西貢松記車仔麵

营业中

休息中

係呀, 衛生方面佢拎好多獎嫁!

我同男友o係好耐之前都試過呢間舖頭一次...味道認真唔錯^^^^不過，價錢唔算超值..最值得一讚o既係衛生方面，o係車仔麵舖o黎講，佢都算得上衛生一流嫁!!!

幾好...如不是太餓...經西都會去食番碗..食物品質ok....而湯底及汁都好野味..特別係它幾清潔...較其它車仔檔坐得舒服....價錢十幾銀....仲想點呀....

星期一有一日假期，同太太走左入西貢一日遊。雖然天氣濛濛的，但我們都決定行一行山，行山前當然要醫肚，在西貢食街走左一轉，最後都是吃松記。要了冬菇豬手油麵加菜同豆卜紅腸米線。蠔油冬菇有四隻，幾入味又有咬口，有水準。豬手乾淨沒有豬毛，又係好味，個人覺得比牛腩好；太太的紅腸豆卜米線就較普通，不過米線幾彈口，整体都唔錯。加熱奶茶兩杯，埋單要五十幾，以食車仔麵來說算貴，但畢竟這裡是名牌，都要番咁上下價錢。

我同女友去過食兩次, 兩次都係收工先去, 去到七點半, 就收工, last order, arm arm 好, 食物唔錯, 不過衛生一定最好啦, 我地一買完就開始清洗, 全間舖都洗, 不過唔知係o的員工唔識做定我地阻住員工收工, 我地仲食緊野都仲要抹我地張臺, 佢老細都叫唔好抹住, 但都係照抹, 哈哈.......

週日來西貢行山，早左入來，朋友又未到，,可以四維搵地方咬早。行入福民路，係條窄巷但有眾多食肆，同行的友人話呢度幾出名，所以就來試一試。朋友話呢度標榜清潔，拿了很多衛生獎，見價錢比一般車仔麵貴，可能是名牌效應及乾淨的價錢吧！佢又話蘿蔔同豬腸好食，就叫了蘿蔔豬腸油麵，蘿蔔完全無渣，又淋又甜，唔錯；豬腸亦肥美，唔韌又幾入味，亦有水準；好在湯底味精唔算太重，如果唔係飲多左水，行山時又要搵廁所就煩。連兩杯豆漿兩個人埋單好似係要50幾蚊，以車仔麵計不算平。

起初見到佢貼晒廣告,都有d怕佢出左名,食物質素會下降但又見幾多人食~就決定try try~~果然不錯~湯底ok~不太濃豬大腸,蘿蔔,豬紅~~正d 菜好新鮮~豆漿不太甜~幾好味以車仔麵來說不是好平但物有所值~希望佢可以keep住食物質素,不要因名聲大而下降

食過兩次都好味,蘿蔔入味,又無渣.冬菇又大又入味,煎釀三寶都好好味,湯底都好清,價錢都算ok

真係好少車仔麵檔整到好似松記咁乾淨，見佢一條街仔有三間鋪就知佢有料到。講到食物，我覺得最正就係豬大腸，一來夠瘦，冇肥膏，二來用鹵水汁鹵到入晒味，三來一D遏味都冇，食得出花O左好多時間同心思去整，抵讚！另外蘿蔔都唔錯，一D渣都冇，有咬口，食得出係靚貨；豬紅都唔弱，有味得來唔會一入口散晒；反而豬皮就弱O左D，略嫌硬O左D又唔夠爽，不過撈埋咖哩汁食口感又立即豐富好多，仲好以爽口D添。總括來講，食物質素唔錯，價錢合理，地方又算企理，入開西頁O黎整番碗麵都冇蝕底。

如果去西貢無頭緒食什麼,尤其午餐或下午茶時間,(甚至晚飯),可以食豐富兼企理的車仔麵, D 料好惹味.值得推介。

Penpen話釣墨魚要落船先有飯食，叫我地打定底先~~小弟就搵左"西貢朋友" 直季，miumiu和miumiu 男友ray 去食碗車仔麵先~~在碼頭附近的"松記" ，曾俾各飲食媒介吹噓，亦都拎過衛生獎，即係唔哪渣啦~不過唔哪渣又無o個種風味....兩間舖打對台~~唔通真係咁好生意?我叫o左三送一麵加一支芬達..$25~蘿白同糖街榮記有得fight~都係黃色,入口好鮮甜唔苦無渣~豬紅同魷魚都唔錯...不過點都係唔多飽~~但係時間所限..要走人喇......下次入黎西貢再o黎試多d..