西沙茶座 (已結業)

住係沙田咁耐, 我是從未去過西沙茶座食飯. 早前好開心首次去食晚飯. 這裡的情調不錯~西沙茶座是食印泰菜.坐低後, 先奉上小食一碟.今次我地點了印式蒜茸烤餅, , 馬拉盞炒雜菜, 蝦醬炒飯.豬和雞沙嗲串燒每款各三串, 豬和雞串肉質唔會過乾, 幾嫩滑, 味道調教得不錯, 想更惹味可以再點上附上的醬.印式蒜茸烤餅一上枱已經聞到好香的蒜茸, 而且仲熱辣辣. 就咁食已經好好味.蝦醬炒飯, 又是較濃味的食物, 飯炒得幾乾身, 每粒飯都分開, 唔會痴埋痴埋, 幾有口感, 稍為嫌不夠蝦醬味, 再多一點會更好味.食了肉類菜式, 也要點一碟菜中和下, 我地點了馬拉盞炒雜菜, 有微微的辣, 幾醒胃, 好啱依加悶熱的天氣食.一邊食, 一邊傾計, 又無人趕, 真係幾寫意.

到訪馬山探朋友，因在馬山無乜特別吸引的食肆，好友提議到附近的西沙茶座享用晚膳。餐廳對開空地可供泊車，亦可到對面馬路街錶泊車，地點方便駕駛人士。餐廳正門椰林樹影燈飾閃閃，帶有熱帶風情。柚子沙律：沙律較濕身，水份略多，柚子清甜清新。白雲鳳爪：酸爽辣開胃菜。燒豬頸肉：味道一般，口感較實。炸蝦餅：香口彈牙度中規中矩。冬蔭公湯：湯料足，酸辣點到即止夠惹味。海南雞：雞香足，滑度稍遜。明爐烏頭：魚肉都算甜嫩，但因要求走辣關係少了一份搶口。咖哩蟹及咖哩炒蜆：咖哩不辣帶甜，香度合預期，配上烤餅更易品嚐醬汁味道。紅蟹都算大隻，味道普通，肉質不夠結實。炒蜆中規中矩。葱蒜烤餅、香蕉烤餅及牛油烤餅：款式多，脆香美味，空口吃或配上咖哩吃皆宜。馬拉盞通菜：夠惹味。椰菜苗：不夠嫩。菠蘿炒飯：菠蘿、肉鬆、臘腸及腰果皆是個人喜愛之選，成品當然合心。椰青：清甜可口。

難得一日relax⋯就去左西貢放風箏,baby見黎開呢度 好心帶我黎。佢忘年覺得好食茶座,開頭仲以為茶餐廳^_^黎到之後先知道系泰國野🙀🙀點左個白咖喱and 薄餅 感覺味道一般般 仲有個豬頸肉 都ok 個人唔鍾意肥肉、唔會太肥另外仲有芒果糯米飯  呢個系唯一贊ge d芒果幾新鮮 幾甜 值得推介 有歌聽 有燈飾睇 幾浪漫 不過就唔符合實際 哈哈

    聖誕大餐選了這間餐廳主要是因為這裏的氣氛和情調, 這是父母後生時拍拖的地點, 滿載他們的回憶, 所以今件聖誕我book了這間餐廳給他們一個驚喜.     我們6點入座, 選了露天, 可能因為還早, 只得我們一枱, 上菜速度亦有效率, 員工有禮熱情, 值得一讚, 菠蘿炒飯比起出面其他著名的泰菜館更有水準, 可惜的是咖哩海鮮只有小蝦小青口數隻, 而且咖哩亦做得十分普通, 串燒亦平平無奇, 與街邊小食串燒差不多水準, 但菠蘿炒飯卻為整體加了不少分, 總體算ok, 合格的一餐 !! 但價錢訪面真係算貴, 叫做買氣氛, 食物就不值了...

以前曾常到西沙這店，當時幾個朋友都有車，輪著開車入去，但自從醉駕問題之後，大家都避免開車食晚飯，所以就少到了；今晚適逢肥妹老豆開夜車，就五人一狗齊來懷緬一番。訂了位準時到達，坐下後先要了飲品，我例牌更了一杯紅酒，肥妹老豆因為要駕車，非常羡慕我可以飲酒，待應在一旁聽到我們的對話，就推薦了他們入了的一款無酒精啤酒，真是為客人着想，起碼可以止下心癮，大家又食得開心。泰式海南雞，完全拆骨，入口有雞味，唯一是欠缺油飯供應，雞肉香甜有噬口，雞皮香爽，嫩滑可口，算是做到泰式海南雞的水準。咸魚椰菜苗，咸魚味不夠香，但菜苗入口卻過咸，尚好是菜苗還算幼嫩，入口尚算爽口，有菜的鮮味。冬蔭公，味度濃郁，用料充足又豐富，入口辣酸程度均重，嗜辣和重口味者—定喜歡，用的蝦也很大隻，入口彈牙，很新鮮。菠蘿焗飯，飯底夠乾身，除混入了傳統的肉鬆、腰果和提子外，還加入了小量的腊腸片，令整個飯添上了新意，入口充滿正宗泰菜的甜酸口味，風味十足。泰式拼盆，包含有：蝦餅，蝦膠打得夠，炸得香脆，入口彈牙，蘸酸甜汁十分惹味；魚餅，半煎炸形式做得一般，入口過淋，魚肉有點削；串燒雞，燒得略為過火，入口有點鞋，欠雞味，有點失望；串燒牛，燒得

今日...我同我朋友終於嚟咗呢間...我哋講咗好耐嘅茶座...每次揸車經過都話要嚟試...今日終於心血來潮咁去咗呢個地方...估唔到原來係食泰&印菜...仲有免費泊車...又有人幫我哋泊車...不過我哋揀咗個好近Live Band嘅位...啲音樂大聲得濟...我哋傾偈要好大聲...我哋點咗泰式豬頸肉&鹹魚炒芥蘭&蝦醬炒飯&蝦球炒粉絲...我哋最鍾意都係鹹魚炒芥蘭！好味！最冇食淨太多嘅餸...佢個鹹魚炒芥蘭個味啱啱好！佢炒到啲芥蘭有鹹魚同菜味...我哋會為呢個餸再到訪...佢大部分嘅餸都好好食...個泰式豬頸肉唔點個酸汁會好味啲...有幾粒鮮菠蘿做伴菜...個鮮菠蘿一啲都唔酸！仲好甜！個蝦球炒粉絲雖然係辣嘅...但對於唔太食得辣野嘅我都接受到...個蝦醬炒飯嘅味道亦啱啱好！值得再嚟...亦值得推介...

到了肥仔黨首領的家探望他剛出生的女兒。兩家人歡聚胡扯攪笑一番過後，最後一行人便浩浩蕩蕩的殺進在他家附近的西沙茶座，吃一頓泰國菜....一直也聽過這裡的名字，搭車路過亦有數不清的那麼多次，但總是與這茶座緣慳一面。今一趟卒之有機會來嚐一嚐了....聽首領說一到週末日這兒人流便多得插針也插不入，如不訂座是絕對要向隅的。幸好老友今天早有準備，老早已打了電話留了個室內有空調的卡座.....外頭有liveband在演奏，怪不得有不少專程而來的老外捧場。而我們呢，主要是為了傾偈及食一頓飯而已，有沒有liveband倒是沒太大所謂....每檯都擺有一小碟小吃，裡頭有花生、米通以及少許鹹魚仔。花生咬落爽脆；米通相反較淰而且沒甚味道；鹹魚仔有點"透了風"變得濕硬，這自然就不會怎麼好吃了....點菜的重任當然就落在小弟身上，點的大多是一些很大路的泰國嘢 (而事實這裡也沒有甚麼有特色的東西可叫) :雜錦拼盤整體內裡的食物水平只是一般 ---- 香葉包雞的肉是嚡過鞋底又沒味；三款肉的串燒每件都是大大件，當中以雞最對路，肉質是最嫩。可惜的是用來醮沙嗲的醬的味道未夠香濃而且最重要是少了增添咬口的花生粒；魚餅不夠彈牙

難得放假入西貢釣魚,次次 經過都想一試,今次終於有機會啦,有時間坐下.中午有FREE PARKING的,我們把車放好, 就入去了.原來入面係咁架!不過我預計D食品偏貴,原來係偏.......貴,呢個河粉要$68呢個波羅焗飯要$97沒有料, 只有肉鬆和2粒波羅, 少少臘肉.個冬蔭功湯湯好好味, 雞都好滑, $68元都還可以.不過波羅焗飯要$97,平時呢個質素最多值38元, 好似賣名氣多D, 但這兒裝修好一般.

我相信係我罼生以來食過最難食同騙遊客的泰國餐。 同女朋友去食個下茶，叫了個抄貴勺($58)同海鮮湯($89)，個D粉係碎晒而無鑊氣，而且係無香味同淡口，可以稱得上係極品。個所謂既海鮮湯，D蝦係淡口既FREEZE蝦，加D椰菜同打邊爐既魷魚，又係無味，而且係無色彩。最慘係結脤加D前菜費再加一($192)落樓，呢個地方好多人黎，佢地一連三間鋪都係佢地唔同名，冇COMPETITON，為何食物質素可以差成這樣? 遊客區你收貴我無話可說，好食可以補番，不過味道既差劣真係罼生難忘，如果你要同客又或女朋友黎食，佢地一定記得你

經過中午不好食的一餐 , 而老公友人都推介此餐廳是晚我地就去食啦~其實如果講靚我又會覺錦上路那間較正 , 不過就多左個海風我地叫左:冬陰功湯($128 OR $138)----唔夠辣,酸味剛好, 但D 蝦唔新鮮....霉的....蒜蓉薄餅($36~38)---個底好"濃" , 唔太好食芝士薄餅($36~38)------這個OK , 不過成$40 得4小塊印尼咖哩雞 ($7X)---好細份....唔特別...又唔辣又唔係甜, D雞好鞋木瓜辣沙律 --- 成晚最唔好食串燒6串---我記得牛肉好酸, 好似壞左味道 , 其他唔錯蟹肉炒飯---幾好食~椰青---朋友話似椰子了由於價錢大部份去左環境, 因為食物未至於好食都記得份量偏少 , 但味精應該唔少, 回家後好口渴(仲有...可唔可以TELL ME不批的原因?)

無目地的駛進這茶座, 意想不到的是原來這裡是吃泰式及印度食品的, 哈哈.. 雖然一心想吃個西茶, 但車已被職員泊了, 唯有就範吧非常鬆脆的蝦餅, 裡面竟然不結實, 鬆軟的, 味道不錯, 加上泰雞醬, 一絕呢!看見這碟炒粉, 白淡色, 味道不濃, 差不多完全聞不到應有的香, 吃下原來是星州炒粉, 很馬虎的一碟炒粉 有點兒不知所謂職員友善, 樂於協助, 加分!

We Went for mid-autumn dinner and not really enjoyed the food. We two ordered pineapple curry prawn, satay and naan. The curry prawn was blank, no taste at all, the curry had so much msg that kept me very thirsty, the naan bread was greasy.This restaurant was over-priced and they even charged you $3 for tissue, no napkin provided. Fir this value, we deserved a better meal.

今日傍晚同爸媽去清水灣吹吹風坐坐沙灘看看書。離開沙灘爸就提議去西貢附近間泰式餐廳食晚飯。本身落車有點擔心沒位。不過駕車俾泊車哥哥駛左，唯有入去博博等到位啦。其實企係等位區有點混亂，唔知邊個hawaii衫人係負責帶位。個個都好似忙住上菜。。。不過好好彩爸好快搵到個帶位，問我地介唔介意坐出面，唔介意就即刻有檯。今晚天氣都算爽，所以al fresco都ok啦。今晚三個人叫左五樣野：咖哩炒蟹燒豬頸肉牛肉咖哩角馬拉盞通菜 (no pic, sorry)比起其他菜式，尼個比較普通。仲有個馬拉盞有d硬。蒜蓉烤餅 (no pic, sorry) 個烤餅烤得外脆內軟，熱辣辣，又香口。不過當時我已經落手食緊咖哩點住醬送烤餅，所以無手影相，哈哈尼度唯一唔好就係無車就唔多方便。

款式少之又少之餘又不好食，串燒雞及豬，不是燒是炸熟的而且炸至乾爭爭，難以入口。炸魚餅是炸得幾香，但得過"咸＂字，難食。春卷像是油浸，紅咖喱雞及咖喱牛腩完全沒有味道。干炒肉片河炒得像油浸。香葉雞一點味都沒有，像是烚熟似的肉質很霉。香茅雞翼只有表面黄色，裡面一點味亦沒有，豬頸肉像是無味豬肉乾。最後我從沒食過這樣難食的烤餅。還有88元一位，2位即是176加一後即是194，但還要收14元枱面碟花生費，非常搵笨。

第4次來到西沙 , 前幾次既食物 , 味道都ma ma 地 , 但依然喜歡佢既環境夠自在夠舒適 , 今日太熱 , 只叫左生蝦 , curry 高華豬肉 , 印度烤餅 & 馬拉盞炒通菜 , 男友話 : 都係呢間既生蝦整得最合格 , 冇雪味同"聲"味 , 個汁亦教得唔錯 , 如果可以挑走左條蝦腸先上菜就最好 =.='' 呢個spicy curry 高華豬肉係之前試曬佢地咁多currry 入面最ok , 最似樣既 , 差d嘖火 , 配個椰青飲用 , 中和返先得 , 烤餅簿身又脆 , 唔會好粉又有烤香味 , 配個咁 spicy 既 curry 汁係天生一對地好味 , 忍唔住叫多一客 馬拉盞炒通菜唔知點解冇馬拉盞炒 ? 而且偏 sweet , 總括而言 , 比起前幾次既食物水準有 ↑ , 下次都會再黎