西貢咖啡餅店

营业中

休息中

食飽飽午餐之後,去碼頭散散步,其間又口痕痕,見到這間餅店就被吸引了......大部份係一d西式麵飽,外型好,賣相靚,經過一輪既觀察後,就買了這款麵包,外型好似墨西哥包,第一口就愛上了.................果然好睇又好食!!外邊小脆帶甜,麵包質地好鬆軟,雖然唔係新鮮出爐,但係都好好食~

經過見到有好多人排緊買新鮮出爐菠蘿包($6)+鮮奶tart($7)我地都買黎食好新鮮好熱, 菠蘿包都好大個, 不過因為真係arm arm焗完出黎既關係, 仲有d發酵味未走哂鮮奶tart都好好味, 酥皮係脆既!不過個staff既態度就唔太好, 可能太多人太忙

初三．中午人未齊，我提議先來吃個包，知菠蘿包出名，但剛剛sold out，問他什麼時候再出菠蘿包又話唔知，真係唔憂做。先買了忌廉條及一個有蛋白的包，兩個都幾特別，忌廉條好味不過已經凍，有蛋白的那個係包夾了蛋白，一般啦。誰知我們吃完這兩個包就出菠蘿包！所以再買多兩個…熱到辣手，不過真的好好味！我平時是不吃菠蘿包，不過第一次食個六蚊既菠蘿包。但這個真係得，夜晚食完海鮮阿朋友個家姐仲想黎買多個做宵夜，不過已經close了。入西貢除了食海鮮也可食菠蘿包。

呢間野真係好唔得, 話說昨天我地一行4人+兩隻小狗去果道食tea, 因為我地帶小狗, 當然係坐帳篷外面啦, 但係出面只得一張唔夠兩呎既小圓枱, 咁我地諗住拉出小小坐啦, 店員即刻走埋離問我地幾多坐, 我話4位, 佢好大聲咁話4位唔好拉咁出呀~~, okok咁我地都諗拉得太出可能佢地驚比人話阻街, 所以就拉返埋去, 最多坐逼D, 無所謂啦, 後來見到隔離果枱走, 我地就諗住兩張枱排埋一齊啦, 店員又走出離, 態度好惡劣咁同我地講, "我地D枱好(驚)貴架, 你地得4個人唔好霸住兩張枱呀, 有人來我地搬返開架(但係我見其他咁細既枱都只係坐兩個人), ok ok 算啦, 之後我家姐把其中一隻小狗搬上一張圓櫈, 店員又走出離, 好惡咁話可唔可以搵D野墊住先放隻狗上去呀? 我地D櫈係比人坐唔係比狗坐架....我即刻望實佢, 佢見我咁望佢, 佢即刻講, "唔關我事架, 我地老闆係咁講架" 嘩)))))))真係咩態度呀???? 好老實講唔歡迎狗仔可以同我地講明唔比帶狗, 咁我地會走架嗎, 就算佢講既野唔係完全無道理, 都可以用好D既方式同我地講, 洗唔洗用呢D咁唔文明既方式嚟趕客呀?? 唔想做咪

由於被食評的脆皮菠蘿包吸引，專程入西貢食早餐。早餐時間很多麵包糕點都是新鮮出爐，另也有三、四款套餐可供選擇。大大個的菠蘿包，金黃凹凸表面很脆皮，由於酥皮覆蓋範圍太大，而下面的麵包相對較細，所以被壓至扁身，兩者比例不好。鮮奶撻還是很熱辣辣的，香滑鮮奶配了葡撻皮，撻皮層數不夠多，導致外皮不算太鬆化，由於是新鮮出爐，所以仍夠好食。紅莓干士-咬下去時第一個感覺是鹹的，感覺特別，質地較為硬身，不夠鬆化，也缺乏牛油香。合桃提子麥包又是新鮮出爐，外層皮脆內裡軟熟，還有合桃提子增加口感及健康。提子明顯加了肉桂，所以肉桂味較重。西冷紅茶當然不是港式奶茶，雖不及港式奶茶的香濃，但其選用的茶包很馥郁芳香。

菠蘿包鬆化,食多個都唔怕濟,特別係岩岩出爐o個時!因為我本身住附近,明明食完lunch 行過都會好想食,我自己就覺得鮮奶葡tart好食過雞蛋o個隻葡tart,佢都係好食, 不過鮮奶葡tart冇咁甜。另外,我覺得哩度拎走食好過坐o向o個度食,因為環境唔係太好,對住酒樓o既後欄, 但可能對與寵物郊遊o既主人係一個好選擇。

原本一早唸住黎呢度食飽, 點知3點幾先食完tea太飽, 唸住5點幾先再黎食過, 先知道蠢左, 呢度既菠蘿飽mon-fri只有12點及3點出爐, 賣完係唔會再整架...菠蘿飽$5.5? (賣剩3個, 要左其中一個, 雖然凍哂but食落去個皮真係好脆呀....又唔會一食就散哂個皮冇得食, 不過個飽就麻麻地, 唔知係凍哂問題定真係佢落得少粉呢, 唔係好充實既感覺, 唔知熱食會唔會冇咁覺呢)葡撻$6.5? (我以為食緊鮮奶撻添, 好奶既味道, 到依家都仲有d懷疑, 個皮又係一個不敗之作, 好鬆脆呀, 個餡就有所保留, 好淺既餡即係好少啦, 而且味道很是一般, 真係令我好掛住澳門食既葡撻呀....)P.S. 究竟係佢收錯錢定係加左價?收左男友$13, 咩都唔計較既佢連實際上每樣野幾多錢都唔知就聽人講比幾多就比幾多錢人, 仲加多句"咁少數目是但啦~"有時真係比你地d男仔激死, 我地唔係孤寒, 而係應使得使, 咁既時世更加應慳得慳, 比多左錢唔係叫闊佬而係叫比人呃呀懞佬~

一早同老公去萬宜跑步, 然後揸車過黎食早餐, 入到去有少少豫疑, 因為唔見有出爐麵包, 等了約半分鐘, 見師夫拿出熱辣辣菠蘿包, 再加上熱杏霜, $17, 老公反而叫了茄牛腸仔通粉 + 熱奶茶, $27, 假日稍貴! 菠蘿包跟以前沒有大分別, 包心好像較鬆軟, 沒以前那麼實在! 我沒有嘗試通粉, 只覺賣相已經不吸引! 此處不近海邊, 但今早已有秋涼快意, 嘆下報紙已是一樂也!

由半月灣回來，想介紹好友坐下嘆奶茶蛋撻，可惜她胃口不佳，不感興趣。　然而，新鮮出爐的葡撻大大個又香噴噴，賣相太吸引，還是買了個嗜嗜：份量大的關係，蛋芯比例特別多，加上鬆脆味美的酥皮層，十分好吃，鍾愛葡撻者必須一試! 　其實此店同Ali-Oli一樣，還有巨大菠蘿包、切餅等都很吸引，好友卻都不感興趣，真納悶呀...

BBQ 暨 朋友的生日, 點都要有個Cake賀一賀. 在西貢, 三間Local餅店, 論蛋糕, 這裡同金馬車都非常別緻, 有其獨特風格．但如果要說比較多款式，這裡比較多 (在味道上). 在花款上兩間旗鼓相當.叫了一個藍莓乳酪蛋糕, 1. 不會太過Creamy, 變得飽肚難吞, 大熱天時, 當食雪糕, 可以消暑. 2. 因為是乳酪, 藍莓味道沒有被奶味搶走, 好香生果味.選購時, 走遍 "金" "陳", 始終都是 Sai Kung Cafe好.

與朋友相約在西貢,當然不會錯過我最愛的包包了!本來想帶朋友去mushroom或者ali-oli,但想起很久沒有拜訪這裡,而且正值三點,下午茶時間,去到一看,菠蘿包新鮮出爐呀,當然二話不說,買了一個跟朋友分甘同味了! 不用再說...脆皮菠蘿面,包身又香軟,真的想立即"安歌"多一個,不過我們另外買了"合桃酥"(是千層酥的軟身包),也十分出色!! 吃過後,滿足非常!! 我自己則額外買了scone及"黑穀五味大麥包".回家孝敬家人. 晚飯前偷吃了半個scone...只是一般而已...有點失望呢!

今日同朋友去咗西貢潛水, 返到碼頭又餓又赲, 咁啱又經過有新鮮葡撻出爐, 梗係要買個嚟醫醫肚啦!要$6.5一個, 貴咗少少, 不過呢間舖啲面包好似都有啲特式, 店外面又要露天茶座可以坐, 貴少少都可以接受o既.一咬落去, 個皮鬆化到呢~ 啲牛油味又"bit"哂出黎, 啲蛋漿熱辣得嚟又好滑, 甜度啱啱好~ 我即刻同個friend講: "好得, 呢個係我食過最好食o既葡撻!", 攪到佢忍唔住拿拿淋返去買番個食~雖然葡撻唔可以同傳統o既曲奇餅底蛋撻比較, 但我覺得佢甚至好食過中環同九龍城嗰兩間蛋撻~

買左3 個 take away 菠蘿包, 我幾時都話新鮮出爐既野差極有個譜, 不過呢到既麵包真係幾得 菠蘿包個皮好香好趣, 比金華既香好多倍, 食一個都飽飽地啦, 不過都想食多個 出面 外賣女子語氣好差啦, 不停呼渴排隊客人, 做到咁辛苦唔好做籮, 不過個老細都係咁, 一...擔.. 擔.... 態度扣左分.......

今朝老公帶我去西貢郊遊, 揸車落斜都要小心啲! 晨早係呢度嘆個早餐先, AliOli...唔太啱, 因為得咖啡....! 我地各自叫了個菠蘿包, 飲品我要杏霜, $16@, (也不知從哪年開始喜歡飲, 年紀大, 口味也變了), 老公叫好立克! 菠蘿包照例熱辣辣出爐, 唯一要講既係個包用張紙托底就浪費啲, 亦都俾人覺得好油! 食完唔太夠喉, 再同老公分享咗新鮮出爐既芝士包, $6, 芝士餡軟滑, 味濃, 可能夠熱, 芝士唔會硬! Very Good! 論服務...出面個女仔有時會顯得不耐煩, 語氣有點重, e.g. 我問咗句 : 邊隻麵包啱啱出爐(如果有五種, 相信都有先後), 佢答我全部都係!

下午三時半左右，主人與奴隸獸看見食店外已有十多名顧客在排隊，原來購買剛出爐的菠蘿包，而且還有很多人從四方八面蜂擁而來，我們當然不會執輸，加入這個買包浪潮。1. 菠蘿包（HK$5.5）：大大件，外層酥皮香脆鬆化，麵包熱辣辣，軟綿綿。剛出爐的麵包確是零舍不同。2. 雞尾包（HK$5.5）：新鮮出爐，外型較為另類，是圓形而不是長條形。椰絲吉士餡料份量勁多，熱辣辣（有些燙咀），但味道與一般雞尾包無異。此食店剛出爐的葡撻，亦是人氣熱賣食品，可惜今次吃得太飽，下次有機會一定會試。