影片
更多
2017-10-11
293 浏览
同屋企人去探望居住在香港仔的老人家, 順便帶埋老人家去食個晚飯, 我對香港仔的街道唔係太熟, 帶老人家落樓之後, 見到街口的有間叫”譚家菜”的酒樓, 不用行太遠, 於是便行過去, 來到酒樓門口, 見到裡面幾乎滿座, 入到去, 裡面面積其實都唔係好大, 好彩我們仲有位, 於是座低叫餸食飯. 揭開餐牌, 見到這間酒樓都有唔少懷舊菜式, 見到有焗魚腸, 我即刻叫了一個, 而家好少有地方有焗魚腸食了, 仲叫了個冬瓜盅, 大大個的冬瓜盅價錢才138, 又有湯飲又有瓜食, 我覺我好抵, 跟住仲有梅菜扣肉, 呢道菜好送得飯, 是我非常喜愛的一道菜. 好快, 落咗單之後無耐, 熱騰騰的梅菜扣肉最先上來, 梅菜扣肉是道功夫菜, 豬腩肉要一早整好同梅菜一齊放在蒸籠裡蒸, 有客人落單即可上菜, 見到放在碟內的豬腩肉是皮向上, 肉向內, 底下舖了一層梅菜, 豬腩肉醬紅色的皮令人垂涎欲滴, 熱騰騰的散發出豬肉及梅菜混雜住的香味, 夾了一塊豬腩肉, 好林好入味, 豬肉裡面有梅菜的香味, 由於的豬皮是炸過的, 食落一D都唔覺漏, 又唔覺肥, D腩肉用的是五花腩, 肥瘦相間, 瘦的部份蒸得夠林食落夠入味,
揭開餐牌, 見到這間酒樓都有唔少懷舊菜式, 見到有焗魚腸, 我即刻叫了一個, 而家好少有地方有焗魚腸食了, 仲叫了個冬瓜盅, 大大個的冬瓜盅價錢才138, 又有湯飲又有瓜食, 我覺我好抵, 跟住仲有梅菜扣肉, 呢道菜好送得飯, 是我非常喜愛的一道菜.
好快, 落咗單之後無耐, 熱騰騰的梅菜扣肉最先上來, 梅菜扣肉是道功夫菜, 豬腩肉要一早整好同梅菜一齊放在蒸籠裡蒸, 有客人落單即可上菜, 見到放在碟內的豬腩肉是皮向上, 肉向內, 底下舖了一層梅菜, 豬腩肉醬紅色的皮令人垂涎欲滴, 熱騰騰的散發出豬肉及梅菜混雜住的香味, 夾了一塊豬腩肉, 好林好入味, 豬肉裡面有梅菜的香味, 由於的豬皮是炸過的, 食落一D都唔覺漏, 又唔覺肥, D腩肉用的是五花腩, 肥瘦相間, 瘦的部份蒸得夠林食落夠入味, 肥的部份食落好甘香, 哇! 好好味, 好耐無食過咁有水準的梅菜扣肉了, 再食啖梅菜, 梅菜索晒豬腩肉蒸出來的肉汁, 又林又香, 送飯簡直係一流, 最重要的是, 梅菜一D都唔咸, 味道剛剛好, 無論空口食抑或送飯, 唔會覺得咸, 非常好吃的一道菜!
跟住冬瓜盅上枱了, 侍應幫我們每人舀了一碗, 冬瓜盅的湯好清甜, 冬瓜肉已林晒, 已燉到變成透明, 但冬瓜肉都好好食, 林林地, 甜甜地, 冬瓜盅內的材料都好豐富, 我見到裡面有田雞, 有火腿, 有草菇, 有瘦肉, 有鮮蓮子, 仲有干瑤柱, 仲有大蝦, 仲有少量青青綠綠的絲瓜切了片在湯裡, 唔怪得D湯咁清甜, 好好飲, 將冬瓜及其他材料的味道都燉出味, 原汁原味, 比老火湯都要好飲, 淨係食冬瓜肉及裡面材料都食到你飽, 非常足料.
我最期待的焗魚腸終於上枱了, 焗魚腸的面層已焗成金黃色, 上面還放了些新鮮的蔥絲, 用匙舀了一勺來食, 好有蛋香, 一D都唔鯹, 呢味焗魚腸裡面, 眼見到的材料有魚腸, 蛋, 大量香蔥, 仲有油炸鬼, 陳皮絲. 蛋的香, 蔥的香, 陳皮的香, 油炸鬼的香, 已將魚腸的鯹味完全遮蓋, 撒少少胡椒粉在上面, 簡直會食到不停口, 好多年都沒食過呢道菜了, 今次在這”譚家菜”的酒樓內竟然食得番呢道懷舊菜, 真係好開心.
我們叫的另外的二道小菜, 酥炸魷魚及金銀蛋莧菜雖然是家常菜, 但魷魚很是新鮮, 莧菜也是非常林甜, 我們一家人也是食得非常開心非常滿足.
我們偶然搵到的一間酒樓, 讓我們食番難得一見的懷舊菜, 無論味道, 份量及價格, 都是非常出乎意料的好, 真係值得推介俾大家.
张贴
