讚好台灣

营业中

休息中

呢間台灣野起紅磡都幾出名，平時lunch都有人排下隊。主食主要分做便當，乾拌麵同湯麵，我地兩個人叫左2個主食同小食share。魚酥皮蛋豆腐($32)木魚配上皮蛋同凍豆腐，作為開胃前菜。路邊攤小拼盤($43)炸鹽酥雞，香腸同花枝丸，可以一次過試哂三款出名的台灣炸物。滷肉香酥排骨飯($49)個排骨好酥脆，肉質不會太淋太硬，好好味，會再encore👍豐盛牛肉口水乾拌麵($80)呢個份量大得嚇人，真係好豐富！ 有牛筋腩，花枝丸，貢丸同蘿蔔。牛腩夠淋，蘿蔔都好入味，個口水汁非常惹味，又係值得一試，但係可能試其他餸，呢款太大份一個人食唔哂。阿華田胚芽波霸 巧克力咖啡波霸 (+$15)我試咗阿華田胚芽波霸，我覺得珍珠都係配奶茶好飲啲，朋友鐘意飲咖啡就覺得個朱古力咖啡波霸幾好。總結來講呢間性價比高，平時lunch 有套餐更加平，難怪甘多人食。

有位朋友住紅磡，近近哋去咗黃埔食嘢，好耐冇食台灣菜，佢介紹我食一間喺當區人氣頗高嘅台灣菜。有湯麵、拌麵，仲有各款特色小食，台式飲品想必都系吾少人最愛。甘梅脆薯吾多台灣餐廳有，表面灑滿梅子粉，脆薯每一件都好軟綿綿，味道香甜🍠加上梅子粉酸酸甜甜好開胃👍🏼木魚豆腐真系好少食！其實似日本菜嘅前菜，同樣又木魚喺豆腐上面，只系日本菜系好清嘅豆腐，呢度就將兩者二合為一，食戈陣兩樣都食到，醬汁都好入味。路邊攤拼盤即小食拼盤，有鹽酥雞、花枝丸、台灣小香腸，鹽酥雞香脆度還好，花枝丸食到一粒粒墨魚🦑小香腸好味😋台式小食拼盤向來吾會太差。朋友叫紅燒牛筋腩麵，湯麵可以揀大骨湯/ 蕃茄湯/ 牛肉湯/ 麻辣湯，朋友揀蕃茄湯，蕃茄味一般，牛筋腩有嚼勁，有啲肉都夠淋。另一碗紅燒牛肉麵，配番牛肉湯，牛肉湯有藥材味夠正宗，牛肉吸咗牛肉湯更能突顯本身口感，肉味香濃，口感軟稔。珍奶🧋一定系台灣菜必飲🧡落單戈陣話少甜少冰，少甜戈part就明顯，好彩都不至於淡，茶味香醇，似港式奶茶🤣珍珠煙韌。朋友叫阿華田胚芽波波，阿華田表面有胚芽又幾得意，一粒粒加阿華田好味道🤎

琴日星期五，放工要散下心，出左去紅磡食台灣菜，呢間讚好台灣之前食過2次都係外賣，今次終於可以堂食我要左碗肉燥三寶拌麵，有肉燥，香腸，花枝丸，貢丸，青瓜絲，好多餸，又好味，麵都好彈牙，吾會太淋老公就要左碗紅燒豐盛牛肉麵，有牛腱，牛腩，牛筋，花枝丸，貢丸，牛肉超淋超入味，牛筋又彈牙，牛腱又香又軟熟，湯底好濃仲有三款小食小食拼盤，香腸皮脆脆地，幾正魚酥皮蛋豆腐好大碟，食吾晒甘梅脆薯，梅子粉好味，番薯又脆仲有杯阿華田杯芽波波，吾太甜又夠滑

今日過咗去黃埔行行吓見到讚好台灣，七點到，入座率九成左右又有好幾個人排外賣， 羊群心態下加肚餓底下決定試吓. 排骨湯麵配鮮蕃茄湯 - $58蕃茄湯底幾濃味，帶有少量嘅香草味，似西式嘅蕃茄湯底, 麵身好有咬口, 煙韌, 至於炸排骨係帶甜身, 外皮幾脆 肉都好淋綜合湯麵配紅燒牛肉湯 - $66 湯底幾香,  牛骨湯味咁, 材料有大腸，豬軟骨，滷蛋，牛肉！大腸爽口得黎幾入味， 滷蛋都係入哂味, 不過豬軟骨舊軟骨唔係啫喱狀，如果期待啫喱狀嘅朋友就未必適合啦, 牛肉都一樣淋既同同入哂味路邊攤小拼盤 - $43 有三款小食 炸花枝丸,小香腸，鹽酥雞 炸花枝丸幾好食得兩粒唔夠喉, 有好多花枝, 足料;  鹽酥雞炸得好脆， 雞肉幾滑 香腸甜甜地， 台灣feel綜合湯花枝加貢丸 - $22 個湯充滿胡椒味， 貢丸花枝丸都好食😁熱胚芽奶茶 - $20奶茶都好滑, 胚芽其實好多, 不過沉晒喺底, 正！仲可以自己加糖或者走糖😎下次去開紅磡， 都可以再食😁

經過紅磡呢間讚好台灣嘅裝修好似幾舒服，又見到閒日都坐滿晒人，就決定試吓啦。嘢食方面都幾多選擇，有飯、湯麵、拌麵、小食同嘢飲。主菜我哋要咗兩碗蕃茄湯麵。我要咗鮮蕃茄豬軟骨湯麵，揀咗新竹米粉。個湯底超級濃郁，好香蕃茄味，米粉嘅份量都幾多，豬軟骨煮到好腍好入味，好好食。朋友就要咗豐盛牛肉麵，有金錢牛腱、牛腩、牛筋、花枝丸同貢丸，材料豐富。我試咗佢嘅牛腩，肥瘦均勻，好香牛肉味，朋友都好鍾意佢個湯底。小食要咗木魚酥皮蛋豆腐，係冷豆腐上面有皮蛋，仲有好多肉鬆同木魚，估唔到所有嘢都好夾，食落個口感真係好特別。另外要咗大鹽酥雞同甘梅脆薯。鹽酥雞賣相好靚，外面脆得嚟雞肉夠腍，如果可以再熱啲就好啦。甘梅脆薯係唔同嘅炸法，外脆內甜，上面嗰啲甜甜哋嘅粉同炸物真係好夾。飲品方面我想飲啲清新啲嘅嘢，所以要咗凍蜂蜜柚子茶，甜甜哋咁好解渴，同啲嘢食都好夾。朋友就要咗蜂蜜檸檬茶，都話好飲。見到人哋飲黑糖鮮奶好似都好好飲，下次一於試吓啦。

今次嚟開紅磡黃埔呢邊，諗起呢間回憶小店，決定要試吓佢最近質素～呢間小店之前係街坊啲，近年裝修咗，雖然都係幾迫，但至少唔洗以前咁背貼背🤣我平日嚟到，係有lunch set嘅，不過我揀咗個單點嘅紅燒牛筋腩新竹米粉配台式麻辣湯 ($65)～上到枱覺得真係以前嘅味道😍係香辣嘅味道，我覺得個辣度適中，新竹米粉仲要好索湯，不過可能人大咗，嫌個湯都係油咗少少，食完都有少少heavy🙈另外牛筋腩份量好足，牛腩軟淋，筋都好有膠質，算係唔錯～我叫咗杯阿華田胚芽波波 (加$15)～我覺得飲落係略稀，冇我想像好濃嘅味道，胚芽味幾香，珍珠就實咗少少，爭咗啲咬口，所以整體就一般般～事隔多年，熟悉感覺依然存在，但可能年紀大咗口味都有少少改變，覺得今次食物就中規中矩～

食過好幾次，今次先寫下食評💕食過佢哋嘅台灣便當，亦都試過佢哋嘅台灣湯麵7點黎到已經好多人，冇幾耐就滿場個人比較鍾意食佢哋嘅台式湯麵，所以今次我自己都選取返食佢哋嘅牛肉新竹米粉🥰👍🏻個人比較推薦除咗食麵之外，另外再叫咗一份鹽酥雞(小) & 牛魔王拼盤講咗份牛魔王拼盤先，份量都幾多幾足料，除咗隻牛展，牛筋仲有牛腩，完全滿足我呢個牛魔王老公😂😂😂牛併盤煮得好入味而且食落軟熟但不失口感🧡唔錯鹽酥雞雖然叫咗細份但都起碼有8粒，粉漿唔會好多所以炸出黎炸皮薄薄，雞粒都唔會好乾，調味方面有擔擔鹽酥味，但個人覺得味道可以再偏重多少少🤏🏻會更正😆💕平時食開牛肉麵嘅老公今次轉食拌麵，拌麵比起牛肉麵嘅份量個人覺得比較多，勁多勁大份！牛肉麵底麵質口感剛好，唔會過份淋/過厚，仲有勁多青瓜絲同牛肉，所以就算冇湯都唔會覺得食得好單調😎最後介紹嘅就係我食呢個紅燒牛肉新竹米粉，紅燒牛肉其實同頭先講過嘅牛魔王拼盤入邊嘅肉都係一樣，所以就唔多再介紹啦～新竹米粉配上牛肉湯味道好掛湯🤭我想講我中意食新竹米粉多過食牛肉麵嘅面底🤣🤣🤣呢碗野可以再encore👍🏻最後跟餐叫咗一杯熱嘅胚芽奶茶，同檸檬冬瓜茶🥰 兩個人食到好飽買單都係$2

同朋友去黃埔搵食，今次試下呢間台灣菜星期日都有下午茶，最平$34就有交易除左有台灣滷肉飯之外，仲有湯麵、乾麵、台灣小食同飲品等等。落咗單唔夠5分鐘啲嘢食就已經到。下午茶家鄉滷肉飯細細碗做下午茶岩岩好，米飯軟硬適中，滷肉幾腍。鹽酥雞 雞肉細細粒，一口size方便食，調味適中甘薯炸得唔會好油膩，配上梅子粉，酸酸地幾特別涼拌小青瓜青瓜爽口，拌埋酸辣既調味醬， 幾開胃麻醬乾麵麵條粗身、口感煙韌，麻醬岩岩好夠撈成個麵，更有青瓜絲，爽口，令個麵食落冇咁膩木魚豆腐外層炸漿薄薄一層，外皮沾滿木魚，有日式既感覺。酥炸花枝丸口感紮實彈牙，食到淡淡花枝味夜市小香腸同平時食開既台式香腸一樣，油香十足。香芋奶茶加珍珠個人唔好甜，叫左微甜，甜度岩岩好，香芋味都飲到，唔會話好假既味道。烏梅汁酸酸甜甜，解渴解膩

上星期六終於同朋友去到訪「讚好台灣」，餐廳位於紅磡湖光街1-7號聯成大廈鴻運閣地下13及14號舖，去開紅磡搵食都應該會見過這間餐廳。 剛來到時下午茶時段，由34元起包一碗麵/飯，三款小食及一杯飲食，選擇款式都多元化。我點了「麻辣擔擔麵」不要以為下午茶會減少份量，我個人覺得份量十足，入口即感麻辣沖在口腔內， 很過癮，麵質都Q彈及掛湯，讚！小食是「木魚豆腐」外面包著木魚很惹味，豆腐有豆香。「滷蛋」正正常常，不會令人失望。「椒麻牛肚絲」有微微椒辣香口，牛肚絲爽口，有嚼勁。飲品是店員推薦「黑糖波波鮮奶」，鮮奶很濃香，珍珠彈牙粒粒都包滿黑糖，又不會太甜，超讚！單點必選「紅燒牛肉麵轉新竹米粉」，新竹米粉幼嫩，浸在了湯的精華，牛肉口感軟腍。「青菜肉燥」青菜翠綠，淋上肉燥汁又惹味可口。「路邊攤拼盤 」 小香腸、鹽酥雞、花枝丸，每款小食都是去台灣必吃，味道跟在台灣吃得好相近，當想念台灣小食， 不妨過來試試。「冰胚芽奶茶」飲到滿口胚芽香，奶茶味香濃，沒有茶的苦澀味。

作為紅磡人，你叫我推介餐廳比你，我腦海第一個就係彈"讚好",因為佢價錢平，味道好，又大碗，雖然好hardsell咁，但都係真的。🔹木魚炸豆腐🔹豆腐先油炸，再灑上木魚同淋上微酸既醬，醬令炸皮變軟，食落不但冇咁熱氣，仲有啲豆卜既感覺，入面既豆腐仲保持嫩滑，味道好有層次，又開胃。🔹逢甲鹽酥雞🔹鹽酥雞調味鹹度岩岩好，當小食係非常唔錯既選擇，佢做到外脆內軟，而且雖然用雞胸肉去整，但都好嫩滑多汁，所以鐘意食鹽酥雞既朋友，千奇唔好錯過。🔹豐盛牛肉口水乾拌麵🔹本人比較貪心，想試多啲野，所以揀左豐盛版，入面有金錢牛腱、牛腩、牛筋、花枝丸同貢丸多種配料，仲有炆到好腍既紅蘿蔔同白蘿蔔，真係好豐富。呢到既乾拌麵又係一絕，麵非常有勁，配埋個口水辣汁，配埋青瓜絲，濃味又唔會膩。🔹滷肉鹽酥雞飯🔹食台灣野緊係要食個滷肉飯啦。滷肉飯既水準係唔錯，半肥瘦既豬肉粒滷得超入味，簡直係白飯小偷。

紅磡高性價比台灣菜，分量亦好大。鹽酥雞乾拌麵配料相當豐富，肉燥、青瓜絲、鹽酥雞塊、小香蔥、分量驚人，完全夠兩個女仔食。撈一撈，個面好有咬口，唔會好淋。鹽酥雞都合格。醬油蔥串大腸哇，呢個菜小女子我一試愛上。大腸外皮酥脆，有新鮮既香蔥，再淋上甜豉油，入口酥脆，鹹香，大腸配埋小蔥，仿佛回到台灣夜市！肉燥香酥排骨湯麵夜晚想食輕味小小，嗌左番茄湯底，味道清甜，排骨肥瘦相间，唔鞋，個面同乾拌麵一樣係好有口感既手工面。總體都味道不錯。椒麻牛肚絲作為米飯愛好者，呢個小食送飯一流，牛肚絲彈牙且入味，配上椒麻汁同紅油，味道香而唔係好辣，好岩唔食得辣既朋友。

以前讀U成日食讚好，翻新左之後都冇黎食過，今日經過見到新淨左好多，就入去食下。款式都多左少少，我叫左個夜市小香腸魯肉飯，好足料，側邊仲有粉絲，菜莆，蛋，同埋菜! 魯肉都好入味，好好送飯。另外，叫左個鹽酥雞乾拌面，見佢仲有選項簡口水，應該係辣口味。 鹽酥雞好香脆，雞仲有少少調味，乾拌面都幾彈牙。小食就叫左酥炸花枝丸，麻醬青菜同甘梅脆薯。麻醬青菜就係冇得輸! 好好食。甘梅脆薯都好食，蕃薯超甜! 野飲叫左高山冷泡茶，原來係(桂花口味，都幾fresh。百香果綠茶都唔錯! 回憶番黎曬!

黃昏時間同朋友👫一齊喺黃埔，我哋都想食餐簡單但係又美味嘅，我唔太熟悉呢區，朋友就幾經常喺呢區出沒，所以我就俾朋友揸晒主意，結果佢就帶咗我嚟呢間台灣🇹🇼小餐廳🥢開餐😆- $75 嘅「豐盛牛肉乾拌麵🍜」：餐牌咁樣形容：「牛肉：特選筋肉細滑金錢𦟌，用心滷製切條提升口感」，咁真係滷得入味又幾有牛味，好食🤩；呢個「豐盛」版本，其他配料包括有貢丸、花枝丸，仲落咗青瓜絲😋；乾拌麵應該撈咗秘製醬汁，彈牙兼好味🤔😋😆- $55 嘅「肉燥排骨乾拌麵🍜」：肉燥惹味😋，排骨係鹽酥排骨，好香口😋- $42 嘅「三味拼盤」：有青瓜、滷豆腐、台灣香腸🤩- $28嘅「涼拌小黃瓜🥒」：超級爽脆👏，真係好少食到青瓜爽脆得厲害😆，甜甜哋😋- $26 嘅「灼青菜（肉燥）」：生菜新鮮，加埋肉燥，簡單好味😋- $15 嘅「高山冷泡烏龍（跟餐）」：好香嘅烏龍茶，相當清新😆- $10 嘅「小麥胚芽奶茶🧋（跟餐）」：小麥胚芽感覺非常健康有益😆

自從幾年搬到紅磡後，因為都幾正宗台式料理加上價格比高，基本上一個月都會嚟最少1次，我特別欣賞佢哋的下午茶，$34已經包裝一個麵／飯加3款台式小食，又有飲品，款式選擇多元化，份量亦算多，高性價比。 肉燥湯麵加上逢甲鹽酥雞、夜市小香腸、椒麻牛肚絲，每款都幾正宗，麵的份量亦算夠。 麻醬乾麵加木魚豆腐、涼拌小黃瓜、滷蛋，滷蛋醃製得幾入味，時間亦控制得好，唔會太硬身。 甘梅脆薯，梅粉帶出甘甜味，同薯仔本身甜品混合，有層次感。 牛魔王拼盤食齊不同牛款式，金錢腱最高質，一層筋加腱位，牛肉味濃有口感。 而佢哋嘅台式飲品款式都好多，香芋奶茶兩種味道幾平衡，飲到奶茶味而香芋味都濃厚。黑糖波波鮮奶亦好有水準，跟下午茶餐加$15，幾抵飲。

最近突然好想食下台灣嘢，啱啱喺紅磡做完嘢收工就喺附近行下，因為去開呢邊，於是我就試下問下啲住紅磡既朋友仔，睇下有冇食開邊間推介，有個朋友就推介咗呢間行到個門面裝修又好似幾好咁，是是正正，幾多人食下。我就叫最欣賞個鹽酥雞飯，配咗少少滷肉碎，我開始都唔明點解間店會話自己黎自台中，不過我本人係去過中台玩過既，感覺佢既味道同台中都有幾分相似，不過大耐沒去過台灣，有依稀印象已經好好嫁喇，另外，佢既飲品都幾出色，可以再黎