讚好台灣

营业中

休息中

連續兩晚食台灣餐廳，因緣際會，真不容易。這一間勝在食品選擇豐富，味道也不錯。特別推薦木魚豆腐，香甜嫩滑，叫我一個人食晒四件也可以。服務呢就比較港式，人流不絕，所以你每食完一碟，就馬上有人收拾；全部食完，就馬上幫你抹埋枱。咁就冇出聲叫你走，你自己識做啦。台式的休閒，這個店應該很難出現了。對比昨天晚上的，也是排隊熱點，侍應都是摩打手工作，但可能環境樓面比較高，色調比較深沉，台灣慢活的感覺，還是有的。

早一兩年去食, 佢啲食物有相當水準, 可惜, 上星期日去食午餐, 質素已經大不如前,叫咗個酥炸排骨飯, 但件炸排骨完全唔熱, 仲有少少油益味, 另外叫咗小拼盤, 但我食完飯都未嚟, 我同侍應講, 佢例牌般回答話整緊, 但隔離枱遲過我入座,都已經上咗! 最後我連杯飲品飲曬都未出現, 結果叫佢cancel嗰order, 佢好似冇反應唔 care 咁!講真, 佢價錢唔算超級平, 基本上, 未必會再幫襯!

唔理你企喺度幾耐，叫外賣都要等櫃檯金髮紋身妹處理人哋唔趕嘅單，幫人埋埋單，等佢完全無野做先會幫你落外賣單。我只係黑面，一句埋怨都無，佢就故意唔包我份外賣，包晒我後面嗰幾個先包我嗰份。想起十年前老闆同老闆娘親身睇舖嘅服務熱誠比，真係差天共地。感慨老闆娘要照顧小朋友後，一間人情味小店變成宜家養埋啲低質員工嘅舖頭。

估唔到晚上才九點半喺紅磡竟然好多食肆都收工，好彩呢間台灣麵店仍然營業，否則真係無飯開。主食叫咗紅燒牛筋麵要牛肉湯湯底同麻醬乾拌麵，小食就叫咗大size的木魚炸豆腐同路邊攤小拼盤，飲品叫咗凍嘅小麥胚芽奶茶同透心涼冬瓜茶。木魚炸豆腐好好食，路邊攤小平只屬一般，拼盤入面有鹽酥雞四粒、台灣香腸四片同埋炸花枝丸兩粒，其實唔係唔好食，不過真係hea咗d，尤其是係嗰幾粒鹽酥雞，好似麥樂雞咁樣樣。兩碗主食都ok。牛筋面嘅牛筋瞓得好林，湯底亦都好好味，至於個麻醬乾拌麵d麻醬如果可以再香d會更好。兩杯飲品正正常常啦，幾有台灣風味。

.📍讚好台灣📍#饅頭去紅磡 #饅頭食台灣菜------------------------------1️⃣ 口水香辣豐盛牛肉乾拌麵 ($80)讚好台灣都算係一間小編間唔中放學後都會幫襯嘅台灣菜小店，雖然價錢唔係平，勝在嘢食份量多又足料，尤其係對近排GYM得勤力咗食欲大增嘅我嚟講簡直係恩物。小編今次嗌嘅呢個餐超多餸，有牛腱、牛筋、牛腩、花枝丸同貢丸。讚好唔同款式嘅牛肉喺味道上未必比到好大驚喜我，勝在發揮穩定，3款牛嘅部位都好大件，都煮得ok軟腍，唔會過份實淨咬唔開，而且都feel到明顯嘅牛肉味；花枝丸同貢丸就正常批發貨味道唔特別多講；至於麵質係我好鍾意嗰款偏向上海麵嘅質地，口感非常爽彈，粗幼度適中，掛汁能力同醬汁濃稠度匹配。但我對佢哋「口水香辣」汁稍稍失望，其實就係麻醬＋辣肉燥＋辣油，麻醬份量足以撈均成碗麵，但味道唔係好濃稠，略嫌花生香氣不足。我試咗朋友純拌麵，發現酸味偏重，怪怪哋，如果嗌我呢款就有辣油幫手蓋一蓋，味道會好好多。2️⃣ 夜市小香腸乾拌麵 ($58)------------------------------🔸整體評分：7.3/10🔸小編回頭率：6.5/10

時間早經過見唔使排隊，所以同朋友入嚟試吓環境企理乾淨，樓底較高，都算坐得舒服叫左人氣嘢食滷肉鹽酥雞飯飯擺碟精緻，份量比較細。滷肉好少，得2小件雞球炸得唔夠脆口，但性在肉質鮮嫩，鹽酥味都比較淡。肉燥鹽酥雞乾拌麵雞球都是好少，麵有啲彈性，但肉燥都是少，食起上嚟真是「乾」拌麵。小麥胚芽奶茶：茶味香滑，加上胚芽，口感獨特芋香戀奶茶：芋香好淡，比較遜色人氣大過現實，嘢食普通，精緻份量細，個人唔使特登排隊去食。

讚好台灣呢間係紅磡幾岀名既台灣野食，係店外滿滿既人龍😆搞到我地都好試下係咪咁值得排隊🧐咁多人都中意食😋一場黎到，梗係要試下啦🤣#冬甩仔女_紅磡#冬甩仔女_台灣野🍩冬甩仔👦🏻🍩食評👅👦🏻紅燒牛肉麵🐮🍜(8/10) $65牛肉牛筋炆得吾錯👍🏼入味幾淋肉質🥰，牛肉湯濃郁🤤飲落個湯有微微藥材味，麵質彈牙，幾掛湯😋🍩冬甩仔女👦🏻👧🏻🍩食評👅👦🏻👧🏻鹽酥雞🐥(小)(7/10) $25炸得鬆脆香口，炸粉亦不厚🤭肉質嫩滑🤤椒鹽味道調味岩岩好，但份量有點少🤨🤔👦🏻👧🏻三味拼盤(7.5/10) $42有拍青瓜，甜甜地醃得。滷豆腐，好入味😍小香腸，脆口又香油脂口，好正😋😋🍩冬甩小資訊🍩1️⃣免收另一✔️💲抵食:7.5/10👅好味:7.5/10🍩推薦:7.5/10📍讚好台灣 (紅磡)紅磡湖光街1-7號聯成大廈鴻運閣地下13及14號舖

來黃埔是人生第二次，好多民生舖頭，喜歡試吓小店。見呢度有兩個舖位，應該都好受居民歡迎，又有位，入來試試。香芋奶茶有點失望，只有甜，偏水多。台灣腸最安全，但偏乾。麻醬乾麵麻醬分量足夠，但吃下有點酸，是否有加檸檬汁？！鹽酥雞脆口、乾，不燙口。牛肚有麻辣感，份量足夠。下午茶來說一點也不貴，但我們比較坐近廚房⋯⋯

恢復晚市之後，與友人經過黃埔呢間台灣小店。✨正宗滷肉飯 $46-份量較精緻，配四款配菜：豆角、紅蘿蔔津白、酸菜 ✨口水紅燒牛肉乾拌麵 $70 （口水+$5）✨路邊攤小食拼盤 $43-鹽酥雞、小香腸、花枝丸🥬灼青菜（肉燥/蔥油/麻醬）$26🧋〔凍〕手感黑糖奶茶 +$15🥤〔凍〕小麥胚芽奶茶 +$10〰️〰️〰️〰️〰️〰️〰️〰️〰️〰️〰️〰️〰️〰️〰️感想/評價： 如果下次再試可能會想試午市套餐/下午茶餐。 不過睇餐牌下午茶餐的款式同好多台灣餐廳都好類似。 以呢啲價錢黎講，晚市真係正常。〰️〰️〰️〰️〰️〰️〰️〰️〰️〰️〰️〰️〰️〰️〰️📍 讚好台灣紅磡湖光街1-7號聯成大廈鴻運閣地下13及14號舖（近黃埔站B出口）⭐️人均消費：$50-100⭐️午市：11:00-14:30， 下午茶：14:30-18:00，晚市：18:00後〰️〰️〰️〰️〰️〰️〰️〰️〰️〰️〰️〰️〰️〰️〰️#katfoodiesnap#美食分享 #美食記錄 #香港美食 #Hkfoodie #foodie #food #hkeat #hkfood #美食推薦 #美食日記 #美食 #食評 #香港台灣美食 #黃埔 #黃埔美食 #讚好台灣

在云云眾多亞洲菜式種類中，台灣菜（不論南北部）一直都是小弟其中一種十分鍾意的選項；香港近年亦有唔少 “台灣過江龍” 任君選擇。不過，小弟其實有眼不識泰山，以前未聽過呢間讚好台灣。趁抽到時間到紅磡，小弟臨急抱佛腳，揾到高手介紹，原來呢間店舖主打台灣南部菜式；小弟今日就試左他們的午餐。呢碗鹽酥排骨肉燥湯麵，麵條系小弟喜歡ge較粗的個種，但系肉燥連湯一齊，變左肉燥融系湯入面，令個湯較咸。排骨識得分開上，肉排食落較實净，唔會太鬆軟（岩晒小弟）；他們（好似）想加少少菜，去肉排的油膩感，但發覺菜的份量真系太少。跟餐的台灣奶茶，偏向茶味較突出，唔算特别出色。可能系小弟唔識揀時候，呢套午餐未吸引到我想再幫襯；可能呢間店舖而家主打晚市都唔定......

母親節的晚上,周圍都人多擠迫,又沒有訂枱,亦未有打算吃什麼好東西,只想安靜地與家人吃一餐晚飯。於是,輕輕鬆鬆走入了這間台式小店。簡簡單單叫了一碟香酥排骨乾伴麵和香酥排骨飯,兩杯台式飲品和一碟麻醬青菜。排骨炸得很好,伴面亦都有做得不錯,慶幸是有很多青瓜絲。青瓜含有豐富維他命C。一般餐廳都是肉多菜少,難得廚師處理菜多肉少,拿捏到健康的好處,不是每間餐廳都能做到這一點,因為一般客人都會認為「多肉抵食!」菜多蝕底了。至於熱蜂蜜檸檬水和凍冬瓜茶,都達到一般水準,不過不失。以這個價錢,平淡地吃一個安靜的母親節晚餐,我也心滿意足了。

讚好台灣🍱 正宗滷肉飯便當 $46🥩 滷肉香酥排骨飯 $49🍢 夜市小香腸滷肉飯 $52🍲 麻醬乾拌麵 $49 🥚 西門町滷味拼盤 $42 整體來講都OK但一定唔係最好食嘅台灣小店，味道偏淡而且份量亦都唔多，價錢還可以接受😎

明明之前都食過正正常常，今次覺得比之前差左啲既感覺🙈（5分為滿分：🌕）味道：🌕🌕🌗🌑🌑香酥排骨飯($48)呢個今次食好失望😞😞望落啲相好似都唔錯咁，但其實啲排骨肥到每塊有2/3既部分都係肥膏🥺🥺係完全食唔入口，我食左1-2舊就完全放棄左🥵🥵 不過如果有細心留意，佢個飯係整左個台灣地圖形狀，算係佢既特色之一喇🫣紅燒牛肉麵($58)$58黎講有4舊牛肉黎講算係幾抵食，不過啲牛就唔係話好有牛味，始終一分錢一分貨🙈🙈但係佢既麵既質地我就好鍾意，有咬口得來又掛湯😋😋珍珠奶茶(+$8)跟餐$8一杯來講都算正常價錢，不過茶底方便麻麻地，比較苦澀，係惟一可以講份量黎講都唔細杯既🙈🙈🙈酥炸花枝丸($28)我地最鍾意食嘅就係花枝丸，所以去到邊度嘅台灣餐廳都一定會嗌，呢度嘅花枝丸出乎意料地好食，入面有花枝既粒粒，係咁多樣叫左既野食入面最好食🥰🥰價錢：🌕🌕🌕🌕🌑$50-$60左右既午餐都尚算唔錯，經濟實惠🤣🤣而且份量都唔少，因為位於紅磡，所以都吸引到好多應該係Poly讀/住hall既學生去食😋交通：🌕🌕🌖🌑🌑位置紅磡同黃埔站中間，係紅磡火車站出去行天橋去到盡頭，行入一條街行到行尾就係😁分別係紅磡同黃埔行過去應

經過呢間台灣餐廳，見到好多人排隊買外賣，心入面好掛住台灣食品，決定一試今次試左鹽酥雞滷肉飯加珍珠奶茶，買到番屋企雖然餐盒凍左少少，但都食得出味道係好既鹽酥雞係推薦既，但係滷肉飯比較咸左少少，加埋三個配菜都算係恰到好處，成個外賣餐盒都係推薦既但星期六，日人太多，都等左超過20分鐘先拎到，下次會試吓堂食

好想推介呢間餐廳🥺呢間真係有台灣的味道！聽到啲店員溝通應該真係台灣人黎🤔呢本menu入面好靚，但太多頁嘅關係，咁好意思係咁影😂睇完menu就可以係張紙到揀野食所有食物都充滿台灣的味道🥺呢個係下午茶餐，好抵食🥺兩個餐夾埋先$80，啲小食全部都好好味，個擔擔麵都好正，野飲就一般😟唔好對佢啲野飲期望過高，都係普通飲落去「哦」果種，想飲下其他既，例如黑糖珍珠奶茶🧋就要另外加$15，佢原價係$25既，我覺得就咁加$6要杯好少少既野飲都已經足夠😂諗住去開紅磡是但搵間鋪頭食野，但呢間真係有驚喜，一食落去就覺得返咗去台灣咁😭