影片
以上资料只供参考，请与餐厅确认详情
招牌菜
我好钟意黎言居酒屋呢度好有日式居酒屋嘅感觉，唔限时，虽然得老板一个负责煮，上菜同埋埋单，服务就冇高级餐厅咁好，但系就系钟意老板呢一种率性，对于食材嘅理解同埋清酒嘅认识，都可以系佢时间许可嘅时候同佢地讲解，每次我都食得好尽兴。今日叫咗帆立贝刺身，好新鲜，好爽口，好大只全消都OK，食得出系自家腌制，即烧，都几干身，唔油，不过我食重口味就可能要自己加啲盐，唔系出边𠮶啲劲重味精，然后要叫劲多你嘢饮嘅串烧饱肚之选梗系口烧玉子同埋烧饭团，玉子烧好后，口感非常之好，非常嫩滑，烧饭团都有饭焦嘅口感
继续阅读
睇过食评见到好多人话上菜速度慢，无服务，所以都只求食物质素ok 成间舖得一个师傅兼老细加一位女士执头执尾叫老细落单叫咗好多次都无完无反应以为佢忙紧听唔到所以谂住转头先再order 点知佢做完啲嘢就问要啲咩，即系听到啦，其实应一句，或者讲声等阵系咪咁难呢？之后问老细今日个刺身拼盘有咩刺身，佢话:random 架无得拣Errr其实我唔系想拣，只系想知有无唔食嘅野姐食物方面串烧普通，全程系咁见到佢用微波炉解冻刺身就仲未解冻，咬到有冰最好食系个玉子烧上菜速度系慢，不过厨房得一个人可以体谅仲有一份串烧等咗好耐都未到，问老细佢话无落到，但系明明我落单个阵每讲一样野都听到佢重覆读一次再写落张纸但系佢话无就无啦埋单想睇下有无计到个份无落单嘅串烧谂住check 单，手写单，一只字都睇唔明，咁佢话几钱就几钱啦走咗之后自己睇返个menu 发觉佢计多咗几十蚊想倾下计饮杯酒食少少野，唔介意上菜慢无服务可以黎试下嘅，几阔落无限时坐得几舒服嘅
继续阅读
情人节仲禁紧晚巿堂食，咁咪食午巿啰，仲要早两日食又有乜所谓啫。订左枱12点半，去到时餐厅一个客人都无。坐底慢慢拣野食，老公话要拣啲唔饱既野食，唯一饱肚既系煎饭团。落左order 饮紧生啤时，就不停有客人入尼自己坐好，眼见熟客较多，有三、四枱walk in 都无位，只收左一枱walk in。无计啦，四人枱都只系可以坐两个人，咪无位啰。老细话刺身啱啱返左靓货，咁梗系要叫一份二人前刺身并盘啦。有吞拿鱼、带子、尢鱼、油甘鱼（好似系）及唔记得系咩鱼。试过响舖头自己买旧吞拿鱼刺身，但有好多筋唔太好食，而尼一旧吞拿鱼系完全无筋，同自己买果旧真系差好远；带子好有鲜味，而且个质地系我响北海道食既新鲜带子既质地，同其他餐厅既刺身带子质地系唔系既，可惜我词贫我真系唔识得形容尼个质地...之后仲有烧鸡脾菇，菇上面放左好多木鱼调味不错；烧多春鱼，啲鱼春系脆卜卜既；清酒烧广岛蚝，清酒既煮法有少少苦；烧鸡皮，鸡皮烧到好脆好好味；烧饭团（味增味），饭团底面都烧到变左脆皮，附有紫菜及味增，一啖饭一啖味增咁好好味。见到佢仲有个经济啲既午餐menu，葱碎吞拿鱼鱼生饮都系百零蚊，好抵食。餐厅系用openkitchen，吧枱位仲要放满酒樽，有兴趣可以坐响吧枱睇住老细煮野做。虽然系open kitchen，但我地点左几样烧物都唔会觉得好大阵味，通风做得唔错。 尼间餐厅座位唔多，所以记得要订枱。今日大约见到6-7枱客，但得老细一个人做招呼及煮野食，所以等候既时间会长少少，谂住慢慢吹水既朋友仔就啱哂。
继续阅读
第一次来哩间店，一入去个环境好似去左日本，感觉好舒服，叫左葱碎拖罗鱼生饭，出乎意料，超级好味，价钱亦唔算特别贵，午餐$100。午餐时段只有一位员工要处理晒成间店铺工作，但佢都应付得到。成个感觉都好好，推介！
继续阅读
食物上，点咗好多嘢食........大部分略为普通.......有部分略咸............服务上，可以好一啲........而且疑似有部分系熟客，感觉上都不太友善。呢个价钱，其实可以会有更好更好嘅选择，完。
继续阅读