影片
港铁油麻地站 A2 出口, 步行约4分钟
继续阅读
营业时间
今日营业
08:00 - 23:00
星期一至四
08:00 - 23:00
星期五至六
08:00 - 00:00
星期日
08:00 - 23:00
以上资料只供参考，请与餐厅确认详情
招牌麻婆腐皮蛋饼$38 餐厅好young ，推出左好多特色蛋饼。依款就系最signature 。麻婆味，麻麻辣辣咁好惹味。好少蛋饼会用麻辣做味道。腐皮脆脆咁好有口感。吞拿鱼芝士蛋饼$38吞拿鱼经典嘅蛋饼味，配埋拉丝芝士一齐食好满足！餐厅系落馅料方面好大方，你会见到蛋饼嘅横切面有住满满嘅吞拿鱼。如果大家挂住台湾早餐店嘅蛋饼，就过黎啦！老干妈炒面$36 老干妈炒面，非常之有特色。用豉油做调味、又用左面豉炒香个主调、配埋青葱同埋炒香咗嘅黑白芝麻，炒面变得非常惹味。面质炒得非常干身，啲面唔会炒完之后变得一嚿嚿黐埋一齐。每一条分明而且每一条都均匀咁样沾上咗豉油。铁板蛋煎肠粉$26 肠粉表面煎得好靓，微微焦香又香脆。同其他港式嘅XO酱炒肠粉好唔一样。每一条肠粉都会有煎得啱啱好嘅滑蛋黐住个表面，食落去除咗食到肠粉大米嘅香味，仲会食到蛋香。开心果豆腐花$42 大家嚟一定要食开心果豆腐花！豆腐花上面开心果糊食得出系由开心果打碎成浆整出黎。食落去有香浓嘅坚果味，并且开心果味都好突出。糊打得好稠密，配埋口感轻盈嘅豆腐花一齐食会有2重层次。泰茶麦芽桃胶豆腐花$35新式fusion豆腐花都好值得食！泰茶做主揾嘅豆腐花食落去有一种中西合璧嘅感觉。有埋麦芽代替黄糖，感觉更加健康同埋味道新颖。食落去会食到茶香、麦香同埋豆香。最后桃胶就系画龙点睛嘅配料，一半烟韧一半啫喱嘅感觉配上豆腐花，每一啖食落去都好丰富。
继续阅读
平时成日经过呢间 豆公馆 见到门外嘅豆腐花餐牌已经好想食 今日终于嚟试啦😬 入到去坐低睇睇餐牌 再自己用笔落单 方便简单～有好多选择 拣咗一阵终于拣好🤣 黑芝麻豆浆好香黑芝麻味 豆浆好顺滑 唔会好甜 好好味😋 无糖淡豆浆豆浆打得好幼滑 豆味好重 健康之选😀 老干妈炒面好香好好味🤤 炒得够火候 条条面都有上色 越食越想食！必点👍🏻 麻辣铁板蛋煎肠粉 呢个好有惊喜😍 肠粉煎得好香好干身 加埋佢嘅调味好惹味😋 招牌麻婆腐皮蛋饼呢个真系必点！麻辣酱好香唔会劲辣 蛋饼煎得薄脆 加埋花生榨菜又系另一种享受😌 萝卜糕软糯嘅口感 再加上煎得两面都香脆 加埋辣椒酱同甜酱 正👍🏻 麻辣咸牛肉芝士刈包热辣辣拎上嚟嘅时候芝士仲系拉丝😍 咸牛肉就咁食就有啲咸 一定要加埋刈包食 咁就啱啱好啦😇 麦芽黑糖桃胶花生豆腐花食完咁多咸嘢最后梗系要食返甜品😗 超多桃胶😍劲钟意！豆腐花幼滑 加埋桃胶花生食超好食😋 大推！ 整体嚟讲 呢间 豆公馆 环境不错 食物种类有创意 一定会再嚟食佢嘅豆腐花😊
继续阅读
钟意食豆腐的人士要来！一次食哂不同味道豆腐花、豆浆、鱼肉煎豆腐、卤水豆腐豆卜等等。开心果豆腐花钟意食开心果必试，好多开心果粒粒开心果味非常浓郁，味道偏甜。唔食得甜就嗌返正常豆腐花🥹姜汁豆腐花，姜味超级重女仔食一流😃除咗豆类产品外更出色嘅系老干妈炒米粉！平时都有食开老干妈辣椒酱辣度适中，用嚟炒面炒米粉好惹味。👍🏻仲有麻辣铁板蛋煎肠粉好好食必试！食埋碟肠粉已经够晒饱～见到早餐只系$20包埋嘢饮好抵！
继续阅读
新宝戏院结业在即 约咗啲friend睇返场戏睇完近近地喺附近见到呢间豆公馆好似几多唔同种类嘅小食仲有近期大热开心果豆腐花 即刻冲咗入去😂入去d座位都好阔落 唔系一格櫈仔size比起一般小食店坐得舒服好多好多野都好想试 3条饿鬼叫到一枱都系～🥣柴鱼花生粥 $34粥底都棉～唔咸今时今日好难得喺街食到清啲嘅粥份量唔算好多 配炒面或者炒米粉食一流🥡老干妈炒米粉 $36呢个都算系味道比较浓嘅一样嘢食但系正嘅！咸咸辣辣非常香口两啖面一啖粥咁食，转个头就食晒🥡铁板蛋煎肠粉 $26呢个估唔到咁好食煎得好香口 已经捞好咗麻酱甜酱够晒味$26呢个份量够晒三个人share 抵食🥡鱼肉煎豆腐 $28好食到encore多咗份鱼肉一粒碎骨都冇，香口得来但系唔㶶最贴心嘅系豉油另上但系我哋都冇落，就咁食已经够味～好食🥡吞拿鱼芝士蛋饼$38蛋饼夹咗芝士吞拿鱼、芽菜同埋甘笋丝，所以食落去好清爽，唔会好似平时食台式蛋饼咁干同咁油，反而有啲似墨西哥卷饼嘅感觉，好味🍵泰茶麦芽桃胶豆腐花（热） $35🍵开心果豆腐花(冻） $42本身以为佢哋主攻咸食热食啲甜品都应该系咁意啦 谂住试吓就算点知原来都好出色🥹🥹太茶桃胶呢个配搭完全未试过本身个泰茶系好少甜味 桃胶微甜得来烟烟韧韧 出奇地几夹㖞.开心果就睇相都知劲足料个开心果糊好香开心果味 仲有开心果碎碎增加口感又系个豆腐花其实唔甜～枱面有樽糖自己加所连我哋几个怕甜人都觉得好好食🥛冻无糖淡豆浆 $12本身未食嘢𠮶阵饮就觉得淡左啲但系食完咁多嘢饮就觉得淡豆浆个口感先啱冻冻地又无咁漏估唔到俾我哋试到间咁高质嘅小食店款式又多又好味饱肚又价钱亲民甜品仲系新式得黎又做到好味低糖平时放工都会多啲过嚟食嘢支持吓😍其他餐牌
继续阅读
👵🏼特盛老干妈炒米粉 $58米粉炒得够身 上枱时条条分明无碎散碟底亦唔见油淋淋 呢点加分老干妈风味比预期温和 辣度只属好低唔知落果时可唔可㶼要求加辣呢豆豉香同蒜味可以再突出啲 略嫌调味保守咗啲食完有轻微口渴感 可能重手左少少整体嚟讲一般啦 未必会再食🫠 🫚姜汁豆浆 $22姜味够新鲜 一入口就知系现磨姜汁微辛唔涩 唔算甜 少甜人士会like 不过姜辣感好快就无 如果姜量可以double就更好价钱有少少贵 同街坊糖水铺比性价比一般 推荐指数：⭐️⭐️⭐️✨ (3.5/5)性价比： ⭐️⭐️⭐️(3/5)
继续阅读