言居酒屋 (已搬遷) 新店位置

本來，我和樓下的網友一樣，對這間小小的居酒屋充滿好感，而且去過五、六次了。心想某天要為這居酒屋寫一個滿意的食評。某天，我和幾個朋友去食飯，我們都覺得串燒有點salty，向一個男人(相信是店主)反映。那男人話：「係, 唔好意思。」我地都冇再講乜o野。提醒你，係想你進步。點知突然聽到有把女聲話：「我已經好輕手啦！咁咪下次落單如果係女人，咪再輕手d law！」呢間居酒屋真係唔大，果日又唔係多人，咁大聲，我同我d friend都聽到晒。好失望！真係好失望。係我提議去言的，我想介紹俾我d朋友知有間好店，點知佢地d服務態度係咁！我已經唔係第一次去，話晒都叫半個熟客仔，但佢搞到我以後都唔會再去！

本人已經幫親咗言有一段時間了,應該係因為好耐之前"U"推薦過,講有關些店的來由,所以才吸引我去...原本都沒有什麼期望...但人生仲有好多驚喜既~我第一次去食了三文魚刺身,雞軟骨串,雞腎串,等等...2個人食埋單約二百幾蚊,覺得價錢好底!過了很多個月,我基本上一個月會去兩至三次...發覺佢唔係之前個個食評話係一間Hong Kong Style既Japanese Restruant...因為佢有三成多既客人係日本人,我次次去都有一檯兩檯係日本人!佢既Menu其實細心睇下,佢有好多野都係日本人平日會食既野,主要攞黎送酒!我本人就試過兩三個那些菜,但...我真係唔係個皮,日本人食既野唔係樣樣都啱我囉,但唔等於唔好味喎,因為我見到d日本客食得不知幾開心^_^!刺身係幾新鮮,佢只會選擇"當"做,及來源"安全"既才料,所以可以試下,價錢最貴約$148(海膽/牛),最平約$48!我食咁N次都沒有腸胃問題,佢地既食物係OK既,大家可放心!我食過尖沙咀既松戶師傅既刺身,真係好好食架,不過價錢真係有點@_@!"言"既刺身當然唔可以同佢地比,不過以佢既價錢加埋佢既料,我覺得可以食得過!燒物:佢地既燒物係我食

已記不起為何想試這店, 早知它是港式居酒屋, 自問已把期望調整，但整體來說我依然認為是不合格的。餐牌選擇非常多, 見有我喜歡的螢光魷魚, 當然點了一客, 不過無論賣相或味道俱差. 再來豆腐沙律, 這味夠穩陣, 其後發現應該是全晚最好吃的一道. 蔥吞拿魚蓉卷甫端上來, 已經有一半是散開了的, 要求再低, 也不大接受得到. 再來是串燒, 燒雞腎賣相認真麻麻, 味道方面就無甚印象. 燒牛舌厚切頗韌, 還可算是食材的問題; 煙肉蘆筍卷的煙肉燒得不夠香, 蘆筍偏硬而且心不夠熱, 則明顯是廚師的問題了.價錢不算很貴，連兩杯啤酒，平均每人約$120，但物非所值。可能來吃個簡簡單單的拉麵或飯，感覺會較好。

平日做完facial都跟靚靚美容師去和民宵夜,因為有平價白酒飲. 佢冇白酒食唔落o野架. 不過今晚比平時夜,又冇早一日打去和民訂位,所以就去白加士街呢間小店試試,而且佢收2:30am,最我地d夜鬼.坐低當然叫酒啦,美容師話飲sake飲到聞倒都想嘔,咁我又點敢叫呢. 冇白酒,退而求其次,只好叫Asahi. 食物點金倉魚腩小卷,串燒雞軟骨,鹽燒牛舌,鹽燒鯖魚,炸蠔同汁燒墨魚筒.金倉魚腩有濃郁油脂味,配上蔥碎,好味呀! 串燒亦做得唔錯,唔會太乾身. 炸蠔皮脆而且肥美多汁. 墨魚筒就中規中矩. 鯖魚大條,燒得皮脆,肉香,$50算超值,唔錯. 小店內有電視播放日本電視,有Cyril表演魔術精華,我地兩個睇到眼定定. 除傾計,有個電視睇o下,都可以有另一個娛樂.靚女話Sapporo味道會比Asashi濃,即叫試試,但飲落又唔多覺. 下次同佢坐遠d,等我叫番sake飲好喇!! 哈哈哈!全店只有一女侍應,服務態度良好. 途中都有替換小碟. 見廚房有兩年青師傅,貌似日本人,下次再去八o下係咪先. 離開前問侍應店舖開放時間,原來一至五收2:30am,反而六,日收12:00. 因為佢話六,日d人都出去尖沙咀

每次想幫襯呢間舖，每次都要食言，因為唔係冇人就係太多人，好迫! 不過今次我終於沒有食言!舖頭細細，很有日本居酒屋的風味。侍應們的日語「歡迎光臨」發音非常準，不以一般香港日本餐廳侍應敷衍性質的所謂「日文」。全個餐牌沒有套餐，有各式很道地的日本菜，不止是叉燒拉麵那種港式日本菜。點了冷烏冬、鴨肉鍋，份量細細，但是絕對夠兩人食用(如果你不是大胃王的話)。冷烏冬真的很冷，配上清甜的醬油，簡直Oishii!!! 鴨肉鍋甜甜的湯底，香氣撲鼻，再加上很有麻油香味的辣油，正!看到隔壁的拉麵也做得很地道日式風味，在香港絕對很難找到如此平民化，但又做得正宗的日本菜。

晚上十點零.兩個餓壞了的人加上一個已吞了兩個cream puff的人叫了:-雞肉紫蘇: 味道ok, 但又不是非常特別-雞翼: 不油膩又不過份(火農), 幾香口, 朋友很喜歡- 但還是九龍城洋一或小樽的好些.-燒茄子: 茄子面鋪上大量木魚絲. 味道很清淡.-味噌湯叉燒麵: 湯底濃而不鹹, 三大塊叉燒加不太溏心的半隻蛋...最好吃是荀. -豚骨湯海鮮麵: 湯底味道較佳, 海鮮有中蝦(但肉是死實的), 魷魚, 魚蛋, 獅子狗(好粉, 不行). 雖然有不少椰菜和冬菰絲,但六十塊一碗麵, 配料可以好一些.兩個麵的拉麵偏幼, 不過吃落口感是可以的.服務很不錯...不過有位姐姐仔對餐牌非常不熟悉, 雖然算幾friendly環境...地方較少,十張桌也沒有. 吃到近十一點時, 小店差不多full house. 最慘是周圍三面客人均在吞雲吐霧(另一面貼牆), 令我們甚有四面楚歌之感...

我同女友及幾個朋友去試過, 食品很不錯呢! 點了幾種sashimi (生秋刀魚,牡丹蝦,紫海膽,三文魚)好新鮮, 最緊要係呢個質素真係唔貴囉! 串燒試左雞軟骨,牛利,煙肉蠔,雞肉丸,雞腎,雞中翼. 同係第二度食嘅唔同,好正!問吓伙計先知原來係自己手串,唔係現成貨.唔怪得好食D啦. 煎餃子亦係一絕,不過等左好耐. 豬骨湯叉燒麵同天婦羅烏冬就真正得. 但係D位迫D囉,肥D都幾慘架!

見雜誌介紹新開張的日本店，激讚這裡的拉麵好吃，第一時間同男友去試。七時許來到，已有八成滿，侍應安排我們入座，仲好有禮貌說歡迎指教。點了兩碗拉麵(豬骨湯底的叉燒和味噌湯底的野菜，豬骨湯底好好味，最後飲到一滴不留，可惜味噌偏鹹，不能完滿飲盡，麵條夠彈牙，煮o既時間拿捏準確，相當出色！)、蘿蔔煮牛(一味將蘿匐收盡牛精華o既美味之作，牛可以不吃，但蘿蔔一定要吃)、雞軟骨串(較為失色，因為太乾身)，總括而言，食物質素、服務皆屬中上，但環境太迫狹，不宜久坐。