西苑酒家

营业中

休息中

I called on Friday checking if they can reserve a table for 6 pax and got confirmation. Then we arrived at 12noon as booked and they only offerred us a table for 4 pax capacity, while there are still many empty table. The manager said they arrange table as first come and first serve. Then we said we also made reservation and we are all here so his excuse didnt hold it. Then they said other people made reservation on specific tables. Sure, we fully respect that arrangement for old friends custome

經YOUTUBER 介紹，最近特別想吃叉燒，西苑這款厚切自己沒吃過，所以來買外賣加餸!西苑的叉燒十分出名，是這裏的招牌菜式之一，這個價錢是我吃過最貴的叉燒，不過份量也不少，賣相吸引，十份多汁，可以配飯或面吃，厚切叉燒吃起來啖啖肉，很JUICY 和嫩，十份滿足，期望很高下也覺得十份出色，味道香甜，皮有焦香的味道更加分! 是高質的叉燒，下次也會再來買!

久違了的西苑酒家，見有商場coupon ，再去試試。點了人氣大哥叉燒，沒什麼特別，味道一般，吃叉燒最緊要看部位吧。燒鱔有點乾和硬，不推介。極力推介的是雪影杏汁包，外皮鬆脆，食落像墨西哥包，餡資是杏汁，食落像杏仁茶，杏味濃香。另一推介是中式牛柳，肉煎到焦香，汁帶一點酸甜，不會太濃太油。炸兩的油條太油和太硬，不推薦。 甜品點了紅豆涼粉，好懷舊。 價錢正價的話有點貴，商場有折扣時可以試試。服務方面，大部分部長伙計都上了年紀，都很親切和有效率。要點讚。

西苑酒家在太古城的分店, 是公司同事Team Lunch的其中一家食堂, 作為香港酒樓的老一輩, 它的手工菜和傳統點心有一定的手準. 週末銅鑼灣的分店, 依然客似雲來. 雖說它比一般茶樓高級, 但人均三百多元吃六道點心和小菜的午飯, 已經可以媲美酒店粵式茶樓的價錢, 抵不抵就見仁見智.沒有點大哥叉燒, 因為平時已經吃夠, 點了燒鱔感覺相當不錯, 除了肉質爽彈中帶肥美外, 兩面都煎得相當香脆而不會過燶, 一百八十多元的價錢也許就是鱔價越來越貴的結果. 至於傳統點心質素比較參差, 叉燒腸外面米皮夠嫩滑, 但內裡叉燒味道不夠; 燒賣件頭夠大, 內裡多汁而澄麵皮夠薄, 上面的鮮蝦和蟹籽是相當傳統的做法, 但現在見到的不多; 炸芋酥的芋蓉內餡口感夠粉, 外面炸得酥脆而沒油膉味; 最後亦是最失望的是XO醬蘿蔔糕, 表面的蘿蔔糕沒有XO醬的味道, 而底部的味道就濃過頭, 一入口就溶化, 而且不太感受到臘味的咸香, 以西苑之名這不能合格呢!另一道西苑的名菜爵士湯, 這次就沒有點, 因為兩個人喝一壺湯, 感覺太奢侈. 究竟這道湯的源頭是鄧肇堅爵士還是Sir Run Run Shaw, 這也是一個不解之謎

与幾位長輩一起到銅鑼灣西苑午茶,實在難得. 說實話, 西苑給我的印象是👉貴呢！何解：話說約十幾年前,我曾与父母來這西苑晚餐👉一打開歺牌,見一味👉蕃茄炒蛋就成為$90元！嘩！很貴呢！所以很久也未有光顧這間食肆啊！ 不過,今次因某位長輩欢喜這間,便順意一下.當天我們被安排坐在偏廳👉感覺也是良好的；經理及女侍應是招呼得到的。兩款甜品頗出色👉1/菊花糕：結實晶瑩, 口感好；2/紅豆涼粉杯：雖然要等一段時間,但值得👉首先講賣相：杯子很精緻,內裡的紅豆大粒加上涼粉超爽,很好味！但河鮮米線太不值噢👉$88元只有一碗多份量：一個人的份量也不夠呢！還有它們的（大哥义燒蛋炒飯要$148元）👈是否貴了一点呢？（雖然我們沒点這個飯）. 整體而言,環境舒適,店裡職員招呼得宜；只是米線份量太少,不夠吃.

慶祝週年紀念日，決定揀西苑食中餐，目標係享負盛名嘅爵士湯和一哥叉燒。早一日電話訂位食晚飯，當日準時到達，被安排坐大廳，大廳大概有15張枱左右，枱與枱之間有足夠空位，唔會太擠迫。兩個人食飯，叫咗1.爵士湯半煲，2.例牌一哥叉燒，3.重慶雞煲（半隻雞），4.海鮮泡飯。-爵士湯：總共有四碗，湯渣有响螺，點豉油好味，老火湯夠味，好味，但飲唔出蜜瓜嘅甜味。-例牌一哥叉燒：有十二舊，每舊都有一定厚度，味香、肥瘦適中，蜜汁有甜味唔會太鹹，好！-重慶雞煲：香噴噴，少辣，煲內料頭多，有蓮藕薄片，爽口，唔會死咸。-海鮮泡飯：真係好好食，海鮮味夠清甜，加上脆米，口感一流，值得推介！另外，想提一提嘅就係員工嘅服務態度，睇其他報告講佢哋嘅服務態度好差，食完成餐飯我又唔係好覺，老食店老員工，態度重好親切添。總括來講，滿意嘅一餐晚飯，肯定會翻食。

只叫時應一句, 回覆就是你等一陣好冇呀？？我做完手上既野就会幫你架喇！！！以後吾会再黎, 我係用lee garden coupon,問尾數可否用八達通, 收銀話冇架！！淨係收咭！ 我回應我只係問下有冇啫！！

週六晚問E君，明日晚餐出外吃嗎？他查看日曆之後，發現是自己農曆生日，從來沒有想過呢日慶祝，但既然遇上，即是要出去吃餐好的啦！皆因這位阿叔擁有一個傳統中國菜胃，帶他到西苑應該沒有錯！況且，剛好買了利園商場 Power up 的七折飲食券，本來就打算去。因為想用盡優惠，來之前本已揀定心水菜式，不過發現有特價遼參魚翅餐，又真是抵，本來一個關東遼參扣花茹賣$300多、紅燒鮑翅 $538，現在的套餐再加四道菜才$680/位，再七折吃，即是$476，嘻嘻，貪小便宜心態改變主意了！沒有收過分額外茶醬錢，茶錢每位$18，花生收$20，白飯$18，這方面值得一讚。大哥叉燒從前坊間沒有這麼多黑毛豬叉燒，大哥叉燒算想當年是叉燒界的阿哥，現在當然被蓋過。雖然並非黑毛豬的貨，選材保特有一手，梅頭肉中帶有嚼勁的筋肉，細味品嘗，爽與腍交替變化，十分合意的口感！叉燒帶少許焦香，叉燒汁鹹甜到位，豐富入味，套餐只有厚切四片，散點如果冇記錯是$198，唔知會唔會份量會多些。紅燒鮑翅自從大家崇尚環保之後，實在少主動食翅，不過我又並非太執着，隨緣吧。久違的足二両，傳統的味道，清而味濃的上湯，據說份量跟省點的一樣，的確是益街坊！

開咗幾十年嘅西苑酒家眾所周知，食嘅味道都係我哋小朋友時候的味道，廚房功力永遠保持水準，食材選了也是非常執着，價錢與功夫相比，老實說真係唔貴，今次冇叫佢哋嘅招牌湯：爵士湯😍下次你哋去的時候最好早一天訂

朋友帶我來西苑飲茶，我是第一次，他們則已經是常客了。這樣的話，當然有朋友發版，介紹我有什麼好吃吧！他們推介我一定要吃叉燒，還要選半肥瘦的，果然沒有推介錯！點上蜜汁，肥瘦平均。斑腩炒河也是一流的，斑腩是炸過的，咬下去啖啖肉，炸得酥脆，河粉也十分入味。蝦餃啖啖鮮蝦，牛肉腸也十分足料。再來個甜品，推薦綠豆味的，有蛋花，清新又清甜。午餐時段要訂位，十分爆滿，服務也很不錯呢。雖然價格偏貴，但質素有保證，可以再來。

公司中秋飯，由於戰鬥力弱，我打包左幾樣返去，食左成個weekend XD 唔好浪費麻~ 西苑叉燒出左名啦，可惜我唔好肉,但真係好林好好食既,但個5小碟裡面，我最鍾意都係菇菇XD 但都要加個pet唔知係XO醬定辣醬既物體~乳豬大到似小豬而唔係乳豬，但我唔明點解佢個包係咁既大細... 不過唔緊要，我重點係個包!個燕窩似粟米雞湯XO醬爆蝦球，個人黎講個XO醬好唔XO, 但有金華腿，蝦米仔咁... 東星斑蒸既時間岩岩好，但上菜有點hea, 有同事好快手咁開左條魚，大家食得巧思服菠蘿咕嚕肉，我覺得唔好食，但其他人覺得好好食，佢一放落黎... 我心諗咁既樣既... 食落... e... 醬油脆皮燒雞, 呢個就係我打包左，之後仲要分左兩餐食先食得哂，果然去到雞就食唔落XD清炒菜心遠，佢唔差，但賣相hea到一個點XD蝦子乾燒伊麵，有蝦子好香，無蝦子就差緊尐鮑汁荷葉飯好香好味，但可惜已唔多食得落剩下既甜品，我只食左碗出名既紅豆沙，佢真係起哂沙，又唔算好甜，只係我唔甜啫~

好朋友的生日，當然要搵最好的歺廳慶祝.愛吃中歺的生日寶寶，西苑當然係其中一個首選. 其實從舊鋪到現在已幫襯了很多年，食物味道仍然保持不錯. 爵士湯當然是首選，用蜜瓜煲花膠，響螺，雞等材料，每次必order.另外一個是叉燒也是必点，鬆軟有肉汁令人垂涎三尺.另外一個發現是重慶雞煲，沒有外面的死咸勁辣，只是雞肉比較少，但味道不錯.京都肉排也是不錯選擇，沒有太甜，肉汁正常. 而服務亦是一流的，不停自動換骨碟及添茶.是日8餸一湯都只不過消費$600元正，縂括來說是藉得再去的.

星期日中午一家8人一齊去銅鑼灣飲茶, 今次去利園商場一期的西苑, 我哋之前訂咗位, 所以唔使等. 以這個地點, 中上價錢, 枱擺得比較密, 不過銅鑼灣咁貴租, 都明白嘅. 侍應們服務都唔錯, 快手快腳, 但係實在不夠人手. 好啦, 講到食物, 不逐一講, 重點: 糖醋豬腳姜 $98 - 有兩隻蛋, 啲薑完全冇喳, 好正!蝦餃王 $68 - 收得這個價錢, 夠新鮮大隻.雪影叉燒餐包 $45 - 外脆內軟山竹牛肉球 $45 - 寫到明是100%純牛肉, 這個好! 例牌叉燒 $128 - 有八件, 出名當然唔差例湯 - 這個比較敗筆, 有好肥的燒肉去煲, 睇到都唔想飲! 我哋叫咗一個四人餐, 再加左一啲點心, 都食到好飽, 好滿足! 每人大概$160.

［openrice唔俾我post咁多相，請睇photos]糖醋豬腳薑（$98）好細煲，但係好好味，有兩隻蛋大哥叉燒（$128）果然係出名，好腍，肥瘦平均，但係好細碟。蠔皇叉燒包（$34）- 包好軟同埋幾多函西苑蝦餃（$68）雖然貴，但係每一粒都有唔少蝦，皮好薄👍🏻山竹牛肉球（100%純牛肉）（$46）- 較貴，味道唔錯懷舊馬拉糕（$38）- 好鬆軟可口上素蒸粉果（$38）- 皮好薄，多函雪影叉燒餐包（$46）包比較細，但係皮好薄好靚，有適量嘅函。四人精選午餐（$480）原煲老火湯（半煲）- 好清甜，但係豬肉好韌😓紅燒豆腐煲 - 又係好大煲，豆腐好滑薑蔥撈麵 - 好好味，第一次見酒樓有呢D餸🤔，又係好大碗香竽牛肉煲 - 第一次見咁樣嘅煮法，味道唔錯，好大煲😮果皮蒸海斑腩 - 滑，肉幾白，冇乜果皮味，個人較鍾意薑蔥撈麵 - 好好味，第一次見酒樓有呢D餸🤔，又係好大碗精美甜品（紅豆沙）- 有四碗，唔太結我覺得四人套餐幾抵食👍🏻單點點心就好貴，但係食物質素唔錯。真係唔夠侍應serve我哋😓我自己就唔會特登嚟食。

今日同家人黎食午飯，首先叫壺鐵觀音，一倒出黎好似普洱咁深色，飲落去都唔似鐵觀音味，開個茶壼睇下，啲茶葉好滿又浸到開晒，好明顯唔係新鮮冲，收咁嘅價錢俾啲咁嘅野人，離晒譜叫左8樣點心，等左20分鐘，追下個鮑汁鳳爪，個黑衫話賣晒，我話咁你唔通知聲嘅，佢居然話唔係佢落單，唔關佢事，即時叫佢打張單出黎，其餘7樣都有打單，包括xo醬腸粉，頭尾等左40分鐘，追佢，佢又先話賣晒，今次有打單都話賣晒？！點解又唔出聲？！服務態度差成咁，食到一肚氣