譚家菜 (已結業)

太耐無入香港仔，就比朋友拉咗入黎打邊爐。本來我不會寫放題形式嘅餐廳，因為食物款式太多，一路食一路影會好煩。不過，今次放題形式不太扺，反而覺得散叫會好好多。所以就寫了這篇食評。事先聲明，因臨時決定，所以圖不多。以下就喺火鍋放題餐牌。湯底，八位以上兩個，種類不少。定食1至3按人數定量。火鍋配料也算多樣，而且任點。至於價錢，則是218元加20元後再加一。218元喺放題錢；20元喺配料加小食錢。至於唔扺食原因有四點。1.那20元 (22元）收得有點貴。2.魚生定食有五款刺身，但每人每款只有一兩片。3.海鮮盤定食（下圖）內的貝殼類海產有沙。4.加一後要比到261.8，刺身不能任食有點貴。講番這間火鍋有咩好。海鮮方面也有好的。蝦夠大，肉質彈牙。魚和鱔非常鮮美。定食中的牛肉，紅白分明，肉質上乘。火鍋配料和渴底選舉性多。渴底足料，可見下圖右邊，麻辣湯中辣椒非常多。臨走時大概估價，散叫最後的價錢和放題差不多，甚至可能更低。P.S. 沒有考慮大胃王所以個人建議放題有伏，不要叫。

今天是我和Honey相識十週年的日子，他帶我到香港仔逛，香港仔是Honey成長的地方。他帶我逛大街小巷，看到有間小店，叫｢譚家菜｣，應該是吃小炒的，膽粗粗入去試試。地方不大，但乾淨企理。看看餐牌，除了散點海鮮小炒，還有小菜套餐，適合兩人的。我們點了A餐：蒜頭豆豉炒蜆 + 兩隻燒乳鴿我們另點福建炒飯。例湯是贈送的，青蘿蔔豬骨湯。沒有味精，很清甜。蒜頭豆豉炒蜆，夠鑊氣！蜆大大隻！鮮甜！福建炒飯也非常大碟！足料：大隻蝦仁、草菇、菜粒……米飯粒粒分明，炒得爽身！至於燒乳鴿，鴿身也不小。我們已吃了兩塊，入味而不太鹹。過了一會，胖哥哥(老闆？經理？)走過來，看了看燒乳鴿，覺得不對勁，説：｢不夠脆！｣便將乳鴿收回，重新做一次。顧客也沒有嫌棄，但胖哥哥(老闆？經理？)自覺未如理想，重新再做……這種對品質的｢自覺｣，實在難得！老實用心的小店先前一碟：重新做的一碟：加$6是日糖水：蕃薯糖水甜湯夠薑味！蕃薯也夠稔。豐富滿足的一餐！

今晚妹妹約大家食飯，睇下邊個得閒就出來，但兄弟姊妹中有D吾得閒，所以都係當見下面、食個飯......媽媽話去譚家菜試下，呢個舖位前2手都係做小菜、酒樓，之後轉手，我開頭以為呢間都係同上手老闆一樣，但見佢大門口改咗位置，D伙計收銀都吾同咗，加上餐牌、濕紙巾印有：厚福集團字樣，所以估呢間可能係厚福其下食肆，可能臨近冬至，今晚菜單又係要食指定套餐或指定小菜，細佬話佢前幾日嚟食過，同一樣餸菜今晚貴咗，又比我掠水感覺。我地今晚6個大人+2個小朋友，冇叫套餐，叫咗8樣嘢.......小炒王~ 呢碟好食，小小辣，底放有炸脆咗嘅芋頭，香脆可口，配合蝦干、魷魚干好惹味，要趁熱食，放涼咗就冇咁好食響螺燉湯~ 呢個湯好甜好夠味，有瘦肉、雞腳、響螺，材料足，真係好飲西芹炒蝦球~ 蝦球爽，都好味，但細碟咗D，份量少菠蘿咕嚕肉~ 味道吾錯，甜酸適中，D肉都炸得脆，但都係要趁熱食，凍咗就變得好硬金菇瑤柱扒豆苗~ 呢樣我好鍾意食，係個汁杰咗少少，但個味道好海味什菜煲~ 個湯底好清甜，也很足料，有菜有菇、粉絲、腐竹、魷魚蝦米，好啱想食得清嘅人食海蔘豆腐煲~ 呢個都係好味，份量一般糯米飯~ 個飯好食，足料又煙煙靭靭今晚餐

今日同朋友二人去左香港仔周圍行下睇下影下相，遊左幾個鐘之後係時候搵地方食飯。見門前餐牌寫餐廳無茶芥收費，只收加一，感覺餐廳都係做街坊生意，應該唔差。一坐低職員即送上花生，而且仲介紹佢地既「銅盆蒸清遠新鮮雞」，於是我地點左半隻（$138）試試。銅盆熱騰騰而且幾大盆，雞上放左好多蔥，岩晒我鍾意食蔥既朋友！雞肉好嫩滑，加埋蔥變得好香口，但如果可以少油d會更好。行左成日想食d飯落肚，於是叫左碟瑤柱蛋白炒飯 （$68）兩份分享。炒飯粒粒分明仲幾煙韌，當中有瓜粒、瑤柱絲同蛋白，每樣都淡淡地但整體都夠味。喜歡食豆苗既我叫蛋琛蒜蓉炒豆苗 （$88），豆苗好嫩無渣，蒜香咪濃。兩個人加埋一$300有找。

呢度已經變左我住喺香港仔既親戚既飯堂，今既嚟探佢，佢同樣地帶我嚟呢度食飯。因為份量都多，所以點個湯、一個餸同炒飯都夠三人普通食量。姬崧茸燉螺頭 $148湯大盎而且湯底好清，入面既湯料有好多，拎晒出嚟可以放滿一大隻碟。開頭以為湯料多湯就會少，但最後湯可以滔到6大碗，味道好香濃，飲得出好夠火喉，原汁原味！姬崧茸味好香，肉湯亦好鮮甜，配合起嚟煲湯好夾。本身以為湯渣會無味，所以想麻煩職員攞豉油，但原來姬崧茸仍然好夠味，好軟身帶少少咸香。秘製鐵鍋焗魚腸 $75打開餐牌見到有好幾款懷舊小菜，即刻忍唔住要叫知焗魚賜食！上枱都快，唔使等太耐。鐵兜上陣熱度十足，蛋表焗得微焦好香口、乾乾地又好有咬口，而蛋入面有足料既魚腸，完全無甘苦味，亦無腥味，所以怕魚腥既朋友都岩食。有焗蛋最岩撈飯，大家唔想食白飯所以叫左碟清淡既《瑤柱蛋白炒飯 $78》大家分嚟食。無收茶芥 只收加一，都幾抵食。

今晚應承幫朋友插花沒有時間煮飯，反正阿仔又唔返來吃;於是便同老公落香港仔吃飯。因我們想吃海鮮而譚家菜菜館自新開張以來都末曾幫襯過，固毫不猶豫地入內試試。 食肆環境一般，地方不大;但相比附近酒樓坐得寬敞和舒適。 因我們只有兩人，欵式不能叫得太多;只點選三欵餸菜。這個月份蟹是時令的海產又豈能會錯過呢！尤其以薑蔥來炒是我向來喜愛的食法， 蟹肉鮮甜，惹味十足。蒜茸蒸青口 青口很肥大配以大量蒜茸來蒸，當然出來時便嗅到濃郁的香蒜味。 鮮蓮海皇冬瓜盅(4-6人)用料豐富有鮮蓮、雞腎 、田雞和蝦肉等材料，經長時間去蒸燉故無需落味精D湯很清很甜;而瓜肉吸收哂湯料精華食落又淋又甜簡直可以清清腸胃。

同屋企人去探望居住在香港仔的老人家, 順便帶埋老人家去食個晚飯, 我對香港仔的街道唔係太熟, 帶老人家落樓之後, 見到街口的有間叫”譚家菜”的酒樓, 不用行太遠, 於是便行過去, 來到酒樓門口, 見到裡面幾乎滿座, 入到去, 裡面面積其實都唔係好大, 好彩我們仲有位, 於是座低叫餸食飯. 揭開餐牌, 見到這間酒樓都有唔少懷舊菜式, 見到有焗魚腸, 我即刻叫了一個, 而家好少有地方有焗魚腸食了, 仲叫了個冬瓜盅, 大大個的冬瓜盅價錢才138, 又有湯飲又有瓜食, 我覺我好抵, 跟住仲有梅菜扣肉, 呢道菜好送得飯, 是我非常喜愛的一道菜. 好快, 落咗單之後無耐, 熱騰騰的梅菜扣肉最先上來, 梅菜扣肉是道功夫菜, 豬腩肉要一早整好同梅菜一齊放在蒸籠裡蒸, 有客人落單即可上菜, 見到放在碟內的豬腩肉是皮向上, 肉向內, 底下舖了一層梅菜, 豬腩肉醬紅色的皮令人垂涎欲滴, 熱騰騰的散發出豬肉及梅菜混雜住的香味, 夾了一塊豬腩肉, 好林好入味, 豬肉裡面有梅菜的香味, 由於的豬皮是炸過的, 食落一D都唔覺漏, 又唔覺肥, D腩肉用的是五花腩, 肥瘦相間, 瘦的部份蒸得夠林食落夠入味,

行完玉桂山, 搭船去香港仔碼頭, 見附近有間酒樓, 就食埋晚飯先返屋企啦見到姬松茸燉響螺頭湯, 都係38蚊一盅, 咁抵當然叫黎飯啦 , 岩晒捱夜後陰陽失調既我飲用, 最啱秋天既湯水, 響螺頭的香味就撲鼻而來，胃口都被提了起黎, 味道鮮甜又滋補, 正呀!另外伙計介紹左乳鴿, 信佢就叫左一隻啦, 食完真係要再ENCORE, 皮脆肉又嫩, 味道非常香濃, 滋味無窮燒汁明蝦球, , 蝦球配上西蘭花，色香味俱全, 色彩清新亮麗，一上桌便惹人好感，震顫味蕾! 蝦身夠大, 蝦球吃起來外脆內爽，嘗到彈牙的口感, 加上醬汁吃時酸甜醒胃，口感豐富, 滋味鮮甜卻不油膩

木耳蒸斑腩，就比得幾舊魚骨！蔬菜海鮮鍋，就得幾條魷魚鬚，同幾粒蝦米仔！斑球西蘭花，就得個四片薄魚肉片！普通嘅炒麵，啲麵就硬到乜咁！兩隻燒乳鴿，就燒到黑碳咁，又乾又硬！啲野食唔得！啲人又唔得！無論將張櫈點放，都係會不停咁踢張櫈！就佢地，坐到最入啲，都係咁踢！整出啲，諗住佢行過會出聲叫我，冇！又係咁！無論你點整點就，都係係咁踢張櫈！一次兩次，十幾次都算！一餐飯，冇三四十次，都有廿幾次！可惜冇得比零分！依間野，冇下次！

🌛🏮個個都提早做節🎉，今日放咗工之後就同屋企人一齊去食飯慶祝，點知間鋪未夠七點已經人山人海🌊多人到爆😍 好彩屋企人一早攞定飛，等左唔係好耐就入得啦！ 店內好多人都選了中秋套餐，但因為我們只得三日，所以隨便在餐牌上點了幾個菜就好了，下次和朋友來多人點就可以點套餐了。 🍲姬松茸燉響螺🍄（$38/位） 原盅燉製的新鮮燉湯非常足料，入面有姬松茸，響螺、瘦肉、雞腳，材料非常足，難怪飲落味道非常鮮，喝出不是味精湯，而且夠熱，$38一盅絕對推介！ 🐟砂鍋魚頭煲🍲（＄128 ) 砂鍋魚頭煲是我小時候和家人外出是必點的餸菜之一，因為爸爸愛吃魚頭，所以這個菜式幾乎成了店的素材之一。 工作後都很少和屋企人一起吃晚飯，今日難得聚手一起，當然要點一個回味一下呢！砂鍋魚頭製作認真，魚頭先炸後燘，醬汁美味，味道調校得剛剛好。 魚頭煲內還配有豆卜、白菜、燒肉，超級惹味之餘，份量又夠大，超正！ 🐟鐵鍋焗魚腸😋（＄75 ) 焗魚腸是爸爸超喜愛的餸菜之一，因為不是很多地方可以吃到，所以他一看到有這個菜式，便嚷着一定要點來吃。 焗魚腸配以雞蛋一起焗製，面上一層

今晚海鮮癮起，諗起之前經過香港仔的「譚家菜」主打生猛海鮮，就與家母去試試。譚家菜的環境開揚舒適，樓底特高， 好適合一家大細開餐，共聚天倫。原來譚家菜的老闆每日清晨會到香港仔漁市場拿貨，難怪海鮮特別生猛新鮮。晚市的小菜款式有很多。我倆先來一份晚市超值孖寶套餐($238)，有清蒸沙巴龍躉仔及蒜蓉粉絲貴妃蚌。清蒸沙巴龍躉仔的火候控制得好好，肉質嫩滑，鮮味十足。蒜蓉粉絲貴妃蚌- 貴妃蚌大大隻，味道鮮甜，蒜蓉粉絲夠惹味，撈飯一流!是日燉湯 - 節瓜鱆魚燉唐排，燉湯的湯料很足，味道清甜得來層次豐富，喝得出是原盅燉的。再另加一碟椒絲腐乳通。通菜爽口新鮮，而且椒絲腐乳的味道調得好，不會過咸又夠醒胃。值得一提的是譚家菜全日免茶芥，服務周到，餸菜價錢公道，難怪未夠七點半已人頭湧湧，坐無虛席。好在我倆早到，不用等位。怕等位的朋友記住要訂位啦!

媽媽好鐘意食中菜，今日去左香港仔附近行下，見到有間中菜館媽媽就話想食，晚餐就係依間餐廳用膳餐牌選擇都有好多，款款都好吸引，媽媽落單叫左幾款試試。兩個人食飯又叫唔到好多，下次再黎食過。先來一個冬瓜盅。出面好少餐廳會整冬瓜盅，因為工序太繁複。清甜湯汁最岩夏天飲，冬瓜多汁粒粒清香，仲有蟹柳和蝦肉，賣相都好靚。鐵鍋焗魚腸。傳統菜式媽媽就話要試試。魚腸唔會有腥味，加上雞蛋焗得香口唔會太老。最後當然是我最愛既梅菜扣肉。肥瘦肉平均入口油香重又唔會好膩，瘦肉唔會好乾梅菜夠香口。

香港仔以前是一個小漁港，衹要講起香港仔，就會想起食海鮮。咁啱今日就和家人專誠到香港仔揾食，自從地鐵通車後，去香港仔就方便得多。入到香港仔，有一種很街坊的感覺。超值孖寶套餐價錢都只是$268-$298。其實今次初嚟揾食，原因是經朋友極力推荐，佢話這間飯店海鮮新鮮，小菜價錢平，入到香港仔都未試過這飯店，根本未算去過香港仔，講到咁誇張，咪專誠到此一食。雖時近中秋，但香港仍然熱氣迫人，所以冬瓜盅是我在夏天必食之選，湯底以田鷄做湯底，有蟹柳，螺頭，帶子，鮮蝦，絲瓜，草菇，蓮子，鴨腎配火腿，除配料食材豐富外，原來還加入田鷄清燉，怪不得湯底入口特别清甜，真有一種消暑解熱的感覺。再食燒腩仔，半肥瘦入口鬆輭不肥腻，最喜歡抹上芥辣一起食，感覺特别好味。上湯白菜膽，以上湯，蒜粒，草菇配芹菜。白菜膽夠新鮮，配上湯滾一滚就可進食，清淡可口兼健康。良瓜炒蟹，菜式頗特别，用蒜頭豆豉炒肉蟹，良瓜入口有濃濃的肉蟹，曾經猷疑是否應叫這道菜式，食過後慶幸並無令我失望，良瓜的味道令蟹肉帶出甘甜。再食蒜蓉蒸扇貝，大大隻的扇貝，肉質厚厚兼入口鮮味，所以話食海鮮就即刻稔起香港仔。

今日黎到香港仔海旁落左車過左隧道就諗住搵野食一上隧道就見到間譚家菜好似都幾正咁,所以去試一試入到去店員就問左飲咩茶,整個茶黎飲一飲先飲住茶慢慢睇食咩叫左個湯再加3個菜姬崧茸燉響螺,鍋爐烤三層腩燒肉,鐵鍋焗魚腸,馬拉盞通菜姬崧茸燉響螺--都好足料,食落去煲到連D骨頭都可以咬埋黎食....夠晒熱煲湯,清清甜甜鍋爐烤三層腩燒肉--燒出黎皮脆內暖,入口即融,外皮脆卜卜鐵鍋焗魚腸--好特別,好少地方有得食,我自己都係第一次食魚腸..D蛋焗完脆香口夾埋魚腸都幾特別,配合埋個白飯不仿一試馬拉盞通菜--香口既菜,食落去係好香

住在香港仔的朋友不多，只有一個相識了十多年的舊同學。他說過不想搬出此區因為會捨不得那濃濃的街坊人情味。上星期他的家人邀請我一起進餐，邪家帶我到了這家新開不久、但已人頭湧湧的「譚家菜」。踏入餐廳職員已經熱情招呼，還推介抵食的晚市超值孖寶，而且有三款，我們點了蒜蓉粉絲蒸貴妃蚌(6隻)和涼瓜豉蒜炆肉蟹 。超值孖寶套餐價錢都只是$268-$298。鮮蓮海皇冬瓜盅(4-6位用)夏日炎炎喝冬瓜湯最消暑的解熱，而且這個是冬瓜盅，份量更多，就只是吃冬瓜肉和湯料都已經飽了，因為湯料甚多，有並不常用但又大大提升鮮甜味的田雞、另外還有螺頭、鴨腎、帶子、蝦、絲瓜、蘆筍、草菇、蓮子等，好喝！鍋爐烤三層腩燒肉 $98招牌菜！自家燒製新鮮豬肉，皮脆肉滑脂肪不多，正！晚市超值孖寶：上湯浸時蔬 上湯夠清又無味精，蔬菜新鮮。蒜蓉粉絲蒸貴妃蚌(6隻)貴妃蚌大隻鮮甜，蒸得剛好夠腍，配上粉絲同醬油好提味！涼瓜豉蒜炆肉蟹 涼瓜甘甜無澀味，而主角肉蟹用豉蒜炆得香口惹味！蟹大隻肉多，啖啖肉，而肉又不鬆散，完全不需另加調味已經夠鮮味！看看餐牌，午市也很抵吃！今晚後很能感受到香港仔的街坊感覺，令我這個「外人」也覺得很多親切感呢！