言居酒屋 (已搬遷) 新店位置

食物質素其實還可以，豬肉湯拉麵還不錯。但部分服務員態度卻「非常有進步空間」。話說我們二人一進店，其中一店員便問我地：「幾多位？」同伴即用手做出2人手勢。但店員沒有看到，就覺得我地無回應佢。即時遞上餐牌時面口已經麻麻，當時我仲未為以。點知到點菜，叫左個拉麵，再問佢燒飯團有咩料，我地好明顯用廣東話問佢，佢卻一直木口木面，唔講野只係手指指個餐牌。到我地問佢有咩店內推介，佢就突然話：「嘩！原來你識廣東話架？？你地頭先無應我我以為你地講其他話咋！」我照答佢：「其實我地應左你你睇唔到。」都算啦…繼續叫佢介紹，佢就話唔知我地有咩喜好，好難推介。跟住我話唔係炸野就ok(因為有bb,怕太熱氣會影響到個胎）點知佢又話：「如果係咁，連叉燒拉麵你都唔應該食啦！」（其實…我聽到佢咁講經已有d無言）同伴再問：「咁菜類呢？」店員：「咪普通炒椰菜囉⋯」同伴：「咁沙律有無介紹？」店員照讀餐牌有邊幾款。我feel到這種對話根本無意思，所以叫佢照落order。亦由於對方態度太差，我地決定唔再加單。為免影響情緒，亦唔再同店員爭辯。老實講，食物真係唔差。但我地真係唔會再去，點解要為碗麵走去俾人串同受氣呢？？傻的嗎？？

上星期一有晚去左佐敦既言居酒屋食野.叫左個雜錦魚生飯, 份量十足, 賣相一般, 但新鮮.放左好多蝦籽, 又用日本米, 仲有好多香蔥, 好味. 另外貼心咁俾左2款唔同既醬油你去點刺身~好食~@@同事叫左長蔥碎吞拿魚腩飯, 我地2個飯SHARE 食, 佢個個賣相俾雜錦魚生飯更靚, 佢D魚蓉甘香味道一流, 仲有隻蛋係上面~加埋魚蓉, 正~!仲有叫左燒牛利, 質感唔錯, 燒得幾好食.比較特別係個南瓜雪糕, 佢羅個南瓜裝住, 賣相一流又CUTIE, 食落南瓜味好重, YUMMY!中意食南瓜既要試下~

行行下街見到幾得意咁就去食啦...舖頭細細...但好有日本舖頭feel....仲有部電視播緊日本既遊戲節目..可能我地早去到....冇咩客...但差唔多7點就不停有客入....我地2個人叫左好多野食....最記得一個叫河豚干....睇落去好似冇咩特別...但食落去真係好好味....我地心血來潮想叫清酒....咁佢地好有耐性介紹比我地....淡淡地,容易入口....值得一讚既自家制餃子.....正....好少地方食到咁好味...真係一言難盡....

間餐廳並冇搞聖誕大餐,只係平安夜去咗嗰度食唔知點解食評個個都話好食,但係我覺得好難食1. 帶子壽司:粒帶子味道同一般既冇乜分別,不過薄過平時食開啲迴轉壽司既一半,價錢就係嗰啲迴轉壽司既一倍以上2. 海膽壽司: 海膽味道都係同一般既冇乜分別,分量亦算合理,不過唔知點解唔係橙色,佢係淡黃色3. 軟殼蟹卷物: 真係名符其實,隻軟殼蟹軟到呢...好似開咗好耐既薯片,同一般唔同既係個卷物入面包咗好多蟹子4. 清酒煮蠔: 蠔都係好細,不過有三隻,冇乜渣5. 和風燒牛脷: 呢個味道口感都好,略嫌唔夠熱(已經一上枱即刻食)6. 牧丹蝦刺身:size一般大細,蝦身夠彈性,新鮮7. 蟹子沙律:都係同一般冇乜分別,冇驚喜,不過佢隻蟹柳竟然冇撕開,要自己搞8. 煙肉虎蝦燒: 我只覺得係好普通既煙肉包住隻蝦嚟燒既串燒,不過價錢唔係普通串燒價9. 牛肉鍋烏冬: 咁多樣嘢竟然最好食係呢樣,味道適中,不過牛肉少少澥,烏冬口感好因為夠彈牙

家姐同朋友食完一次之後極力推介個秋刀魚刺身, 仲話淨係呢個月當造, 所以同家姐去食 不嬲都對d細細間o既舖頭仔有d 感情, 覺得佢o地自家製o既o野食會有heart d... 果然, 無令人失望 佢個廚房細細, 得兩個人, 侍應得一個, 係會耐d, 但係我覺得可以接受, 去得呢d 地方食飯都唔會想快d 食完快d 走o個隻 其實佢除o左刺身同壽司之後, 串燒亦都係佢主打, 不過, 真係燒得幾耐.... 個秋刀魚刺身, 無寫o係menu度, 要你自己問佢先有 其實我之前無同家姐講, 我不嬲對秋刀魚刺身麻麻地, 又酸又腥腥地, 同埋我覺得d 肉d 口感成日都好似霉霉地咁, 我知d 刺身本身唔係霉, 但係放到入口d感覺係.... 唔使同牙咬都已經可以”顏”爛, 又唔同拖羅咁入口即溶o既感覺... 總之, 就係麻麻地.... 但係呢度呢個, 又真係與別不同, 味道鮮甜亦有咬口, 比出面貴兩倍都抵o既..... 好難得我o地兩個”刺身壽司癡”竟然淨係叫o左秋刀魚刺身, 其他都係燒物... 再一次証實o左, 我都仲係食唔到蠔.... 咬o左一啖已經唔掂, 好彩今次無反胃.... 本身個蠔無問題, 係

一間小小的居酒屋, 豪不起眼, 位於澳洲牛奶公司隔離兩個鋪位.我, 食左牛奶公司10年, 竟然到今時今日先至發現佢原來這言居酒屋已經開左差不多4年, 仲會在明年三月左右搬鋪(八卦問個女侍得來的資料)實在有"相逄恨晚"既感覺 幸好女侍話, 要搬鋪也會選在佐敦, 到時不怕找不到店子少少, 只有約30個位, 我跟朋友來到時, 都只剩下一張細檯,係一張真係好細既檯....都滿坐了, 沒辦法. 先來點吃的叫了: 三文魚刺身, 油甘魚刺身, 帶子刺身, 吞拿魚腩小卷, 牛利串, 牛肋骨串,雞翼串, 雞泡魚干, 燒青魚, 雞皮串, 豚肉蔥串, 牛油炒油魚鬚, 開了一枝冷清酒. 女侍寫下了我們點的之後, 告訢我們, 燒的食物因為很多人點, 現在有點忙, 要久等一會, 明明是壞消息, 我們聽來都很舒服, 這算是一種細心吧.等待食物的時間其實很快的過去, 因為我和朋友都給正在播放的日本節目吸引住, 是一個好好笑的捉弄遊戲節目, 刺身剛到, 女侍便走來說, 要為我們轉到另一張檯, 那檯人客剛結賬離開了, 哈! 另一個細心說說食物 : 刺身很新鮮, 份量及價錢也OK. 只是wasabi 不夠辣. 要一讚那個

因為太早吃晚餐的關係….所以十點多就覺得肚餓要宵夜….佐敦是我們的宵夜熱點…喜歡吃的其實都幾乎試過了….天氣炎熱…突然想吃冷烏冬…經過這家居酒屋…其實之前我曾經在OR看過這家店的食評…感覺上都不錯…所以我們就走進去了…~店小小的只有一檯客…感覺挺家庭式經營的…食物的款式不少…不過串燒類的價錢好像有點偏貴…最後我們就點了一個稻庭冷烏冬和一客鹽燒三文魚腩…是上一次到八海山吃宵夜時的翻版…叫同一樣食飯比較一下兩間的高低….~不過點菜後年輕女侍應回來報告說因為三文魚腩的來貨價貴了…所以價錢會比餐牌貴一點…由於當然很想吃…也就欣然接受了…店裡播放著緯來日本台…剛巧正在做一個日本的遊戲節目…非常好笑的~冷烏冬先來…這裡的烏冬沒有鵪鶉蛋的呢…也沒有附送wasabi…老闆娘說以前有但現在沒有了…雖然不明白為何但也就算了….wasabi是普通一團好像泥膠的…這次醒目先把wasabi搗爛一點才放進烏冬汁裡…烏冬是幼身的…吃一口…感覺上不太夠冷…如果下面好像大門橫丁般墊著冰塊…吃起上來感覺會更透心涼…烏冬煙靭彈牙…質素不俗…只是略嫌烏冬汁味道較淡…而且不知是否少了鵪鶉蛋的關係…所以烏冬汁沒有黏附在烏冬上…吃

住進佐敦差不多一年了, 食日本餐始終係呢間先似樣!上星期三晚做完野成十一點啦....想食d野飲番杯, 一個人諗去邊都幾頭痛! 醒起呢間言有宵夜食即行.入到去坐低叫左sake 同野食, 先以為自己去左日本, 全場得我一個香港人, 問下個伙計先知原來都係熟客來, 大多係宵夜時間出現. 之前幫襯呢度咁耐都係晚飯, 都有日本人但係無咁誇張.個場有8張檯, 兩張無人坐, 有5檯係講日本人....增加左間餐廳既氣氛有野食啦~~燒牛利...食咁多次都冇話唔得,一定要試豚肉蔥串...燒得剛剛好, 用汁燒既,好味燒三交魚皮...好脆亦不油燒雞翼...亦係必吃之選,皮脆肉有汁燒冬菇...上面放有木魚絲 好野味嫁我個人認為如果喜歡日式燒物, 真係要試下佢

之前經過呢間小小的鋪頭, 格局好似日本的居酒屋既feel。於是同朋友去試下d野食, 由於本身只係抱住試的心態, 根本不會有expectation.我地點左, 金菇牛肉卷, 虎蝦天婦羅, 燒雞翼,燒牛脷, 蟹子沙律, 軟殼蟹卷, 河豚干, 等等......原來係好好食, d 串燒特別燒得好, 好有日本風味。真係要去多幾次, 去試埋其他野食先得!!!!

同以前既同事來食野, 志在大家閒談一下, 所以冇咩希望/要求去到我地完全比個師父話事, 佢決定整咩比我地食..主要食左燒物, Sushi同埋煱物..整體來講我覺得佢燒物同煱物比較好.. 燒野比較出色.而Sushi做得比較差.. 三文魚好明顯睇到佢唔多識切咁!我地坐左好耐都冇話我地... 服務幾好!下次有機會都會再來食串燒!

和朋友在佐敦找到這間日本料理，在這區都沒有什麼好吃的日本菜，所以估計這間也是中下等級，但竟然比想像中好味，真的有點意外。牡丹蝦刺身海膽刺身雜錦天婦羅蟹籽沙律碎吞拿魚腩手卷鰻魚壽司櫻蝦蟹肉炒飯，好好味豚肉生薑燒，豚肉較厚身，肉質較老，還沒有薑味食物整體大致上不錯，店子很小，只有大約十張枱，他們在電視播放日本節目，聲浪太大，有點嘈，我向侍應要求細聲點，他真的只會較細聲少許。

因為中秋正日約左d朋友去燒烤, 唔同屋企人食飯, 老媽子同成家人就話要屈我一餐勁既, 就提前一晚去食啦. 細妹話要食這間"言", 我因為看了之前最近幾個食評, 個心其實無好大寄望, 只係諗住比屋企人屈......算啦既心態.點知.........唔錯喎! 我早於一星期前訂位, 9月13日當日下午有個女仔打電話比我confirm個booking, 表現專業有禮.去到坐低覺得張檯好細好迫, 好想叫侍應比多一張檯我, 但見其他食客都係甘坐, 同個場唔係多檯, 細妹又話勁似日本d居酒屋甘迫, 所以算啦. <我細妹在日本生活了7年, 讀書同做野>我地7個人去, 細妹同佢男友好似餓鬼甘叫左一大堆刺身壽司同串燒, 上菜時間不錯, 好快就有得食, 係個魚頭比較耐.三文魚刺身 – 新鮮好味, 後來加多客海膽刺身 – 海膽不是很大隻, 但好甜, $168來說, 算喜出望外帶子刺身 – 亦是值得推介, 又要多客牡丹蝦壽司 – 新鮮, 舊飯既酸味剛剛好加州卷 – 不錯…只是沒有牛油果, 有d失望軟殼蟹卷 – 隻蟹係新鮮炸既, 勁脆口, 仲熱嫁三文魚籽壽司 – 係侍應推介既, 三文魚籽真係一d都

開業至今都未食過, 星期六難得女友準時收工(好感動...一年都無一次), 決定入去試下。餐牌注明日本人打的拉麵, 吸引到我一試。叫了一個餐, 有鼓油拉麵&細細個的吉列豬扒飯, 再要了凍番茄, 包一支忌廉。報告如下:忌廉保持水準, 唔關佢事鼓油拉麵, 湯底食到有木魚塊的味道, 帶出淡淡的煙壎味, 叉燒軟滑, 有少少肥膏, 所以又軟又滑, 拉麵叫做可以, 質地與日清的麵王近似, 勝在無鹼水味。吉列豬扒飯好細碗, 豬扒上有酸汁, 做法與吉列豬扒專門店的近似(當然無咁筍啦), 收你幾錢呀哥仔喂, 係就係比人家乾左少少, 又硬左少少, 同鞋左少少, 但都食得下。凍番茄, 上面舖有大量木魚片, 下面有鼓油, 凍凍地, 都無好味, 亦無番茄的腥味。平心而論, 拉麵的味道不及全盛期的橫崗(不過橫崗最正時期都成十幾年前啦, 而家橫崗湯底差之餘, 麵質差又極重鹼水味)。平平地又可以食得下的日本拉麵, "言"都叫有自己風格, 都ok啦, 未至於網友講到咁差。但佢個"老"女伙計態度就真係好差下, 入到去要我地坐去近廚房張檯, 好逼; 對面有卡位緊係坐卡位啦, 佢就話未收拾好, 又黑面唔多願俾你坐。一坐低, 未

睇左網友<一舊雲>的食評, 令我遙遠的記憶返回來。我早於07年已經black list左呢間店。理由係個老闆娘(我估係啦)真係好寸。在此食店初開張時, 睇左某本雜誌的介紹而去光顧。發現食物有水準, service又ok。因此我都介紹過呢間店俾我d朋友, 仲諗住以後有間"飯堂"啦...唔記得係第4定第5次幫襯, 我同幾個朋友去食。初初都唔錯架, 但食串燒時就發現太salty了。我見冇乜人, 咪同個男人講話d串燒好salty. 我地仲同佢講, 唔係要換, 而係想佢下次唔好咁重手o者。那時個男人都係話: 唔好意思ar咁. 跟住見佢入kitchen同個女人講o野。點知俾我地聽到個女人話: 我唔覺得係salty喎, 係咪佢地有問題？ 好啦, 下次見個客人係女人咪輕手d law~ 我地覺得, 你可以唔同意我地o既味覺, 但你都唔好俾我聽到丫~ 我地食飯只係想d o野好食同環境開開心心o者。又唔係去搞事！o個次之後, 我一定唔會再去呢間o野。又唔係得你一間居酒屋~

呢間居酒屋0的食評好正面, 咪諗住值得一試, 點知原來中計. 有食評話拉麫好食, 湯底無味精. 叫0左叉燒拉麪, 買相都好似日本拉麫, 不過一試啖湯, 同出前一丁湯料無分別, 再拎起啲麪一睇, 唔係拉麫, 男友話個餐牌其實無寫拉麫, 係湯麫 (仲唔係中計?!)我0地仲叫0左串物: 雞軟骨串同牛肋骨串. 雞軟骨串好重盬, 點知牛肋骨串仲咸, 0的鹽味蓋過晒肉咪 (又中計).最後係虎蝦天婦羅: 首先跟本唔係虎蝦, 第二0的炸粉開得好差, 一放落天婦羅汁就散晒, 食唔到脆口天婦羅. (你話係唔係中晒計!)老闆環保係好, 25.5度冷氣,食熱0野真係"滴汗" .....價錢都唔平嫁~~點解咁慳