豐盛閣

营业中

休息中

此餐廳提供自助餐及快餐，在挪亞方舟內遊覽，行程較趕，因而選了單點快餐。共點了2份，包括咖喱雞配白飯及家鄉炒烏冬，另配熱檸茶及熱華田。就主餐而言，咖喱汁夠香辣，濃稠適中，但雞肉未夠嫩；烏冬與肉絲、雞蛋及火腿等用豉油炒，料足，味道夠，但熱度不是完全均勻。烏冬附送例湯，因沒有餸料，估計是蘿蔔湯，味道清甜，不油膩，值得讚賞。檸茶用的茶味夠而沒有澀味，加上檸檬後又是一番享受。若在主題公園用餐，算是不錯的選擇呢！

之前去過一次, 覺得d野食唔錯，今個聖誕節又想食自助餐出面d酒店又咁貴，於是決定訂佢地，原來重有魔術、抽獎及兒童遊戲攤位玩，和牛嘅香味係排隊入座嘅時候已經聞到，肉質雖然唔係極品級, 但食落都好"林"同有肉味，最欣賞個和牛剌身，入口即溶咁濟，龍蝦款式唔係咁多，我就較為喜歡香辣龍蝦、日式蒸蛋白龍蝦，龍蝦沙律。300拎蚊有得食有得玩, 雖然我地全枱都抽唔到獎，不過都值回票價啦。

尋晚去咗食佢地今期做主題嘅和牛龍蝦自助晚餐，見到有幾個和牛做主打嘅檔，行去望吓有日式 shabu shabu, 石燒牛同即炒和牛粒，好似幾吸引，不過先食冷盆先，龍蝦沙律好味,龍蝦杯件龍蝦都幾大, 凍蝦新鮮，青口就細d,魚生唔多但都肥美，其他就一般，到食熱盆, shabu shabu 好, 因為廚師即叫即做，炒和牛粒如果粒牛肉大粒 d, 應該會好d, 因為食唔到牛肉味，石燒和牛即燒即食就好, 燒得耐就太熟了。龍蝦燉蛋白好滑, 龍蝦湯ok, 香草?龍蝦就無咩肉，甜品一般, 不過疏乎厘唔錯，無生蠔只得煙肉焗蠔，總括黎講, 款式唔太多, 但味道ok, 加埋果度嘅超靚景, 值得一試。

朋友仔正日生日陪唔到佢，只好補祝佢講過好多次想去係電視見到可以近距離見到青馬大橋既沙灘是日要去睇清明上河圖，一於順便黎呢度食個自助餐月頭報紙話今個月有海鮮主題，仲有堆免加一優惠券，岩曬我呢尐貧苦小朋友而且呢度既食評都唔錯，心諗今次點都會有個難忘回憶點知，真係差差差十五號食，已經二號訂位，足足差唔多早兩個星期講明要近窗兼6點到，點知服務員帶我地去左張近窗(但中間都隔左張檯)位於走廊位既雙人檯(係pancake區後面)因為我地張檯，令到條走廊得返1米都無，個個經過都望望望後尾諗返，剛抵達時經理同服務員既對話，令我懷疑有人換左我張檯俾其他人，可惡!!因為自助餐5點45分開始，而我地6點先到達所以一開始就去拎冷盤未行到已經見成堆人圍住三文魚、凍蝦果張檯，咁我當然都唔執輸啦唔少人係咁爭，又呢度搵果度摷，因為係青口凍蝦底下有尐蟹腳蟹鉗好多冰跌左落地，成個地下濕曬，我見服務員周不時都要拎地拖抹地刺身有三款，三文魚吞拿魚同唔知咩既白魚三文魚見朋友仔食左近廿片，應該不錯吞拿白魚既供應量無三文魚咁多，朋友仔都係食左一兩片就算青口凍蝦螺一般，青口十隻中都有一兩隻有沙，而且體積都幾細，得5毫子左右蟹腳蟹鉗俾人

十月尾與媽媽去挪亞方舟酒店吃自助晚餐,這是我們首次去馬灣,原來由青衣轉車去只需10分鐘,不過車費$9.5就頗貴! 自助餐由5:45PM開始,之前看了OR內網友的食評介紹,所以訂位時指定了窗口位, 面對靚景,特別開胃.今期推廣是石燒食物,大蝦很快便沽清了.每人有一隻鮑魚,味道普通.最驚喜是火焰雪山出場,不過味道就不太好.總括來說, 食物水準一般, 不過平日每位只是$158, 價錢算抵.

近日看到挪亞方舟酒店餐廳做海鮮主題, "蠔門蟹宴”, 加上見到這餐廳的食評也不錯. 決定一試..... 可是大失所望!!!!首先, 餐廳的訂位既電話形同虛設. 上午11-12時前打去, 無人聽..... 下午4-5時打去, 打唔通.....晚上7-8時打去, 都係打唔通. 於是,我打去酒店果邊,諗住接線生幫我縛線會得啦..點知接生同我講,話酒店餐廳既電話成日都BUSY LINE既, 如果縛線過去唔通, 你就再自己打呢兩個電話去試啦.......真係吹脹!? 如果係不設電話訂位服務, 又何苦提供電話俾人打去呢?雖然BOOK唔到位, 因為係平日夜晚, WALK IN都有位. BUFFET 5:45 開始, 我地6PM去到,已經人頭湧湧........三文魚同壽司已經一掃而空.....要等成個鐘之後先有REFILL...可以一讚既係D凍蝦幾新鮮.....不過佢唔係把所有蝦放係冰上, 保鮮衛生做得唔係咁好.每一名食客都有一隻酥皮焗超級珍寶蠔. 要憑咭排隊領取.隻珍寶蠔係連殼焗, 裡面有d菠菜一齊焗. 賣相很漂亮, 不過味道好咸.亞拉斯加長腳蟹瑞士火鍋 –亞拉斯加長腳蟹,青口,三文魚等,經大廚泡

早係10月, 個fd就話挪亞度假酒店豐盛閣十一月份有個蠔門蟹宴海鮮自助餐, 睇落都幾吸引......但係一去到就知........中計.....果如弟弟所言, 平o野都係...咁囉.......(其實我都唔覺得佢平囉)先講蠔, 無生蠔, 算......唔多見其他蠔菜式, 都算......連每人限送一隻o既酥皮焗超級珍寶蠔, 隻蠔都只係得手指公咁大, 仲要出去排隊同人爭咁, 攪到最後要同個廚師講話我地"搶"唔到, 個部長本來諗住叫我地埋單, 見到我地張卡先幫我地追, 我唔明點解送o既唔送埋到我地o既枱, 要我地出去拎囉......到蟹, 湯-fd試過話麻麻, 我都唔試啦......其他o的咩"麵包黑椒焗蟹"等等啦, o的蟹細隻到, 見到我覺得應該無咩肉, 都無諗住試......試o左個"蟹肉梳乎厘", 似無加鹽與及蒸老o左o既蒸蛋白, 咩味??自己想像o下啦, 想像唔到就自己整來試試.....冷盤種類唔算多囉，凍蝦、青口, 扇貝(我因為6:30pm先到, 已經無晒, 之後亦無refill囉...)其他o野食, 一般啦, 大路o野啦, 種類少o左o的啦......甜品, 普通啦, 俾人狂風

這裏每個月都有不同的主題，十一月份是蠔門蟹宴海鮮自助餐。供應的時間比一般酒店都要早，由5:45PM 至8:45PM。價錢算是合理，星期一至五 $168，星期六、日$208。如果在報章或UFOOD剪了COUPON，仲可以免加一服務費。小童長者一律$98。我們大約6:15到達，當時已有一半食客，我們一早預留了落地玻璃的位置，可以對著青馬橋。總括來說，一分錢一分貨。這個價錢，食物也算合理。有空到珀麗灣走一趟，順道吃自助晚餐也是值得的。現在入馬灣已經很方便，可以在荃灣、青衣、葵芳都有車直到。

參加了一個網上遊戲，幸運地獲得一份免費雙人自助晚餐，餐廳地點就在馬灣挪亞度假酒店的「豐盛閣」。講真，本人和老公都幾大鄉里，從沒有去過馬灣，所以在訂位時再三向服務員查詢有關交通路線，原來只要在青衣機鐵站乘搭往栢麗灣的穿梳巴士，過了青馬大橋後第一個站落車，便能到達酒店。這裡的自助晚餐時間比一般酒店為早，由晚上 5:45 – 8:45，我倆準時到達，侍者領我們到一張近邊的二人檯，甫坐下即環顧四周，發覺餐廳座位約逾百個，不過能望到海及青馬和汀九橋的無敵景色就只有十張檯左右，看來我們蠻幸運呢。這晚的自助餐以石燒及中亞美食為主題，價錢每位 $158，另收加一服務費。這裡的冷盤種類唔算多，以凍蝦、青口、東風螺為主，由於我和老公都不太愛吃生冷海鮮，所以都沒有細意品嚐，反而三文魚對我們來說比較吸引。尤其以頭一兩輪出的三文魚，色澤呈嫩粉紅，肥美肉厚，肉質嫩滑兼具彈性，而且味道偏濃，質素唔錯。刺身除三文魚外就只有吞拿魚，而壽司就只得四款選擇。除此之外，當然還有數款雜肉，凍火腿、煙三文魚和我喜愛的沙律。這裡的沙律有六款，配搭都唔錯，每樣配料如粟米、車厘茄、青瓜、蝦等都相當新鮮，連沙律醬都有幾款選擇，如油醋汁

2010年9月5日 (星期日)男朋友生日馬灣 挪亞方舟度假酒店 豐盛閣避風塘海鮮自助晚餐, 好味道！ q(^o^)p9月5日係男朋友生日，我安排左去挪亞方舟玩兩日一夜，9月5日入住挪亞方舟度假酒店，買左全套挪亞方舟門票，慢慢玩兩日，休息一下，夜晚食酒店自助晚餐。本來唸住揀"Beachside Cafe 青馬海景BBQ自助晚餐"，但係前兩日打完風，日日都落大雨，酒店取消左露天青馬海景BBQ自助晚餐，搞到有少少失望，點知避風塘海鮮自助晚餐令我喜出望外。經朋友提示，我訂位時已要求預訂落地玻璃，望青馬大橋既枱，由青馬大橋日景變為夜景，真係好靚，好浪漫！ 好彩天公造美，我哋玩呢兩日都冇落過雨，仲好好天，出猛太陽。自助餐款式多，補充快，樣樣都啱食，避風塘炒蟹有d辣, 但係炒得好香，北京片皮鴨好香好脆，刺身好新鮮，特別係三文魚，豬頸肉好多汁唔乾，焗蠔好好味，雖然補充得好快，但係其他人拎得仲快，過左兩輪，已經由其他食物代替，所有嘢都好新鮮，唔錯，我一定會再嚟。食飽飽之後，我扮去拎野食，然後由餐廳經理細心安排下，俾左個我一早預訂送俾男朋友既生日蛋糕，點左蠟燭後，我將生日蛋糕送到枱上, 俾男朋友一個驚喜。

男朋友準備的馬灣一天遊...很令我SUPRISE,佢帶我來這裏食semi-buffett首先，就景觀而言，是一流的！望住青馬大橋...享受著燭光...沉醉二人的世界之中。佢會先給我們餐牌讓我們選擇主菜..我選了羊架...男朋友選了 牛扒之後我們就出去揀野食....其實冇乜野揀....前菜都是一些自由配搭...沙津...很普通...不值得拍照....主菜來的...也是不很特別...不過羊架真係好好食....很羊味(純粹個人喜好)...份量亦頗適合！牛扒就係普通的牛扒...不過不失....甜品的選擇亦好少....食完不是換新款...只是加多件件.....總括而言...你只是浪漫情調...絕對適合...不過是食物質素..和buffet 質素...我認為這餐廳暫未能做到

咁啱高堂上有人生日,,我地決定一於出去食番次自助餐~~係頭條上邊見到間酒店好似幾抵咁,,平平地就去食下啦WA~: 都好遠下,,要去到馬灣不過老人家有優惠,,啱哂我地有2個高堂既家庭啦先黎一個魚生做頭盤,,呢一round既三文魚都仲有少少魚味最要讚好係個凍青口,,幾鮮跟住拎左個白湯,,嘩:funk: 好重忌廉味,,唔係幾好飲跟住拎左佢呢到既好評之作,,炸石班,,啱啱一拎出黎就無哂,,係唔係真係咁好食呀??食落蛋多過魚~~又試下個熱青口,,估唔到同一個料佢而家無哂青口既鮮味呢碟我睇個樣都唔係幾想食娃娃菜好黃,,食左雞翼同羊排,,雞翼好普通,,同出邊D日式雞翼分別不大羊排好膻跟住呢個都係呢到自助餐既招牌菜,,蟹肉海鮮粥我就無咩感覺,,不過同台既個個都話正,,出邊個師傅即叫即做,,我就見去做唔停,,睇黎都幾好真係 冷麵,,無味,,真係無味最後食呢個法式烘蛋,,幾甜最後加送靚景一張,,講真真係幾靚

收到宣傳張單, 有親子遊戲, 海鮮buffet, $500 兩大一小價, 3歲以下免費, 咁即係一家四口都係加埋一$550啦! 要試試, 都幾好喎!食物: 都唔錯!片皮鴨- 唔太肥, 皮好脆, 新鲜, 好味, 我食咗好多份, 7點後就沽清.煙肉焗蠔-多汁, 味道夠鮮!海鮮龍蝦湯- 要等耐D, 因為自選料, 可以加蝦, 蟹,青口, 蜆, 蘑菇,等等, 即做! 長腳蟹-頭o個轉好味, 後期o個d唔凍, 無咁甜.魚生-選擇少, 但ok.燒羊架-略瘦. 但都好焾, 味道都好!海鮮-可選擇白灼或煮龍蝦湯, 概念幾好!梳乎里-光波爐即做, 唔太甜, 幾軟滑!遊戲活動: ok當晚係DIY馬賽克相架同扭波波, 安排得OK, 唔混亂.環境: 掂!:由5點幾食到8點幾, 睇住青馬大橋由晏晝, 到黃昏, 到夜晚, 好靚, 好浪漫!服務: 有待改善見佢地已好盡力, 但配套不足. 咁多親子家庭, BB椅同伙計都嚴重不足.但以咁嘅價錢真係超抵!

因為收到宣傳單張, 係係葵芳回珀麗灣嘅巴士站個妹妹係度派，住咗成兩年珀麗灣到宜家至知有間咁大嘅餐廳係挪亞方舟, 今晚同一家人去食佢地做緊果個咩親子迎夏日+海鮮自助晚餐, 好多人喎, 睇落有3份一係小朋友, 因為有攤位遊戲比佢地玩, 又有哥哥教佢地, 我個細路都只係掛住玩, 又自己設計相架又學扭波波, 不知幾開心.我地大人就梗係食啦, 主攻片皮鴨, 正, 我食咗四五件, 皮脆熱辣辣, 新鮮. 即煮海鮮龍蝦湯我食咗兩碗, 個廚師仔話有客食咗四碗添,我唔算多, 長腳蟹，雖然比人搶得好, 都算加得快, 熱盆在泰式青口, 焗生蠔, 蒜茸蒸帶子,蒸好滑果隻唔知?魚, 都幾好味, 款式唔係好多, 但都有轉d新野, 甜品cake就少d, 好彩都有即焗梳乎李, 即煎pancake, 同出面好少會出嘅甜筒同雪條, 有得玩重有得食, 你話d細路唔癲,收碟就慢咗d, 可能人多掛, 見佢地都唔停手, 平均百幾蚊一個人算係咁啦.

今日個朋友生日. 同佢去左挪亞方舟玩. 場入面都唔錯. 都買左唔小紀念品. 我地4個人係果度食埋DINNER 自助餐. 果度為海鮮為做主打 . 一開始就係咁搵生豪. 以為比人拿清光. 我就企左係度等. 我問個WAITER . 原來先知冇生豪食. 真係失望 不過都有長腳蟹同魚生補數. 點解食海鮮冇得食生豪. 不過熱食就有煙肉焗既豪. 味道都比想像中好. 另外有個西芹炒雙蚌 . 蒸魚 , 燴牛尾等等都唔錯. .其中燴牛尾是本人覺得最值得一讚的. 夠淋, 夠濃, 夠入味. 而最要緊的就是沒有散. 很好~~另外一邊有兩個檔口. 一邊是龍蝦海鮮湯 . 一邊是片皮鴨. 我要了兩件 . 沒有什麼特別 . 像一般燒鴨的鴨皮. 肉有一點DRY . 有待改善 . 反而另一邊的龍蝦海鮮湯就好OK..有蝦. 白蜆 . 白菌. 番茄 . 青口等做配料. 我ORDER左兩碗所有配料都落. 味道好濃. 好夠味. 唔似出面D用粉開的. 果個師父都好好人好NICE . 都幾傾得下.唔會好似出面D好假咁同你講一聲多謝就算.仲介紹我地食白灼海鮮. 我地配左個清湯底. 都唔錯. 最後甜品方面..就真係要好好改善 . 品種雖然