譚仔三哥米線 (已搬遷)

最近食重口味食上癮，見到濃味食物就想試，所以專程試食譚仔新出的糊辣口味，順便挑戰自己的食辣程度。今次點套餐過橋米線，糊辣口味沙底，的確比一般的酸辣及麻辣濃得多，亦都鹹少少，點5小辣都可接受，不過預左食完會非常口渴。土匪雞翼好味，炸得外脆內軟，極香口，要食光全碟絕對無難度。個人非常喜歡譚仔皮蛋，貪其辣汁帶甜，和皮蛋配合得很好，每次至少食半碟以上。…查看更多

雞肉清湯米線（走韮芽） :( 雞肉有時碎濕濕的，好細件 ，好難夾 :( 清湯底但其實都好濃，好重味精，食完好頸渴 :( 三哥嘅米線唔夠譚仔咁林，煙煙紉紉的，好似未熟咁，好難嘴嚼 :) 雞肉好似係雞胸肉黎，瘦而唔「鞋」 :) 個湯底好熱，有時食完仲出緊煙，最啱冬天食 :) 米線份量足夠，抵讚！希望唔好越食越少啦………查看更多

一直都喜歡食酸辣/麻辣米線, 原來一直以為所有譚仔都是一樣, 但經朋友講解後原來譚仔要有三哥會好味好多. 青椒皮蛋絕對是必食推介, 阿姐姐話原來有ORDER才做, 所以好新鮮, 不似一般早上已整晒一日既貨, 青椒味唔會辣, 拼皮蛋絕對是perfect match.至於主食米線, 今次試了胡辣湯, 雖然還要加$1, 但值得的, 比麻辣更好. 另外, 小食一定要點土匪雞翼, 落ORDER才燒, 雖然等成20分鐘, 但一定一定要食. 皮脆, 唔辣, 肉質唔太乾, 超好味.…查看更多

必叫的尖椒皮蛋，個樣同個名都好似好辣咁…但食落口一D都唔辣，好重蒜味$16都不算貴，一碟都幾多塊。記得要去三哥先可以食到尖椒皮蛋呀.......另一間譚仔嘅皮蛋真係差好遠，味道完全唔同酸辣湯底也是必叫，湯底很清，一點都不油膩，可能用辣粉的關係....三哥每次都保持水準，夠酸夠辣。雞肉不是肥嘟嘟的滑雞，有點像雞胸肉，但不會很硬及很嚡，是健康之選木耳份量都很多，爽口。將木耳切至一絲絲方便連米線一起夾入口。…查看更多

以前係呢區返學 最中意就係LUNCH唔食飯放學之後同同學落來食返個乜都有ge套餐但今日經過北角 自己一個 唯有叫個腩肉炸醬 套餐一個人我就食唔曬啦叫左酸辣湯底 加左杯凍檸茶同個細土匪 由於三點幾來到 個場都算無乜人 好快有得食土匪雞翼仲係甘香 當然主角米線先係無得輸果個!米線彈牙 加上一口湯同炸醬 簡直係絕配!不過d腩肉就少左d...:(同埋不知不覺地又加幾蚊 …查看更多

相隔兩日，分別光顧了觀塘的非三哥和這間三哥，點了相同的清湯底米線套餐，皮蛋和凍檸茶兩個人食，先發現分別頗大。尖椒皮蛋vs青椒皮蛋因女友不吃辣，所以通常米線叫清湯再加這個皮蛋，將D汁加落D米線到食，點知原來三哥的皮蛋係唔辣的，無加花椒粉，只有勁多蒜同尖椒碎，食食下仲覺得大牙有些酸，唔知係咪D醋太勁？米線套餐-清湯底芽菜超多，足有一個小碗份量，因女友嗜豬潤，發現三哥D豬潤都係切到一舊舊的，比非三哥的一片片口感略差，較硬同「鞋」，感覺上D「送」o既份量都比非三哥少。是夜食完米線，返到屋企覺得超口渴同埋口腔怪怪地，大牙都仲痺緊。因為響咁短時間分別光顧過兩間，所以先發現原來分別咁大，相信下次唔會再幫襯呢間三哥啦，希唔唔係間間都係咁啦！…查看更多

星期六屋企無人煮飯，同friend去左譚仔雲南米線，要左一個酸辣粉同魚蛋米線。酸辣粉唔掂，鹹到死，一食就知道加左勁多鹽同味精，而且又唔香，好失望，建議加d孜然粉，呢個先會顯得正宗d。然後個米線都幾ok嘅，魚蛋非常爽口彈牙！米線嘅分量好足！食唔曬！不過d湯都系一食就知道系味精湯lo...…查看更多

是日到了北角， 六點已經吃晚餐，尤記得橫街有間譚仔，特然很想吃碗熱騰騰的麵，坐下已選定了腩肉及炸醬了。配上酸辣湯底，去譚仔的次數並不多的我，原來除了米線外還有薯粉的選擇，對於不太愛米線的我，薯粉真是一個好選擇！薯粉透明夠ＱＱ，腩肉夠咸香味道不錯，炸醬是用碗仔另上，很細心，咁就唔使放大碗後加湯沖走晒炸醬了湯底的酸及辣亦都拿捏得很好，大家互不相搶走味道，配上芽菜～韭菜～很好的配搭，大大的一碗只是三十元，在物價高漲的香港地，真是不錯的選擇！…查看更多

i ahev ordered 1 food (乍醬)with 薯粉 in sour and spicy soup basethe 乍醬 is separated into another bowl, it's not very spicy and infact have sweet in taste, i can eat it without hving it with noodles. it's not very fat and portion is big.the 薯粉 is chewy and won't absorb the soup then it will not grow big after some time~ there's some 腐皮九菜芽菜 inside with is quite healthy, the soup base is good and make me eat alot of the noodles since the noodle portion is very big!!!i have also ordered iced lemon tea which is $6 only, 3 slices of lemon which is quite thick and tea taste is enough. not much ice is added so NICE~service is good coz they will say thank you and welcome~…查看更多

那天放學去到北角,因為沒吃午餐的關係,一班人肚子都很餓.最後決定了譚仔,4個人叫了兩個套餐,還有兩個皮蛋個人覺得其實如果不是吃這個套餐的話..其實還滿貴的.哈哈 學生消費能力低嘛!出東西的速度很快,很快就又得開餐.米線不用說了,套餐的料很多.麵條也很彈牙.值得推薦的是皮蛋,辣椒很香很開胃!…查看更多

自己本身一向對米線既興趣都不大，不過自從同朋友食過一次譚仔之後，就好似上左癮咁，每星期起碼要食過一次先安落。次次黎食我都會叫墨丸同牛丸，鍾意佢夠彈牙，湯底就一定係清湯，一來唔食得辣，二來自己食開粉麵都鍾意清淡少少既口味。同埋自己一向大食，好多時都會叫加底，埋單三十五蚊已經食到好滿足。值得一提既係，唔同分店既價錢係會唔一樣，試過食返同樣既野，灣仔分店貴過旺角果間三蚊，大家值得留意。…查看更多

是晚係cwb shopping完後，即同友人行過去北角食dinner!!又係譚仔~真係食極都唔厭~~是晚點左︰川椒皮蛋: 一樣ok，spicy得剛好雞肉﹑豆卜米(轉酸辣湯底): 好鬼多料，真係食唔晒友人的雞肉﹑炸醬﹑墨丸︰又係好味，可以食晒成碗呢間分店真係平d，又係三哥，真係值得試~…查看更多

公司由中環搬來北角已有兩個月，日日都在附近發掘一些未吃過的食肆，希望每天午膳都有一個新的嘗試。今天中午，同事又叫我帶路去揾好野食，其實日日返工吃午飯，來來去去還不都是吃那些快餐、碟頭、粉麵等，那有這麼多好野介紹呀？ 不過記起明苑中心地下有間憑麻辣米線而獲選為「米芝蓮車胎人美食」的「譚仔三哥」，雖然這間並非位於深水埗，不過既然這兒離公司不太遠，試試它的水準也無妨啊！這間背後有一段兄弟決裂故事的「譚仔」，其位置其實都有點隱敝，因為入口並非在大街大巷的英皇道，而是要由明園西街行入去，不過門口有個紅彤彤的「譚仔三哥」招牌掛在店名位置之下，都頗為搶眼。我和同事於中午一點前到達，剛巧拿了最後的一張二人檯，雖然其中一邊座位已是泊牆，免卻被人推撞倒的危機，但其實坐得真的非常擠迫，店內人頭湧湧，連揮手叫服務員落單都要等上好一段時間。聽聞在雲南和桂林等地吃米線，從來都不會像港式般，配料如此多元化，但「譚仔三哥」則向來以配料選擇多及湯底多變見稱，好似食車仔麵咁，配料也可以逐樣加。除了酸菜、炸醬是雲南口味外，其他都是港式配料，像火腿、牛丸、魚蛋、豆卜等，價錢視乎配料數目及款式而定。今次又看看餐牌有甚麼新選擇，其實年紀大了，對飲食的口味與習慣都已經定型，就算再多十款、二十款配料讓我揀，還不是大多選番那幾個啱自己口味的款式。這次就選了酸菜腩肉、炸醬雞肉和一份土匪雞翼。原本點這個小辣的酸菜腩肉米線 ($28) 時，是叫店員把酸菜分開另上的，可能廚子忙中有錯，不過也無需深究，既來之則安之，平常心嘛。由於這次想搞搞新意思，挑戰一吓個小辣，但喝一口湯後，發現這個以豬骨和香料等熬成的湯底，辣度奇高，所以個豬骨味已完全被那辣味全掩蓋了。至於配料的酸菜，入口帶甜，但又有點輕微的鹹香，配上肥得來又不油膩的腩肉，味道的確不錯。不過見坐我對面的同事，把碗中的腩肉全都撿了出來放在檯上，看來愛美的她，怕得連吃少少肥肉也受不了。另一個小辣 4 的炸醬雞肉米線 ($28)，廚子這次就記得把炸醬與米線分開盛載。小碗另上的炸醬，肉碎弄得頗為幼細，用的香料和醬料亦非常之多，入口甜甜的，味道和層次都很豐富。至於雞肉是預先醃過的，所以入口不會太淡太寡，配上這個濃淡適中的湯底，味道非常可口。其實吃米線點都要加番少少辣才夠味道，這裡的辣有分大中小選擇，而小辣又再分級數，是挺體貼的做法。當然不可以忘記提一提的，是這兒的米線，入口煙韌爽滑，火候控制得都唔錯，而且質感不會過腍，份量亦多得有點嚇人，滿得近乎瀉出碗外，的確是大件夾抵食。至於小食的湖南土匪雞翼 ($18)，據說相傳是很久以前由湖南一帶的土匪所創，他們四出打家劫舍，搶錢搶人搶食物之餘，就連人家廚房內的香料也不放過。後來土匪將搶來的多種香料混在一起腌雞翼，發現味道奇香，自此土匪雞翼便流傳四方。這兒的土匪雞翼，細的份量，一客 3 隻，外層焗得甚為香脆，雞翼上的黑芝麻數量適中，而且咬落有肉汁、頗為嫩滑，很不錯。其實做人有時在適當時候懂得放手也是件好事，就算兄弟不和，各走各路，只要明白危機的盡頭，往往就是轉機，山窮水盡的地方，往往就會柳暗花明，店主的努力，仍會得到食客的支持。…查看更多

不嬲都鍾意三哥啲豬潤，雖然未到黃沙潤，但都差無幾。「三哥」入貨真係利害！本人喜愛中辣嘅湯底，每次都會飲哂。汋一匙辣湯，再將啲豬潤浸係裏面，一啖食哂，真係回味無窮。話說前幾日去北角呢間又食中辣豬潤+腩肉+豬肉，因為無食晏，所以六點去食都好肚餓，到埋單先至知原來自己唔夠錢。點知收銀亞姐不但冇黑面，仲笑住口話「唔緊要，你去扲錢，等陣俾返我啦~~~」咁我咪問：「使唔使放底啲嘢做抵押咁呀？」亞姐笑住拎吓頭「唔使，你一陣再返嚟俾錢啦！」咁我就飛快去最新嘅匯豐，十幾分鐘先再返嚟俾埋條尾數：12大元亞姐仲笑住話：「唔緊要，你唔使咁緊張，好似啱啱跑完咁。」臨走時，又再同我講多謝！呵～～～～～～我都未見過咁好嘅收銀亞姐。真係有啲擔心佢俾其他霸王食客扼，走佢數，咁佢咪要自己 “um” 荷包？…查看更多

因為當天夜晚去吃,價錢算接受,份量好多,如果不是夜晚才去,應該不會覺得撐不下去-,-不過米線真的不錯.外觀看起來沒有特別,米線吃起來有qq口感`服務就差了一點點,因為我看完餐牌再叫服務生,在叫第3次才有各應,可以太忙碌了吧.如果喜歡米線的你們都可以去一試,都有好多分店,不過我只試過這一間`…查看更多