西雅圖屋

营业中

休息中

今日約咗朋友喺荃新天地見面，於是就喺呢度食晚餐，有好多唔同餐廳，我今日想食西餐所以就嚟咗呢間西雅圖屋試下😎我哋叫咗一個沙律同埋兩個套餐，含飲品同埋餐湯：🔸煙三文魚巴馬火腿沙律配果醋（$68）非常開胃嘅沙律菜，配黑醋嘅沙律永遠都冇辦法抗拒！！🔸鵝肝黑松露意大利飯（$128）鵝肝煎得剛剛好，唔會太油膩，黑松露好香，而且意大利飯嘅軟硬度都適中🔸美國安格斯牛扒9安士（$233）食肉獸必點！！！仲可以自己燒，切好咗一條條燒起上黎都非常方便～牛香十足，性價比高

除夕收半日，慶祝放早就去咗鋸扒，呢間鋪前身都食過好幾次，貪佢坐得舒服，上網見《西雅圖屋》評語都ok，價錢又合理，所以一試。🍴鐵板西冷牛扒（五成熟）$88⭐️餐包 ～ 一半略軟一半乾硬，肯定係返叮到無晒水份，咬咗兩啖已經食唔到！餐湯 ～ 羅宋湯唔香濃，質地較稀同埋味道帶少少辣。西冷牛扒 ～ 落單要5成熟，但出嚟效果係8-9成，肉質腍而且肉味欠奉，肯定係落咗好多鬆肉粉，導致纖維同味道都無晒，只好靠蒜汁彌補！一人共消費：$88

同屋企一行三人31/12 食晚餐，等咗差唔多一個鐘終於可以入座，入座後等咗好耐都無嘢食，有客鼓譟唔等走人，我哋告知趕住睇戲，要求快啲出餐。點咗兩份肉眼牛扒，一份羊架。鐵板唔熱，羊扒叫七成熟，實際只有四成熟，羊架全部都係肥肉，可以食嘅部份，得五份一件。牛扒叫五成熟，實際九成熟，牛扒賣相同口感，都似豬扒，而且兩份牛扒嘅質素，完全唔同，不過兩塊都唔係好質素。埋單時，又唔俾公司機單，去商場吸印泊車時吸唔到，再返去問佢攞單，店員連一聲，唔好意思都冇。總括而言，因為攞住上手嘅裝修，環境OK，但係食物質素，服務態度都一般，唔明點解OpenRice comment咁好，下次一定唔會再試，

嗰日喺荃灣做完嘢，肚餓到一個點，同個姊妹又想搵個地方坐低傾吓偈，我記得好似4.0 5:00左右，佢都有其他嘅下午茶餐，不過揀咗個雜扒餐🤣因為要有肉肉落肚，我先覺得飽，上菜嘅時候我都有啲震驚，因為嗰份量真係好巨型，嗰條司華力腸一條都夠飽啦，仲有兩塊大扒百零蚊鬆啲嘅價錢．性價比好高，每次食扒我都好擔心啲肉會熟到過咗龍，或者嗰件怕太細今次呢個怕，我冇落汁都覺得好好味餐廳只有一樣嘢，我係接受唔到🤣其實都唔關佢事係個商場問題，就係完全同外界零接觸，因為完全收唔到訊號，諗住同個姊妹食晏坐低傾吓偈撳吓電話，大家出下post～但係冇辦法連接到訊號所以最後嗱嗱臨食完我哋就轉咗第二個位置🥹希望餐廳可以整返個Wi-Fi，咁就方便好多啦

同屋企人去呢間餐廳食lunch。由於父母年紀大，佢地唔識用手機點餐，所以叫左個後生嘅女侍應幫手落單。點知呢位女侍應唔識講廣東話，全程講普通話。我真係以為自己去左深圳…. 😅😅 食物份量好大份，我地都食唔晒。但食物味道麻麻，唔係特別好食🤨 綜合而言，如果你唔追求高質素嘅餐廳，只係想是但食一餐，呢間餐廳都可以考慮，價錢都合理。

美國安格斯牛扒（9安士）嫩滑多汁嘅安格斯牛扒，每一口都係濃郁嘅牛肉香氣，9安士嘅份量，絕對滿足你嘅味蕾。酥皮龍蝦湯_香濃嘅龍蝦湯，配上酥脆嘅酥皮，每一口都係濃郁嘅海洋味道同酥皮嘅香脆，簡直係絕配。餐包軟綿綿嘅餐包，外皮微脆，內裡鬆軟，每一口都係香濃嘅麵包香氣，真係食過返尋味。凍意式卡布奇諾咖啡少冰清爽嘅凍意式卡布奇諾，咖啡香濃，少冰嘅設計令咖啡嘅原味更突出，簡直係醒神神器。薯條香脆嘅薯條，每一口都係香濃嘅薯味，同埋脆口嘅口感，簡直係無法抗拒嘅小食。鵝肝黑松露意大利飯濃郁嘅鵝肝配上黑松露，飯粒吸收哂鵝肝同松露嘅香氣，每一口都係奢華嘅味覺享受，令人一試難忘。芒芒椰椰清甜嘅芒果同椰奶完美結合，每一口都係濃郁嘅果香同椰香，夏日消暑嘅完美選擇。

好耐冇約過朋友出嚟食飯，今日收工約咗佢喺荃灣荃新天地2期食飯，佢話介紹我去食一間價廉物美份量幾多，都係新開左冇耐西餐廳，餐廳主打係鐵板扒餐夜晚。☺️☺️☺️去到餐廳比我嘅感覺都幾舒服，同埋乾淨座位比較寬敞。我同朋友分別，都點左招牌鐵板肉眼牛扒，套餐包括左右餐包餐湯同埋主食同埋嘢飲。煮食就係飯意粉薯菜或者加多幾蚊就有得食肉醬意粉。我仲嗌多咗一份煙三文魚巴拿馬火腿沙律。餐到枱嘅時候咗都幾多吓？成張枱都擺唔落。

這間位於荃灣的【西雅圖屋】，主打西餐，有鐵板扒、意粉及晚市套餐供應，價錢貼地，十分抵食。煙三文魚巴馬火腿沙律配黑醋汁沙律菜新鮮爽脆，配上酸甜黑醋汁，更開胃又健康。酥皮龍蝦湯新鮮即叫即焗的酥皮，焗至金黃香脆，加上龍蝦湯鮮味無比。羅宋湯配餐包酸甜的開宋湯十分開胃。菌菇忌廉白汁吉列三文魚扒意粉吉列三文魚炸至香脆，但保持魚肉嫩滑，意粉爽口沾滿了濃郁的忌廉汁，好味又飽肚。鐵板西冷牛扒配黑椒汁牛扒約七成熟，厚切且份量十足，濃郁黑椒香味，肉質嫩腍。西雅圖屋西多士西多士夾著香濃的花生醬，香甜又好味。菠蘿四季春加了椰奶味道有濃郁椰香及菠蘿酸甜味。

今日同媽咪去荃灣嘅一間新開西餐廳用餐，真係非常滿意！鵝肝黑松露意大利飯呢個意大利飯真係好正！米飯煮得剛剛好，吸收咗鵝肝嘅濃郁香味，口感滑溜。黑松露嘅香味同鵝肝完美結合，令整個菜式更加高級。份量方面，絕對夠兩個人分享，性價比極高。海鮮龍蝦湯意粉呢個意粉用咗最新鮮嘅海鮮，特別係龍蝦，肉質鮮甜，湯底濃郁而且香滑，正好配合意粉，食落去真係唔會膩。份量都唔少，兩個人食得好滿足。酥皮龍蝦湯酥皮香脆，撕開後裡面係濃郁嘅龍蝦湯，湯底好滑，味道非常豐富，真係一試成主顧。好適合用嚟開胃，份量亦都夠大，值得推薦！煙三文魚斑馬火腿沙律呢個沙律色彩繽紛，煙三文魚新鮮，斑馬火腿口感獨特，搭配新鮮嘅生菜，食落去清新爽口，非常適合當前的季節。份量上亦都足夠，令人食得開心。白酒煮法國藍青口呢個藍青口真係最新鮮，超級嫩滑，入面嘅肉質鮮甜，白酒醬汁更係提升咗整個菜式嘅風味。每一口都好享受，真係唔可錯過！

西雅圖屋😘😘😘荃新西餐廳荃新天地、都有環境咁寬大西餐室、坐得舒適、食得招積！✨鐵板羊仔扒配大蝦$138羊仔扒三大件、烤至七成熟、剛好冇血水、肉質軟綿綿、肉汁豐富又嫩滑、陣陣濃香羊味撲鼻、冇羶味、又夠厚身、不肥不腻、yummy yummy 、大蝦串住燒、鮮甜味美！+$28酥皮龍蝦湯酥皮烤烘金黃酥脆、鋪在鮮甜海鮮🦞🥣上、配搭一流👍🏻+$24藍莓香焦沙冰有益護眼藍莓、加冰加奶攪拌、色調紫迷、不太甜、creamy yea 😛✨鐵板紐西蘭牛柳$158紐西蘭牛柳最優質、滋味最天然、風味絕佳的肉質，陣陣牛香濃味撲鼻、七成熟、呈粉紅色、剛好冇血水、超嫩滑、超級惹味沙爹汁、正、正、正👍🏻👍🏻+$28酥皮龍蝦湯鮮甜美味龍蝦湯、配酥皮、雙重口感！+$24芒芒椰椰芒果粒加奶椰漿、攪拌濃香芒果汁、色調金黃、再鋪滿甜香芒果粒、賣相吸引眼球、yummy yummy🤩✨西雅圖屋西多士$38厚厚方飽、中間塗上清香花生醬、再沾上蛋香汁、煎炸雙面金黃、吃時蘸上煉奶、提升味蕾口感！配熱奶茶✨迷你千島海鮮薄餅餐$58薄餅鋪滿、滿滿芝士🧀、灑上鮮蝦、魷魚、青、紅椒等、烤烘金黃脆口、百吃不厭薄餅🍕、crazy yummy 🤣配熱奶

今天下午，我們去到荃灣荃新天地2西雅圖屋(荃灣)午餐。在這家餐廳，我們品嚐了招牌鐵板肉眼牛扒$163.00，來自紐西蘭，配有蒜蓉汁，七成熟的牛扒，搭配鬆軟的餐包、香濃的羅宋湯以及金黃的薯條，讓人回味無窮；飲品方面，選擇了芬達，清爽解膩。此外，我們也試了美國安格斯牛扒售價$252.00，9安士的份量。這道牛扒肉質鮮嫩，伴隨著忌廉湯和餐包，還有一杯芒芒椰椰的凍飲；還點了忌廉黑森林$48，甜而不膩，為這次美好的用餐畫上完美的句號。餐廳的服務也相當出色，服務熱情周到，使我們感受到賓至如歸的氛圍。

荃新天地2期新開西餐廳有驚喜！真正抵食夾大件🥰我和朋友都喜歡鋸扒，所以各自叫了一個扒餐😋另加沙律一起吃。🌟G02 凱撒沙律 $58 大大碟😎🌟A04 鐵板西冷牛扒 $104鐵板餐選擇有8個咁多，朋友選了這一個。平時去一啲港式茶餐廳，鐵板嘅扒通常比較薄，但呢度嘅牛扒出乎意料地厚身，肉質亦好腍👍🏻👍🏻🌟美國安格斯牛扒（9安士）$228打開個餐牌，見到個推介即叫！難得佢有咁大塊石板，自己燒俾自己食好開心！😍😍牛扒好有牛香味，好味😋兩個跟餐有餐包、湯和飲品。朋友+$3要了熱朱古力，我+$36叫了芒芒椰椰，少少甜甜度適中，果肉甜🥰🥰餐廳佈置好有聖誕氣氛，服務一流，性價比高。還有午市及下午茶餐，會再抵啲！朋友和我都覺得可以再來👍🏻

走過商場，看見開了新餐廳，不少鐵板餐，還有意粉或意大利飯，選擇都不少，最重要食物份量十足，價錢實惠，值得一吃。******************************西雅圖屋以方形空間為餐廳範圍，座位絕對充足。餐廳餐牌有不少鐵板餐，還有意粉和意大利飯，最特別就是石板燒安格斯牛扒，連餐湯、薯條和飲品，確實實惠。餐湯，羅宋湯和忌廉湯。忌廉湯口感滑溜，羅宋湯酸中帶微辣，非常開胃。煙三文魚巴馬火腿沙律配黑醋汁 HKD68，沙律放滿了芝士碎，沙律菜都很新鮮，煙三文魚和巴馬火腿就帶出鮮味。法國鵝肝黑松露意粉，意粉口感彈牙，有著清香黑松露味，鵝肝甘香，非常滿足。美國安格斯牛扒 HKD228，以石板自己燒為主題，附上3款醬汁，燒肉、蜜糖醬和芥末醬，還有餐包餐湯、薯條和飲品。 安格斯牛扒用上牛油放在石板上，牛扒熟度可以自控制，牛扒牛肉味不錯，醬汁之中，個人較喜歡芥末醬，完全沒有搶走牛肉味道。薯條，放入手推車仔，都幾有心思，薯仔是粗身，炸得香脆，又有薯仔味，好食。飲品跟餐包正常餐茶，特飲以半價享用。凍檸檬茶 HKD3，茶味清香，甜度適中。芒芒椰椰 HKD 24，香芒果味，都幾潤喉。

屋企附近開咗間新嘅西餐廳，主打鐵板扒，以後鋸扒又多一個選擇。餐廳位於荃新天地二期地下，門外有大型聖誕裝飾，非常吸睛，打卡一流。食物方面主打鐵板餐，有幾款唔同嘅牛扒，仲有羊架同雜扒餐，餐湯仲可以加錢轉酥皮龍蝦湯，價錢合理。酥皮龍蝦湯熱辣辣送上，即叫即焗，酥皮保持到非常香脆，滲透着淡淡嘅牛油香，龍蝦湯鮮甜濃郁，加上香草碎非常惹味，仲有啖啖彈牙嘅龍蝦肉，好有誠意。肉眼扒大大件童叟無欺，肉質軟嫩冇筋，我叫咗五成熟剛剛好而且冇血水，配上黑椒汁非常香濃惹味。先生嘅雜扒餐同樣內容豐富，有豬扒、雞扒、司華力腸同火腿，賣相吸引，食材質素亦唔錯，特別係雞扒，肉質嫩滑多汁，而且冇雪藏味；另外佢嘅沙嗲汁亦值得一讚，非常推薦！西多士即叫即整熱辣辣好香口，淋上朱古力醬賣相吸引，沾上煉奶就更加滋味。青檸茶梳打甜度適中，配上清新嘅薄荷葉非常解渴。芒芒椰椰用上鮮芒果同椰汁打成，口感幼滑，味道香濃。

今日約左大胃王食飯，要有飯有肉先滿足到佢，係荃新天地2呢間新開既西餐廳，應該搞得佢掂。好，坐低睇下有咩好食先。叫左套餐跟酥皮龍蝦湯，酥皮脆脆，浸落湯連湯食都好味，仲有龍蝦肉。餐包巨型T骨牛扒，塊扒大過我塊面，叫左5成熟，鐵板好夠熱，餘溫熱住剛剛好。肉質都唔錯，一切就開，食落軟腍 呢個價錢黎講係好抵食！餐跟左呢個輕量肉醬意粉，但都唔少野下，肉醬都幾好味！海鮮龍蝦湯意大利飯，海鮮都大大粒，幾新鮮，我覺得青口最好味，肉質有彈性。飯粒就比較濕，容易入口。餐飲仲有熱朱古力。