豊勝手丼 (已結業)

最近發現登龍街多咗好多餐廳都未食過，今日就試下呢間豊勝手丼。見到有好吸睛既藍鰭祭限定poster，所以就order左一個極上藍鰭吞拿魚丼，都係$198 ja，比起之前試過其他餐廳性價比算幾高。上面有超多塊拖羅，而且都算既厚切。有赤身中拖大拖三款，仲有流心蛋同吞拿魚腩蓉。魚生都幾新鮮，吞拿魚腩蓉有超級多，多到可以撈勻晒所有飯。二百蚊內可以食到呢個質素同份量真係算好抵。另外order左個慢煮安格斯牛小排丼。牛小排鋪滿成隻碗有好多塊，慢煮真係唔同d ，牛質可以keep到好嫩滑，又鎖住晒d肉汁。加埋温泉蛋味道就更豐富。

朋友爽約，只好ㄧ支公去食午餐，估不到做就了食到個不錯午餐。我選擇去丼飯專門店，貪其又方便又簡單，入到店內坐下，見餐牌上有幾款午市定食，其中「慢煮安格斯牛小排丼」 更是我心水之選，馬上點了ㄧ客。定食包括有沙律、麻醬菠菜、麵豉湯，我還追加了ㄧ客蟹膏豆腐。食過前菜飲過湯後，牛小排丼已送到，碗內多片呈雪花的安格斯牛肉片排得滿滿，頂部還有半只溏心蛋，賣相十分吸引。我趕緊用筷子夾起牛小排來品嚐，口感嫩滑，肉味濃郁，油脂肥美。師傅用慢煮方式先煮，再將面層燒香，令到牛肉不會過熟，再配溏心蛋ㄧ起食，真係妙極!

今次係我第一次幫襯 話說前幾日係V Point附近做完野一丁友搵野食 見係OpenRice上大家對豊勝手丼既評價都唔錯 所以就決定入去醫肚喇！裝修係日系風格 舒服得黎又不失趣味留意到期間限定既「極上藍鰭吞拿魚丼」 照片吸引 價錢更加吸引 一於試試佢啦！有大拖羅、中拖羅、赤身同埋吞拿魚蓉吞拿魚既色澤同份量都好吸引 賣相好精美建議由脂肪最少味道較淡既赤身開始食起 跟住到中拖羅 最後先到脂肪最多味道最濃郁既大拖羅赤身肉質實、有咬口 而且好新鮮 望落去唔會暗淡無光中拖羅脂肪較赤身多 食落鮮味且帶有陣陣魚油香大拖羅夠晒肥美 脂肪分佈好似雪花咁 味道濃郁 食落有陣陣天然魚油既甘香 放係口腔內等佢慢慢咁溶化 魚油既香味係口腔久久不散 係幸福既味道呀！最後就用蛋同吞拿魚蓉黎配飯食 吞拿魚蓉同樣鮮味富油脂香 而且口感軟棉 而米飯用上珍珠米 飯粒好飽滿！佢地仲提供壽司飯免費添加 滿足唔同人既需要後記：今餐真係好滿足呀 吞拿魚丼既性價比好高 今餐感覺吸收左好多Omega3呀！

由於最近的疫情不斷影響港人，出外旅遊的意欲及計劃，雖然香港政府計劃旅遊氣泡，但是去日本不用任何檢驗隔離，最快是何年何月呢？經朋友介紹之下來到了這在銅鑼灣十分有名的丼飯專門店，當飯的種類十分多也有不少的優惠.提提大家所有丼飯也是可以免費添加日本米的，十分抵食.今天嘗試了一個有四種吞拿魚的丼，包括有赤身、中拖羅、大拖羅、及蓉，把吞拿魚各式各樣的口感也放在口中，相信大家也行過超市帶拖羅一片也40-50 元了，大拖羅入口即溶口感十足.這個壽司套餐也十分之豐富但有烏冬附上的適合女士享用.

約咗朋友去銅鑼灣睇戲，朋友話想試呢間嘅刺身丼，所以就入咗去食，係嗰日係週末嘅中午，餐廳唔係太多人，所以坐得都好舒適可能因為週末午餐無lunch set menu, 好似夜晚咁散點， 所以就比較少人餐廳主要係做刺身丼飯，自選唔同嘅刺身配合當飯，唔同刺身當然唔同價錢雖然冇lunch set Menu，但係都有固定配搭嘅丼飯可供選擇，價錢比自選丼平少少， 如果啱食，其實都可以揀，因為佢個配搭會比較保守同中路， 又同我都好鍾意食海膽， 所以就order 咗三款唔同海膽的丼飯我買咗揀咗牡丹蝦加蟹膏丼海膽丼裏面，其中一款海膽係韓國海膽，韓國海膽出奇地好味😋， 係我哋嘅最愛牡丹蝦同蟹膏都好鮮味 雖然每人埋單都要大約$300 ， 但我地覺得都幾值得食，因為刺身質素同埋個飯嘅味道都幾好

今日放假同女去銅鑼灣行街，行左成個下晝，好彩最後有收獲，咁當然要食返餐好既惠勞下自己，最後係燈籠街附近揾左間叫豐勝手丼既日式餐廳，睇個名就知係食丼，所以見唔洗等位就入左去。餐廳裝潢偏居酒屋風，又係牆上掛滿sake燒灼既酒瓶，唯一唔同係燈光比居酒屋更光猛😂我地叫左一份牛小排丼套餐，一個極上吞拿魚丼，一熱一凍，開心share。冇等好耐兩個丼就到左，份量比相像中大，本身仲諗住追加啲小食，望到個丼，好彩冇叫到。首先我試左牛小排丼，熱辣辣，啲和牛煎得啱啱好，唔會太生，更加唔會太熟，食落好有牛味，啲醬汁酸酸甜甜好夾，連埋飯一齊食超正，推介，唯一美中不足係，入面竟然有牛腩，而味道又真係好牛腩，如果全部都係牛小排就更完美😋之後再試埋個極上吞拿魚丼，由肥到瘦，厚切吞拿魚6片，仲有吞拿魚蓉，大滿足。我個人最鐘意中肥吞拿魚，唔會太肥膩又食到吞拿魚既鮮甜味，重點係無論係肥定瘦，定魚蓉，都冇雪藏味，感覺好新鮮，推介。

今日中午行過V point見到一間日本餐廳見到有諗藍鰭祭限定，裝修好有日本風味冇得返鄉下嘅我心血來潮就入咗去諗住試一試。慢煮安格斯牛小排丼牛小排鋪滿成隻碗，慢煮嘅方法唔只冇overcook啲牛肉，啲肉好嫩好有牛肉味，肉汁有好好多鎖住，温泉蛋更令個牛丼味道豐富，值得一試。👍🏼極上藍鰭吞拿魚丼見到個丼一上檯就急不及待想食啦！因為佢有好多我最鍾意嘅拖羅，赤身中拖大拖仲有流心蛋同吞拿魚腩蓉，基本上每啖飯都係食緊唔同口感同魚脂嘅吞拿魚，二百蚊以下可以食到呢個質素同份量，唔怪之得佢寫限定😂

行完街去左登龍街搵食，本身想食拉麵但比尼間個裝修引左入去😂女人啊~~其實佢d野食都好吸引，選擇又多，又選擇困難症發作🤭最後我地叫左一生一熟share食極上吞拿魚丼到先，但個set係牛丼跟嘅其實😂好大塊拖羅🤩大中口、赤身、魚蓉有齊晒，最滿意中拖羅，入口即化之餘冇筋，魚香同魚油味兼得👍🏻更驚喜係尼個慢煮安格斯小牛扒丼，牛味香濃，半熟更淋滑，配合炸蒜超香口👍🏻中間仲有d牛腩又係好淋，認真食晒勁飽😂尼度可以加飯，而且飯味夠香又軟，日本米係唔同d👍🏻

今日去左登龍街搵食！嚟呢度當然要食刺身丼～咁啱有期間限定嘅極上藍鰭吞拿魚丼$198，有大拖羅、中拖羅、赤身及吞拿魚蓉。丼飯仲有生蛋，可以撈埋一齊食。大拖羅真係入口即溶，非常好食！夠肥美！中拖羅亦都有魚油感，有少少筋位。赤身味道亦都唔錯，鍾意吞拿魚蓉撈左生蛋之後口感更加細滑～～$198呢個價錢真係幾抵食，有咁多高質吞拿魚。食完都相當滿足。餐牌仲有好多款丼物、刺身丼、熟食、散叫壽司。選擇多，又非常吸引～～

星期日都有晚市套餐，有多款不同壽司套餐，刺身、丼飯、熟食定食等等。一向鍾意食日本料理嘅我揀咗壽司定食，有壽司同烏冬，仲配有前菜、沙律及麵豉湯。壽司定食都非常豐富。沙律菜配有酸汁夠開胃；麵豉湯都幾香濃～～壽司定食有八件壽司，壽司全部都幾新鮮，我最鍾意食嘅海膽、帶子、蝦同左口魚都有。食完壽司其實都已經飽飽地，不過仲有烏冬。烏冬配料有日式魚蛋、海帶及腐皮。朋友就叫咗極上吞拿魚丼，都非常好食。呢度嘅食物上菜快，而且加茶都加得好密，不錯～～～

下午收工，揾地方食晏，附近登龍街算是食街，係呢度揾食最啱😄行到豊勝手丼，日系風格感覺清新，見餐牌選擇都幾多，餐廳丼飯係用日本米，就睇下有乜好食先🍱餐廳主打嘅係刺身丼，我揀咗份廚師精選壽司定食配腐皮烏冬🍣套餐麵豉湯，沙律同腐皮烏冬麵豉湯味道較淡，沙律菜新鮮開胃，沙律菜多D更好😅，腐皮烏冬份量唔太多，烏冬爽滑，腐皮好香豆味😋刺身壽司壽司有八件，加兩粒玉子，壽司飯同醋嘅比例幾好，醋唔太多，八種唔同口味刺身，海膽、帶子、三文魚、比目魚等，魚刺身鮮味，帶子爽甜，海膽壽司海膽都幾多，入口即溶，好滿足😍餐廳仲提供免費添加白飯，最啱食丼飯嘅大胃王🤣

今日和朋友來銅鑼灣逛街購物，便先吃個豐富的午餐再去血拼。原來登龍街最近新開了很多餐廳，這家專門吃日本刺身丼的豊勝手丼便吸引了我們。餐廳提供多款刺身丼選擇，三文魚，牡丹蝦，油甘魚，海膽等應有盡有。最近還有多款很相宜的午市定食等，包有沙律，味噌湯等。廚師發辦壽司定食 配腐皮烏冬份量較足，有十件壽司，有牡丹蝦，馬刀貝，帶子，油甘魚，三文魚，鯛魚，左口魚壽司等，還有海膽軍艦，玉子燒。全部新鮮即製，飯粒煙韌香甜，口感軟熟，刺身新鮮爽滑，油甘魚和三文魚等入口即溶，魚味香濃。套餐還包有沙律菜，爽脆香甜，煙鴨胸，熱騰騰的味噌湯等。腐皮烏冬湯底清甜，腐皮香味濃郁，軟滑香甜，烏冬十份彈牙有咬口，和湯底很配搭。

今晚去了餐廳林立的銅鑼灣登龍街覓食，很久沒有食日式料理，所以去了一間以丼飯聞名的餐廳食晚飯。餐廳充滿日式風格和攞設。餐牌上的丼飯林林總總，而我郤被壽司定食吸引了。前菜有日本甜番薯，夠香甜。沙律很開胃。壽司🍣由廚師發辦，共有8款不同口味的壽司。最喜愛當然是帶子壽司，軟滑鮮甜。蝦壽司也不錯，晶瑩剔透，爽口香滑。更配有2件玉子壽司。套餐亦配有腐皮烏冬，熱辣辣的滑溜烏冬，可以增加飽腹感。炸餃子🥟皮炸得脆卜卜，很香口。

鮭親子丼 $118 (lunch)我知係好殘忍，母子都係曬我個碗度🤷🏼‍♀️但真係太好食啦...點忍呀🙉三文魚腩勁厚切，食到第二塊已經有少少滯，因為太肥美啦!! 三文魚子好有鮮味，爆汁既感覺真係好滿足😎好執著每啖飯都要同時有三文魚同三文魚子，一家人呀嘛🤣

今日工作晏咗，同事都棄我而去，掉下我ㄧ人獨自食午餐，行經登籠街見「豐勝手丼」的海報十分吸引，ㄧ於入內探過究竟。店內環境充滿日本風情，再看看餐牌，見選擇都很多，但最吸引我的還是期間限定「極上藍鰭吞拿魚丼」ㄧ於來ㄧ客。不用多久ㄧ碗丼飯已送到我面前，碗內分别有大拖羅、中拖羅、赤身、免治呑拿魚蓉、日本鮮蛋黃。我由赤身先食起，雖然油脂不多，但食出藍鰭呑拿魚的獨特魚味，接下來中拖羅和大拖羅之豐富油脂，嫩滑口感，真係不得了。我再將免治吞拿魚蓉和日本雞蛋黃混入米飯中，魚脂和雞香再淋芥末醬油，甘香無比，ㄧ口接ㄧ口食不停。