西貢咖啡餅店

营业中

休息中

老婆大人day-off，兩個人又到西貢消磨一個上午。第一個節目當然係食個靚靚早餐啦！但係會唔會有d機會唔再食gor d平日食到fed-up既煎旦、火腿、魚柳、出前一丁、多士、炒麵‧‧‧結果俾我地搵到呢間sai kung cafe and bakery。間skcnb外面約有5張小圓檯，都幾side-walk feel gar，晒個mood，睇埋個早餐menu：$16包括餐包+果醬、麥皮及熱飲；向來唔鍾意早餐jing係食麵包既大人都俾skcnb既迷你火腿意大利湯麵既買相吸引，於是就坐下來，order埋呢個$19包括餐包+果醬及熱飲既餐啦！餐包係自家製作，新鮮出爐，我地食到要再加一個餐包($5)先至滿足。麥皮甜度適中，又係一般西餐廳既portion，完全符合自己鍾意light breakfast既preference。美中不足係奶茶冇乜茶味。

tea time 行過~勁多人要等位~間野係賣麵包，佢0的麵包的確好出色好香~,... 正~不過0的coffee就... 一般啦女朋友試0左個「炭燒cheese cake」唔覺有炭味Hot Choco. 就幾好wow間野service 麻麻見有個男人買0左幾個麵包走番轉頭問個staff 拎個紙袋個staff話0的紙袋唔係for0的麵包架wow~都幾奇~.咁0的紙袋係for 乜既????

行完山，臨走前原本同幾位食友去甜源居試試，點知忽然接到朋友call，已在西貢市附近，所以無耐要早點走。以為同佢出外食，點知佢玩煮飯仔，就來這裡買幾件cake做飯後甜品。呢度除了買走，也可以買杯咖啡在外面食，都幾多人的，我們就買了南瓜芝士餅及Apple Crumble。以往應節，所以至買南瓜芝士餅，不過除左個南瓜色水，就無咩南瓜味，口感同味道都跟普通的芝士餅相若，不算差；Apple Crumble餅面幾脆，蘋果餡多但有點酸，餅底就不夠好，好「立」口，好睇多過好食。看這裡舖仔細細，但還有不少其他款式，還待下次來探她時再買了。臨離開的時候，見菠蘿包新鮮出爐，當然把握機會，一人咬一個。雖然5蚊有點貴，但幾大個，個椰蓉酥皮面異常的脆，完全可以做到一路食一路跌的效果，但論味道，還是覺得樂香園3蚊一個的好一點。這裡還有薄餅及好幾款麵包供應，自家製，保證新鮮熱辣，買杯泡沫咖啡坐在出面的side walk位子，都不錯。

我家住馬鞍山, 周日最好節目,就是去西貢食早餐,沿海邊走到海灣酒店, 看看人家放狗, 然後買菜回家. 吃遍西貢中西食肆, 這間面包鋪是我們吃早餐的首選地方.我們通常九時前到達, 面包不住出爐, 花款新, 連區內老人家都在這裏歎茶吃三個面包作早餐, 就知水準高. 單是菠蘿包就脆到"無影", 芝士蘑菇包味濃飽肚, 加凍朱古力奶就是便宜豐富早餐.服務不多, 自得其樂最重要.

今日入去西頁釣墨魚,上船前去左松記食車仔麵,不過覺得言過其實,唔係傳聞中咁好味,反而黎呢度食左件cheese cake仲有驚喜我同三個朋友夾埋叫左三件cake,我叫左個瑞士芝士餅,個cheese cake味道濃淡適中,好好味,餅底又好正,我個friend叫左個咩朱古力蛋糕真係好正,好香朱古力味,愛朱古力既朋友一定會愛上,另一個friend叫左個白朱古力芝士蛋糕,cheese味好濃,如果鍾意特濃cheese味既朋友一定會愛上,下次入去西貢一定會再食再試下其他d cheese cake !!

d到d出品係不錯，幾有水準。不過，雖然只是夾蛋糕麵包咁簡單，但d態度可以好d。個次我去買時，可能阻住佢同朋友傾談，個個人黑我面。

次次去親西頁碼頭搭船出海玩都會黎呢度買早餐食! 鍾意佢d野熱辣辣, 新鮮出爐...常叫o既有果占毛毛蟲, 仲有佢個muffin...上次黎食,咁o岩皆大歡喜o係度拍外景, 我仲見到謝天華o係度食早餐, 佢仲唔記得俾錢添......如果出海早左返黎o既話, 仲會o係度食tea, 佢個apple crumble同朱古力sacher都好抵幾好食!

又再度幫襯，蛋糕依然未試，咖啡依然唔掂，但麵包依然係好鬼掂，今趟試哩個‘蘑菇酥’，真的夠‘酥’，好鬆化呀，面頭蘑菇餡配少少沙律醬，最緊要唔係凍冰冰，仲熱o架！建議晨早十點十一點去買麵包蛋糕食，係新鮮出爐時間．．．．朋友話，近街市果邊o既Ali-Oli咖啡好飲喎，搵日去試下先！

昨日同個姊妹入黎西貢. Tea time揀左呢度.Order左"石榴軟cheesecake"($20).不過食唔到石榴味.Hot Choco.反而幾好飲.Monday 2/3pm,都見幾多人幫襯買面飽.我相信唔錯的~尤以咸味飽甚受歡迎~

早幾日見電視介紹過．．．若然大家食厭隔離和記茶餐廳，又或者想食過唔heavy早餐，不妨可以係到試下佢個火腿意粉（o的意粉唔同茶餐廳果o的，幼身好多）或麥皮，另嘆番杯咖啡。平心而論，哩o的我都只係覺得一般貨式，反而覺得佢新鮮出爐o既麵包係最正最吸引．．．棒場o既係芝士磨菇包（可能太喜愛菌類），另朋友則愛芝士蟹柳，當然仲有好多包都未試雲，勞煩大家幫幫手發掘下喇～不過，每次入親去都好想試電視介紹果o的蛋糕，聽聞係師傅精心炮製，次次都撞正佢出爐，但基於晨咁早就食甜野，好似怪怪地咁（仲有飽成咁點去游水呀！）！出番西貢又趕時間，最尾都係冇時間試，不如你地試完，話番比我知好唔好食丫～露天坐，周遭雖然唔係話什麼美景，但勝在冇老和果邊咁逼呀！建議晨早去食會好o的！話哂新鮮出爐嗎～