西貢松記車仔麵

营业中

休息中

今日又到"松記"食嘢,現在除了車仔麵外，還多了午市飯食。我當然叫了車仔麵，有豬手，牛腩，蘿白同尤魚，食物都幾好沒有失水準，特別係豬手好入味。我同行的同事就叫了個鮮茄豬扒飯，佢話個豬扒飯塊豬扒好正，十八蚊真係好低食大大碟。不過只會在平日中午時間供應！服務都算幾好，有人幫你送到位，自己只係點吓餸，地方裝修完環境舒服好多，好乾淨，車仔麵檔算係好好。

好少o野choose 唔特別好食我叫左蘿蔔牛根腩反，爆咸豆漿ok but 係開粉...

牛腩及豬手變得又韌又淡，咖哩又走曬味，最衰就係叫餸食時d阿姐好似趕走鬼咁，簡直貼錢買難受，整體質素走下坡！

昨天出海, 友人相約到這裡吃車仔麵. 到了才發覺這裡有很多雜誌報導過. 叫了三送麵和凍檸茶. 飲品ok, 但麵一點也不別, 好普通, 好普通的一碗麵, 不算特別好味. 價錢不平, $30. 如特意來吃就真的不必了....

味道好選擇多價錢相宜每次入西貢, 我都一定會去的!

人多麵大碗環境食物都全無風味

成日聽人講西貢松記好好味,經過開就黎試下啦!原來唔係坐係度order架,係要行去個檔度揀,揀完有人幫你拎埋位!叫左豆卜、蘿蔔、魚蛋、豬腸，講真,我唔覺佢d車仔有d咩咁好味，魚蛋唔覺好彈牙,豬腸冇咩特別,蘿蔔同豆卜咪又係果種味囉!!!!唔知係唔係對松記有所期望,食完之後真係失望而回,而且佢呢d食物質素收咁樣的價錢係絕對唔值!

新裝修後第一次去, 依然大排長龍入到去感覺乾淨整齊左但座位同樣擠迫。要推介既有牛腩: 好淋好入味又無根唔會痴牙, 豬手: 大大舊又多肉(出面通常都淨係得塊皮無乜肉)不過今次食淡左少少無咁入味, 而其他食物只係一般, e.g. 豬腸: 洗得好乾淨但無乜味, 三寶: 唔係即炸&巳經比湯浸淋左, 所以味道普通。快餐店既方式, 又要自己搵位又要自己排隊不過叫完野食有人會幫你扲返埋位, 但如果多人既時候自己一個人黎就好麻煩。

見食評咁多人讚,終於去試左一次,除格局較一般車仔麵檔光猛整齊一點,味道並不覺得較其他車仔麵特別好食,而且價錢並不便宜,四餸一麵一杯野飲成三十蚊,不值,個人認為鍾記較抵食,因質素差不多,但人地只賣廿元倒,我不會再去,名過於實

今天又到西貢, 農曆年初二本來以為沒有食店開業的, 點知道在西貢好出名的"松記車仔麵"沒有休息,照常營業。我當然第一時間去食啦，當我到了的時侯真的以為去錯地方,因為和我早幾個星期前的店鋪完完全全唔同....地方靚好多,大了一點,一入到店內好舒服,完全都唔似車仔麵檔(我相信老板娘都有好多錢裝修吧),原來店鋪剛剛裝修完，剛從新開業幾天,我真係好好彩.我點了我最鍾意食的豬手同牛腩....真係沒有失望,豬手還比之前更加好味,又大件,好正呀...我同我的家人食得很開心... :-) 而且價錢沒有加價。最後一提的是店內的服務同食品質數都提高了...本人希望店鋪老板娘可以keep住啦!!!!香港車仔麵首選"西貢松記車仔麵"

小雲同小吉, 年初一收工, 本來諗住去滿記食甜品, 點知無開. 但又聽人話呢間d車仔麵唔錯, 咪試吓囉. 味道的確唔錯, 選擇又多. 價錢一般, 係車仔麵的消費. 但買麵的流程就好古怪. d 客要先搵位, 然後自己去麵檔度點麵, 跟住有人攞住碗麵跟你返埋位. 咁攪到好多人係個舖度走嚟走去. 個舖又唔係大, 位又迫, 好危險. 其實佢哋畀張紙人, 好似剔點心咁咪簡單囉, 又唔會錯. 都唔明呢d係咩operations...

我是在西貢做野，時常到巷仔食飯，這間車仔麵是我其中一個選擇，果都的食物其實一般，但地方就算清潔乾淨，特別是以車仔麵檔來說。而且在中午時間更有特價午飯，每碟只收十七元正，扺！

見好多人好評如潮,去開西貢特登去試下. 當時吾肚餓,於是只叫幾個淨試下. 叫左佢話必食牛腩,加豬紅,豬腸,同牛肚. 招牌牛腩到咬吾開, 放棄無食到,真係吾知點正法(??).豬紅吾入味,無特別,牛肚亦係偏,個人就吾係好欣賞. 唯一係豬腸夠諗,亦夠入味. 湯底好濃,相信伴面或河粉吃應該幾惹味. 唔...但下次我諗我未必會再黎食.

車仔麵其實好一般，腩汁幾好味，但蘿蔔的味就怪怪地，好似有些化學品的味!紅豆涼粉冰反而不錯，紅豆一粒粒，紅豆和涼粉的份量都不算少，味道OK。

星期日兩公婆游完水，特登過來，叫咗兩碗野一碗油麵一碗粗麵，餸就有豬手、牛肚、牛腩、豆卜、冬菇、羅白、雞翼、菜。豬手和牛腩真是名不虛傳好好味，其它嘢就一般啦，另叫咗兩杯嘢飲，五花茶及豆槳涼粉，五花茶好淡口，有家庭FEEL，豆漿比較甜涼粉一般啦。整體都算幾好味！