豆公館

营业中

休息中

店名：豆公館地點：旺角登打士街43H號登打士廣場地下3及5號鋪今日拍拖黎開槍街尼頭，見到有間新店鋪，叫豆公館，原來係提供豆製美食嘅鋪頭，一場黎到就試試佢😗😗，我地都幾肚餓，所以都叫左一堆試試1.魚肉煎豆腐 $28魚肉香口，豆腐脆身，正正方方，剛好可以一啖食2.招牌麻婆腐皮蛋餅 $38蛋餅係台灣早餐店常見早餐之一，多數會落蔬菜，蔥等，但店家好創新用麻辣去調味，又好配搭3.肉鬆蛋餅 $38蛋餅口感柔軟香滑，配埋肉鬆，非常好食4.蘿蔔糕 $35蘿蔔糕挺身，唔會削，餡料又足，仲有甜醬，辣醬同埋甜豉油配搭5.老乾媽炒麵 $36好食，惹味嘅老乾媽配上炒麵，再加上少許蔬菜絲，快炒幾下，非常惹味，又有鑊氣6.炒米粉 $26鑊氣足，配料多，粉絲乾身，正7.招牌麻婆豆腐花 $26第一眼見到，好難想像麻婆點搭豆腐花，問番店員先知原來佢地每日用新鮮自家製香滑豆腐花配上獨家自製麻辣醬，上邊又會落少少花生同炸菜，辣得嚟又幾頂癮，推薦大家可以試下8.黑糯米豆腐花 $26非常好食，黑糯米甜度適中，豆腐花又好嫩滑，值得一試9.杞子元肉紅棗黑糖豆漿（熱）$22非常適合女士飲用，豆漿入味，入面仲元肉，紅棗增加豆漿味道層次～

同男朋友行喺旺角行完街有少少肚餓，想食少少嘢，見到間豆公館就入去試吓，我最鍾意食薑汁嘅野，所以呢個薑汁豆腐花我好滿意，滿滿嘅薑汁味，全無糖水，可以自己加糖，吾怕太甜。另外黑芝麻豆漿都好飲，咁足黑芝麻味。老乾媽炒米粉都幾特別，食得出有老乾媽辣椒醬嘅味道，係偏重口味啲男朋友話鍾意，第一次見麻婆腐皮蛋餅味道都唔錯。蘿蔔糕就一般。見餐牌有其他特色豆漿，下次都想再試吓，相信薑汁豆漿，椰汁豆漿杞子肉丸，豆漿都會好好飲🤗

諗返起以前中學放學都會去豆品店食個下午茶🤣今次見到呢間舖頭發覺豆品店原來都可以咁新潮🪵店鋪風格好簡約 選擇豐富由豆漿豆腐花不等🤍各種豆味濃郁食得出係真材實料⭐️ 招牌麻婆腐皮蛋餅 🫔蛋餅皮薄而酥脆🇹🇼加上香濃嘅蛋香🥚好有台灣地道風味 加上麻辣醬同酸菜嘅點綴更有層次🌶️⭐️ 魚肉煎豆腐 🐟熱辣辣又唔會過油🔥魚肉香脆嘅口感配上豆腐嘅軟嫩好平衡😊⭐️ 滷水豆腐豆卜 🍘豆腐同豆卜都完全滲入滷水嘅濃郁🥹滷汁滋味唔會太鹹⭐️ 豉油王炒麵 🍝充滿鑊氣而且好香口🤗份量豐富CP值好高🥴⭐️ 無糖淡豆漿 🥛⭐️ 黑芝麻豆漿 🖤無糖豆漿食得出天然嘅豆香😇蛋白質滿滿適合曬Gym L💪🏻 黑芝麻嘅味道濃郁帶微甜同豆漿好配合呢⭐️ 薑汁豆腐花 🫚⭐️ 杞子圓肉紅棗黑糖豆腐花 🍡薑汁味道比較重建議加點糖水比較溫和😚豆腐花口感好滑溜😛 紅棗配上杞子圓肉整體感覺比較滋補🍓

最近做返gym，都會盡量食多啲蛋白質嘅食物，經過旺角有新開又專做豆類食物，就一定去試試，枱與枱之間幾闊落，食物主要以豆類製品為主👍🏻岩健身人士，而且有好多唔同口味，平時飲開無糖豆腐嘅可以轉下口味肉鬆蛋餅 （$38）門口見到即整，原來牆上banner寫用全豆乳製作，個蛋餅賣相好好，入面包咗肉鬆，蛋，蘿白絲，爽脆香口但無油膩感，餅皮有啲似taco餅皮口感，同平時有啲唔同，外面嘅醬油膏加埋咸咸甜甜味道幾夾滷水豆腐（$28）滷得啱啱好，食到豆味滷汁亦唔會過咸仲帶點微甜似台灣風味黑芝麻豆腐花 （$26）超級滑嘅豆花，洒左心形芝麻帶嚟小小儀式感同增加口感，豆味濃，唔會好甜杞子元肉紅棗黑糖豆漿 （$22）養生豆漿，入面有埋薑味，甜度適中，豆漿味比較濃啲當而家飲一杯廢水都要3x蚊，哩到最平2x有個嘢食可以坐陣，仲要係旺角中心區，確實無乜可以投訴🤣

想去嘉多娜買開心果燒餅，途中經過間專做豆品既餐廳比個落地大玻璃同開放式廚房吸引左）又feel到肚餓就入去食D野先。店內裝潢好有中式/公館feel，主要係大地色配木系枱櫈～我地都叫左唔少野食，講明係賣豆既店，一定要試豆漿啦，豆漿味道都幾多選擇，叫左無糖同黑芝麻豆漿，由於無糖關係所以會比較濃但會飲到少少澀味？定係燶味嘅感覺？所以黑芝麻係好飲啲有淡淡芝麻香同埋少少甜味。 等咗一陣就嚟咗一份魚肉煎豆腐，魚肉比較薄但件豆腐就好好味，質地夠滑😋（可以encore) 杞子元肉紅棗黑糖豆腐花，賣相好吸引有兩大片薑、幾粒龍眼肉，豆腐花食落有薑味但唔會太辣幾啱女士！老乾媽炒米粉比較普通，不過入邊真係有好多嘅蔬菜🥬 麻婆腐皮豆漿蛋餅，面頭麻婆豆腐醬有啲鹹同濃味，好難食到中間腐皮嘅味道不過我自己就幾鍾意入邊包住啲銀芽同埋蘿蔔絲令到個蛋餅有口感。 滷水豆腐豆卜淨係熟悉嘅滷水味，不過個豆卜就感覺上有啲油膩、豆腐就不過不失～ 下次經過嘅話可以再試佢嘅豆漿同埋豆腐花🤭

話說Happy Friday點都要出街食下飯，發現公司附近新開咗一間以豆製品為主題嘅餐廳，本地出產，即刻同同事去試一試！🍽️ 肉鬆蛋餅 + 蘿蔔糕同事表示自己好鍾意食蛋餅🤤一見到牆上嘅蛋餅裝飾品就叫咗呢個肉鬆蛋餅試一試🌮即叫即整，估唔到都幾足料，熱辣辣～正！我就要讚一讚呢個蘿蔔糕，又係煎到外脆內軟，有少少煙韌添，口感都有啲特別！🍽️ 魚肉煎豆腐 + 滷水豆腐豆卜呢個魚肉豆腐又係即叫即煎，熱辣辣，啲魚肉煙靭，煎到個豆腐外脆內軟，好有豆香，唔錯👍而個滷水豆腐都好入味，我最鍾意食個豆卜，口感一流🤤🍽️ 老乾媽炒麵 + 老乾媽炒米粉話明開心星期五當然要食飽啲🥳我哋叫咗個老乾媽炒麵同埋炒米粉🤤少少辣夠晒滋味，唔食辣嘅人都啱😋炒麵有啲韌度而炒米粉夠清爽，兩個都唔錯！🍽️ 杞子圓肉紅棗黑糖豆腐花呢間餐廳開宗明義出名食手工豆腐花，估唔到呢度仲有好滋潤嘅圓肉紅棗黑糖豆腐花，呢個係我喺出邊少見😍睇個名都夠晒滋潤，豆腐花好有豆味，呢排天氣凍，食完仲覺得暖笠笠，啱晒秋冬😍🍽️ 杞子圓肉紅棗黑糖豆漿豆漿都係好有豆味，不過我就鍾意食豆腐花多啲啦，有啲咬口開心啲🥳女人補品，總括而言呢度嘅豆類製品都唔錯🤪

鍾意食台式/豆品美食唔好錯過喇！旺角豆公館推介：招牌麻婆豆腐花香滑豆腐花配麻辣醬，夠曬過癮肉鬆蛋餅蛋餅配鬆軟可口肉鬆，口感正老乾媽炒麵辣椒醬同有鍋氣既炒麵係絕配杞子元肉紅棗黑糖豆漿入面有元肉，紅棗，滋補之選

杞子元肉紅棗黑糖豆漿 -杞子、元肉和紅棗的搭配不僅讓湯品具有醇厚的口感，還富含了多種滋補成分，非常有益於身體。黑糖的加入更能增強香甜感，但整體不會太膩，甜度控制得宜。招牌豆腐花 - 豆腐花嫩滑柔順，經細心處理後，能呈現出極佳的口感。搭配上適量黃糖，成為令人難忘的美味。原味蛋餅 - 以鬆脆外皮為基底，搭配內餡各種蔬菜等，營造出層次豐富的口感和味。滷水豆卜 - 豆卜浸泡在特制的鹵水中，能吸收各種香料的氣味，成為一道色香味俱全的小食。

豆品都是由細食到大，以前放學就會去買嚟食😋近年豆品店舖愈來愈少，這店老闆就特別將香港簡單但特色美食帶回來！ 小店空間都幾大，木系簡約設計，整體清新整潔玻璃窗仲可以見到製作過程，煎豆腐煎蛋餅一眼睇哂～除咗柴魚花生粥，其他如豆腐花、豆腐、豆漿、炒麵、蛋餅等都唔超過$50。 豆腐花仲有十多款揀！早餐亦只係$20 炒麵/米粉加豆漿！招牌麻婆腐皮蛋餅，外皮幾煙韌，餡料豐富有口感。麻婆醬唔算太辣，都幾惹味。黑芝麻豆腐花真係好滑，上面加咗芝麻粒，味道更香濃。 老乾媽炒米粉都幾乾身，唔算太油，有豆豉嘅鹹香，辣得好香口。柴魚花生粥及煎魚肉豆腐就有待改善。

豆公館的美食真係令人回味無窮！佢哋嘅肉鬆蛋餅外皮鬆軟，肉鬆滋味豐富，每一口都充滿驚喜。蘿蔔糕嘅質感非常好，外層輕微煎至金黃又脆，內裡蘿蔔細膩香甜。來到豆漿，真係每一口都感受到自家製嘅新鮮同純淨，溫暖又慰藉人心。滷水豆腐同魚肉煎豆腐都非常入味，豆腐質感滑嫩，魚肉鮮美多汁，滷汁香濃，完美融合左各種口味。每次光顧豆公館，都能感受到員工嘅熱情同專業，令人每次都想再黎。無論係想食早餐、午餐定係晚餐，呢度都係一個好選擇。強烈推薦俾喜歡嘗試傳統與創新結合嘅美食嘅朋友！

滷水豆腐滑嫩可口，豆香濃郁，鹹淡適中。杏仁豆腐花是我個人最喜歡的，杏仁味濃郁但不會過於甜膩，甜度恰到好處。無糖豆漿口感醇厚，沒有添加糖分，更能品嚐到大豆本身的香味，非常健康。炒米粉鑊氣十足，調味適宜。肉鬆蛋餅的餅皮煎得金黃酥脆，內餡除了肉鬆和雞蛋之外，竟然還有蘿蔔絲，增添了口感的層次，非常驚喜！這個搭配讓肉鬆蛋餅的口感更加豐富，鹹香中帶著蘿蔔的清甜。整體而言，「豆公館」的環境舒適，價格親民，出品也保持了高水準。他們家的豆製品選擇多樣，從傳統的豆腐花、豆漿到創新的麻婆豆腐花、肉鬆蛋餅，都能滿足不同顧客的需求。下次有機會還會再來嘗試其他菜式，例如他們推薦的招牌麻婆豆腐花和老乾媽炒麵。推薦給喜歡豆製品的朋友們！位於旺角的「豆公館」以每日新鮮製作的加拿大優質大豆製品為主打，提供多款營養又美味的豆類料理。這次我點了滷水豆腐、杏仁豆腐花、無糖豆漿、炒米粉和肉鬆蛋餅

旺角豆公館，主打豆品類，豆腐花、豆漿、煎豆腐一應俱全，仲可以選擇唔同口味既豆腐花、豆漿，另外仲有特色蛋餅、炒麵、炒米粉和柴魚花生粥。肉鬆蛋餅：現場人手即煎，由打蛋開始，一路加配料去煎，蛋香十足，餡料勁多，加埋小店秘製醬汁，滋味無窮。魚肉煎豆腐；豆腐無添加任何調味料，全靠頂頭塊魚肉，雖然薄左少少，但鮮味十足。滷水豆腐豆卜：豆腐和豆卜索滿濃郁滷水汁，加埋蔥花，色香味俱全。豉油皇炒麵：炒得很有鑊氣，麵條夠乾身不油膩，配上韭菜、紅蘿蔔絲、蔥花、芝麻，更加惹味。黑芝麻豆漿：超級香濃。杞子元肉紅棗黑糖豆漿：養顏滋潤，女仕必點。黑糯米豆腐花：豆味濃郁，質感嫩滑，配上彈牙煙韌既黑糯米，口感豐富。總結，餐廳位置方便，豆製品健康好味，值得支持既小店。

店員態度親切友善~試左佢地既招牌麻婆豆腐花、原味蛋餅、魚肉煎豆腐、杞子元肉紅棗黑糖豆漿同薑汁豆漿都都很不錯！👍🏻值得推介既係麻婆豆腐花呢個配搭幾新鮮面頭有少少辣椒油有少許辣但配搭香滑既豆腐口感味道幾特別（因一般甜品店很少出甘既配搭😆）杞子元肉紅棗黑糖豆漿裡面有加原材料係裡面，飲落味道唔太甜好岩女生飲黎補下！👍🏻💯

下午大概3-4點的時候經過見到有一間疑似新開ge餐廳本身有少少飽飽地 但見到佢個menu d野好似幾得意就入左去食佢ge選擇唔算多 由於我飽飽地我剩係叫左個招牌麻婆腐皮蛋餅 因為出面少見等左大概5分鐘到 食物就到左黎到ge時候會覺得有少少細份同平平無奇蛋餅上面ge醬就似係麻辣醬 少少辣辣地咁而佢ge腐皮就係夾左係中間咬落去ge口感其實幾特別 因為會有陣豆香但個人口味會覺得醬太少 成個蛋餅有少少淡口不過如果鐘意淡口蛋香同豆香係ok ge

旺角新開嘅人氣小店「豆公館」！裝潢好有懷舊香港嘅味道，食物選擇又多，主打各款豆製品同埋鑊氣小炒，真係令人眼花繚亂！🤩我哋叫咗好多嘢食，款款都咁吸引！首先，必試嘅當然係佢哋嘅招牌豆漿系列啦！椰汁豆漿🥥🥛香濃幼滑，椰香同豆香完美融合，真係一試難忘！鍾意清淡嘅朋友仔就可以試吓無糖淡豆漿，豆味香濃，健康又好飲！👍🏻甜品方面，我哋叫咗杞子元肉紅棗黑糖豆腐花同黑芝麻豆腐花🖤🤍。杞子元肉紅棗黑糖豆腐花滋潤養顏，啱晒各位靚女！黑芝麻豆腐花就香濃滑溜，芝麻味超香！兩款都好出色！😍小食方面，我哋叫咗蘿蔔糕、肉鬆蛋餅同埋炒米粉。蘿蔔糕煎得金黃香脆，外脆內軟，口感一流！肉鬆蛋餅就充滿台灣風味，蛋皮軟熟，肉鬆鹹香，好滿足！炒米粉鑊氣十足，夠晒惹味！😋最後，我哋仲叫咗滷水豆腐豆卜同魚肉煎豆腐。滷水豆腐豆卜滷得入味，豆卜索晒滷汁，送飯一流！魚肉煎豆腐外脆內嫩，魚肉鮮甜，豆腐滑溜，好有住家風味！🤤總括嚟講，「豆公館」嘅食物質素高，價錢合理，環境舒適，服務態度又好，絕對值得一試！💯 推薦俾所有鍾意食港式小食同豆製品嘅朋友仔！💖