豆公館

营业中

休息中

新式的木製建築風格專賣豆腐製品，充滿新派台灣感的港式豆腐店，內裏環境感覺開揚通氣。所以就睇跑了入去一探究竟，價格相當便宜，叫了多種食物如下：魚肉煎豆腐豆腐大小十分適中，容易入口，不用擔心豆腐會斷開，配上豉油和辣椒醬，一點也不老土，少女進食完全冇問題。椰汁豆腐花充滿口感的椰子碎，與有層次感的豆腐花共食，感受到淡淡的椰香與豆腐花天然地混埋一體，解辣一流。招牌麻婆腐皮蛋餅榨菜絲花生香蔥等材料鋪滿新鮮滾熱辣的蛋餅上，相當香口惹味，煙韌的蛋皮包滿軟熟的蛋香夾雜著紅蘿蔔絲以及芽菜，口感豐富。老乾媽炒麵意想不到的麻辣配炒麵，開胃的感覺，大把大把吃入炒麵之後，可以感受到一粒粒的脆脆及濃味豆豉辣醬風味，辣度為少女辣，炒出乾身的質感，非常有鑊氣，配上熱辣辣的白粥一流。杞子圓肉紅棗黑糖熱豆漿拉出皮的豆漿，有薑汁味，內有的杞子圓肉和紅棗份量非常充足，比例大概為四分之一，而且相當有益養生，食用完後整個人也暖起來。另外這裏的芽菜突粗呢，無論在早餐午餐或晚餐都十分適合，超級健康。

今日嚟到旺角嘅登打士街，發現咗一間新舖頭，主要係啲豆製品，好似以前某間舖頭咁，但係呢度注入咗新元素，而且啲staff都係啲後生仔女，啲食嘅嘢，飲嘅嘢就有啲突破，例如唔同口味嘅豆腐花啦，豆漿啦......不如就入去試下啦。有啲口渴，叫咗「杏仁豆漿」和「黑芝麻豆漿」飲住先，有杏仁味，芝麻味的豆漿都唔錯，又可以解渴；豆製品店唔少得煎豆腐及滷水嘢，喺4樣豆腐小食揀咗以下两款：係「魚肉煎豆腐」和「滷水豆卜」，魚肉有魚味，即場煎即時食好好味，滷水豆卜亦够入味。將墙上嘅Q版「肉鬆蛋餅」搬到嚟現實嘅「肉鬆蛋餅」，現實中的仲靚仔添。除咗肉鬆還有芽菜絲，紅蘿卜絲，材料够豐富，味道亦相當好，下次來會試埋第二啲味。豆腐花有鹹嘅「招牌麻婆豆腐花」，麻婆豆腐食得多，豆腐花滑過豆腐，所以味道都可接受，而甜嘅「綠豆沙豆腐花」當然都唔會輸。「老乾媽炒麵」和「柴魚花生粥」除咗飽肚外，也值得推介👍👍

豆公館旺角登打士街43號登打生廣場地下3及5號舖裝修主打簡潔 木系大地色 一眼睇晒左手邊廚房右手邊坐位開放式廚房 唔怕俾你睇 可以睇住佢點樣處理食物 呢個位置人來人往 旺角中心地帶夠晒方便一間主要食豆類製品豆漿 豆腐 豆腐花真係沒有其他 重味嘅唔多健康清淡為主老乾媽炒米粉呢個係有啲辣 好香口 鍾意食老乾媽嘅一定要試如果覺得份量唔夠，記得加大魚肉煎豆腐清清地食豆類製品 魚肉加豆腐肉鬆蛋餅紅蘿蔔絲 肉鬆 主要係呢兩樣做餡沈上蔥花 仲有秘製醬油

旺角新開左間豆品餐廳, 之前已經見勁多人排隊食, 今日終於到我👍🏻Laoganma fried noodles首先點左老乾媽炒麵, 麵條炒得岩岩好keep到有啲咬口, 而老乾媽醬味都幾濃, 唔算好辣, 中間夾雜左菜絲、豆豉等overall好惹味😋Pork fluss chinese omelet肉鬆蛋餅幾特別, 蛋餅皮偏向似手抓餅質感, 炕到好脆口, 入面嘅肉鬆份量勁多, 仲mix左少少酸菜味道豐富Pan fried tofu with fish pasteSignature魚肉煎豆腐, 呢間啲豆腐係比較硬淨唔會夾到散曬, 外表煎得金黃色, 而魚肉餡食落就鮮嫩彈牙, 重點係唔會好油膩👍🏻Black rice tofu pudding大推黑糯米豆腐花🌟豆腐花嘅質感就軟滑好多, 而且雖然黑糯米漿嘅份量都幾多, 但唔會死甜, 同豆香balance得好好Coconut soy milk, Sugar free soy milk飲品點左椰汁豆漿、無糖淡豆漿各一杯, 個人重口味啲比較中意椰汁豆漿, 飲落超smooth, 而淡豆漿就健康啲, focus係豆本身嘅香味

平日要食到好食又平嘅蛋餅都要去台灣旅行先得, 今日我竟然喺油麻地度發現到一間好好食又環境舒適的新豆品店！我嗌咗幾樣嘢試下, 可以講話係平靚正！🐑杞子圓肉紅棗豆漿(熱) $22天氣轉凍咗好多, 飲咗呢一杯熱豆漿之後好似覺得個人暖咗好多, 加上佢又有杞子圓肉紅棗, 亦都好啱女士養生, 飲完好舒服. 啱哂秋冬季啦！🐑魚肉煎豆腐 $28煎得恰到好處, 厚實嘅豆腐和煎香的魚肉配上佢嘅豉油, 味道好夾.🐑肉鬆蛋餅 $38呢個肉鬆蛋餅真係好驚喜, 佢係超大舊, 個蛋皮煎得香脆,呈現金黃色,裡面有好多鬆軟可口的肉鬆餡料, 食完都好飽, 覺得好抵！🐑黑芝麻豆腐花 $26呢個每日新鮮自家製豆腐花亦都好大碗,好滑溜, 黑白芝麻煎香咗喺面度, 加上香濃嘅芝麻糊, 食落去好有層次.🐑蘿蔔糕 $35蘿蔔糕質感厚實, 配上甜醬, 亦都好好食.我食咗咁多嘢埋單都係$149超抵呀！

第一次食咁多豆製品🤣 全部都係每日新鮮製造～又用咗優質加拿大大豆，都幾特別喎💓 一次過食勻佢哋嘅四大名物😋 想同大家講早餐真係勁抵食✨廿蚊包埋豆漿，整翻個ɢᴏᴏᴅ ᴍᴏʀɴɪɴɢ先啦💯1️⃣ 老乾媽炒麵🥢成日都聽老乾媽呢個名，今次真係第一次食，原本以為好辣，原來都仲可以接受到喎🤣 彈牙夠鑊氣嘅面條加上蔬菜絲、蔥花同埋豆豉，食落係微微嘅鹹鹹辣辣，勁快就食哂😚 1個人食應該啱啱好，我同👸🏻2個人ꜱʜᴀʀᴇ食，有啲後悔點解唔嗌特盛ꜱɪᴢᴇ🫣2️⃣ 魚肉煎豆腐🐟完全就係家常菜嘅味道🤩 細細件嘅豆腐上面舖咗魚肉，煎完出嚟好香✨一定要蘸埋辣醬豉油食，簡單嘅小食食完好舒服😌3️⃣ 肉鬆蛋餅🥚此蛋餅不同彼蛋餅🤣 呢度嘅蛋餅較挺身，煎到微微有咬口，內層就有雞蛋、大量嘅蘿蔔絲同埋肉鬆做餡🤩面層仲有啲榨菜，夠晒滋味👅

途經登打士街見到有間新裝修好嘅店鋪, 店內裝潢主要懷舊中式feel,配上一系列木枱木凳加上開放式廚房,它們主打豆製食品。當日我倆下午茶兼晚餐,所以都叫吃咗好多唔同款嘅食物品嚐。1. 魚肉煎豆腐即叫即煎,熱辣辣,鱼肉比較簿但都好香魚肉味,豆腐軟滑。2. 滷水豆腐豆卜豆腐豆卜索滿滷水汁,滷得入味,滷水汁底味道幾好👍3. 老乾媽炒麵有鑊氣,辣辣地,夠惹味4. 肉鬆蛋餅好足料,每一啖都滿滿餡料,皮煎得非常香脆5. 麻婆豆腐花第一次試咸辣嘅豆花,幾特別,香滑豆花配上麻辣醬及炸菜粒,幾過癮。6. 薑汁豆腐花夠薑好味7. 杞子元肉紅棗黑糖豆漿女仕們至受,適逢入秋,滋潤香甜8. 柴魚花生粥粥底夠綿，真材實料。♦️總括店鋪品種不算多,但各品種款式 選擇口味多元化,服務員有禮,细心,當日見到很多遊客進來,他们都套用不同語言詳細介紹食品给予顧客👍

仔一向都鐘意食豆花飲鮮豆漿，見係學校附近新開的#豆公館，放學立刻去食個豐富下午茶🤩🥛原味豆漿 香滑口感豆味濃，甜度適中，小朋友最愛🫶🏻🥛杞子元肉紅棗黑糖豆漿 女士必試， 滋潤香甜，足料又有薑味，大大提升豆漿嘅味道😋 啱曬乾燥秋冬季🥢招牌麻婆腐皮蛋餅 蛋餅包住榨菜、芽菜同紅蘿蔔絲，配埋獨家自製麻辣醬🌶️麻麻辣辣，啱晒鍾意食辣嘅朋友！🥢肉鬆蛋餅 蛋餅包住大量肉鬆、紅蘿蔔絲、芽菜，配上蔥花及甜醬油，份量十足，飽肚又好味！🥢老乾媽炒麵 （大份）豉油王炒麵底加入老乾媽辣醬，惹味香口辣度夠，真係好正😋🥢滷豆腐豆卜滷水汁味道，剛好豆卜豆腐都好入味。🥢魚肉煎豆腐 煎得不錯，但魚肉份量多啲會更好🤓🥣原味豆腐花 豆花很滑，要幾多黃糖都可以自己加👍🏻🥣薑汁豆腐花 勁多薑汁薑味很濃，配埋黃糖，提升豆香！🥣黑芝麻豆腐花 芝麻糊香滑又濃，仲有粒粒芝麻，配埋豆花，雙重口味，雙重享受✌🏻

我都未試過買完野食之後覺得甘伏，呢間餐廳真係第一次，令我忍唔住要寫第一個openrice既評論總共買左3樣野外賣，2碗薑汁豆腐花（每碗26元），1杯薑汁豆漿（22元一杯）嘩，一收到個外賣，細份到！！！22元一杯既頭漿，用和紙巾既size一樣大既杯黎裝？！飲三啖就飲完！而且唔覺有薑汁味！另外兩碗豆腐花，都只係用比紙巾大少少既碗黎裝，仲要無豆味，淡而無味，食兩三啖就食完呢間餐廳食水未免太深啦……完全又貴又伏，不值得幫襯！！劣評！！

鍾意豆製品嘅你唔好錯過呢間旺角新開嘅小店😍餐廳行文青簡約風設計 主打豆製品 提供多款豆漿豆腐花 仲有台式蛋餅同其他主食🔅老乾媽炒麵豉油王炒麵加入老乾媽辣醬，香口惹味😋🔅柴魚花生粥熱辣辣軟綿綿嘅粥🥣加入咗少量柴魚和花生，味道清淡，都幾暖胃🔆滷水豆腐豆卜鍾意豆腐多過豆卜😛食得出豆腐嘅豆味好香！滷水嘅味道啱啱好 唔會太鹹👌🏻🔆特色蛋餅素食之選🌱口味清新 冇咁滯🔆肉鬆蛋餅肉鬆香口而且份量多 餅皮煎得香脆 i like it!!🔆黑芝麻豆腐花賣相幾靚仔 芝麻糊香滑但唔算超濃 有黑白芝麻作為點綴 最欣賞個豆腐花豆味香而且嫩滑👍

今日去旺角下午茶時段經過登打士街見到有間新開既鋪叫豆公館，名稱特別專賣豆製食物，而見鋪裝修簡約最重要可以放到BB車，便去唞一唞試試😋每道食物盛放既碟好有懷古特色，我哋order左：魚肉煎豆腐$28魚肉香口，豆腐外脆內軟。黑芝麻豆腐花$26豆腐花細滑面鋪滿芝麻及灑上白芝麻香滑美味。肉鬆蛋餅$38蛋餅招牌菜，蛋餅香口配合肉鬆及醬汁，束當小食一流。特色蛋餅$32又另一道招牌菜，自家製醬汁配上炸菜絲及香口蛋餅，味道鹹香甜，大人細路都岩食🤭蘿蔔糕$35食出有蘿蔔並不是一般粉狀，口感正。豉油皇炒麵$26炒麵配上蔥花色香味俱全，記得加埋少許甜醬辣醬更美味🤭炒米粉$26絕不簡單菜，米粉炒到要一條條不會糊狀一團，見師傅用心👍🏻柴魚花生粥$34粥底滿足不是水汪汪，柴魚配花生🥜懷舊經典😎豆公館 (旺角)旺角登打士街43號地舖

得知旺角有一間新派豆品廠品牌 -「豆公館」，便與喜歡吃豆腐花的朋友一同到店看看。看著店外張貼的餐牌和美食海報，又看著店內樸實簡潔的裝修和木製檯櫈，感覺置身在台灣。欣賞食店有無障礙設施，方便使用輪椅和行動不便人士進出。👍🌷食店除了提供各款豆腐花，還有其他特色食物。我們點了柴魚花生粥、肉鬆蛋餅、招牌麻婆腐皮蛋餅、老乾媽炒米粉、老乾媽炒麵、蘿蔔糕、魚肉煎豆腐、熱原味豆漿和熱杞子元肉紅棗黑糖豆腐花。柴魚花生粥：綿滑粥底加了柴魚肉粒、紅皮花生和蔥花。清淡的柴魚花生粥與辛辣濃味的老乾媽炒米粉和老乾媽炒麵是絕配。老乾媽炒麵、老乾媽炒米粉：老乾媽炒麵和炒米粉同樣用上老乾媽辣椒醬，配上紅蘿蔔絲、洋蔥絲、椰菜、芽菜、蔥花和豆豉等材料一同炒，非常惹味。熱辣辣送到枱上，香氣四溢，鄰座的食客也說很香。肉鬆蛋餅、招牌麻婆腐皮蛋餅：餅皮煎至金黃焦香，包著滿滿的餡料：煎蛋、肉鬆、紅蘿蔔絲、芽菜，口感清新爽脆。相反招牌麻婆腐皮蛋餅味濃，蛋餅上放了麻婆醬、花生碎、榨菜和蔥花，喜歡辛辣和濃味的你不妨試試。不知道店家購入那款雞蛋， 蛋餅的蛋黃橙黃色，且有濃濃的蛋香味。 👍蘿蔔糕：香脆外層，內裡有蝦米和臘腸粒。魚肉煎豆腐：一小

香港原來專注淨係做豆類製品既荳品店真係好少，係旺角發現咗呢間「豆公館」，好似台灣嗰啲早餐店咁，有豆漿、蛋餅、豆腐花、炒麵等等，大多都係廿零三十蚊到CP值都幾高。今日下午茶時段就過嚟試試招牌麻婆豆腐花麻辣豆腐花真係未食過，麻麻辣辣又帶啲豆香，啖啖嫩滑，佢哋自家製香滑豆腐花加埋花生碎，兩重口感的確夠曬過癮。肉鬆蛋餅蛋汁餅皮來回翻面續煎數次非常之香口，配上甜甜嘅肉鬆，蛋餅口感柔軟香滑，上到檯仲係熱辣辣，早餐食一流。滷水豆腐、豆卜估唔到呢個驚喜仲大，豆卜就梗係索晒滷汁好惹味，滷水香但係一啲都唔會咸。豆腐好嫩而且表而又夠味 杏仁豆漿佢地豆漿都好多口味，今次就試吓杏仁，豆漿微微散發杏仁香，唔會好霸道，都值得一試

呢間餐廳係新開嘅，見佢裝修都幾有特色，已經員工都幾後生同埋有禮貌！- **魚肉煎豆腐**：外脆內嫩的豆腐面層鋪住鮮美的魚肉！- **蘿蔔糕**：香軟的蘿蔔糕，材料好豐富極多，蝦米！外面煎得金黃酥脆！- **滷水豆腐**：滑嫩的豆腐吸收了滷汁的精華，味道醇厚，令人感到滿足。- **豉油皇炒麵**：超級多配料，一啲都唔慳！這道炒麵色香味俱全，豉油的香氣與炒麵的彈牙口感相得益彰，是絕佳的主食選擇。- **肉鬆蛋餅**：即叫即整的蛋餅包裹著鬆軟的肉鬆，入邊仲有芽菜同埋紅蘿蔔碎，口感層次分明，甜咸適中，讓人一口接一口。- **糯米豆腐花**：這道甜品口感滑順，黑糯米甜甜地唔使落蔗糖，糯米的香甜與豆腐花的細膩完美融合，讓人心情愉悅。- **杏仁豆漿**：這款凍杏仁豆漿香氣濃郁，口感細膩，帶有淡淡的杏仁香！- **杞子元肉紅棗黑糖豆漿**：這杯凍豆漿融合了甜美的黑糖和營養豐富的杞子、元肉及紅棗，口感滑順，既清爽又養生，仲有少許薑味有啲驅寒嘅感覺！讓人一飲而盡。- **黑芝麻豆漿**：香濃的芝麻味道唔算太甜感覺好滋養。

經過旺角，見到呢間新開嘅豆公館，應該係比較新式嘅買豆製品餐廳，感覺係有少少新意喺入面。同朋友一行二人叫咗唔同嘢食一齊share，一份魚肉煎豆腐，一份滷水豆腐豆卜，一份老乾媽炒米粉，一份招牌麻婆腐皮蛋餅，一人一杯無糖豆漿，然後甜品就一人一碗豆腐花，我揀咗黑芝麻豆腐花，朋友揀咗薑汁豆腐花。魚肉煎豆腐，魚肉勁香，淡淡魚肉彈牙滷水豆腐豆卜，入味得來唔太鹹啱啱好老乾媽炒米粉，小小辣幾惹味招牌麻婆腐皮蛋餅，餡料豐富，咬落去好有層次，同埋呢個蛋餅好有創意，食落比想像中飽肚兩碗豆腐花都好滑身，黑芝麻本身都甜甜地唔使額外加黃糖，薑汁豆腐花，薑皮濃郁，冬天食應該勁暖身