豊勝手丼 (已結業)

最近心情有點鬱悶，於是便相約友人去吃我近期大愛的丼飯。位於銅鑼灣的豊勝手丼門口光潔明亮。店內裝潢以原木為主，還有些燈籠燈飾，洋溢日式風情。餐目選擇很多，有預設的丼，也可以自選不同的海鮮配搭丼飯。我選擇了赤身、磯煮鮑魚、帆立貝和日本海膽。丼飯擺盤用心，有青瓜、紫蘇葉和昆布增添清新香氣。赤身肉質細嫩無筋，很鮮甜。日本海膽入口即溶，淡淡回甘。磯煮鮑魚味道濃郁，爽口彈牙。帆立貝也是鮮甜厚肉。店家的飲品也是毫不遜色，柚子檸檬酒充滿果香，淡淡回甘。而友人的柚子梅酒也很不俗。這一餐丼飯，我和友人都相當滿意。

今日行開銅鑼灣，都有一段時間無去登龍街搵嘢食，於是去睇下有咩啱食。睇咗一陣行咗一轉，最後去左豐勝手丼。餐廳裝潢以木材為主，好有日本感覺。呢度係食勝手丼，當然喺以海鮮刺身為主。今次就試下五品丼，材料有三文魚，油魽魚，海膽，帶子，同埋赤海蝦五種。點咗一陣就上菜，刺身填滿成個飯碗，飯嘅份量唔多，但可以再加嘅。刺身嘅材料都好新鮮，油魽同三文魚都比一般食開嘅會比較厚身，比較有口感。整體嚟講質素都好高。最後order埋枝蘋果梳打，好好飲，好滿足嘅一餐!

一向沒有太大動機吃刺身飯的我，今日被朋友大力推介 ，一定要到銅鑼灣的登龍街嚐嚐這間日本刺身飯。一試果然名不虛傳 ，令人愛上刺身丼。我們二人點了一個北海蟹丼，一個雲丹卜口丼，後者用原版韓國海膽 加碎蔥吞拿魚腩而成，吞拿魚腩竟然一點腥味也沒有， 一向最怕吃吞拿魚的我，今天也把它吃個清光，材料真的十分新鮮 。如果怕吃刺身飯的朋友 ，可試這個用松葉蟹腳和蟹鉗加蟹籽及蟹膏的全蟹飯 ，同樣材料新鮮。整體而言，只是兩個飯已經看出店主別出心裁的食譜及食材 ， 下次我一定要試試其他的刺身飯哦!

約咗喺銅鑼灣返工嘅朋友嘆個午餐，又想要食得好啲坐得耐啲，於是乎去咗食日本野，豊勝手丼正在做Promotion ,全單七折，不過只係做到8月15日。所以今日呢食非常抵。店舖日式裝修，坐得舒適。我哋選咗來自日本既桃味有氣果汁，桃味芬芳唔會太甜！先叫咗一客小食，唐揚炸雞翼， 雞翼炸得乾身夠香口。主食方面，叫咗一客雲丹卜口丼、一客北海蟹丼。雲丹卜口丼係由一板韓國新鮮海膽加碎吞拿魚腩而成，吞拿魚腩香滑美味，而海膽非常新鮮，一啲都唔腥。yummy!北海蟹丼係包括松葉蟹肉、蟹腳、蟹鉗、蟹膏及蟹子，非常豐富，十分鮮味。我同朋友兩碗都share一齊食, 一次過試齊兩款嘅美味海鮮丼，正！

上星期約了舊同事食飯，放工後在銅鑼灣附近看看，留意到這一家餐廳的裝修不錯，而且當天亦比較熱，於是便決定吃一吃消暑的魚生飯他們刺身的款式不少，而且還有熱食丼提供決定吃一個五品丼，分別有三文魚，油甘魚，赤蝦，帶子，還有最吸引的日本海膽，海膽入口甘甜，口感軟滑，有豐富的海水味道，另外其他刺身例如是油甘魚同樣高質，比起其他日式放題或是日本小店的來貨明顯不同，非常值得推薦另外亦點了這個蘋果梳打，配上冷食的刺身丼一流！

價錢貴，食物質素差！魚生尚可，但一點不藉差不多三佰元一碗！還有那款天丼勁差，勁垃圾！其實不懂天丼是什麼就不要買，天丼放飯素，三隻炸到軟劈劈的蝦🤮，有什麼資格收這價格$198！所有食物要加錢先有套餐！其實做吾到好食物何必租在貴價地點！把價格抬高、但做不到好的食物質素！一個字差丶差丶差！

今天晚上難得銅鑼灣如此平靜便同朋友選擇了這間日式餐廳。大熱天時吃剌身飯真是一樂也。我們點了鲑親子井和四菱海鮮丼。四菱海鮮丼有三文魚，海膽，甜蝦和另一種刺身。兩個丼都非常新鮮，甜美。份量不算多，這方便改善吓就更好了。

今晚呀妹帶左我黎呢間喺Times Square附近嘅日本野。呢度主打魚生飯，亦有少量熱食，每樣叫左一款。廚師發辦壽司有九件，賣相好靚，魚生種類多亦夠新鮮，有油甘魚、池魚、三文魚、臘魚、魷魚、鰻魚，同埋我最鐘意嘅赤貝、海膽同埋拖羅。鹽燒魚鮫丼好大堆頭，冇乜見其他地方有得食，魚鮫燒得香脆，油脂甘香但唔肥膩，加埋香蔥一齊食幾惹味的，壽司飯可以任加。賣相亦都有心思，好鐘意黃色小菊同埋紅色楓葉呢。裝修幾有日式居酒屋風味。

今日越區搵食，去左豊勝手丼, 事關呢間日本餐廳之前話搬新鋪，比舊鋪更大，新鋪開左梗係要試下有冇保持住水準. 佢地新址係登龍街，熟悉Times Square附近嘅應該唔難搵. 門口靚左好多，入到去見到有sushi bar同好多枱，再加上屋頂嘅日式裝潢，好有置身日本嘅感覺。我同朋友坐枱，睇Menu已經好吸引我係鰻魚fans，叫左二重鰻丼，我朋友叫左吞拿魚丼。大約10分鐘左右就有得食，先到二重鰻丼，佢地用左兩種鰻魚: 原條鰻魚及星鰻燒. 用左醬汁燒，夠香夠入味。魚肉軟嫩多汁，一啖飯加上一啖鰻魚簡直係最高享受。過左一陣吞拿魚丼都到左，呢個丼亦keep到水準，入面有3種Tuna. 普通Tuna, 中Toro同埋碎蔥吞拿魚腩。吞拿魚好新鮮，肉質肥美。中吞拿魚腩充滿油脂，入口即溶嘅感覺。加埋碎蔥吞拿魚腩，一種魚食出三種唔同口感同味道，值得一試。下次一定要食埋三つの国雲丹丼(海膽丼)先。

這幾天不知為何都想吃點魚生難得今天男人要返夜更，便自己去享受一番吧是次吉蒂選來以前位於舊址時曾幫襯過一次的豊勝手丼新店比以前更寛敞，座位更舒適吉蒂被安排坐在四人座席（感覺像是貴賓一樣）坐下來服務員便向我簡單介紹餐牌，服務不錯嘛於是吉蒂決定食「豪」d叫了一支200ml的日本清酒再加上四款自選魚生丼（活帆立貝，中拖羅，松葉蟹鉗及海膽）雖然丼的份量真的不多，但對於喜歡喝酒而不太好米飯的吉蒂來說或是剛剛好如果比較胃口大的朋友其實不用擔心，因為店提供免費加飯服務啊食多多都仲得吉蒂來之前無想過這店的魚生蠻頗新鮮中拖羅夠魚油，而海膽亦新鮮沒有鯹臭味略厭魚生份量有點少，不過重質不重量是ok的☺️現時店家在下午12:00-17:00好像有八折優惠或是買四送一優惠，值得相約朋友一試啊總分80/100大家一個人不知吃什麼好嗎？不妨一試

是晚相約姐姐到銅鑼灣晚飯，突然想吃日本菜便挑選了這家主打魚生飯的日本餐廳。店鋪不算太大，只有二十多三十個座位，配上日式的裝潢。魚生飯又不同配搭，若果不想吃魚生，亦有燒物丼飯，好像鵝肝和和牛，另有提供數款燒物。看著魚生飯，我卻突然想吃壽司，所以挑選了廚師發辨壽司。十二件壽司，有三文魚、鰻魚、赤貝和海膽等。三文魚肥美甘香，赤貝爽甜，海膽幾乎入口即溶，質感細膩。壽司飯吃落軟綿帶有醋味，跟魚生的份量配搭得剛好。另一款是塭燒魚鮫丼，分別有油甘魚和三文魚魚鮫，魚鮫燒過後油脂呈半溶狀態，魚肉入口嫩滑，魚皮燒至脆身，非常香口。別以為丼飯份量很小，飯是無限添加的，適合大食之人！！

早陣子，看完獅子王之後經過登龍街，見到有間充滿日本風的小店，原來是主打吃丼飯的，看看餐牌，有差不多20款丼飯，另外還有刺身、燒物和壽司等。我們這天不算很餓，所以點了1人1丼和一條燒鯖魚。鵝肝丼有三大片鵝肝，把外層略略剪香，油份好重，非常甘香！兩粒超大又厚肉的帶子，很鮮甜！還有溏心蛋，蘆筍和燒冬菇！飯粒軟硬適中，順便一提，這裡是可以添飯的！雜錦角切魚生五顏六色，好吸引，令人好開胃！有我很喜歡的三文魚子，鹹鮮的三文魚子與醋飯的味道搭配得宜！刺身有三文魚、吞拿魚、油甘魚，更有磯煮鮑魚粒，用料不少，啖啖鮮味！也有甜蛋！新鮮美味！燒鯖魚燒得好夠火喉，好香，一點也沒有鯖魚的泥味，而且幾大條，肉質結實，美味！現在是新開的關係，非繁忙時段全單有7折，幾抵！

相信很多人有時候如果想食刺身會選擇放題，但是有時候想食質素比較高而且不注重份量的話，就會考慮魚生飯，上星期的我有一天就是有如此想法，於是便到了銅鑼灣這間魚生飯很出名的餐廳他們刺身的選擇很多，我粗略看了餐牌看到海膽也有分不同產地的，誠意十足在看餐牌的時候留意到他們還有鹿兒島和牛提供，本身想食刺身的我突然轉變心意點了一客，畢竟未試過在刺身丼餐廳點熱飯，結果沒有令我失望，和牛的味道非常香，充滿油香味，而且由於點了熱食，白飯也會提供溫暖的，不會提供魚生飯的冷飯，每一口都非常溫暖和充滿牛香味配上這個蜜桃梳打，這個簡單的晚飯非常滿足

銅鑼灣出名多餐廳，款式都好多樣化，一早聽講話豊勝手丼好出名，今日慕名而來一試。餐廳裝修日本風格，店員亦都十分有禮貌。野食方面，今日我地叫左一個雜錦刺身丼同埋一個鵝肝丼。雜錦刺身丼有好多唔同款既角切刺身，包括三文魚，吞拿魚，玉子，三文魚子等等，刺身份量甚多，而且十分新鮮。鵝肝丼就包括三件鵝肝，冬菇，溫泉蛋同埋蘆筍。三片鵝肝煎得香脆，入口即溶，配合其他配料，令人欲罷不能。食完之後見到隔離台嘅燒鯖魚幾好食，即刻叫一條試一試。鯖魚燒得岩岩好，肉質鮮嫩，清甜可口，仲有酸酸地嘅醬汁提供，我一個人都食完一條。總括而言， 呢間餐廳性格比甚好，可以一試！

今日食晏時間比較鬆動，同事喺openrice search咗一輪之後，就決定搭電車去呢間銅鑼灣嘅日式舖頭。依間餐廳晏晝時間人唔算太多，環境都幾開揚，裝修夠有日本情懷。打開餐牌一睇，各樣嘅海鮮丼飯選擇有好多，賣相都幾吸引。前菜、沙律、味噌湯屬於香港日式餐廳正常水準。我揀嘅五品丼有三文魚、油甘魚、赤蝦、帶子同日食海膽，啲魚生鋪滿曬成個飯，賣相唔錯。食落口海鮮質素屬於一般，略嫌有啲貴，不過無限飯任添，啱曬我呢啲大食人士。