讚好台灣

营业中

休息中

最近突然好想食下台灣嘢，啱啱喺紅磡做完嘢收工就喺附近行下，因為去開呢邊，於是我就試下問下啲住紅磡既朋友仔，睇下有冇食開邊間推介，有個朋友就推介咗呢間行到個門面裝修又好似幾好咁，是是正正，幾多人食下。我就叫最欣賞個鹽酥雞飯，配咗少少滷肉碎，我開始都唔明點解間店會話自己黎自台中，不過我本人係去過中台玩過既，感覺佢既味道同台中都有幾分相似，不過大耐沒去過台灣，有依稀印象已經好好嫁喇，另外，佢既飲品都幾出色，可以再黎

同朋友經過讚好，見到佢下午茶餐淨係需要$34咁抵，就入咗去試吓好唔好食！佢可以揀一款主食，同埋三款配菜，再加一杯嘢飲。我哋分別揀咗:麻醬乾麵，配鹽酥雞、甘薯、木魚豆腐，凍嘅朱古力加珍珠同埋麻辣擔擔麵，配鹽酥雞、甘薯、蔥油青菜，凍嘅香芋奶茶。整體上份量比較少，真係一個茶餐，不過勝在可以試多種類嘅食物。鹽酥雞炸得幾好食，脆卜卜嘅。甘薯都係酸酸甜甜 ，面頭有啲梅子粉。木魚豆腐係超級好食，因為豆腐外面有層脆皮，脆卜卜嘅外層，配上嫩滑嘅內層，外脆內院超級好食！買單唔使$100，抵！

🙋🏻‍♂️餓底探員今晚去咗紅磡調查呢間台灣菜，佢成日都好多人排隊，諗住去碰下運氣睇下多唔多人排，結果唔使點排就食到，好好彩🥩🍜豐盛牛肉乾拌麵 $75📸表示個乾拌麵有金錢牛腱，牛腩，牛筋，花枝丸同貢丸多種配料，面頭仲有紅蘿蔔，白蘿蔔同青瓜絲，真係好豐盛，果然無改錯名🙋🏻‍♂️表示個乾拌麵口感軟硬適中，金錢牛腱，牛腩同牛筋都好軟腍，花枝丸同貢丸彈牙，配埋個滷水汁，成個麵好好味，豐盛又滿足🍗🍖🍜 綜合湯麵 $60📸表示個綜合湯麵入面有肉燥，牛筋，軟骨，大腸同滷蛋，一上枱見啲湯咁多，蓋過晒啲配料，肉燥同蔥花都散開晒，賣相唔係咁吸引，加上餓底本身想食新竹米粉但係無晒，感覺有少少失望🙋🏻‍♂️表示個湯頭用咗大骨湯，飲落幾清甜，個麵食落彈牙，牛筋軟腍，軟骨肉入口溶化，骨位好有咬口，大腸洗得乾淨無壓味，整體嚟講唔差，係個賣相同無咗新竹米粉減咗啲分🍗逢甲鹽酥雞(大) $35📸表示個鹽酥雞好大份，目測都有十幾嚿，炸到金黃色好吸引🙋🏻‍♂️表示個鹽酥雞食落好香脆，入口唔油膩，肉質鮮嫩，食到停唔到口🍽涼拌滷豆腐 $12📸表示個豆腐得一嚿，的的骰骰咁，面頭淋上 滷水汁同灑上蔥花，上枱前已經切好一開四，方便進食🙋🏻‍♂️表

本身我之前嘅印象中呢一間舖啲員工 都識講閩南語 好似大部份都係台灣人 感覺食物好地道 超級有台灣feel 所以先想嚟重溫下….不過感覺有啲失望 😞之前喺呢頭返工 放飯嚟買嘢食 所以專登嚟重溫呢個味道 不過感覺有啲失望 😞啲衛生好有問題 啱啱坐低冇幾耐 叫咗嘢食 坐喺度等 突然間見到隻米奇喺上面經過 入咗廚房 果下我望一望個時間 係晏晝1:40幾分 之後坐多陣 就上咗兩杯嘢飲 叫咗杯熱紅茶 個杯係有跡嘅 洗唔乾淨最後換咗一杯俾我叫咗兩個午市餐 一個拌麵一個麻辣嘅面面底個口感唔錯 不過味道就差咁啲 鹽酥雞比較林身啲下午茶比較平$38 所以都推薦下午茶餐嘅衛生問題 就睇吓 你哋點樣覺得 呢個就見仁見智

這間台菜餐廳說它來自台中, 但是見不到我在台中最愛吃的麵羹, 羊肉羮和爌肉飯, 感覺有點不以為然. 店家主打的是牛肉麵及炸物, 麵食湯底有清湯, 紅燒湯及麻辣湯三款選擇, 適合不同口味人士. 我點的是麻辣口味的牛三寶米粉, 辣度柔和, 麻度柔弱, 還有點牛骨鮮味的湯底, 不差但辨識度不高. 三寶中的牛腩肉質頗韌, 肉香還算可以, 質素就是一般.炸豬扒外脆內軟, 軟得有點失去豬扒的肌理口感; 炸雞塊表面沒有鹽酥香料香味, 用上雞胸肉口感頗實, 沒有太多脂肉層次感, 感覺就像吃了細份的麥樂雞一樣, 不太討喜. 飲品就算點了小甜也是相當甜膩, 這點反而最像台灣的飲料這點反而最像台灣的飲料呢! 最大的優點也許是相當有競爭性的價錢, 作為只填飽肚子的功能性餐廳, 還是可以的.Zanhao Taiwan is a typical Taiwan restaurant severed with noodles and deep fried food. The spicy soup is not chili and too soft in taste. The beef brisket is too c

🔹紅磡// 讚好台灣🔹人均約$100🔹🔹好飽評語太耐冇食終於得閒去試吓，夏天去真係唔想再去！完全係冇乜冷氣可言🥹🥹其實嘢食我覺得唔差，而且唔係貴😥但真係食到好熱😵個人推介木魚炸豆腐，外面係好酥，入面豆腐好食😋再配埋啲醬係幾夾！另外蕃茄湯麵都好食😚我食嘅豬軟骨就普通啦～青菜有意外驚喜🤣配肉燥好食唔會好dry🤔▫️蔥燒豬軟骨湯麵 蕃茄湯 $61▪️麻醬乾麵 $49▫️木魚豆腐 小 $49▪️青菜 肉燥 $26▫️路邊攤拼盤 $43🧠回頭指數：6️⃣🧏🏻‍♀️打卡港女：4️⃣🌬冷氣溫度：1️⃣🚽廁所評價：⏹🧾性價比呢：8️⃣

嚟到黃埔見到呢間台灣嘢好多人排隊，之前食過印象中都唔錯，所以又來食下😆😆🍴鹽酥雞 小 $25 (6/10)炸粉比較薄，用咗雞胸肉，炸得還好，唔算太乾身，鹽酥味唔算好出，正正常常。🍴 涼拌滷豆腐 $12 (7/10)有滷水嘅味道，豆腐口感比較硬身，但都滑，OK的！🍴 紅燒牛肉乾拌麵 口水 $70 (8/10)麵條比較煙靭，粗身有口感，好掛汁，加埋麻醬同埋口水辣汁，花生嘅香濃加埋少少香辣嘅口水汁，非常開胃，辣辣地好過癮，仲有啲青瓜絲，蔥花，酸菜，口感都算豐富，一啲都唔會太膩！紅燒牛肉有牛筋同埋牛肉，滷得好軟淋，都幾香幾好食！🍴 小麥胚芽奶茶 少冰微甜 $22 (7.5/10)超級多胚芽，幾香，奶茶一啲都唔會甜，有茶味，都幾唔錯！推薦指數: 7.8/10推薦佢哋嘅麻醬口水汁撈麵，真心好食，小食就還好，鹽酥雞炸得有啲乾身，奶茶都唔錯嘅！

次次經過都好多人排隊😣好似好好味甘今日難得見到唔洗排好耐就入去試下😎➿➿➿➿➿➿➿➿➿➿ (っ◔◡◔)っ ♥豐盛牛肉乾拌麵♥$75我好鍾意食拌麵對麵條口感都好講究😆呢個就合格喇😝白麵煮得軟硬適中拌麵嘅醬汁亦好均勻每一條都沾上紅燒牛肉汁配上爽脆青瓜絲口感味度都好正😋叫得「豐盛」就當然豐富啦除左拌麵仲有牛腱,牛腩,牛筋,花枝丸,貢丸最欣賞佢嘅牛腱牛筋燘得好軟糯好膠😌唔乾唔柴😍 (っ◔◡◔)っ ♥紅燒牛肉麵♥ $59湯底有幾款選擇今次選左紅燒牛肉湯湯頭帶d甜，但唔算濃味面條口感同拌麵一樣唔錯略嫌餸菜比較少牛肉嘅份量並唔太多不過以呢個價錢嚟講都算手抵食➿➿➿➿➿➿➿➿➿➿環境舒適度：⭐️⭐️/5食物推薦度：⭐️⭐️⭐️/5🔷🔸🔷🔸🔷🔸🔷🔸🔷🔸

隔著條街都見到大排長龍，咁當然唔可以錯過，5個人係門口排左20分鐘左右先入到，1,2個人嘅話應該就快啲叫左口水肉燥鹽酥雞乾拌麵同凍台式奶茶🤤口水肉燥鹽酥雞乾拌麵🤤麵底算粗身有咬口，口水汁大概譚仔三四小辣，有麻醬香味，惟嫌肉燥唔多，算係肉碎嗰種而唔係一粒粒鹽酥雞正正常常，未去到驚艷🤤凍台式奶茶🤤普通奶茶店嗰隻奶精奶茶味，無得較甜度冰度但都唔算太甜

今晚去咗紅磡搵女朋友，佢想食台灣野，咁就試下哩間台灣麵點知有驚喜嗌咗個豐盛麻辣牛肉麵， 湯底好濃郁而且啲牛肉好入味，尤其係啲牛筋好淋。如果唔鍾意食辣嘅朋友可以嗌佢最出名嘅紅燒牛肉麵， 個湯底有少少藥材味， 而且牛肉嘅份量都幾多。

食過幾次呢間嘅牛肉麵 都感覺幾良好嘅，今次又嚟覆桌睇下仲keep唔keep到水準今日嗌咗豐盛麻辣牛肉麵同埋紅燒牛肉麵啲牛係出色嘅，佢喺一條條咁上而唔係一塊塊，食落有口感，我叫咗中辣，都好入味啲麵，啲牛筋好淋好嫩滑，啲蘿蔔好鮮甜入味。哩度紅燒同出面唔同，哩度個湯底喺帶有少少藥材味，有少量梅菜令到個湯底有層次感嚟過幾次食都覺得幾好食，又冇加一，都值得一試嘅😋

老公提議去食台灣野於是就揀咗讚好台灣，入到去睇餐牌唔知食乜好，望到隔離枱食拌麵好似幾靚，於是就揀咗個香酥排骨口水乾拌麵，而老公就叫咗豐盛牛肉麵，再叫咗一個細鹽酥雞，同珍珠奶茶香酥排骨口水乾拌麵成個拌麵同排骨都好伏，口水拌麵只係食到麻辣同油，完全冇醬冇汁，成個麵完全冇味，而個排骨味道好古怪，好似醃咗好耐，醃到D肉好鹹，完全唔掂好難食叫之前問侍應拌麵有冇麻醬，佢叫我食口水有麻醬，餐廳餐牌圖片都睇到有麻醬，而我嗰碗完全冇麻醬，我碗麵可以睇到同餐廳幅圖完全唔同，乾爭爭㗎，不如食辣椒油撈麵

叫咗個午市套餐紅燒牛肉麵$58 熱珍珠奶茶+$4 涼拌小黃瓜+$20（外賣+$1）$84牛肉好大件好琳，個湯好濃，麵質不錯。感覺係幾台式味道，但就未有好驚喜😜小黃瓜爽口的，但就偏甜；熱珍奶味道一般。午餐都幾貴，個人覺得味道未去到比這個價錢，試過就算🙂

經過紅磡想食台灣野，就選擇了讚好台灣剛好有午市套餐，就叫了一個鹽酥雞乾伴面的套餐，加配了一杯台灣紅茶🤤😋❤️個面好有口感，有咬口唔會好淋，仲要好夠味鹽酥雞就不過不失啦，無咩特別，好在熱辣辣

一間不過不失嘅台灣小店～主打台灣南部菜式原本想喺下午茶時段(14:30)入去但由於太肚餓嘅關係，兩點就入咗去食😂佢有兩間舖位連住，所以喺假期都唔洗等位就有得入出奇地小食俾到驚喜，價錢相對都較易接受👍🏻🔎滷肉鹽酥雞飯 💰49佢哋用咗一等台灣珍珠米（台梗9號）係台灣人最愛食嘅稻米因為米粒較飽滿，黏性較高，口感較為Q彈！滷肉感覺淡咗小小，鹽酥雞幾香口，不過有啲乾🤔Btw唔知你哋有冇留意到，佢米飯嘅形狀係台灣地圖🤩🔎魚酥皮蛋豆腐 💰32哩個我以為佢係熱食一食落口係凍食嗰吓有啲驚訝，凍嘅？！但同時間覺得凍豆腐反而仲好啱曬熱辣辣嘅夏天食！夾埋皮蛋同魚酥，整體幾有味道😋🔎口水鹽酥雞乾拌麵 💰60食唔到辣嘅朋友仔就唔好加口水😂食到個口好麻冇曬知覺🥵佢個麵幾好食，有咬口，係我鍾意嘅質感🔎台灣茉莉綠茶(跟餐) 💰6嘢飲反而一般，冇特別少甜少冰嘅話，就覺得太甜😮‍💨