豐盛閣

营业中

休息中

見到雜誌話有MasterCard有4折所以馬上打電話訂位 , 原來係"白金咭"先至得 , 都好彩個員工教我搵剪報紙或者上facebook搵coupon都有6折 , 好彩有同事有白金MasterCard 而且即日都可以訂到海景坐位添 , 剛剛做緊鵝肝黑毛牛任食, 係唔係咁抵食先 ??? 原價 : $348 , 4折後加一只收174元/位時間 : 6:00 PM - 9:00PM ( 時間就真係好短 )可能係因為星期一所以得3成客人 , 環境一流服務人員真係唔多, 但係當晚人數太少所以服務都唔錯。環境就有 8分 (因為對住青馬大橋, 空間寬闊 ) 服務就有 7分 ( 服務態度唔錯 , 都好有禮貌 ) 食品質數 6分 ( 都係一般貨式 , 可能因為成本不能太高關係 ) 食品款式 5分 ( 款式唔算好多, 不過我都試唔晒 , 將貨就價都可以接受) 其實得3成客人佢都要蝕本呀 ! 慘必吃~~ 鵝肝真係任食, 食幾轉都冇人排隊 , 雖然唔係高級貨但即煎即食都香脆 , 但係廚師都會問我地意見 梳乎厘即叫即做雖要等十分鐘, 已經唔係好多自助餐有得食所以算好難得 沙律吧係自己選材料, 廚師會幫你攪拌所

由於舊校安排去挪亞方舟, 我我同活動負責人好熟所以有得免費跟埋佢地一齊去玩開頭都唔知原來係包場 lunch buffet百幾蚊算係咁. 一定唔夠夜晚多野食嫁啦但係佢唔 refuse d 甜品真係唔太滿意! (雖然全部偏甜)但係食物種類真係太少, 少到似係包場開 Party 嗌到燴咁 但係 overall 呢間野都叫做 ok 啦唔使錢仲想點? (其實係機構找數姐 = =)朋友的, 我都有食, 不錯不錯.德國薯仔沙律可能我唔慣個種味道所以覺得麻麻但無可否認薯仔好入味而另一種佢預先調好既長通粉吞拿魚沙律味道清新如果有多 d 吞拿魚就更好長通粉凍食都 okay, 唔會太林/更, 口感唔錯, 只係唔入味青瓜爽口, 岩岩好蕃茄仔唔夠甜, 但係起碼唔酸粟米火腿沙律真係實冇死選擇壽司得 4 款, 全部 cheap 野 不過飯握得夠實, 但係落醋可以再多少少wasabi 唔夠勁...落左半碟都唔覺有味 火腿又係冇死選擇個白汁雞絲意粉岩岩好, 略嫌意粉唔夠軟龍俐柳太咸, 但係好滑, 如果味道淡番少少就正茄汁豬扒食得出佢真係有落鮮茹汁, 好清新, 但係味道唔夠, 同埋豬扒食落有少少梅個安娜薯仔片值得一讚,

由於有親友在外國回港旅遊, 要帶小朋友去 "挪亞方舟" 遊玩, 又剛巧看到豐盛閣的自助餐有團購,於是就一行八人於 4 月 20 日到挪亞方舟遊玩完之後到豐盛閣用餐, 地方尚算寬敞...景色更是一絕, 本來面對著青馬大橋的夜景進食, 絕對是一件賞心樂事, 但事實卻...............唉!!人手非常少, 我地食完既碟埋到一檯都係, 但都無人黎收野...差~熱菜 -- 選擇不多, 味道一般冷盤方面 -- 凍蝦唔新鮮, 肉質很 "霉" 刺身 -- 每次每人只可以拎 3 片, 真係好老土, 就算後面沒人排隊, 依然都只係比 3 片 ( 但竟然有象拔蚌刺身) (那個切魚生既師傅好明顯係新手, 切到 d 刺身一忽忽, 好似叉燒咁既樣, 真係見到已經唔想食)甜品 -- 個 cheese cake 唔錯, 都算滑....仲有梳乎厘(佢每次只會出幾個, 所以等左半個鐘先排到一個)今次都算係食過咁多間 buffet 之中最差既一次, 無下次囉~

開船啦!今天我哋嘅目的地唔係長洲,係馬.....喂,唔好上錯船喎,唔係馬交係馬灣呀!一直有翻看開飯的習慣,有中過流彈,亦有享受過.今次是一家大細靠晒我搵食,太貴的不能,無嘢食的不可,大的要對胃,小的亦要啱吃,真係好一句難為了家嫂.Bingo,哈哈我終於找到你-豐盛閣,每間一天跟進你的近況,時好時壞,熟真熟假?五月是以龍蝦為主題,加上你們寫嘅魚生,生蠔,雪糕......四月中抱著十五十六嘅心情訂位,仲於三日內付了訂金.食評亦開始有向好的一邊,一切準備好,期待日子來臨.五時四十五分準時入座,環顧四周環境,落地大玻璃,青馬大橋夜景,心想今次無壯烈犧牲.還未動身取食物有位工作人員替我們影了一式兩份嘅相片,真係未食先驚喜.殊不原來越食仲越驚喜,生蠔,小朋友喜歡的玉子壽司,雪糕,冰塊通通都無,救命呀!通常食物唔對胃由雪糕頂上,佢無;大熱天時,冷氣唔夠嘅地方,凍飲,佢無;算了,就連冰塊佢都無!懷住失望悶熱的心情下,有服務生奉上兩張先前影的相片,但上面寫住:Happy Birthday Noah's Ark Resort 2011. HAPPY BIRTHDAY?有無攪錯.他們更正後再奉上附有:Hap

週五到馬灣挪亞方舟參觀，下午到園內豐盛閣午膳。論餐廳外環境，飽覧靑馬大橋海景，的確不錯。但店內呢，完全是快餐店格局，而且頗擠迫。午市食物款式不多，價錢以主題公園餐廳來說，還算可以。食品點了以下數款：日式照燒雞扒配絲菜白飯、欖菜蝦仁炒飯及茄醬彩椒野菌燴意大利粉。整體而言，食品碟頭偏小，賣相一般，快餐味濃，說實話各方面都帶點大學canteen feel。既然係獨市生意，應該可以做好一點。

今個月係我生日，老婆同我一齊去豐盛閣食自助餐，原本都係心大心細去定唔去，當去到時先知今個月白金master卡有四折優惠。食物又新鮮，樣樣都係我喜歡吃，原以為四折以後便將貨就價，但他們並沒有咁做。三文魚、生豪、熟食、蛋糕樣樣都好好食。下個母親節一定黎呢度食，聽聞下個月白金master卡仍然有四折。夜景非常靚，成條青馬橋睇晒。

睇頭條見挪亞方舟有海鮮自助餐，見今日係兒童節, 個囝囝明天唔駛番學，米放學後一家三口入去食餐攞,惦住平平地係青衣入去, 3個字左右,,食完都好早遮。都幾多海鮮野, 蒸蚌,燒蚌都好好味, 即切魚生都有5-6款, 個女廚師好好心咁叫我試吓象拔蚌, 因我怕腥一路都唔敢食, 經佢叫吓, 就試咗少少, 又ok喎, 不過都係大大果隻蚌啱我食d,好鮮甜, 食咗起碼6隻.其他熱盆就唔係咁多,有醬爆雪花蚌, 蒜蓉蒸象拔蚌, 羊脾等不過不失。甜品有我鍾意嘅疏乎厘,芝士餅, 伍佰蚊唔駛三個人食, 我老公都話ok啦, 囝囝就最開心因為可以食完又再食Dryers雪糕。

我而家係一路食一路send緊e-mail,睇之前d食評都好壞參半，都唔敢抱太大希望，有朋友買咗團購飛，叫埋一齊去，咪試吓囉，心想行吓馬灣都好，6點鐘到,唔算多人,巡咗一周先，原來佢地今期做蚌之誘惑海鮮自助餐，唔怪之得咁多蚌類野啦，好彩我係海鮮王, 先食刺身先, 有象拔蚌, 有三文,有吞拿, 帶子, 象拔蚌雖然無大大隻個種咁鮮甜, 但都ok，之後食石燒赤貝,馬刀貝,花甲(全部都係照抄佢個食物牌名)好鮮甜,隻赤貝有權頭咁大, 蒸象拔蚌細就姑寒咗d,開邊重要切細，沙律ok,款式唔太多, 最好味係薯仔沙律,甜品就美式之士餅好好味, 有即焗疏乎李 唔係太多款式但味道都唔錯, 有dreyers雪糕添. 整體計, 是唔錯, 加埋有個超靚景, 值.

無睇頭既BUFFET; 我都未見過食 DINNER BUFFET既時間係18:00-21:00,得3個鐘頭,對我地呢D放左工先入去既食客黎講真係好唔方便,車程又遠,如果唔係有COUPON $158 去試既, 我真係唔會去食。 食到趕頭趕命呀!!好勒講番D食物質素,真係見人見至,$158都算係咁啦....(如果無咩要求)刺身.....三文魚...唔係話唔新鮮.....BUT...好瘦囉...寫明每人限取3件...(好似NEWAY BUFFET 咁)帶子...得個凍字......完全係無味...係呢度食BUFFET, 海鮮熱盤較多....味道就一般勒...勝在有好多種海鮮......有蜆,炸蠔..扇貝...好勒講到甜品方面呢...唉....除左係個雪糕OK 之外(DREYER)..個雪糕筒好"林"...唔好食.... D CAKE係無個得既...梳乎厘好似食鬆糕咁....失望.......好在今次用COUPON食BUFFET... ,勝在有個青馬大橋個靚VIEW補番下....總算過得去既..

假日難得與家人由屯門走入馬灣食自助餐沒想到食物令人失望,, 沒驚喜飲品種類太少, 最差就是燕窩燉蛋,太咸最好食的只有方粒啫喱行左一轉已經冇興趣,價錢$210,不值風景好,如果要求不算高的話,普普通通都可以接受

團購網買左coupon -- $158(包埋加一), 其實唔係真係平左好多(每人大約平了$26.8)但諗住試下, 便買左卷, book左位去食下~~眼見有好幾個人都寫好差, 但我全家都覺得... 依家係$158, 選擇都唔算少喎... (even正價, 我地覺得價錢都算合乎中道)

因為有優惠可以$158免加一食到飽魚自助餐, 於是特登坐成個鐘車入馬灣, 結果竟然失望先講主題鮑魚燕窩, 基本上大部分都係味道同螺片無乜分別的鮑魚片~左上係燕窩燉蛋白, 我想講如果唔係睇個食物牌, 我會以為係燉蛋白囉!右上的石燒鮑魚片已經叫最好食的鮑魚~左中係人人有份的原隻鮑, 但食落去係無味架~得個樣~右中係spicy鮑魚, 真係太spicy, 以致除左spicy乜味都無~左下係薯蓉鮑粒, 基本上你當佢薯蓉算啦~右下係鮑魚沙律......我食左幾條已經唔想食~好啦~到d大路野~左上係椒鹽蟹+焗蠔, 老老實實, 我食過好幾間放題/自助餐, 次次食蟹+蠔都一定encore, 呢間野竟然令我無encore意欲都算佢好野~d蟹得個鹽字, d蠔又硬又實, 敗筆!右上係蛋~不過不失~左中係凍蝦+腳蟹, 好彩凍蝦都ok (不過其實凍蝦好難唔ok~反而d長腳蟹係就係多肉, 但係你唔比工具我又無預先剪好, 搞到我咬到牙軟, 幾多肉都無用啦~右中的蜆d肉少到呀~左下係三文魚, 味道ok, 但cut得太細粒, 好似食角切三文魚咁~右下係雞粥~ 都ok~ (題外話: 其實佢仲有鮑魚粥, 但我成晚去粥位問過

好幸運呀抽奬中到豐盛閣的"鮑魚,燕窩,海鮮自助晚餐兩位,可以免費食大餐,既開心又興奮烟肉洋恖焗蠔放在焗箱度自取,全場最好味的食物蟹就麻麻地,得d椒鹽咸味,無肉食.每樣拿少少如同大雜會.三文魚都幾好味幾新鮮,壽司唔係太多選擇.熱盤三文魚都好好味.開邊蝦唔夠鮮,肉質好"鞋"口,紹菜有股怪菜味,泡菜超咸,最好味係"蓮偶"片.鮑魚都幾好味,但條菜就好油浸咁,都唔敢食.壽司有蟹柳青瓜等材料,味道一般.總括:建議大家食物方面:-焗蠔,-羊脾片(師傅親手切-又軟又香,記得要點埋芥醬和薄荷醬食)錦上添花-生和熟的三文魚都好味-師傅新鮮滾的蟹粥都幾好味.-意式雜菜-鮑魚-甜品:賣相唔靚,件件細細粒幾好,件件都幾好味道.小朋友可以食吓啫喱.-生果:西瓜和哈蜜瓜兩款,都新鮮-飲品方面:夏枯菜唔錯,好少自助餐有涼茶飲.值得一讚豐盛閣用餐的入口位.6:15pm去到,見到有8成人都入晒座,好多人都食完成大碟蝦,蠔.相信大家5點幾就入來食囉.豐盛閣係羅亞方舟的底層,雖然個場好多人食嘢,但環境一流,坐得好舒服.今次主要入嚟食buffet,是日天氣寒冷,都無入羅亞方舟玩,但有得食一餐咁豐富的晚餐都好滿足.見到有人影結婚

新年前係免費報紙見到$208一位加有優惠劵免加一同老公講佢話都可以試下於是打電話去BOOK位去到17:45已經可以拎野食食物方面–全場係焗蠔、三文魚、焗鮑魚、雞粥好食外其他野食完全唔得所以味道個1分係俾呢三樣野d蒸開邊蝦應該死左好耐d肉散開曬食落口仲有d唔知咩味燕窩蒸蛋白冇味梳乎里似"鄧"蛋白多d環境方面–因為我地坐近海景，所以都唔錯服務方面–待應收野、加水慢慢慢，我見有一個客要自己拎壺水自己加水廚師d態度好差，有禮貌問佢野，佢黑口黑面答返你總括而言–唔會有下次

2月4日年初二去咗食, 講真, 百多元有魚生有鮑魚, 食物質數只係一般, 魚生新鮮, 生滾粥好味, 梳乎厘十級難食, 如網友所言係無味, 凍蝦又係冇味, 龍蝦仔冇refill, 石燒鮑魚片一般, 食唔到唔駛恨, 海皇扣鮑魚煲只係一般, 至於甜品, 俾個狂風掃落葉, 唔夠人搶亦唔打算去, 因唔覺得吸引, d生果就...無言..我明一分价錢一分貨, 呢餐係可以接受. 但服務係十級差!!!!BLACKLIST!! 永不再去. 都是團購惹的!經激安zone買咗優惠劵!是咁的, 排隊等梳乎厘, 廚師將成碗梳乎厘跌落我面前, 弄髒了我的褲+鞋, 一句SORRY都冇, 當冇件事, 另外再給一碗就打發我走, 一條乾淨毛巾都冇俾到我, 到我嘈喇, 先至有另外一位廚師入廚房拎條用過有油既毛巾, 請問呢D係咩服務?? 仲話係度假酒店??? 到我再嘈, 都仲未有條乾淨的毛巾俾我清潔??? 個waiter淨係話主廚會訓示呢個廚師, 請問呢D又係咩服務? 我唔會再買任何呢D咁既自助餐既優惠, 唔想再貼錢買難受!!!!