豆公館

营业中

休息中

聽朋友講話旺角開咗間新豆品店，是晚專程黎試下。店舖幾大，食客亦很多，睇下餐牌食咩先，意外地選擇亦唔少，除咗豆漿同豆腐花，仲有蛋餅、刈包同其他小食。⭐薑汁豆漿 & ⭐杞子圓肉黑糖豆漿天氣涼咗，飲返啲養生嘅豆漿先，豆漿豆味香濃，微甜啱口味，飲完暖笠笠。⭐特盛老乾媽炒麵叫左份大炒麵，即叫即炒熱辣辣，用咗老乾媽同洋蔥去炒麵，辣中帶甜幾好食喎👍⭐蘿蔔糕蘿蔔糕不過不失，有少量臘味同蘿蔔絲，勝在煎得香口。⭐魚肉煎豆腐呢樣真係如佢名稱係魚肉煎豆腐，唔係釀豆腐，所以魚肉同豆腐係冇黏埋一齊嘅，不過豆腐真係好有豆香，入口嫩滑，好食噃😎⭐鹹牛肉芝士蛋餅蛋餅有驚喜，入面芝士同鹹牛肉都下得多，滿滿嘅餡料有口感😋⭐招牌麻辣豆腐花 & ⭐麥芽黑糖桃膠花生豆腐花黎得食豆品又點少得豆腐花呢，試咗呢度個招牌麻辣豆腐花，喺豆花上面落咗鹹菜同辣椒油，入口鹹鹹辣辣幾得意喎😆朋友就點咗個黑糖桃膠，甜甜地加上大量嘅花生碎好有花生香，正。小店無加一，呢個價位幾抵食吖。

平時都好鍾意飲豆漿🥛最近經過旺角家樂坊見到一間新開小店叫豆公館, 有好多唔同口味嘅豆漿同豆腐花豆漿控當然要試下啦～🌟原味豆漿🌟杞子元肉紅棗黑糖豆漿天氣凍, 飲杯熱辣辣嘅豆漿就啱晒原味豆漿豆味好濃郁另外仲點左杯杞子元肉紅棗黑糖豆漿~好滋潤又養生, 甜甜地, 入面好真材實料 🌟黑芝麻醬豆腐花除左豆漿, 當然要試番碗豆腐花啦～豆味香濃, 豆腐花幼滑, 搭配黑芝麻好好味～on top仲有d黑白芝麻添🖤🌟肉鬆蛋餅煎到金黃色嘅蛋餅, 配搭咸咸香香嘅肉鬆, 口感好豐富好有層次～同豆漿都好夾!🌟魚肉煎豆腐豆腐上面鋪上魚肉，煎得好香口~🌟滷水豆腐豆卜滷水嘅豆腐同豆卜都整得好入味，味道拿捏得啱唔錯👍🏻

本身我對豆品類既野食都有情意結, 記得細個屋企人成日都帶我去豆品店飲豆漿食豆腐花, 依家長大左真係少左食依啲野, 上星期心血來潮突然好想食, 路過依間係旺角新開專食豆品食物款式既小店, 所以入左去做當晚既晚餐餐廳格局算幾新派, 簡約俐落既裝修, 我兩個人剛好又有啲餓, 所以叫左幾樣野食一齊食魚肉煎豆腐煎到兩面都黃金色, 仲有帶點微脆外層口感, 豆腐嫩滑, 豆味都幾濃, 加左少少豉油點黎食, 魚肉煎得夠香口, 食落仲有少少彈牙感快手叫埋甜品, 先食個甜品泰茶麥芽桃膠豆腐花, 面層撒左好多椰絲碎, 泰茶底配香滑豆花估唔到又幾夾, 桃膠好有質感彈滑, 口感好豐富, 甜度剛剛好特盛老乾媽炒麵送到黎已經聞到陣陣老乾媽醬既味道, 炒麵炒得啱啱好, 依然有彈牙口感, 食到沾滿老乾媽醬既香辣味道, 好惹味招牌麻婆腐皮蛋餅比我預期中大份, 蛋餅比一般食既台灣蛋餅厚身, 入面包住左辣辣地既麻婆腐皮同菜, 如果個蛋餅可以軟身少少會更好, 同埋依個份量都幾飽肚麻辣鐵板蛋煎腸粉賣相有好穫氣, 唔算太辣, 腸粉食落仲保持到個彈牙口感, 唔會話炒到軟哂碎哂, 正常發揮

週末與朋友在旺角行街，發現一家名為「豆公館」的豆品店。🤍 這間店雖然地處旺區，價格卻相宜，於是我們點了幾款招牌菜式來試試。不知是否環保的我們發現點單紙是重用的，在看到上頭看到不少上幾位食客殘留的痕跡♻️🤔1. 老乾媽炒麵（$36）🌶️這道炒麵帶有老乾媽獨特的豆豉香氣，味道不錯，炒得乾爽。但整體表現中規中矩，並未帶來驚喜。麵條配料稍嫌單調，若能加入更多配菜，如芽菜、蛋絲等點綴，或許會更有層次感 🧐🍜2. 招牌麻辣豆腐花（$26）🌶️這道鹹口豆腐花是此次用餐的亮點之一。傳統豆腐花多為甜口，而這款豆腐花以麻辣風味呈現，讓人耳目一新。豆腐花本身無糖，搭配麻辣醬汁後，與麻婆豆腐很相似。配料上加入了榨菜和花生，整體味道和諧 🔥3. 肉鬆蛋餅（$38）🍳這道菜是我們最後追加的。蛋餅的口感軟中帶韌，配上鹹香的肉鬆，整體表現令人滿意。這道菜中規中矩，像是常見的台式小吃，味道不錯 😋整體而言，「豆公館」作為一家新派豆品店，菜式種類豐富，鹹甜兼具，為豆品愛好者提供了多樣化的選擇。但在份量和飽腹感方面略顯不足。🙈 例如，釀豆腐份量實在偏小，每件豆腐幾乎是一口一個。因此，這家店或許更為適合想輕食的食客～👍🏻🌟

坐低睇menu 已經覺得好有台灣早餐店feel 既小食店。 Menu 花多眼亂，有蛋餅、多士仲有好多豆製品😍 💛魚肉煎豆腐魚肉彈牙、厚度岩岩好，豆腐豆味濃郁，外脆內嫰，岩晒最鐘意食豆腐既我💛油占多多士烘得鬆脆，牛油同果占份量多💛鐵板蛋煎腸粉腸粉煎得香脆，加埋洋蔥同蛋，營養滿分💛肉鬆蛋餅餅皮香脆，加上非常足料既肉鬆，配合蘿蔔絲同芽菜，非常香口💛吞拿魚煎蛋刈包餅皮甜甜甜地煎得香脆，吞拿魚沙律份量十足，加埋蛋同生菜，好味又健康💛原味豆漿原味都不太甜，豆味濃又幼滑💛黑芝麻豆腐花豆腐花嫰滑，芝麻粒香脆可口，增添層次感

喺旺角行街時，見到呢間新開嘅餐廳，都有唔少人幫襯，就一於試吓👍✨老乾媽炒麵呢款炒麵炒得好香，辣辣地，非常惹味，另外，佢嘅面炒得啱啱好，好乾爽👍✨肉鬆蛋餅肉鬆蛋餅好好味，入面有雞蛋、肉鬆同紅蘿蔔絲，味道同口感都好豐富👍✨吞拿魚芝士多估唔到都好多吞拿魚，好足料，配埋芝士同多士食，好味😋✨鐵板蛋煎腸粉我好鍾意食腸粉，呢款煎腸粉啱晒我，煎咗嘅腸粉估唔到都幾好味😋✨蘿蔔糕蘿蔔糕煎到啱啱好，而且好厚實，抵食👍✨杞子圓肉紅棗黑糖豆漿好飲又養生👍✨開心果豆腐花呢款開心果豆腐花好正啊，唔係咁易有開心果味嘅豆腐花，真係好濃嘅開心果味，配埋少少花生水，同豆腐花好夾😋大家經過可以試吓👍

今日唔係初一食素都唔會揀呢間食！嗌個外賣姐，店員西口西面（唔係冇表情嗰種！近乎係黑面及態度急干）企咗門口15分鐘！外賣得咗都唔會出嚟問下！要自己親自入去查詢！我明白呢個地點租金唔平，食物價錢偏貴我都理解。但整個過程一句多謝都冇聲！服務咁差！應該冇下次

名過其實囉,有點兒要想d 食評嘅真的嗎？薑汁豆漿同芝麻豆漿應該是熱的嗎？蘿蔔糕收$3×急凍好食過佢囉,炒米粉,我覺得自己炒得正常過起碼唔會一舊舊,魚肉豆腐,魚肉還魚肉,豆腐還豆腐,,咁嘅食物質素真係唔明點解可以有咁多人好評,定新派食法？想去試的話,停一停想一想,咁嘅價錢嘅嘢比你no

店舖地點方便，簡餐為主，款式多，當日路過因趕時間食飯，被鋪外的廣告牌吸引而入內。點了招牌麻婆腐皮蛋餅和杏仁豆腐，店內人不多，但需10多分鐘才上菜。蛋餅味道一般，麻婆像是一些現成的麻辣醬，過咸。杏仁豆腐的杏仁糊有糊水分離，豆腐花雖滑，但沒有甚麼豆味，以豆為名的鋪頭，豆腐花不合格。枱面不太清潔，員工不熟手，應該不會再來。

旺角新開店「豆公館」啱曬喜歡豆腐的我們，星期六午市高峰時去探店。門外有四五位客人等候中，我看見店內有些只有－位、兩位客人獨佔整張枱，於是我問店員可否搭枱，他說可以，但我心諗點解店員吾為客人安排坐位，後來發現原是店舖內加埋廚房職員只得三人，所以根本冇時間為客人安排入坐。攪到企系外面儍等。對於吃開銅鑼灣某豆腐店的不然會用它來作指標。煎魚肉釀豆腐－碟四件超迷你，冇唸過可以咁……豆腐也薄得過份，魚肉和豆腐自然分開，淡而無味。炒麵見到廚房職員都炒吾切，所以客人order 也變成即點即炒，上枱超級慢。炒麵上色均勻，入口不會過過咸，配料也不少，合格。肉鬆蛋餅蛋皮帶小小煙靭，肉鬆吾太多，加上小許甜醬油調味，但味道仍然偏淡。冇糖淡豆漿溫度足冬天飲特別舒服，豆味中規中矩。整體食物質素一般以下 ，上菜速度慢，份量少，偏貴，不推薦。

星期六同老公到旺角豆公館食午餐。鍾意食豆類製品既人會覺得呢度係天堂，有豆腐、豆腐、豆腐花，另外仲有蛋餅、刈包、多士、炒粉麵粥、腸粉，應有盡有，而且味道都唔差，價錢亦唔貴。鹹牛肉芝士蛋餅除咗有鹹牛肉同芝士之外，仲有啲紅蘿蔔絲，口感豐富左，欣賞鹹牛肉唔會好鹹。開心果蛋餅蛋餅無論內外都充滿開心果碎，內裡更有開心果醬，同蛋餅一齊食，就會有鹹鹹甜甜嘅味道。魚肉煎豆腐味道正常發揮。蘿蔔糕 蘿蔔糕唔會粉，煎得夠脆，蘸甜醬食好食。鐵板蛋煎腸粉腸粉份量都幾多，味道都夠。老乾媽炒麵炒麵非常惹味，鹹香味十足，食落辣辣地。柴魚花生粥花生粒幾多，粥煲到夠綿，又有啲粒粒分明。紅豆沙豆腐花喺豆腐花上面加咗紅豆沙，整體唔會好甜。飲品叫左原味豆漿同黑芝麻豆漿，同樣唔會好甜。

最近經過旺角見到呢間新開小食店，諗住唔算太肚餓就入咗去試吓，味道又真係唔錯喎！😋肉鬆蛋餅首先試咗肉鬆蛋餅，餅皮薄薄的，外脆內軟，配上香濃嘅蛋同鬆軟嘅肉鬆，真係每一口都好滿足！😋魚肉煎豆腐煎得金黃香脆，外面焦香，裡面又嫩滑，搭配醬油一流。😋蘿蔔糕口感扎實，裡面有好多蘿蔔絲，味道好豐富。外層煎得正好，香脆可口。😋豉油王炒正常發揮。😋鐵板蛋煎腸粉鐵板蛋煎腸粉係我新發現嘅驚喜！腸粉韌韌的，加上蛋香味，好有層次。😋杞子圓肉紅棗黑糖豆漿 + 杏仁豆漿豆漿濃郁，不過紅棗冇味，杞子嘅清香都係加分，杏仁豆漿就係香香滑滑，甜度剛好。😋黑糖豆腐花 & 開心果豆腐花好少見有呢兩隻味嘅豆腐花，味道唔錯，不過質感比較嚡，爭少少。總括來講，呢間小食店嘅菜式多樣化，下次都會再嚟！

旺角新開左呢間荳品專門店 可以話結合左新派&傳統元素 環境行文青風 食物都同傳統荳品店有分別🤤主要有各類豆漿、特色豆腐花、台式蛋餅、中式炒麵、滷水豆品 早午晚食都好岩🙌🏻✨薑汁豆漿 $22✨黑芝麻豆漿 $22 ✨杞子圓肉紅棗黑糖豆腐花 $42 豆漿同豆腐花款式非常多 入口充滿真材實料嘅大豆香 感覺幾養生豆腐花特別出色🫶🏻超級滑 唔會有嗰種食到石膏粉嘅奇怪口感🫔肉鬆蛋餅 $38 🫔招牌麻婆腐皮蛋餅 $38蛋餅都幾大份 餅皮係台式嗰種有啲少少煙靭 肉鬆香口 招牌麻婆口味原來係加辣醬 幾惹味又唔會太鹹 好足料 但係 一個人食一份都唔會滯

新式的木製建築風格專賣豆腐製品，充滿新派台灣感的港式豆腐店，內裏環境感覺開揚通氣。所以就睇跑了入去一探究竟，價格相當便宜，叫了多種食物如下：魚肉煎豆腐豆腐大小十分適中，容易入口，不用擔心豆腐會斷開，配上豉油和辣椒醬，一點也不老土，少女進食完全冇問題。椰汁豆腐花充滿口感的椰子碎，與有層次感的豆腐花共食，感受到淡淡的椰香與豆腐花天然地混埋一體，解辣一流。招牌麻婆腐皮蛋餅榨菜絲花生香蔥等材料鋪滿新鮮滾熱辣的蛋餅上，相當香口惹味，煙韌的蛋皮包滿軟熟的蛋香夾雜著紅蘿蔔絲以及芽菜，口感豐富。老乾媽炒麵意想不到的麻辣配炒麵，開胃的感覺，大把大把吃入炒麵之後，可以感受到一粒粒的脆脆及濃味豆豉辣醬風味，辣度為少女辣，炒出乾身的質感，非常有鑊氣，配上熱辣辣的白粥一流。杞子圓肉紅棗黑糖熱豆漿拉出皮的豆漿，有薑汁味，內有的杞子圓肉和紅棗份量非常充足，比例大概為四分之一，而且相當有益養生，食用完後整個人也暖起來。另外這裏的芽菜突粗呢，無論在早餐午餐或晚餐都十分適合，超級健康。

今日嚟到旺角嘅登打士街，發現咗一間新舖頭，主要係啲豆製品，好似以前某間舖頭咁，但係呢度注入咗新元素，而且啲staff都係啲後生仔女，啲食嘅嘢，飲嘅嘢就有啲突破，例如唔同口味嘅豆腐花啦，豆漿啦......不如就入去試下啦。有啲口渴，叫咗「杏仁豆漿」和「黑芝麻豆漿」飲住先，有杏仁味，芝麻味的豆漿都唔錯，又可以解渴；豆製品店唔少得煎豆腐及滷水嘢，喺4樣豆腐小食揀咗以下两款：係「魚肉煎豆腐」和「滷水豆卜」，魚肉有魚味，即場煎即時食好好味，滷水豆卜亦够入味。將墙上嘅Q版「肉鬆蛋餅」搬到嚟現實嘅「肉鬆蛋餅」，現實中的仲靚仔添。除咗肉鬆還有芽菜絲，紅蘿卜絲，材料够豐富，味道亦相當好，下次來會試埋第二啲味。豆腐花有鹹嘅「招牌麻婆豆腐花」，麻婆豆腐食得多，豆腐花滑過豆腐，所以味道都可接受，而甜嘅「綠豆沙豆腐花」當然都唔會輸。「老乾媽炒麵」和「柴魚花生粥」除咗飽肚外，也值得推介👍👍