豊勝手丼 (已結業)

Upon walking past V Point, I saw their menu displayed outside their restaurant and looking at the price menu, it was pretty reasonable, thus i decided to have my lunch there. Toyo Katte Don was located at V Point, behind Times Square Causeway Bay.As for their lunch set, the price was ranged from $68 to $148, offering rice don and sushi set etc. For their lunch set, it consisted of salad, appetizers and soup. Apple soda cider - It was very refreshing and gassy, having strong sweet apple taste. Mi

銅鑼灣登龍街食肆林立，之前經過見到這間食刺身丼飯好吸引，今日一個人早來了銅鑼灣便來試試。餐廳裝修很有日本風格，未有得去日本之前來ff一下餐廳中午有午市定食，牆上掛着廚師推介的餐牌，價錢不貴。廚師精選壽司定食配腐皮烏冬 | $138午餐的定食都有湯、沙律及前菜，點了一個豐富的午餐。前菜有牛腩蘿蔔，加了七味粉有少少辣味，蘿蔔經湯煮過都算入味，牛腩肉質軟腍。前菜沙律除沙律菜外，還有粟米、蕃茄仔、蟹籽，蕃茄仔十分新鮮，而且甜。沙律醋夠多，沾勻了沙律菜。麵豉湯熱度十足，有豆腐及海帶在內，味道剛好，不會太䶢。湯烏冬彈牙，不會粉粉的配菜的是‘腐皮壽司’的腐皮，吸了醬油及味噌的甜味，豆亦都新鮮爽口。食完前菜、烏冬可以慢慢享受壽司。.真鯛味道較清，油脂較少，魚肉新鮮；火灸比目魚邊的油份好香，油脂味道滲到了壽司飯上，魚油香味十足；日本馬糞海膽鮮甜不苦，壽司定食中有海膽都幾抵；三文魚十分肥美，厚切口感十足豐富。油甘魚厚切，油脂不多，鮮味可口；赤蝦肉彈牙，好大隻，蝦肉鮮甜；活帆立貝新鮮大件，馬刀貝爽口又鮮甜。壽司刺身都好新鮮，鮮味十足，有機會要再試試其他丼飯。

經過幾次銅鑼灣都見到呢間日本餐廳好多人排隊，今日見唔多人排，專登去試下午餐嘅選擇都除咗刺身飯、壽司仲可以揀一些丼飯，冇得去日本太耐，老公見到有拖羅，即刻話要食呢個，我就揀咗牛小排丼飯慢煮安格斯牛小排丼配溏心蛋一開始就覺得賣相好靚，雖然睇落份量比餐牌上的相片少，但食落都好飽…牛小排無上去以為好生但食落又ok, 加上有少少炙燒過的香味，所以幾容易入口～肉質好腍，有少少汁，冇筋，易咬開，牛味從肉汁裏吃到岀來～而且仲有好多蔥同香蒜粒加埋醬汁一齊玩返都好惹味，每一啖都好夠味亦都好有口感～因為是午市定食所以仲有沙律、前菜同埋麵豉湯老公的極上吞拿魚丼，試咗一兩塊吞拿魚，非常鮮味，入唔溶化～ 令人更加懷念喺日本築地市場食嗰塊大拖羅～ 冇得去日本喺呢度食下都唔錯，老公都對這碗極上吞拿魚丼讚不絕口！

今晚放工去銅鑼灣行街睇衫食飯，調整吓心情。燈籠街一向都係美食匯聚嘅地方，今晚就試吓呢間豊勝手丼。我哋一人叫咗一個晚餐，廚師精選壽司定食配腐皮烏冬，八件壽司有油甘魚，三文魚，真鯛，赤蝦，帆立貝，馬刀貝，比目魚，日本海膽同埋玉子。烏冬份量唔太多，啱啱好。我哋又試咗慢煮安格斯牛小排丼。安格斯牛片厚薄適中，唔會因為比較生而食唔到。我特別鍾意佢嘅醬油，加埋珍珠米，好好味。當然仲有我最鍾意嘅溏心蛋，味道豐富！我哋再追加三文魚刺身，食日本嘢點可以無咗佢。

週日朝早做完運動，有點肚餓，到了登龍街嘅豊勝手丼食lunch。門面已經充滿日式氣氛，裡面的布置更加好似去咗日本。午市套餐選擇好豐富，我選擇了慢煮安格斯牛小排丼飯，配前菜，沙律同味噌湯。牛小排上桌賣相超靚，望落帶點粉紅色，食落充滿牛肉香味，而且肉質嫩滑，品質好上乘。上面仲有一隻糖心蛋，日本米飯配蔥花及炸蒜非常香口。，另外仲點了一客廚師發板嘅八件壽司，上面有玉子燒，帶子壽司，左口魚，三文魚， 油甘魚，海膽及帶子等，非常新鮮，值得推介。

午市定食以熟食物居多，想食魚生嘅我就揀咗呢份「廚師精選壽司定食」(HKD138)。定食有沙律、小食、8件壽司、腐皮烏冬。以咁嘅地段同埋價錢嚟講有呢個份量算唔錯。壽司質素可以接受，唔係難食囉🤪一分錢一分貨嘛，同意嗎？

2020年11月7日 星期六難得星期六唔需要早起身返工，所以就同老婆瞓到差唔多12點先休閒地起身，梳洗完之後出門口搵午餐食已經係差唔多一點，撞正午飯時間，所以周圍都好多人最後決定去到銅鑼灣呢一條食街搵嘢食，見到呢一間餐廳長期都好多人排隊，食物應該唔錯，所以都跟住排埋一份排隊嘅時候見到餐牌有午市定食，雖然選擇唔多，不過賣相好似好吸引，而且仲有其他限定吞拿魚丼，餐牌上面寫着有四款唔同嘅吞拿魚部位，於是一入到餐廳我已經即刻點呢個丼等咗大約10分鐘左右食物就開始陸續送到，首先就係我叫嘅吞拿魚丼，上面真係有四款唔同嘅吞拿魚部位，每一舊都好厚切，而且可以睇到紋路，脂肪分布十分平均，其中大拖羅入口即融，幸福嘅感覺即時湧上嚟，而中拖羅就比較有口感，吞拿魚味慢慢滲透出嚟，至於吞拿魚蓉用嚟送飯簡直係一流，唔需要加醬油已經好夠味至於老婆就要咗慢煮安格斯牛小排丼，睇得到牛小排應該大約有三成熟，肉質有少少粉紅色，老婆話好有咬口，而且調味足夠，生熟程度岩岩好另外牛小排丼仲有兩個前菜，分別係沙律同麻醬蕃茄，食落去幾清新，而且酸酸甜甜幾開胃睇落去每人只係叫咗一個丼，原本都怕唔夠，點知食完之後都有飽肚既感覺，期望下一次

地點方便就腳，由地鐵站行去大概3分鐘。特意中午時段過來，因為這個牛小排丼飯要午市才有！⏰午市套餐很化算，套餐附送：蟹子沙律🥗，前菜洋蔥鴨胸，麵豉湯😋👍🏻📍慢煮安格斯牛小排丼🐄🐮（$98）特意中午時段過來，因為這個丼飯要午市才有！🎌牛小排上灑上蒜片，濃郁可口😋👍🏻重點牛肉油花清晰，分布平均，肉味極濃🐯！牛肉份量絕不吝嗇，上層接近十片半熟牛肉，入口即溶；下層則有極厚切牛肉，口感一流！

咁啱中午試左呢間位於銅鑼灣嘅日式餐廳。呢間餐廳主打魚生飯，所以魚生飯嘅種類都有好多。午餐另配備幾款烏冬同熟食丼俾唔食生野嘅人選擇。今日試左呢個做緊promotion 嘅極上藍鰭吞拿魚丼 (hkd198 +10%) ，裡面有赤身、中吞拿魚腩、大吞拿魚腩（各兩片）、吞拿魚腩蓉 另有生旦一隻。 總括黎講刺身算係新鮮而我特別鍾意食中腩，加上個壽司飯加左旦同腩蓉真係正。呢個價錢性價比都幾高，可以再試！中午時間人會比較多所以早去會好少少。

要講到一年四季都咁鍾意食嘅嘢，一定係日本嘢啊🤤 仲要係魚生刺身類既，所以又係我食丼食嘅時候🤤🤤🤤極上藍鰭吞拿魚丼 聽個名已經覺得好吸引🤭一諗起鮮味嘅吞拿魚，再加埋軟淋嘅拖羅蓉，唔係講笑，個口感好正🤩豊勝手丼嘅丼食選擇好多，我都係毫不猶豫揀咗呢個吞拿魚丼，果然冇令我失望，一上菜已經覺得藍鰭吞拿魚好新鮮，中間個蛋黃不停召喚我去督穿佢😆 撈埋拖羅䈶真係超邪惡😎超厚身！入邊仲混合左啲菇，口感更加豐富！份量好足，食到最尾嗰啖啲飯都仲可以配到魚生👍🏻👍🏻👍🏻位於好多美食嘅登龍街，好易搵，地鐵站行5分鐘就係設計幾有日本feel我點嘅丼仲有超多選擇，想再去食！！

今日要去銅鑼灣見客，見有空檔就周圍行下，係門口被丼飯吸引，最近又心思思想食日本菜，一個人就入去試下。睇睇餐牌有好多不同款式的丼飯，真係咩都想試下，不過前兩日食完刺身所以今次就試下「慢煮安格斯牛小排丼」。首先，丼飯有沙律前菜同麵豉湯。沙律菜好新鮮，配埋酸醋汁十分開胃；而前菜係鴨胸肉，都係淋上少少酸甜醬，再飲埋麵豉湯，係好standard又開胃嘅前奏，十分期待主角出場。等多一陣，牛小排丼就上碟，賣相十分吸引。牛小排做到外脆內嫩，好香濃的牛香，食落仲有啖啖肉汁，再加上溏心蛋的蛋香、牛肉的肉汁、珍珠米，仲有花心思的小配料脆蒜、香蔥，每一啖都十分滋味，而且味道豐富。特別要一讚店舖選用日本珍珠米，飽滿嘅飯粒同蛋汁肉汁完全融合，即刻加分!! 下星期又要嚟銅鑼灣，一定會再試下其他丼飯!!

行開銅鑼灣，心血來潮想食海鮮丼，即刻上openrice search到呢間豊勝手丼，見口碑唔坐即刻出發！門面內部裝潢都好有日本風，有d似居酒屋嘅感覺，坐位設計亦都好有心，可以放袋同衫，可以食得舒舒服服！睇睇menu，唔知食咩好，樣樣都想試，結果揀個最貴嘅海之幸丼，就係貪佢大堆頭乜都有，可以一次過試哂，大滿足！一上檯見到個份量已經覺得值回票價，一d都唔姑寒，樣樣都厚切大大件，誠意十足，完全睇唔到剌身下面嘅飯！油甘魚：肉厚肥嫩，魚肉甘甜滑嫩膠質，入口即融比目魚邊：係我最鐘意係剌身，貪佢油脂夠多，輕輕火灸一下，d油香出哂黎！吃完後個份香滑的口感久久不能散去吞拿魚腩：實好味唔洗講啦！味道甘香，肉質鮮甜味美 三文魚籽：經醬油醃製，無左海水腥味，鮮味更為突出。顏色鮮艷大大粒！赤蝦：味道濃郁、肉質爽滑松葉蟹鉗：肉質細緻鮮甜，仲好細心咁幫你去左殼，輕鬆一剝就能露出飽滿蟹肉，好滿足呀日本海膽：味道鮮甜有回甘，新鮮無異味！總體黎講，$300唔洗食到咁新鮮高質丼飯真心幾抵，唔係下下食放題先叫著數，偶爾重質不重量也是必須的！

很久沒吃超新鮮的魚生飯了，今天行到銅鑼灣登龍街美食街，就來試一下！餐廳裝修充滿日式風情，一坐低，已經俾餐牌各種丼飯吸引住，有廿多款丼選擇，我就鎖定要食期間限定既"極上藍鰭拿吞魚丼😍😍"!!而我朋友就點了"慢煮安格斯牛排丼" ! 餐前配上日式沙律，入口很fresh；味噌湯味道不鹹而且多昆布及豆腐；煙鴨胸配上酸汁及紫洋蔥，配搭一流。等了無耐，兩碗丼上枱，藍鰭拿吞魚丼全碗滿滿的，完全看不到碗底，超大滿足!! 四款魚生份量超多，大拖羅油脂偏多，入口即溶；中拖就油脂均勻， 有香濃魚油味!! 赤身嫩滑無筋，鮮味十足!!吞拿魚腩蓉與流心蛋黃一起吃，恍似置身於築地市場內裏吃魚生飯質數一樣，每樣魚生都極唯新鮮!! 再加少許醬料伴食，食落特別滋味。而小牛排丼，牛排半生熟，肉味夠濃而且充滿油脂香嫩口，配與半隻溫泉蛋加上日本飯伴起吃，好幸福唷。提提大家所有丼飯也是可以免費添加日本米的，唔夠飽記住添加

呀妹放工無人幾。竟然約我食下野。好啦。等佢帶食。佢話公司附近有間日本野好味。🥰🥰🥰至愛門口餐牌都多選擇店內乾淨👍🏻👍🏻👍🏻見到呢張相🤤🤤🤤🤤好想食有鴨肉。新鮮。肉質唔鞋。幾好味😋🤗🤗呀妹點了呢個安格司牛仔肉 上面放了隻流心蛋，配上成碗滿滿牛排🥩，加上小小蔥花，炸蒜頭🧄片。每啖每啖都有喜愛餸。真心牛排係不錯。👍🏻👍🏻👍🏻👍🏻我真係叫了想點期間限定🤤🤤先來個清清地沙律。新鮮生菜。蕃茄，蟹子。同圖片一樣，極上藍鰭吞拿魚丼🤩🤩🤩🤩，肥美。厚厚吞拿魚，吞拿魚蓉可以同珍珠飯一起吃。味道正正正👍🏻👍🏻

登龍街一向被視為銅鑼灣「食街」, 由街頭去到街尾. 全部都係食店, 每一間都充滿特色~今次我就去咗V Point既豊勝手丼, 睇個名都知主打「丼飯」, 我以前有去過舊舖, 新店都係第一次嚟, 裝修同以前差唔多, 但空間感就大大提升~今次我唔食生冷嘢, 就點咗個慢煮格格斯牛小扒丼嚟食, 隨餐送沙律、前菜、味噌湯水, 沙律味道唔錯, 酸酸甜甜, 沙律菜清新爽脆, 食完好開胃~慢煮格格斯牛小扒丼丼飯內有好多小牛扒, 感覺都幾足料, 而飯面放咗半隻流心蛋, 蛋味香濃, 好濕潤, 食時加少少落牛小扒喥, 有提鮮作用, 而小牛扒經過慢煮後, 肉汁被緊鎖住, 口感嫩滑juicy, 好好味~