影片
以上资料只供参考，请与餐厅确认详情
「西沙茶座」对我来说从来都只是一个浪漫的传说！以前总觉得要有个心仪的男生开车带我去先算圆满…🤣时至今日学会开车乱逛，花多眼乱的选择中，早就遗忘了这个大家口中的老地方。下午茶时间，经过西沙，饿鬼呼召，方圆几里内的选择不多，西贡市中心好似有点远；马鞍山闻名的美食沙漠，清一色连锁品牌…见到「西沙茶座」依然稳坐榜首，又有车位！我决定「一个人浪漫」！我知！我知！好多人狠狠地评价大不如前，三𩠌饭质素…但我真系好想试🤣结果一去到见到的确伶丁！😳午餐有一半都系类似茶餐厅烧味饭的东东…得一两个称得上泰菜的肉碎炒饭同白咖喱…我认我今次大胆左少少…🙃结果我好稳阵地拣左个陀地之选「乳猪烧鹅饭」，叫的时候，老板娘话个鹅系琵琶鹅，会比较靭，建议海南鸡。结果…我知！老板娘话海南鸡好食啲嘛！🤣黎到的确有啲惊喜！好耐无见过咁足料的碟头饭！乳猪应该唔系BB猪，最多俾佢叫小学猪🐷《味道》小学猪同琵琶鹅的皮系绝对烧得松脆！乳猪：介乎乳猪同烧肉中间的质感😎，确实出面又未食过㖞～值得一试琵琶鹅：肉质会比较烟靭，始终不容易整，中规中矩，个酱捞饭几好。不明所以系点解会无乳猪酱，俾左个辣椒油同甜酸酱？！食得出系自家制有惊喜，不过无个乳猪酱唔系好够圆满😝《价格》我知你地个个话呢间偏贵！咁lunch 黎讲，$75 一碟有乳猪、有鹅，出面最少要$90-$140/碟；仲有无限例汤㖞～价钱其实好合理🥸**听到老板娘同客人讲「净饮唔叫嘢食都得架」，已经系无价。呢种直率热情的餐厅真系买少见少！—————泰菜未正式试到，叫个碟头饭一个人浪漫，中午坐得舒服又无人赶，听下啲蝉演奏，都系一种幸福！
继续阅读
今次我嚟到西沙茶座，打算叹个不一样的晚餐。首先，炸虾饼外脆内软，唔够「爽口」但劲够虾味。菠萝焗饭，丰富嘅腰果跟腊肠嘅香气，真系夹得好沟，入口即化嘅热辣辣糯米饭同超甜嘅芒果，当正！香叶炒猪碎肉，鲜嫩肉碎包在脆生菜入面，味道够晒清新喺口面爆发。再嚟个鱼露生虾，慢慢把呢啲新鲜虾肉配上最啱食嘅鱼露，再嚟个微辣刺激，正！北印度咖哩羊肉呢，正所谓辣得过瘾，羊肉嫩滑，饱满嘅咖哩汁流啲过瘾。至于饮品，椰青真系清甜得嚟重解渴，士多啤梨奶昔味道平衡得好好，冇得输！整体嚟讲，西沙茶座嘅泰印料理有惊喜，舒适嘅环境加埋款款美食，真系令人开怀！跟朋友来个开怀畅聚，定同家人享受一个惬意晚餐，都算系Top选择，随便啲都会想再黎！👌🍍🌶️
继续阅读
即叫即烧脆皮乳猪、即叫即烧脆皮烧鸡、即叫即烧又腍又香嘅叉烧，烧味三宝无得顶！好有诚意，无谂过送嘅烧乳猪同烧鸡，冇揸流摊之外，仲咁优质🤩明炉乌头🐟坚有明火烧住上枱，淡淡青柠，突出咗乌头鱼肉嘅鲜甜，仲好细心咁配埋个上汤，唔怕烧烧下烧干水😊印度烤饼：今次试咗牛油烤饼、蒜蓉烤饼、香蕉烤饼，有人爱香蕉烤饼，又有人爱蒜蓉烤饼，我就钟意牛油烤饼，烤得啱啱好，饼底脆、饼面既烟韧又软熟😎大虾炒饭嘅鲜虾又大又爽、炒饭粒粒干身唔油👍🏻海鲜芋头炒饭嘅芋头唔会太腍，好香好味😋马拉盏炒椰菜苗好甜好香、唔油唔腻😊马拉盏炒通菜又甜又爽，冇渣好味🤤泰式甜品拼盘又系送嘅，有斑兰椰汁糕、芒果糯米饭、椰汁西米糕、蛋花大菜糕，唔太甜，恰到好处😃🥳即刻又约定再去食先得！
继续阅读
疫情前经常帮衬西沙茶座，突然想再嚟帮衬，但各方面已大不如前。 露天茶座景观已今时不同往日，餐厅外的西沙整有道路工程多时当然比以前更多沙尘飘扬，露天坐位当然不建议，吸烟人士不介意除外。食物质素亦差了很多，不知是否与餐厅主事人转了和厨师转了有关，餐牌上写的椰青焗饭原来不是焗饭，只是将啲饭整熟后放入椰青内，一位餐厅内的主事人知道后亦承认没有焗只是放入椰青壳内，咁点解餐牌的中英文都是写焗呢，餐饮的芋头焗饭又不是焗饭吗？其他食物质素亦不太好，不知是否与较少顾客帮衬有关。价钱已偏贵，综合各方面原因，想不到下次再光顾的原因。再想想，怪不得假日只见三四枱食客，港人北上热潮不是没原因。
继续阅读
今天我们一行八人在西贡企岭下附近远足，有人建议去西贡近泥涌的「西沙茶座」午膳。以前曾经光顾这间餐厅，觉得周围环境不错，颇有外国风情feel! 于是大家就决定去这𥚃。这次发现𥚃面已重新装修，感觉环境比以前舒适多了，也有户外露天座位，而菜式也有所增加，主打仍然是印度泰国菜为主，现在加了烧腊及煲仔饭等香港人喜欢的菜式。原来餐厅换了主持人！今天抱着尝试的心情点了：即烧乳猪（刚巧有现卖，需预订)，烧鹅，叉烧，泰式串烧，生菜包，腊味煲仔饭，椰子炖鸡汤等等！有惊喜！ 所有的食物都非常有水准，特别是即烧乳猪及烧鹅，味道超赞，大家大快朵颐畅快地享受了一顿美味和丰富的午餐！我下次一定会带朋友再来分享美味，这𥚃菜式价钱及水准都超值，值得推荐！另外值得表扬是店内所有的服务员（侍应）都非常专业介绍莱式及态度亲切，让我们有宾至如归的感觉。
继续阅读