西沙茶座 (已結業)

之前去過都算ok ，上星期咪楂車去食，今次真失望，一坐低見餐牌加左價，仲有碟小食(稔o既花生魚仔) ，我地叫左半打沙爹串燒. 雞豬牛每樣兩串，咖哩牛腩，馬拉盞炒雜菜，薄餅，的送又細碟，一次差過一次！唔抵食！最後埋單$ 248 ！收得咁o既價都要比人食架！不敢再介紹俾朋友，三個字：冇下次！！！

之前，我一直都很喜歡這個茶座．勝在環境清幽，食物質素高．但是，這一次卻失望而回．我們照舊點了咖哩雞，炒貴勺，馬拉戔通菜，菠蘿焗飯．．．．．．食物的味道大不如前，沒有以前那種東南亞的風味．所以，以這個價錢吃這種質素的食物，不划算．

琴日去完白石釣魚, 諗住過隔離西沙坐下嘆杯下午茶,泊低架車過馬路, 已經有3-4個大漢走埋黎博命推介,見到有個好有誠意既,就揀左係度幾十年既西沙茶座坐低睇餐牌先知賴野, 所謂既下午茶餐最平都要50-60元1位, 1份主食加杯野飲, 迫不得已唯有3個人叫2個餐啦...我叫左1份羊肉包, 1個牛仔骨沙律, 份量少不特止, 重勁重味精....心諗雖然呢處係旅遊區,都唔使咁搵笨麻~~結果食2個下午茶餐,埋單要成140蚊...原來個牒餐前花生都要廿蚊,勁搵笨, 隔離幾檯客埋單都有唔少怨言, 原來好多單都計多數,唉!!!

14Sep2007 1200踩到入泥涌，想再下一城入西貢，但預定時間不容許我這樣做，於是在這裡回頭，順便食少少野後出番大埔。附近叫做有規模的除左向西貢一邊要落斜的及入村的茶記外，只有對面的泰國菜館，而他們也是剛剛開檔冇耐，大廚還未熱身。少少地叫了椰青及冬蔭公豬頸肉河粉。椰青不夠清甜及清涼，早知唔叫。廿分鐘後，河粉上到來。這裡的冬陰公係沒有椰汁在內，可以真正試到其味，味道酸酸甜甜，不太辣，聞及食落都幾香，沒有椰汁內而有這樣的水準，已經不錯，而河粉及豬頸肉份量恰到好處，成碗連湯差不多清袋，唯一要彈的等得比較耐，但都可以原諒。走時也有在附近工作的人特意來這裡開餐，唔駛望天打掛。

同朋友23号嚟, 可能d人做完節, 星期日都無咩人.大部份人都坐出面, 氣氛好d.有二人套餐, 友人話個餐嘅炒雜菜無咁好食, 於是叫咗:1) 蝦醬炒通菜: 真係好味喎!!2) 紅咖哩雞: 稀咗d, 都幾好3) 牛油薄餅: 脆,比想像中好味4) 蝦餅: 個人麻麻, 夠厚又熱都ok5) 冬陰公(小): 有個爐'興'住, 應該有五碗6) 串燒: 雞牛豬各兩串, 最差呢様, 燒得過火咗連埋兩罐coke light, 晚上又有live band, 無論人多人少都可以試下.

平日可泊車係門口,假日就要收$20一部車.亦可泊係對面馬路D錶位(都幾多位)呢度食泰菜,之前黎食過有任點任食.$148一位.夜晚10點半後只係$118.不過有幾何星期一至四等到10點半後先食飯呀!任食個餐牌上都幾多選擇,當然最貴o個o的唔會有任食啦.我地一行四個人兩部車泊係餐廳門口,今日星期五冇任食咪散叫囉.叫左冬陰功湯,柚子沙律,紅咖哩牛肉,雞牛串燒,細拼盤,馬拉通菜,再叫左o的烤餅.泰菜黎講都唔錯啦.個冬陰功夠味,唔太酸唔太辣.中間點火,可以keep住個湯夠熱.柚子沙律就酸酸甜甜有配D海鮮幾開胃.Good!價錢唔太平!不過食風味都唔錯架啦!

由於附近多車位所以我地一行20人去左呢到食晚飯,9點左右既星期六晚都唔算多人,食物味道都可以,但份量較少,適合情侶來食,環境都算唔錯,一陣陣秋風幾舒服!食泰國野都係九龍城抵食d!

夜深溜溜有車自然想四圍去馬鞍山想吃甜品西沙也是自然首選芒果雙色糯米龍眼冰甜品也算不錯兩個人吃剛剛好芒果也很甜糯米很多亦很好吃吹吹風看看電視又坐了一夜環境是好的但兩樣野埋單要一百蚊皆因那碗大大碗的花生魚仔駕車嘛也要有點代價的要吃這個環境下次吃飯才再來吧

今日係慶祝我生日所以車左我去哩間食,因為未食過唔知多唔多人就打電話去訂位,個姐姐好好禮貌話\"好呀,兩位,到時見啦,byebye\"就收左我線,但其實我未講邊位訂台...車去到原來佢\地有專用車場,有個人係專為泊車人士服務,心諗哩間野真係唔錯,直到坐低都覺得佢\地幾好~食完曬野叫佢\地上蛋糕(其實事先我係唔知到),點知....佢\居然拎住成盒蛋糕同果袋放紙碟膠袋一齊放上我地張台就行開左..呆左....最重要係佢\地夠膽收$45切餅......即刻由10分服務分跌到2分....平心而論,個view好好,加上今日凍凍地好正~野食都ok,我本身鐘意食泰國菜,反而其他細鋪可能仲好食...$292兩個抵唔抵食就見人見至喇....

尋晚同友人一齊去左西沙茶座係友人介紹第1次黎lei度個環境幾好呀~ 3大2小叫左1. 炒粉(味道ok ) 2. 雞牛串燒各半打(雞好味d 牛有d"un") 3. 咖哩牛腩(甜甜地唔太辣) 4. 炸蝦餅(配酸酸甜甜ge汁要趁熱食) 5. 香蔥燒餅蒜茸燒餅(2種都好好味) 6. 炒雜菜(幾香但我唔食得辣lei個小辣) 7. 椰青(雖然要$35個但好甜好好飲)食物ge味道ok 環境加分唔小熱ge日子可以叫佢收起把傘d 風吹埋黎仲舒服~服務都幾好成日幫我地加水一叫即到走個陣仲好有禮咁講bye bye不過個2個唱歌ge人的確有d似呃飯食~

椰青一個竟收35大元, 抵食. 星洲炒貴刁味道very good.

一個天氣好好的下午，我與朋友一行4行去了踏單車，由沙田踩至烏溪沙的白石，之後在西沙茶座吃午餐！我們叫了印度烤餅，蝦醬炒飯、星洲炒貴刁、印式羊脾、小食拼盤等等！樣樣都超正！個環境又好relax！更多相片請參考：http://hk.myblog.yahoo.com/samuel-cheung/article?mid=727&fid=25

薑餅人駕車到西沙食泰菜brunch, 叫左:1.細拼盤–有魚餅, 蝦餅和荷葉雞. 蝦餅厚但是太爽, 魚餅偏油, 荷葉雞醃得入味但偏乾.2.海鮮湯河–有squid, shrimp and mussel, 河粉粗身但唔滑.3.lime soda for 薑餅人.Waitress 幾有禮.

相信已有兩三年沒有到西沙茶座.早幾天適逢有人駕車,於是便一行人前往西沙茶座. 清涼的天氣實在為環境加分. 我們是光顧晚飯,應有超過一半坐了人. 食物的種類頗多,就連中式也有, 但這卻令人覺得似在燒臘茶餐廳,樣樣有d.這裡的食物價錢頗相宜,但飲品的價錢意外地高昂,椰青一個竟收35大元. 說回食物,一般泰國菜色都有,而且味道也可,但卻談不上頂瓜瓜.總的來說,如果住在附近或有駕車的話則一去無妨, 但如要長途跋涉前往則要三思.

新鮮熱辣,昨晚初試,環境不錯,有菲律賓歌手兩名自彈自唱,巡迴點唱,每檯兩首.檯與檯之間頗貼,幸好是露天位,雖然全程聽見鄰檯所有對話,但也不是十分煩擾.食物方面,泰菜可以不作考慮之列,點了一位用冬陰功, 平生第一次嘗試甜的冬陰功,三隻蝦是雪藏貨,幾爽口但蝦味欠奉, 另點炭燒豬頸肉, 亦都是甜的, 若然閉上眼試食, 我一定猜是叉燒, 再來是香葉肉碎炒飯, 餐牌上標明為三隻辣椒, 完全尋找不到其蹤影, 另肉碎也一起出走, 只剩下頗油的”麻包袋米”煮成的飯及經過走油處理的香葉(只見其形而不嘗其味).印度烤餅即叫即做,水準不俗, 追加一份, 另點的印度咖喱羊肉, 忘記看辣椒指數, 為正常咖哩, 即正常份量, 正常附送兩三件薯仔(本人食咖哩的至愛), 薯仔入味, 羊肉頗”淋”, 有羊肉應有的羶味, 水準之作. 另加啤酒兩枝. 泊車費20 元.