西貢松記車仔麵

营业中

休息中

一心外賣這客豬手，雖然豬手「色水」是南乳色，略嫌南乳味未夠；一心以為是什麼腩汁、南乳汁相伴，跑出的是黑色的豉油．．．反而這甜甜豉油浸上豬手，又不失另一種「好」味。豬手較為「乾爽」，非一般那些黏腍腍，屬多骨少肉厚皮那種，我這類肉食者來說，未夠喉，實在太多骨無肉食；相信下次還是牛腩可靠一點。

今日同男友閒逛完TKO,再搭小巴入西貢逛;5點零鐘路過此店,見人頭湧湧,之前已久仰大名,今日終於可以一嘗.我地排左20分鐘先至買到,粉麵$8,送則由$3-6,我地叫左大腸(夠入味,但肥膏去吾清),蘿蔔(無根且頗甜),貢丸(算大粒且彈牙,吾錯!),牛腩(夠腍,牛筋亦十分正!),豬手(無懈可擊!必食!)湯底亦相當清甜,吾覺有味精,抵讚!,加杯凍奶茶(茶味香濃而不澀口,正!),TOTAL$41,吾算平;但環境比"車品品","永年","麵麵店"四正,光猛,乾淨!仲有幾幅蓮花畫及有缸風水魚系舖頭裏面添!

難得一日可以曬太陽，慢火煎足數句鐘．．．坐完船仔，返回市中心差不多五點半，天氣帶點悶熱加焗，一個箭步向著便利店衝去，買枝透心涼汽水，消消氣，降降溫～散熱良久，放棄了「外星人吧」，專程到松記捧捧場。雞翼尖、牛腩、豬紅、豬腸加河粉共廿六元，吃得飽飽，很有滿足感，覺得牛腩豬腸夠入味，「腍腍」地，很好味，更何況是「大堆頭」，不知是餓得很還是什麼，很快便清了一大碗。雖不是天上神仙麵，箇中長龍原因，視乎閣下之口味而已；本人覺得蠻好，一心以為熱辣辣吃車仔麵會受不了，但原來這裡的「冷氣開放」是非常強「梗」；燒焦的我加上桂林辣椒醬還可以支持到哩！下次要試她們著名的豬手哩～

前兩日同女友去左橋咀玩,之後同阿哥食反先知道佢都一樣, 仲一樣去左松記食.. 不過唔同時間. 我就食牛肚,豆卜,冬菇粗面, 女友就牛腩,蘿蔔,貢丸米線... 湯底好勁香料味.. 但我d牛肚得4件,但好似要成6蚊.. 好貴.. 個面好稔..好粉.. 女友對個面冇乜評價,話冇乜特別..只係比較貴.而我阿哥就勁讚佢平時唔食o既豬手... 兩個人兩個面.. 42蚊.. 唔係咁抵..

今日喺西貢行完山，第一時間梗係要食番個下午茶。因為唔熟，所以都係隨處搵食。走咗入一條巷，見到松記，有四間之多，而且又排長龍，必屬佳品，當然要一試。我要了粗麵、豬大腸、牛腩及雞翼尖，仲有一罐汽水。整體感覺非常一般，對我嚟講，可以話唔好食，可能同個汁有關係，味道總是怪怪，真是希望越大，失望越大。價錢又match唔倒quality，所以都無下次啦。

記憶總是會騙人的，帶你回到了某地，但你回不到某段時空。淨下好像有份感覺，我想，假如某天我老人癡呆了，或者才會記得起。吃著一碗麵，記得這曾經是碗很好吃的麵。

星期一同同事site visit 完,同事話呢到有間野食車仔麵好出名...我叫左幼麵,原來係兩個麵底,對我黎講好似多左d,之後同事又介紹我食牛腩,我自己又叫左豬腸,菜同牛肚,結果變左珍寶碗麵!豬腸好正,大大件,好咬口,但其他既就好一般;另外,我食車仔麵好睇個辣汁,但個汁對我黎講就唔算特別喇...

星期日lunch入同黎即刻去試呢間野買車仔麵要自己排隊都幾巴閉~佢0的送唔算好多選擇不過樣樣都幾新鮮同賣相幾好叫0左兩個麵有專人幫你拎埋位service 好少有咁好其實味道一般，不過0係西貢佢的確係算幾好

Their service are very very bad, I had dinner with my husband on 6:00p.m. last week. The "waitress" "bear" us and asked me order asap( they need to close the shop) . If they don't want us to eat things there, they can talk to us"they are closed".I won't go there again !!!

今日下午來西貢半日遊，一入到去就第一餐就來這裡食下午茶。松記在這條巷內好似有幾個鋪坐，我就去打對面的鋪坐。我和奶奶兩人先找位坐下，點知原來這裡是自助形式買車仔麵食。我立即去排隊，嘩前面已經有成十個人了。排了十五分鐘到我了，先叫了一碗有菜、有豬紅、豬皮和粗麵，另一碗叫了豬皮、蘿蔔、豬腸和油麵。每碗要$19，另再叫了兩杯豆漿($10)。先講車仔麵，豬皮冇毛，都算幾好，豬腸重有少少穌，不過都幾滑。其它就一般，需然未食過車品品，但我諗一定好過佢多多聲。另那兩杯豆漿，千其不要叫，淡如開水，又不是平，總之叫罐裝汽水好了。總括來講，我請願幫襯我樓下個檔車仔麵好了。

我七月初既時候黎過食,但係覺得佢名過其實囉,我叫左個米粉加蘿白加魚皮加豬腸加豬紅d蘿白同豬紅都唔係咁特別味亦唔算好入味,豬腸就洗得幾乾淨,不過都係唔係有乜咁好味囉唯一要讚既係個魚皮因為係另上,真係好脆但好似唔係佢松記自己做架好似係外來貨所以都係唔會再去食我覺得旺角問極之好仲好味呀

今日同男朋友一齊去半月灣游水,在西貢集合.有人提意去食車仔麵.男朋友話呢度好出名,不過我都係第一次去食.生意非常之好,店外店內都坐滿了人,果然唔簡單.一條小小0既巷仔,竟然比佢佔左兩個鋪位.要左一個豬腸,雞翼,時菜米粉.不過男朋友叫錯了豬皮.豬皮都幾好味,入晒味.唔會好林.雞翼好大隻下,都係好夠味.味道都唔錯0既.不過最值得一讚就係衛生,好乾淨.雖然佢個鋪位0係巷仔度,但就唔見有小動物出現.而且佢個toilet好乾淨.沒有紙巾提供.但係地下冇濕淋淋,又冇異味.

可能童年一切都美好d, 總覺得以前車仔麵各有特色,e 家好似檔檔都好相似,但呢到都幾乾淨,食完行街感覺好舒服.......

係呀, 衛生方面佢拎好多獎嫁!

我同男友o係好耐之前都試過呢間舖頭一次...味道認真唔錯^^^^不過，價錢唔算超值..最值得一讚o既係衛生方面，o係車仔麵舖o黎講，佢都算得上衛生一流嫁!!!