豊勝手丼 (已結業)

工作壓力太大， 又係時候食餐好獎勵吓自己。 這天終於有時間光顧 坐落於登龍街《豊勝手丼》。 「勝手」有自選海鮮之意。 所以店內也有廚師發板嘅壽司和海鮮丼。餐廳更以抵食豪華嘅海鮮丼作招來， 正做推廣大部分嘅丼中午時段也有七折優惠。 每次經過都好想來一頓悠閒午餐～［完熟白桃梳打］， 味道清新帶白桃芳香，梳打夠汽夠冰凍！今天想吃精緻一點也不想大堆頭， 點了數款至愛嘅壽司一次過滿足自己。先吃我最喜愛嘅［深海池魚］， 肉質較結實仲有少少黏牙嘅感覺， 口感實在亦富有魚香。師傅手握嘅壽司飯恰到好處，不會太黏也不鬆散， 选用嘅日本米也比平常挺實一點， 是選用這款岩手縣大米的效果嗎？［鯛魚］味道較淡身，  肉質較腍身。［油甘魚腩］～ 睇落清淡， 入口甘香亦有魚油嘅香， 高質鮮甜～！［中Toro］ - 魚油比油甘魚腩更豐盛一點，肉質柔軟， 雖未至於入口溶化， 但足以感受到魚油嘅香和吞拿魚本身嘅甜味～［火焰三文魚腩］- 輕輕嘅火炙迫出三文魚油， 和吃一份普通三文魚壽司味道大有不同。 這份三文魚腩特別肥美，油潤！［日本馬糞海膽軍艦］ 吃日本刺身沒有海膽怎能痛快。 海膽甘香甜滑， 絕冇澀味腥味， 回味指數極高！

This shop is always my first choice for 丼飯. We got the news from magazine that it is making 30% limited sale till end of October. Compared to old shop, The new shop is more spacious and well decorated. We both order 五品丼，All the sashimi are very fresh and the sashimi are thick cut and well layered on the top of rice. We had a great lunch there!

今日同女朋友行完山，喺銅鑼灣附近揾野食，行行下去到登龍街，見到有間食丼飯既專門店，所以就入去試一試。坐低咗先知，原來依到食丼飯係可以白飯任加!!!我地叫咗兩個丼飯 (五品丼同四菱海鮮丼)五品丼 ($278)有五款魚生:三文魚，油甘魚，赤蝦，活帶子，日本海膽，三文魚腩好肥美，赤蝦好大隻，好鮮甜。四菱海鮮丼 ($198)有四款魚生:三文魚，真鯛，赤蝦，加拿大海膽，每件刺身都好大件，夠哂厚，個丼飯好精緻，如果唔夠飽，仲可以免費加飯。我地仲叫咗兩支梳打完熟白桃梳打 ($36)同 信州蘋果梳打 ($36)

今日同男朋友係銅鑼灣行完街，過嚟登龍街食晚飯，揀咗呢間叫”豊勝十丼”嘅日本餐廳 😋餐廳而家搞緊個優惠，去到10月31號前呢版餐牌上嘅丼都7折：我哋揀咗以下兩個丼：五品丼（$278）：入面有三文魚、油甘魚、赤蝦、活帶子同日本海膽，啲刺身都好鮮甜，三文魚超級肥美，飯入面仲有啲好細好細嘅魚仔，脆卜卜，好有口感！四菱海鮮丼（$198）：入面有加拿大海膽、赤蝦、真鯛、三文魚，男朋友食完都好滿意！而且餐廳可以免費加飯，男仔都唔洗驚唔夠飽：我哋仲叫咗兩支梳打（$36/支）：白桃嗰支比較有氣，但蘋果嗰支個味又好好飲，我同男朋友一人一支，啱啱好！

豊勝手丼已搬了一段時間，今天終於有空，可以來吃吃美味的日本料理，真是滿心歡喜！入到店內，發現新店比以前大了很多，座位也較闊落，也是充滿著日本特色。看過餐牌後，點了廚師發版壽司九貫，飲品點了完熟白桃梳打。等了一會兒，廚師發版便由店員呈上，果然是很有驚喜。一碟十款的美味壽司包括三文魚、中吞拿魚腩、大吞拿魚腩、火炙三文魚腩、加拿大海膽、味噌蟹膏軍艦、三文魚子、油甘魚腩、火炙左口魚邊、牡丹蝦壽司。每款都鮮味十足，刺身新鮮無比，入口即融化，特別要推介大吞拿魚腩，真是回味無窮啊！值得一提的是，這裡除了食物優質外，服務亦一流，下次一定會再來試試其他款式呢！

「Omakase」，意指食客無須揀選食物，由廚師作主，在食客面前製作當日最新鮮的食材，屬日本料理最高境界。今午和朋友來到位於銅鑼灣登龍街一間名為「豊勝手丼」的日本餐廳。餐廳裝潢簡約不浮誇，環境舒適，散發出日本風情。先來一客蔬菜沙律醒胃，跟著就是廚師發辦的壽司併盤。大拖羅 - 吞拿魚腩較前置的部份，被視為刺身的極品，果然名不虛傳，油分多，入口即溶，又有濃郁的魚香味道。中拖羅 - 吞拿魚腩中後部份，一樣出色，油分適中，而且無筋，相當美味。火炙三文魚腩 - 油脂味香，入口溶化。火焰比目魚邊 - 肉質細嫩，入口滑溜鮮甜。真鯛 - 是一種新鮮、細嫩、鮮美且無污染的深海魚，真鯛壽司，選取鯛魚靠近腹部的位置，故入口鮮甜爽滑。赤蝦 - 新鮮爽甜，啖啖肉，非常滋味。三文魚籽 - 晶瑩通透，新鮮無腥味。蟹膏 - 香濃的蟹膏，入口嫩滑，感覺非常滿足。意猶未盡來多個火炙鹿兒島和牛丼飯，和牛的嫩滑，入口肉汁四溢，為此頓午餐劃上完美句號。

香港人喜愛日本美食，除了款式多，只要用簡單的烹調技巧，便可吃到食材的原味，當然食材的新鮮亦是首要原條件今午約了友人來到銅鑼灣一間高質素日本料理，‘豊勝手丼‘。此店設計簡約，舒適寧靜，侍應殷勤招待，餐牌的食物亦有很多選擇，我們揀選了火炙鹿兒島和牛丼和廚師發辦壽司。和牛丼賣相精緻，有流心蛋、冬菇、鮮露筍和四片和牛，和牛油脂分佈均勻，由於和牛的油花在攝氏40度便會融化，所以每次將和牛放進口內，都有一種入口即溶的感覺，加上鮮甜多汁的牛肉味，確實令人回味無窮。壽司併盤更是 ‘廚師發辦’ 的精心傑作，8款16件的壽司包括大拖羅、中拖羅、真鯛、赤蝦、火焰三文魚腩、火焰比目魚邊、三文魚籽和 味噌蟹膏，件件精品，鮮甜味美，尤以大拖羅和火焰三文魚腩最為突出，魚香四溢入口即溶，不愧為壽司的表表者。

LUNCH 走到銅鑼灣吃丼在店外看了看，有十多款丼款選擇, +$25跟前菜、沙律和味噌湯，眼見店子日式裝潢加上價錢合理，可以試一試呢。另外也可以車仔麵般自選配料(但至少要揀三款啊)，也可以+$25跟前菜、沙律和味噌湯最後選了五品丼及UPGRADE成套餐前菜炙燒三文魚沙律五品丼 HK$278有多款魚刺身，海膽感覺只是點綴揭開尐刺身, 飯上隱藏了小白飯魚呢味噌湯這兒提供壽司飯無限免費添加，一定吃到飽最後加了一小碗壽司飯

琴晚放工和朋友去了銅鑼灣Vpoint的豊勝手丼食日式丼飯，環境方面不算太大，但座位舒適的。餐廳的丼飯可以自選或選擇已set好的，丼飯可以另加 HKD25.00 配以前菜，沙律，味噌湯。前菜，沙律，味噌湯：前菜加入了蟹籽可增加卜卜口感，沙律幾好食，味噌湯反而有點過咸。自選三款丼飯：我今次就選了三文魚腩，日本雲丹 (日本海膽)，加奈陀雲丹 (加拿大海膽)。由於紫雲丹 (紫海膽) 因當地打風關係而缺貨，希望下次有機會食到啊！壽司飯細細碗，但飯可以無限添加，飯口感軟熟又香口。而三文魚腩入口慢慢溶化，當中更有不少魚油滲在口中。日本雲丹 (日本海膽)會比另一款為濕潤，所以放於口中更容易溶化，海膽味香口，帶點兒甘香。加奈陀雲丹 (加拿大海膽)會較大片點，味道會比前者更香口一點。波子汽水：日式飲品可解渴。

每逢同朋友去銅鑼灣食飯, 我都建議到登龍街先走一轉, 印象中大多為高質美食集中地。經過見到一間主打丼飯既日本餐廳"豊勝手丼", 聽說搬舖前已是人氣店, 門外總是長期排隊等食, 正好途經見人少少唔洗等位, 就同朋友入去一試!除左多款配搭丼飯, 仲有自選三款刺身丼飯, 自由度幾高。至於我有選擇困難症, 還是單看menu上每款丼飯照片來決定其中一款!+HK$25 配有沙律、前菜同埋味噌湯沙律菜上有些少蟹籽增加層次, 不過味噌湯味道帶酸, 怪怪地~主角終於黎了!!【五品丼】HK$278三文魚、油甘魚、赤蝦、日本海膽, 因為當日活帶子已經售罄, 所以餐廳以鮑魚取締丼飯很精緻, 細細碗, 大食既朋友可能未必夠飽, 但放心呢度係免費無限添飯, 所以一定夠哂飽!三文魚係魚腩位, 切成長條狀, 帶魚油香油甘魚甘甜略爽, 赤蝦肥美鮮甜, 日本海膽鮮甜, 入口即溶冇腥味。鮑魚甜甜地有糖心味~飯入面有幾條白飯魚仔微微增加魚香tim。呢度更提供多款日本清酒, 但唔飲酒既我, 都有黎自日本既樽裝果汁~【白桃梳打】 HK$36桃味很出~

馥之丼，碎蔥吞拿魚腩，黑松露火炙帶子。原隻特大新鮮日本帶子以火炙至微燒焦，滿滿鋪上日本壽司飯上，味道半生熟很特別，可口鮮甜。另外中央部分鋪滿吞拿魚腩，每一口都濃郁香醇，口感十足，每口飯都非常好吃。叫了一杯日本蘋果梳打，清甜解渴，非常好飲。店內裝修設計好日式，有如置身日本當地品嚐正宗日本料理，座位舒適。門面都非常講究，讓人步入日本飲食文化大門。食物款式選擇多，服務不錯，物有所值。飲品類別都有多款精選，款款都很優質。

海膽出名好味，相信是很多朋友的至愛。但在香港食到既新鮮又香口的海膽真是有銀都未必食到。今次來到銅鑼灣搵食，意想不到很有驚喜。這家位於登龍街V Point 地下的地鋪，門面很光鮮搶眼，走的是傳統日本風，門外大大的圖文並茂餐牌很是吸引，今次點了這個國雲丹丼，賣點當然是膽。服務細心有禮的店員小心翼翼地送上令我目定口呆的海膽丼。這個絕對令人心感震撼，由原板朝國海膽，日本海膽，和加拿大海膽而成。整個日本珍珠飯也淹沒於海膽之中，每口都是新鮮香濃的海膽伴著清香的一口飯入口，三種海膽各有特色，保證讓您回味再回味，是小妹嚐過最優質的海膽丼！這樣高水準，加上細心的服務，環境舒適，可以說是物有所值！飲了枝完熟白桃梳打，鮮甜解渴。天花的裝飾也一絲不苟。坐位寬闊，以木傢私為主，空間感十足。原來這裡提供免費添加壽司飯，好正！

一個人既晚餐都可以食得好好，今日喺銅鑼灣見完客之後去咗登龍街搵嘢食。發現左呢間日本餐廳，決定獎勵自己去食餐好嘅。估唔到呢度店舖細細，但係食物嘅選擇都有幾多。除咗有餐廳已經設定好嘅選擇之外，仲可以自己揀自己鍾意食嘅材料，做自選魚生飯。但係由於我有選擇困難症，所以我就交俾師傅幫我做決定。要咗個季節魚廚師發辦丼。加錢跟餐有前菜，沙律同埋麵豉湯。到主角出場啦！啲魚生多到完全見唔到飯！有三文魚，吞拿魚，油金魚，海膽，蟹棒，比目魚，鰻魚玉子燒，三文魚子，用料豐富，全部都好新鮮！特別欣賞海膽，食落完全唔腥而且十分鮮甜！而且師傅真係好豪爽俾咗好多！呢個鰻魚玉子燒都好特別，貌相吸引之外，兩者味道都好好。而且仲有一個小驚喜就係以上嘅魚生下面竟然有白飯魚！平時真係好少可以食到白飯魚刺身，食落亦好鮮甜，夠哂特別！除咗食物種類之外，呢度飲品都有好多選擇。今次揀咗個完熟白桃梳打，同預期一樣日本嚟嘅土質真係非常好飲，甜得黎個味唔假！

豊勝手丼搬了新鋪位，地方較以前大，座位闊落。整間店鋪日式風格濃厚，有如去了日本一樣。點了果酒與友人把酒暢談！餐廳主打丼飯，選擇很多，是次點了一個自選丼。我要了大拖羅、魚肝、左口魚群邊及劍魚腩。大拖羅刺身是厚身大塊，魚油滿溢，入口鮮味十足，入口即融；左口魚群邊獨有的油香及煙韌口感，不錯；劍魚腩肉質細滑豐腴，入口綿軟，油香豐富；魚肝煎後油香誘人，更沒有鵝肝那麼膩，在口內融化，沒半點腥臭味，質感化綿，首嘗魚肝難以忘懷！

Came to Toyo Katte Don the first time since when it moved to current new location, and it did not disappoint me. The restaurant is more spacious now and food quality is even better. They offer huge varieties of sashimi don. Moreover you can have the don rice with your own choices of different kinds of sashimi. All the sashimi are very tasty and fresh. I ordered the dinner set which came with appetiser, salad and miso soup. Overall the price was reasonable. We enjoyed the dinner very much and hig