收湯的味道 質地軟綿綿 係豆腐既另一種食法雜菜盤4種蔬菜 白菜 菜心 生菜 油麥菜 綠油油 靚菜大檸茶 邊爐必備 非常解渴 大啖飲都唔怕😂手工即炸魚皮真係即炸的 唔厚身 薄薄的 十分脆 條魚應該都幾大條職員會主動加湯 不錯啊

雞煲🥘配火鍋絕配，雞煲食完後再加入上湯變成火鍋，再加入鐘意的配料落去，當然唔少得就係新鮮的火鍋食材啦~Bb辣的雞煲，半隻雞份量，職員會幫你即時炒下個雞煲，以防痴底，而且醬汁吸到岩岩好~又唔會over即炸手工魚皮好特別😎又脆有咬口就算唔蘸湯就咁食都食到停唔到口雞煲🥘配火鍋絕配，雞煲食完後再加入上湯變成火鍋，再加入鐘意的配料落去，當然唔少得就係新鮮的火鍋食材啦~Bb辣的雞煲，半隻雞份量，職員會幫你即時炒下個雞煲，以防痴底，而且醬汁吸到岩岩好~又唔會over即炸手工魚皮好特別😎又脆有咬口就算唔蘸湯就咁食都食到停唔到口

#沙田美食 #小蓮星呑食沙田🔻 豐鍋雞煲沙田石門安群街3號京瑞廣場一期1樓137號舖/🧃豐鍋招牌麻辣雞煲 $178叫左半隻小辣，上枱時已經可以食得，唔使再等，個顏色好鮮艷好靚，食食吓越食越麻，超正，雞件嫩滑唔亁，紫洋蔥好入味/🧃十優狀丸 $108呢個手打丸拼盤簡直係人少嘅福音，一次過可以食五種手打丸，包括黑松露墨魚丸、蝦丸、墨汁墨魚丸、鯪魚丸同埋墨魚丸，黑松露墨魚丸，好香黑松露味，鯪魚丸夠晒鹹香，一啲都唔腥，整體好好食/🧃頂級雪花肥牛 $118叫咗細份，擺盤超靚，啲雪花好均勻，牛味濃郁，油香都好夠/🧃自創爆芝響鈴 $43爆芝個底加咗芝士，咁就唔會咁齋咪同影到個禿頭/🧃手工即炸魚皮 $54第一次咁長嘅炸魚皮，炸粉好薄，炸得好乾身，非常薄脆，好惹味/🧃藍蝶雪梨 $38大大杯，藍色好靚，雪梨味好清香/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

同一個好耐沒見嘅朋友喺石門見面，當然要食好啲。我記得之前食過呢間豐鍋好食，而朋友又鐘意打邊爐，就再次番嚟呢度食。呢間店位於石門地鐵站旁邊，京瑞廣場1樓，真係極之方便。呢度嘅店員沒乜變過，都仍然係咁親切同殷勤招待。先叫咗個雞煲再叫咗啲小食打邊爐。我叫咗BB辣（店員阿姐話個辣度等於譚仔小辣，但我就覺得唔係咁辣，應該只有3小辣）。一如既往，啲雞嘅食材真係好新鮮，啖啖肉。啲味醃得啱啱好！真係差唔多食完佢都已經飽咗。然後就打邊爐。叫咗個牛小排，四寶丸。牛小排真係靚到好似食和牛咁樣。四寶丸一如既往係用手打，熟咗之後咬開有一個個窿，真係超正。店員阿姐再推介「自創爆芝紫菜響鈴」，鍾意芝士嘅人真係要試，真係好得意！估唔到竟然響鈴可以配芝士，而且食落唔會好油膩。最後仲推介咗魚皮，咁大個人第一次食到原條魚嘅魚皮，未試過嘅都要試啦。同個friend食得好開心，又可以試到咁多唔同有特色嘅嘢，真心向大家推介！

我去左石門行街，見豐鍋入面都坐滿人，就入去食下火鍋，我揀左1)滋潤椰子雞煲(雞半隻)將原隻椰子水倒入雞煲，將椰肉放埋入鍋，再放入雞件，鍋入面還有紅棗、元肉、竹笙。。。店員話記得未食雞之前要飲碗椰子雞湯啊！好味。2)手工四寶丸蝦丸、墨魚丸、黑墨丸、鯪魚丸，每款兩粒。手工整出嚟嘅肉丸係比較彈牙，又其黑墨丸，唔好見佢黑蚊蚊就唔食，其實係好好食。3)桂花蚌唔使滾好耐就食得。4)蜂巢豆腐將凍冰冰嘅豆腐，將佢滾滾，就會滑嘟嘟。5)雜菜藍蔬菜新鮮爽口。6)飲品藍蝶雪梨(熱)好大杯因為有藍蝶花汁，所以顏色幾靚。咸檸七火鍋一定飲嘅檸七。

🌶️ 石門抵食雞煲🐓-石門近年多咗唔同種類嘅餐廳 我哋都多咗嚟呢邊覓食🤤 尤其係京瑞廣場 喺正地鐵站隔離 實在太方便🥹 今次就試咗呢間雞煲 都幾抵食😉-🐤 豐鍋招牌麻辣雞煲 $178 (半隻)我哋兩個人嗌咗半隻雞 食完雞煲嗌餸打邊爐就啱啱好😎 雞件食落幾滑 味道唔係好濃甜味嗰隻 比較香辣風重啲 食耐咗都唔會好重醬嘅鹹味😗 值得一提我哋嗌BB辣都頗重辣味呀 唔太食得辣嘅記得嗌走辣😉-🦑 手工墨魚丸 $79個人覺得呢個火鍋料最出色🤩 墨魚膠好彈牙 加埋上面嘅魚籽脆卜卜🥹-🐮 頂級雪花肥牛 $118雪花肥牛比較厚切 好有咬口😌 肉質滑溜 就算唔小心淥耐咗都唔會嚡👍🏻-🥢 即炸紫菜響鈴 $43食雞煲打邊爐我哋一定會嗌響鈴 可以索曬啲汁😋 炸得酥脆 加埋紫菜味道更豐富😗-🥬 油麥菜 $36打邊爐最鍾意加油麥菜 爽脆又冇筋 份量都幾足 抵食🤗-🥤烏梅汁 $38 🧃咸檸七 $33烏梅汁飲落有啲似酸梅湯 酸酸甜甜🧃同鹹檸七一樣 解膩一流 食雞煲啱曬😇-📍#豐鍋雞煲 沙田石門安群街3號京瑞廣場一期1樓137號舖

又黎石門食雞煲😍😍首選一定係豐鍋雞煲！又好食又抵食。而家成日都好爆場，黎之前一定要book位先！。🥢豐鍋招牌麻辣雞煲 半隻 $178呢度雞煲都偏辣，就算小辣都比出面既辣，但佢既辣得黎好惹味！一上台等5分鐘左右就食得😋。🥢十優狀丸 $108性價比極高，又平，$108有5種手打丸，每種有2大粒，包括：黑松露墨魚丸、蝦丸、墨魚丸、黑墨丸、鯪魚丸。。🥢脆鯇魚腩 $98超厚身又大片！絕對抵食，食落爽口鮮味。🥢野生竹笙 $82大大條，唔會好漂白，少少黃黃地，好味道。。🥢什菇籃 $70乜都有啲既雜菇籃，又多又新鮮。。🥢手工即炸魚皮 $54呢度既魚皮同響鈴都係即叫即炸，好好食，魚皮長過雞煲個煲😂超誇張 。野飲$32-33杯大大杯，咸檸七/ 龍鳳檸樂👍🏼👍🏼

之前喺附近打壁球嘅時候，已經之間雞煲好出名今日終於搵咗壁球友一齊食叫咗半隻豐鍋招牌麻辣雞煲 （$178）好欣賞佢已經會煮咗再上菜所以一黎就熱辣辣食得雞好入味！麻辣夠過癮！食完雞再打邊爐，啱晒近排返風手打四寶丸 ($89)因為手打，樣樣都好彈牙，而且真材實料，特別係鯪魚丸，口感真係同平時嗰啲差好遠頂級雪花肥牛($118)個樣真係好靚，食落又好嫩口，牛味又夠，呢個價咁既份量，好得呀蔬菜籃（$70）有生菜白菜仔菜心，份量都唔少麻辣鴨血（$68）真係好台灣味，藥材味都好出，而且都幾多舊！即炸紫菜響鈴（$43）呢個大推！！新鮮炸起真係好好食，仲有紫菜係入面，增加口感又令響鈴昇華去另一個層次唔怪之得，見呢間都真係好多人黎食，仲full哂，去之前，記得book位呀！