西雅圖屋

营业中

休息中

又再一次光顧荃新天地一門町市場新開的西餐廳「西雅圖屋」，重拾香港扒房回憶，主打牛扒🥩、意粉、意大利飯，仲有龍蝦酥皮湯、點少得餐包仔同餐湯，回憶滿滿。招牌鐵板肉眼牛扒（紐西蘭）：肉眼豐富的油花、嫩滑多汁的口感和濃郁的肉香帶有均勻的大理石紋脂肪，高溫烹飪時脂肪融化，賦予肉質豐腴的奶香和油脂香氣，口感柔嫩略帶嚼勁。鐵板加持高溫鐵板快速鎖住肉汁，表面形成焦脆的梅納反應，內里保持粉紅色鐵板的余熱會持續加熱，上桌時滋滋作響，加上招牌沙嗲汁，充滿花生醬香、濃郁不會太鹹。甜餐包夠晒鬆軟，配上香滑牛油，充滿舊時代風味。+28蚊升級酥皮龍蝦湯：龍蝦湯以龍蝦殼、蝦頭熬製，胡蘿蔔🥕湯底鮮美濃郁，帶有龍蝦的獨特甜味，加入奶油或鮮奶油，增添順滑口感。肉醬意粉🍝雖然係輕量，但意粉夠晒煙靭，毫不吝嗇的肉醬，好滋味。蜜糖脆雞中翼：外皮酥脆，內里多汁。蜜糖的甜味與雞肉的鮮美相互融合，用上純正BBQ蜂蜜，份外清甜，而且用上氣炸鍋烹調，夠晒鬆脆，雞油油脂充分逼出，不錯。肉眼配龍蝦：牛扒脂肪分布均勻，肉質細膩，帶有濃郁的牛肉香氣，尤其是經過適當熟成後，風味更加突出。牛肉的肌肉纖維較細，肉質柔軟，尤其是經過適當烹調後，口感非常嫩

今天忙到午餐都未有時間食，工作過後已是5時許，在荃灣西，見有間食懷舊鐵板餐，一於入去試吓⋯⋯懷舊的牛牛鐵板，緊係食牛扒餐啦！一於點個肉眼嚟食吓先，午餐時間至5:30pm 應該吃埋唔使作晚餐。由於是非繁忙時段，一次過一齊上晒龍蝦湯和鐵板，真係唔知食邊樣先，於是嗱嗱聲飲咗個湯先⋯⋯酥皮熱騰騰，很喜歡，第一印象相當唔錯，唯獨是唔知點解覺得他們的龍蝦湯很酸，仲酸過羅宋湯⋯⋯鐵板肉眼牛扒餐$98~QR code 落單，見佢有個招牌沙嗲汁，一於試吓，由於筆者唔喜歡太多汁，所以叫店員留返筆者自己落汁，那沙嗲汁又和牛扒幾夾檔喎！至於那塊肉眼，三成熟，無花無假，真係三成熟，肉質夠腍有肉味$98依個價錢也算合理價。喝完湯之後，那塊牛扒已停止了熱騰騰的鐵板吱吱聲響，牛扒仍是半生熟，正！就是喜歡那血肉的原始感覺。整體來說牛牛鐵板牛扒質素和荃灣同區懷舊牛扒店比較，這質素比較吸引。

荃灣商場甚多，是個賺物天堂，買、買、買過後，轉眼又到開餐時段，餐廳亦多得很，是夜選了西雅圖，不錯的西餐廳！環境企理舒適，裝修新淨，半開放式的格局，拘謹全無；加上價格合理，是一間頗為理想的餐廳！先來份沙律，醒一醒胃，煙三文魚巴馬火腿沙律🥗 $68，沙律🥗菜新鮮爽口，巴馬火腿及煙三文魚鹹香中帶點脂肪，為蔬菜添點油脂，互相補足😋😋酥皮龍蝦🦞湯 😍😍層層的牛油酥皮，剛焗起，又香又熱 😍😍，加上美味的龍蝦湯，瞬間清掉 😋😋鐵板美式雜扒 $188，有豬扒、雞扒、火腿片、香腸；不論那款肉扒，跟招牌沙嗲汁都非常夾，好食就係咁簡單！跟餐炸薯條 🍟，又香又脆，灑上鹽及胡椒，好食！特飲菠蘿四季春，菠蘿甜酸的口味，加上冰涼口感，這杯是大愛 💖💖法國鵝肝黑松露意粉 $131鵝肝外脆內軟，意粉口感柔軟，吸滿了黑松露醬汁，香氣直撲！芒果梳乎厘 $78，蛋味香，芒果甜，是份有質量的梳乎厘，原來甜品胃都是會滿座的 😂😂😂😂

香港｜荃灣｜西雅圖屋鵝肝黑松露意大利飯套餐鵝肝黑松露意大利飯，+$28酥皮龍蝦湯 +$48西雅圖熱情意大利飯保留微硬口感，醬汁收得濃稠，好creamy, 松露香氣濃郁卻不搶味。鵝肝煎得外脆內滑，入口即化，油脂感剛好被松露的幽香中和。加配的 🥐 酥皮龍蝦湯必食，酥皮金黃鬆脆，龍蝦湯濃厚鮮甜，令人忍不住一口接一口。cocktail “西雅圖熱情”果香酸甜剛好, 帶有橙香味。鐵板肉眼牛扒配龍蝦黑椒汁，5成，餐包, +28酥皮龍蝦湯，+$48貴族皇仕，薯條牛扒點了五成熟，火候控制得宜，肉質鮮嫩多汁，配上黑椒汁更添香辣風味。龍蝦肉彈牙，與牛扒組成陸海雙拼的享受。配餐的薯條炸得香脆不油膩，餐包和酥皮龍蝦湯同樣保持水準。西雅圖屋 (荃灣)荃灣楊屋道18號荃新天地2地下一門町市場J9-J12號舖#西雅圖屋 #鐵板餐 #意大利飯 #荃灣美食 #荃新天地 #荃新天地2期

今日同爸爸落樓下食飯 見到哩間西餐廳好多人食 所以我哋都決定入去試下鐵板美式雜扒美式雜扒勁大碟 入邊有牛扒 雞扒同豬扒 仲有火腿同司華力腸 多到好似成座山咁滿 碟扒都好熱 真係新鮮整出嚟仲配咗餐湯 餐包同埋加咗$12要個意粉 餐湯就要咗羅宋湯 酸咪咪咁好開胃 加埋個意粉 其實已經食到好飽 餐飲就揀咗凍檸七 佢個七喜係另外有一罐上架 所以可以飲到唔止一杯 好抵😙鐵板紐西蘭肉眼牛扒配牛舌肉眼扒就揀咗五成熟 牛扒同牛舌各有兩塊 好少鋸扒有牛舌食 所以都幾surprise 份量都好足夠 呢個餐湯就揀咗酥皮龍蝦湯 都好大碗 餐飲就揀咗凍檸樂 洋蔥圈同蜜糖雞翼最後我哋見佢啲小食三四十蚊都有一個 所以就叫咗個洋蔥圈同蜜糖雞翼 洋蔥圈係巨型洋蔥圈 第一次見咁大個嘅洋蔥圈😱

荃新天地一門町市場，集合多間食肆，其中「西雅圖屋」主打港式鐵板餐，令人重拾舊時回憶，份量大平民價，性價比高！🔸鐵板羊仔扒配大蝦  羊仔扒肉質鮮嫩多汁，搭配彈牙爽口的大蝦，口感層次豐富。招牌沙嗲醬汁味道濃郁又不搶味，正。🔸 鐵板肉眼牛扒配龍蝦  肉眼牛扒外焦內嫩，龍蝦鮮甜爽口，奢華感十足。🔸 酥皮龍蝦湯  套餐可升級酥皮龍蝦湯，酥皮香脆鬆化，龍蝦湯濃郁鮮甜。酥皮吸收湯汁後更添層次，令人回味無窮。🔸芒果梳乎厘  芒果梳乎厘輕盈蓬鬆，甜度適中，帶來清新口感。🔸青檸茶梳打  套餐可選擇轉特飲，青檸茶梳打爽口清新，茶香與氣泡飲後提神消暑。

趁周末，同屋企人去荃灣新天地2期地下嘅一門町市場，搵咗間叫「西雅圖屋」嘅西餐試吓，果然冇失望，打卡同味道都在線！ 我揀咗招牌鐵板肉眼牛扒（10安士） ，$198仲包埋餐包、羅宋湯同意粉，最後加錢升級咗凍Cappuccino，抵到笑！叫咗5成熟，上台時鐵板仲「滋滋」聲，肉汁鎖得好實，咬落鬆軟juicy，配黑椒汁超惹味，西蘭花爽脆，意粉吸晒醬汁，好過癮。 太太點嘅鵝肝黑松露意大利飯（$166）都好出色，鵝肝煎得外脆內軟，入口即化，黑松露香好濃郁，飯粒粒粒分明帶咬感，配埋酥皮龍蝦湯，酥皮淋湯超正！ 阿仔就揀咗西雅圖魔鬼漢堡包（$68），包身鬆軟，餡料足料，咬落仲有汁，小朋友食到成個口都係，仲話下次要再食！ 整體嚟講，環境幾舒服，打卡都靚，食物質素同價錢成正比，一家大細食得好滿足，下次一定再嚟！ #荃灣美食 #西雅圖屋 #西餐打卡 #親子餐廳 #性價比西餐 #荃新天地美食 #一門町市場

好耐冇去過荃灣荃新天地度覓食啦！原來開咗條新食街 喺花多撩亂之下我揀咗一間鋸扒嘅餐廳 因為見到佢晚市嘅套餐相當之吸引有龍蝦配牛扒鐵板嘅配搭 另外仲有得配鵝肝 ！而且仲係平民價錢可以食到～❀ 鐵板肉眼配龍蝦 牛扒有熟度可以揀 三/五/八成熟/全熟醬汁可以根據自己嘅口味挑選沙嗲汁/蒜蓉汁/黑椒汁 份量相當之大份 ！！跟餐有餐湯 仲附送埋飲品特飲需要加錢 ❀ 酥皮龍蝦湯龍蝦湯裏面原來有龍蝦肉！！而且酥皮做得相當唔錯❣️❀吉列魚柳青口帶子大虎蝦海鮮都新鮮 性價比都不錯 魚柳都好大塊而且冇雪藏味 調味方面都做得幾好❀忌廉黑森林好推介鍾意朱古力嘅朋友仔叫呢一個忌廉黑森林 超濃朱古力味但係會好死甜 好味道❀菠蘿四季春淡淡嘅菠蘿味口味偏向清新

岩岩同朋友去咗荃灣「西雅圖屋」，餐廳主打美式鐵板餐，香氣四溢，份量足，價錢合理🙂🥩 招牌鐵板肉眼牛扒配黑椒汁一上枱就聽到「滋滋」聲，鐵板香氣即刻撲鼻而來！牛扒係紐西蘭肉眼，厚切又juicy，黑椒汁夠惹味但唔會搶味😍配餐有餐包、忌廉湯、薯條同凍檸樂，薯條炸得香脆，凍檸樂就係港式經典，完美平衡！🍖 鐵板美式雜扒配蒜蓉汁有火腿、腸仔、雞扒同豬扒，全部都好香口，蒜蓉汁香而不膩。配餐包、酥皮龍蝦湯、薯條同凍檸茶。酥皮龍蝦湯真係要讚，酥皮焗得金黃酥脆，湯底濃郁😍🍗 蜜糖脆雞中翼（4隻）外皮炸得超脆，蜜糖味唔會太甜，啱啱好🐷 香脆奶醬豬奶醬豬好香脆，甜甜地又唔膩，好適合配杯凍飲慢慢嘆。

西雅圖屋 | 重拾老派港式西餐回憶荃新天地一門町市場有間港式西餐「西雅圖屋」，主打經典港式西餐，從鐵板牛扒到酥皮龍蝦湯，仲有好多意粉、意大利飯，好多香港味！價錢大眾化，叫左4樣野，2人人均只係需要$250。份量係足夠3－4人食！🖤 墨汁意粉伴香煎日本帶子墨汁意粉煮得al dente，帶子外層微焦脆，內裡保持溏心嫩滑，簡單以蒜香提鮮，海鮮愛好者必試。🔥 鐵板美式雜扒（配蒜蓉醬）懷舊鐵板「滋滋聲」上桌，包含豬、雞2拼加腸仔，火腿，淋上濃郁蒜蓉汁更惹味。加配的酥皮龍蝦湯酥脆濃厚，薯條即炸香脆，肉質鬆軟又唔會有鬆肉粉。🐚 白汁忌廉煮青口青口飽滿鮮甜，白汁濃稠度剛好，如果可以附送蒜蓉包吃就更好了。🍗 意式香草烤雞雞皮烤至金黃脆身，肉質保持嫩滑多汁，香草醃得入味，伴碟烤蔬菜清甜解膩。💡 整體評價• 性價比高（人均$200-$250）• 鐵板扒類份量十足，適合分享• 環境懷舊舒適，服務貼心

今天下午，我去到荃灣荃新天地2西雅圖屋(荃灣)午餐。煙三文魚巴馬火腿沙律(配黑醋 ）$68走來一份清爽的煙三文魚巴馬火腿沙律，這道沙律結合了煙熏三文魚的鮮美和巴馬火腿的鹹香；搭配酸甜黑醋，讓每一口都充滿層次感，令人垂涎。鐵板肉眼牛扒(8安士) $122跟住上枱是鐵板肉眼牛扒，8安士的份量恰到好處。這道牛扒以黑椒汁調味，七成熟的肉質鮮嫩多汁，搭配餐包、羅湯湯和凍芒芒椰椰，讓人吃得心滿意足。特別是在炎熱的夏天，這樣的美食組合，不僅滿足味蕾，更讓人感受到生活的美好。我十分滿意這次用餐經歷， 期待下次再來品嘗更多美食。

謙謙開始放暑假，每日都有參加唔同活動，完左後就會話想等我放工一齊出去食飯先返屋企的，今次我地就選擇左去西雅圖屋食。✡️ 紐西蘭牛柳 ～ 配黑椒汁，餐包，加錢轉酥皮龍蝦湯， 另加輕量肉醬意粉。 牛柳牛味濃郁亦夠哂軟腍配黑椒汁夠哂惹味。✡️ 墨汁意粉伴香煎日本帶子 ～ 本身我對墨汁係有情意結的，香濃的墨汁掛滿每條意粉，帶子兩邊煎得微微焦香。✡️ 芒果梳乎厘 ～ 梳乎厘蛋香味濃空氣感幾好， 芒果清甜可口。🍹 芒芒椰椰 ～ 椰子和芒果的結合謙謙好滿意。🍹 藍莓香蕉沙冰 ～ 好耐冇飲過藍莓配香蕉呢個配搭最夾出面咁熱飲返杯真係好爽。

醒起真係一段時間無鋸扒，係荃新天地發現呢間扒房，想食鐵板從此又有多間可以選擇。餐廳位置其實唔算多，夜少少去都可能要等位。裝潢簡單開揚，座位都闊落坐得幾舒服。迷你水牛芝士薄餅 $78焗得幾軟熟又香，雖然個pizza唔大，但係每片都有水牛芝士勁香巨型T骨牛扒 $148的確好巨型，什至大到突出埋個鐵板。呢個T骨扒叫左7成熟，煎得幾靚。鐵板最開心就係加個汁落去個下，蒜蓉汁勁香，都幾多蒜蓉粒。鍾意食T骨一次可以食到兩邊部位，一邊淋D一邊肉香重D，幾正餐湯叫左忌廉湯，幾多磨菇飲落幾香又有D菇嘅口感紐西蘭肉眼牛扒配牛舌 $201肉眼就叫左5成熟，都係一樣煎得好靚，佢地個沙嗲汁好香花生味好好食。配牛舌都幾特別，鐵板牛舌食落都幾香幾有口感。肉眼油感重少少，肉香又幾嫩另外呢個叫左酥皮龍蝦湯，酥皮焗得好脆，個湯稍微有D鹹，入面有幾舊龍蝦肉都唔錯

第一次來這裏食，啲扒普普通通、我叫咗杯凍奶茶冇味，見到隔籬枱飲凍檸茶杯茶濁到呢😰、之前喺OpenRice見佢介紹過荃新天地二期好多嘢食，所以來試下，試一次就夠😓

西雅圖屋😋😋😋惹味爐端燒荃灣荃新天地二期、餐廳以開放式、環境夠光亮、寬敞、港式茶餐廳都有美味扒餐、爐端燒、yummy 😋 ✨美國安格斯牛扒（9安士）手掌大安格斯牛扒🥩、肉質厚實細膩、油脂分布均勻、石板完整端上、按喜好讓我每一口都感受到肉質鮮味、配燒肉醬、蜜糖醬、芥末醬（三款口味）、錦上添花、滋味無窮😍-羅宋湯、餐包+$3凍鴛鴦+$12意粉✨招牌鐵板肉眼牛扒（紐西蘭10安士）-薯條🍟、炸至金黃香脆、外脆內軟綿綿、蘸茄汁yummy 😋成尺長牛扒🥩、外焦內嫩、肉質鮮味多汁、陣陣香濃牛味撲鼻、鐵板上、帶有淡淡的煙熏味、配搭時蔬更添風味、蘸點黑椒汁、口感豐富、滋味又惹味！+$28酥皮龍蝦湯鮮甜龍蝦湯底、材料豐富、大大隻鮮蝦、外層披上金黃酥脆酥皮、完美配搭😍+$24芒果椰椰鮮甜芒果肉、配雪白椰奶、攪拌濃香芒果汁、色調金黃、舖🈵香甜芒果粒、薄荷葉、賣相吸睛👀西雅圖屋荃灣楊屋道18號荃新天地2地下一門町市場J 9-J4號舖港鐵荃灣西站D出口，步行約7分鐘