西苑酒家 (已搬遷) 新店位置

在富瑤「包脆清明鵝」宴上出現的燒鴨腳紮，是某日到西苑飲茶時發現的，問問老闆不如與富瑤的雞錢雞組合成經典粵式燒味雙拼吧，打過價又計算過富瑤那邊太空爐運作，應該可行的，就順利成章的成為是夜主角之一。鴨腳紮做法同得龍大同小異，然而賣相上，這裡是對半開刀的，鴨腳較現時出面吃到的內地米鴨厚身，是品種問題吧，滷得夠味，卷上調過味的鴨腸同鳳肝同大哥叉燒來吃，各款材料獨立調味，既有鳳肝的香潤亦有叉燒的油潤，用料很高級，鴨蹼肉厚亦好吃，如果好似蓮香居咁退埋骨，而蜜汁調度上做到得龍咁濃厚，就更有老香江風味了。每隻鴨腳紮賣五十元，唔平的，但本地肯做此品酒家不多，做得好吃的就更難得，除了得龍、除了益新外，好此道者西苑也是必然之選。

細佬又要準備過返去加拿大繼續讀書，臨走前我提議不如去食返餐，細佬同阿媽提議我食粵菜，我決定去試呢間 - 西苑 - 銅鑼灣利園二期 (即嘉蘭中心)，雖然呢間係第一次去，但佢有一間分店喺太古城，水準亦都有返咁上下。訂了7:30枱，但係我地只係過咗兩分鐘，佢地已經打電話嚟摧，原來佢地真係好多客，好旺場。知客比咗一張頗大嘅六人枱我地，但係一座低，佢地已經拿拿聲擺好餐具，仲好似想我地即刻決定點咩菜，不過我地當然唔會理會佢，雖然佢地個個伙記都好想我地快啲點菜。今晚有兩個四人嘅set menu，其中一個有我細佬好喜歡食嘅片皮鴨($788)，二話不說阿媽同阿爸已經決定要呢個，但係後來部長說餐入面嘅片皮鴨同埋另一個餸已經冇得供應....你話有冇搞錯，7:30已經賣哂，咁夠竟幾早嚟至有得食呢，淨係佢地跟本就唔想我地叫咁平嘅嘢呢.1. 西苑大哥义燒 > 賣相本來唔係好好，表面好似燒得過火，又冇咩肥肉，點知一咬落去就不得了，肉質鬆軟，少少脆面，夠蜜味，而且個師傅應該係考究過切嘅size，因為雖然係厚切，但係仍然係唔覺大舊，因為夠鬆，仲有"大哥义燒"呢個名係Registered添，真夠誇張2. 土伏苓五

其實呢餐飯都食咗有兩個幾月,不過懶惰的我無上來寫返個食評,好啦,今日的起個心肝寫返哂d食評先!!!!呢餐係朋友既生日飯,因為有男有女一行8,9個人,咁就選食中餐.是晚食咗7個菜,1甜品,共8款野因為朋友生日無理由"食7"架?好啦入正題先,且看以下介紹.1.大哥叉燒呢個叉燒一定要食,其實我之前已食過太古城個間西苑,個叉燒好得,所以今次點都要再叫來吃.原來個叉燒既名係注册咗個woo,真係唔睇過menu唔知囉.再講返個叉燒先,新鮮熱辣,肥瘦適中,蜜汁既味唔會搶哂肉味,你知一般燒臘鋪係整到成pat醬撻落d肉度,以求掩飾佢用冰鮮豬作材料.所以一定要食.2.薑蔥炒海參唔知大家會唔會同我諗既一樣呢,通常食海參係成條條上,仲一定mix埋d好juicy既汁.不過經過今次又有新睇法,原來海參都可以切片炒,仲可以唔洗咁多汁獻.如果鐘意食花膠呀,海參呀,就不妨一試.3.粉絲蟹煲係一個惹味既菜式,d粉絲混合咗蟹羔同黑椒既香味,香噴噴.但係我上次食過"漁喜"果個蟹煲就做得仲出色過佢.4.砵酒焗澳洲蠔我本人強列推介,個蠔大大隻,面頭有d酸酸甜甜既砵酒汁,再加上新鮮生菜同米通夾住黎食,簡直就只有一個字形容,"正".一

我好耐都沒有到過銅鑼灣飲茶了，這次媽咪帶我去依間酒樓話係食懷舊食物，咁一定去試下啦..!! 一去到見到豬潤腸粉... 我揾左好耐囉!! 仲有上湯粉菓，蛋煎糯米雞!! 真係好好味!! 見到隔離枱嗰個叉燒，厚厚的肉，真的好吸引，真係忍唔住叫左一份....!!食落口，肉厚，多汁，不過貴左d, 一碟成HKD 68.00服務上都算OK，我下午2點半到都等左一陣位，侍應好親切，不過因為要擺酒，所以唔坐得耐!!如果想去，飲早茶會好D。整體上都好好，不過真係貴左D, 我兩個人總共HKD 270，都係食點心，茶芥都HKD12/位。

薑餅人家族一行八人一起提早在星期五晚去吃團年飯， 薑餅人妹妹選了在西苑用膳， 怎知是夜服務太差， 令我們決定不會再來吃飯及取消原本已訂了初二來這裏的開年飯。雖然服務欠佳， 但食物質素其實不錯的， 真可惜。。。首先説説食物吧， 之後再略談可惡的服務態度吧！西苑大哥叉燒不愧為招牌菜， 肉質鬆軟， 蜜香色亮， 肥瘦相隔， 某些叉燒位更是由三粒肉組成， 我最愛是燒得略焦的叉燒頭。乳豬就相對地顯得普通， 不作詳評。蝦籽扒柚皮炆得入味不澀， 蝦籽汁濃香不膩。爵士湯入口鮮甜得有點過分， 湯料十足， 有蜜瓜， 花膠， 雞腳， 螺肉等， 真的想多喝一點。魚湯浸矮腳白菜清甜， 白菜煮得入味淋甜。另一味菜是啫啫唐生菜煲則惹味， 醬汁不過咸。西苑一品鍋有花膠，海參， 花菇， 鵝掌， 帶子和蝦球。 材料大體有分量， 但味道好像欠缺了些什麼似的， 未算有深刻印象。原叫了鹽焗雞，但是夜缺貨， 所以轉了荷葉蒸雞。 雞肉嫩滑彈牙， 有花雕香， 也有淡淡的荷葉清香， 配料有紅棗， 雲耳和臘腸。侍應推介炆斑翅， 便來一客吧！ 用火腩， 枝竹去炆， 斑肉不鞋不韌， 但最愛還是煙韌彈牙的厚魚皮啊！甜品要了雪山杏汁包， 熱

中學同學小型聚會，四個十年不見的女孩子，選了這家中式餐館開飯。 燒味雙併 (叉燒併燒腩)﹕燒腩是有層次的部份，皮也脆，本是不俗的。可惜遇上更強的伴侶，"西苑大哥叉燒"蜜汁味很香，而且內裡肉質嫩滑，很 juicy，差點停唔到口，絕對推介！ 爵士燉湯﹕不是爵士也能點的爵士燉湯，老實說，不知其名從何而來。材料有海底椰、螺頭等，可選半煲或一煲。我們本來問侍應半煲夠不夠四個人飲，侍應姨姨以極其誇張的表情回應﹕"梗係唔夠啦！"，於是我們點了一煲。後來獲通知只剩半煲，我們要了。上檯後，才發現原來半煲份量可分 7 - 8 碗 (如圖示的滿度)，回想之前侍應姨姨的誇張演譯法，唔...... 千頁豆腐﹕賣相不夠"千葉"，但也不必太計較吧?! 除了豆腐很滑之外，沒有什麼特別的評價了...... 啫啫唐生菜﹕水準之作，也算香口。以這個價錢，綜觀食品質素、環境、服務，可說相當合理。

已經唔係第一次喺呢度飲茶，但係多數會喺星期六十一點半左右，因為人少啲唔駛等位。佢哋啲點心水準穩定，通常會叫呢幾味：鮑汁鳳爪　（個汁好正但一定要熱食，如果唔係會漿埋一舊）蝦餃　（蝦好爽但無甜味）牛肉球　（若再鬆一啲會無咁硬口）燒賣　（穩定水準）芋角　（好正！炸得好鬆脆）燒腩仔　（啲皮好脆，但凍咗啲肉會變硬）蛋白杏仁茶　（必食，好正！）另外前日多叫咗一碟蟹肉炒新竹米粉，但頗貴，要＄１４８。不過炒功一流，啲米粉咁幼都可以炒到一條條而唔會秥埋一舊。我哋兩個人次次都食到超飽，以後會叫少兩碟，埋單計都成七百蚊，以一般飲茶嚟計真係好鬼貴，不過間唔中都ＯＫ啦！服務方面，因為人少既關係，都幾週到，但坐滿就會顯得人手不足喇。以咁既價錢都會激死嫁！

又係咁, 住銅鑼灣咁耐, 都係今日才上來幫襯!齋係銅鑼灣, 都不少餐廳我係未去過的, 我真的緲小啊...都係午餐和家人食飯, 飲茶啫.12點來到, 都好多人, 但妹已坐下了.點心叫了幾款, 媽要豬潤燒賣, 也叫了, 豬潤好味, 燒賣也不太肥, ok了...妹不太舒服, 叫了泥孟粥, 都ok.另有皮蛋瘦, 班腩, 或牛肉粥等.唔知道點解她要泥鯭?食左肚痛快d好?都幾足料架.媽又想食义燒飯, o岩啦, 一試 "大哥义燒" 啦.好快上, 係半肥瘦, 好蜜, 見相.一咬, 幾淋, 冇筋, 汁多, 甜咸剛好, 正!其他點心如牛肉球等也是ok 的.係蘿蔔糕size 細了點.服務ok.5人食了約六百, 略貴.

浪蕩 OR 多時, 不時見大小食友飯局的貼文, 一直希望參與其中; 無意中見到惡男公子牽頭搞一局西苑粵菜宴, 時間地點皆合, 即刻報名! 西苑乃小女子云云 wish list 食店中的一員, 尤其想試爵士湯和杏汁包, 但總是不敢去, 名人飯堂喎, 會不會很貴呢? 店員會不會白鴿眼呢? 兼且我第一次參加食友的聚會, 所以有點緊張的說...準八時到達, 筵開三席, 不少食友已就坐, 互相介紹之下, 終於得見好些久仰了的食友之真身! 有禮有禮...大家一面交流飲食心得, 吃著食友帶來的手信時, 一道道精美工夫粵菜陸續上埸!(打字打的慢, 詳細的描述交給妙筆生花的食友好了, 小的寫一寫自己的感受就好 )前菜:仁稔 - 第一次吃這種「鹹濕」涼果, 但原來入口有種甘甜的味道, 而且甚為多汁, 挺喜歡小吃：松露燒野菌 - 不大吃得出松露味, 但仍香口鮮嫩, 幾開胃的, 不過還有另幾款小吃, 它只好靠邊站喇 原本餐單上的「秘製金錢雞」因三聚氰胺影響沒得吃, 以招牌化皮乳豬代替 - 燒得皮脆而不太肥, 還有少少我喜歡的肉地...只是, 更好的還在後頭...燒鵝肝腸 - 不就是它了! 以鵝肝製成的膶腸

兩年多前KC在這裡設下三圍宴席，時隔兩個寒暑，故地重遊別有一番新感受。裝潢帶著「老上海」的古典氣派，包下廂房，三圍十四人大檯擺設好酒杯及靚碗碟，並預留了位置用作分湯、餸之用，不管是平民還是富豪名人，配置及環境亦一視同仁，很難得，而菜價及開瓶方面由師傅打點好了，大家帶來的聯合國佳釀可以盡情發揮！餐前佐膳小吃，不要炸花生、炸焦糖杏脯，以簡單開胃的小吃「仁稔」作序，五月至八月當造的果子，先以豉油浸熟並去掉瀝味，浸以蜜糖調味並起防腐之用，淡淡果香帶著爽甜口感，每次來也會吃個「碟碟」不休！日前TVB報導過後，是日西苑即見傳媒效應，店內每檯總有一碟招牌大哥叉燒，比較起乳豬及琵琶鴨，叉燒所需技巧遠不如前者，但見「大哥」呼聲不絕於耳，前後每檯追加兩碟，這裡的用料極佳，取豬脊的半肥瘦位置醃後「上皮」，掛爐燒焗．．．師兄問叉燒是煮後再燒麼？其實原理與海景軒的燒牛肋肉大同小異，靠烤爐對流傳熱慢慢地將叉燒焗熟，難得西苑火候拿捏得宜，令厚切叉燒般肉質保持鬆嫩豐腴，口味方面平宜近人，一碟不夠滿足食友強烈要求要追加．．．燒鵝肝腸不獨這裡專美，鏞記也有售，但師傅卻想到將汕頭鵝肝腸蒸後入爐烤焗，豬腸衣經烤焗後口感卜脆，

走了兩年的路後，腳步又再踏進西苑，一間數十年歷史的名人富豪飯堂，新紀元後，菜式還是老樣子地「老土」，鎮店名物大哥叉燒、琵琶鴨、爵士湯仍舊出色，也好，幾味「老土」傳統菜風味依然，值得再嚐，很多富豪就係咁一食就幾十年．．．隨口說了一些傳統菜，連皮牛尾、炆大虎斑尾做得來嗎？大廚張師傅笑言學師時的技術也要派上用場了，對啦，老派技術都給拿出來，飯局才夠精彩呢！最後的一次洽談，寫下了一個有趣菜單，菜式雖然吸引，但吃米知價，這個菜單連加一起碼要五千五元，他笑說想不到仍有後生一輩欣賞他入行時的老派口味，知音難求，就以成本價讓大家品嚐由上世紀積累下來的古法名菜，跟手就打了個電話叫供應商留下兩條近十斤重牛尾、兩條虎斑尾，寫下兩圍菜（後增至三圍），就這裡打開了別開生面的古法．名菜宴．．．銅鑼灣西苑酒家出席人數:40人價錢:$280/位小吃：松露燒野菌．大哥叉燒．燒鵝肝腸．招牌乳豬湯：馳名爵士湯（四至六人份量二百八十元）主菜：古法醬燒琵琶鴨（二百九十八元/四人用/預訂）紅酒燴連皮鮮牛尾（例約三百元/十天前預訂）古法炆老虎斑尾（約八百至壹千元/預訂）粵式枝竹扣羊腩荷塘芥藍炒肚尖（預訂）炒鴿鬆伴生菜包蟹粉扒豆腐魚

又是老朋友聚餐 , 朋友提議去西苑 , 原來之前和老闆來過一次 , 就是不記得個名 . 上次來可能人多 , 吃的款式也比較多 , 價錢也相對便宜 . 這次兩個人吃了差不多 $400 , 如果是晚餐也 ok , 不過 , lunch 就實在太貴 . 說就是這樣 , 味道又真的不錯 . 最喜歡那個用柚子皮煮的菜色 , 非常好吃 , 聽聞好像好多功夫 , 又要浸好久 , 之後又要揸乾水 , 如果不說 , 也不知是什麼來的 , 個汁好像滲入整個柚子皮 , 有機會真的要試下 , 朋友說不是常常有 . 小籠包是一籠籠單獨蒸的 , 皮又薄 , 吃的時候好多汁 , 好好味. 訂檯時 , 記得要求坐廳 , 坐房的服務員較少 , 好多時也要等 .

翻新後已有一段時間沒來西苑，聽說店方推出了三十日大乳鴨作的新菜式，就拉了摯友來試試。裝修後古典味尤勝從前，更貼合富豪飯堂風格，周末，九時許仍坐滿客人，幸好預早訂了位，由經理帶位入席，沒出亂子。問過店方乳鴨可作掛爐烤或琵琶乳鴨，無須諗，要了粵式叉烤的做法！要將烤叉稍作修改才能將三斤細鴨「叉」起烤燒，加上風乾上皮功序，是味要預訂的菜式。除了十年如一的傳統菜外，一些時令推廣也很吸引，然而兩人吃不得多，按原定行程品，嚐上湯花竹蝦及一人份的堂煎和牛。廣東的皮薄肉少乳鴨，由侍應端上來即席分鴨，收足視聽之效，亦特別吩咐連鴨尾的位置亦要留下，換上身位較細的鴨子，依舊做到皮脆而醬香入骨的效果，肉不如大鴨厚，皮卻燒得香脆，背位置皮連骨輕易嚼下，是棄肉而針對連骨吃的做法。自己最喜歡當然是皮脆骨軟的頸背位置，而連著肥脂的鴨尾，身邊人毫不客氣收下，然後是幸福滿足的瞇眼笑顏。居酒屋之局輕帶過的和牛故事，為她留了一份佐賀和牛，侍應端上來「驗明正身」後，以法國Stub平底鑊輕煎而成。二百八十元約八十克的和牛分小兩碟上，看樣子是煎得過火，表面變得焦燶乾化，手起刀落，肉芯呈微微的彈性，能輕易地細分起來，火候及肉質也是上佳

終於等到9月尾! 今日係和一大班同事一早約定的大日子，因為月初有同事熱烈推介這間酒家，聽聞頗有名氣，仲位於利園lee d名地! 所以真係滿心期待架!今晚點了很多味小菜，有驚喜的不多，質素只係普普通通。意外地，d碗碟都有d污糟......服務就幾好，尤其譚經理十分殷勤款待，很有賓至如歸的感受。

...very very very very sweet Cha siu. I've been to two of their other restaurants. This one has to be the worst.Come on, their "Cha Siu" is simply sweet. I mean, ok, a lot of Cha Siu have a sweet glaze but really, who eats Cha Siu for dessert?Point is, how does a restaurant gets so overrated just because some; "big brother" went and ate there, praising their foo(t)???!!!Please....enough said!