西貢咖啡餅店

营业中

休息中

今朝決定去行山, 之前梗要食飽飽先行啦!呢間麵包鋪賣麵包之餘, 有四款早餐, 我叫左個A (麵包+ 飲品), 老公叫左個C (通粉+ 飲品)! 最出名係菠蘿包, 當然要揀佢啦! 個包都幾大個, 單買唔知係五定六蚊, 個包有張紙托住係底, 論size 同金華(我覺得係最好食既菠蘿包)既一樣大, 價錢貴一倍, 個皮我鍾意食金華多, 因為脆, 包既質感就差唔多! 一場黎到, 再試多個, 問亞姐邊種係新鮮出爐, 佢地都好好人話我知(之前食評提及既惡老闆唔見) - 磨菇忌廉包, 熱辣辣真係唔錯, 不過會唔會特登黎就唔會! 下次行山經過先再試啦!

見葡撻新鮮出爐，心思思想食，最後還是買了，$6一個。由於太新鮮既關係，食到口腔損左，哈~~很滋味~友人說波羅包大大個很正！我沒試，唔知有幾正。

這間麵包舖的麵包、西餅很有水準，平時喜歡它的磨茹芝士包，芝士味香濃，勝於其他麵包舖，但不是時時有，要講彩數，像今日，就沒有，有點失望!除了麵包，其西餅可媲美酒店呢!今日買麵包時發現久違了的墨魚法包，樣貌黑炭炭的，一點都不吸引，不過外脆內軟，咬感十足，雖然不覺墨魚的味道，但仍覺滿足，食時還見到有些紅色的，似紅椒的"物體"，食落甜甜地，原來是杞子，杞子配墨魚包，味道不錯，很創新!這兒可以堂食，不過，環境真的不是很好。既然來到西貢，何不買走到海傍處，邊欣賞藍天白雲、海邊醉人的景色、感受陣陣涼風，沐浴於暖暖的陽光之下，偶爾還見到賣魚舢舨，邊品嚐令人動心的蛋糕，真是賞心樂事!

一直都喜歡在此店買生日蛋糕，我有一次只買了一件，要求用細盒(細盒可放二件)，店員十分不滿，我說加錢，她還發脾氣，我再話我可加錢買嗎？她發脾氣的說需加HK$5.00 (蛋糕約HK$22)，我即付錢，她還說話給我聽，黑晒口面。平時晚夜去買蛋糕，這裡的店員面色好難頂，好像阻淮佢地係到談笑風生，等收工咁。

西貢必食!好似餅乾咁脆既tart.."正"，加上甜度適中，入去西貢，我一定買黎食。pie&tart..同呢間既tart無得比...

家姐住西貢,間唔中都會來買麵包,款式算幾多,港式西式也有,味道唔錯,最鍾意食blueberry cream cheese包,但男老闆態度好惡劣,曾親眼目睹他對幫襯的嬸嬸惡言呼喝(其實嬸嬸只是好奇問多兩句),一副唔憂做的樣子,真係幾好食都假.

23/4(日) 3pm今日同男友入西貢閒逛,偶遇男友親戚,於是一齊系此間食tea.tea time此店擠得水洩不通!幸好啱啱有客走,我地一行6人,買左d包餅及凍飲.自己要左凍檸茶,份量及味道跟Delifrance差不多,不過甜,味道尚可!其親屬買左菠蘿包$5,提子鬆餅,葡撻$5,吞拿魚酥,全部size頗大,而且超高水準之作!!葡撻及菠蘿包必試!!!遺憾的是剛剛賣左部DC,影吾到相!=.=

雖然整條街有幾間食店，但明顯這間店最熱鬧。店外迫滿很多人。小妹眼見這種情景，當然要試試啦！外表看來只是一間普通的麵包店，但原來很有內涵的。看見左右桌子的人除了點麵包和飲品外，還有點葡撻，於是我也點來吃。啊呀～真是很美味啊呀！！從未吃過那麼好味的葡撻呢～>W<除此之外，火腿芝士包都很美味。值得一讚！

其實D麵包0k架!不過D意粉好渣!D服務員成日都黒口黒面!個樣超趕客…

When this bakery/cafe opened, I thought great, finally there is a western style bakery here. However when I tried their bakery, they were obviously trying to imitate the western bakery, however it still tastes very asian.I have also tried their angel hair pasta with meat sauce, I found it rather tasteless.Also spaghetti in broth, this is totally chinese, you would not find this in Europe.

西貢冇美心、聖安娜同大班等連鎖式餅店，這間應該算係西貢墟最有水準的麵包店，這裡的麵包有好多款式，而且大部份都有水準，所以各位行山友，在出發時可以去這間麵包店入貨，好過去金馬車買D普通麵包！

The service of the shop owner is very rude. The milk tart is OK but the portuguese tart is very very sweet.

每次我入西貢都會到此地買純芝士蛋糕食，雖然它的芝士味不是太重，但係它的口感很好，亦很滑，據聞該餅店的老闆以前係喺半島酒店做蛋糕師夫，我與此店並沒有任何關係，只是朋友告訴我的。而且我每次介紹朋友食，他們都會讚好食架！

我是西貢居民......這間cafe 可謂十分劣cake 難食, 勁大陣雪櫃味bread又貴又普通...只不過是新鮮出爐那一刻吸引店員or 老闆態度惡劣, 好似持著人多唔休做其實這間是呃遊客的cafe...只不過location 佳與其他local bakery / cafe 完全是兩回事!

秩序大亂, 老闆好串, 職員冇禮貌. 蛋糕好難食. 食物水準一般, 假日食物水準更劣. 如果識英文或者識食西洋0野既就寧可行多幾步, 去沙咀道果邊豪一豪. 起碼感覺高級0的.