蠔站 (黃金廣場)

营业中

休息中

想食蠔，又唔想去酒店自助餐，所以揀咗一間專食蠔既。店員都好有心介紹，所以叫咗個有唔同國家試既蠔，另外都有$10一隻蠔。我哋仲叫咗個軟殼蟹意粉，煮得唔錯呀！又彈牙，又香口，煮得比想像中好。10月又有任飲優惠，吸引下次再嚟試，聽店員講每次$10蠔都係唔同地方。所以每次都會有驚喜，鍾意食蠔，真係要黎試下！貴價蠔，當然會有一定質素，有重海水，亦會有肉滿滿既質素，而且10蚊蠔都比酒店好，如果鍾意食蠔，真心可以幫襯下，包你有驚喜！

今日同兩小朋友去吃午餐, order 三碟意粉,發現份量少得可怕,味道過鹹,三個人吃三個order意粉和頭盤蟹肉沙律總價貴又唔飽,而且其中兩碟白汁意粉非常鹹.我兒子和我太肚餓無同餐廳中途反映意見,大家硬食,唯有叫多杯水吞下去！以$160-180/一碟午餐意粉份量咁少,味道這麼極端,可令我哋非常失望！不会再來！！

一諗起食生蠔一定係去#OysterStation ，佢哋主打食唔同種類嘅生蠔，而最平既生蠔只係$10一隻，仲要全日供應，就算係最平嘅款式質素都唔差，性價比超高‼️每次都最少叫半打起跳🙈-🍖蒜香BBQ豬肋骨($268)而呢度除咗主打食生蠔之外，仲有各式各樣嘅西餐，我哋就叫咗呢個烤豬肋骨，豬肋骨黎到份量十足，肉質烤得啱啱好唔會鞋口，配埋濃郁嘅醬非常惹味🤤🦐🍝冬陰功海鮮扁意粉($158)呢個意粉每啖都食到好多海鮮，包括有大蝦、魷魚、蜆肉同青口，用料豐富又新鮮！酸酸辣辣既冬陰功味令到海鮮嘅味道更加出，出奇地超好味！極度推介👍🏻

今日即興想食蠔～嗱嗱聲奔咗去銅鑼灣蠔站先叫咗兩打$10蠔止止咳先……（因為真係忍口太耐喇😝）$10蠔海水味較重，帶出鮮味，但今晚就偏瘦啲啲。不過我個老佛爺勁讚，話好耐未食過呢種感覺🤓跟住再嚟多6隻貴價蠔（共3款）因為我叫店員推介😂所以佢解釋完我都係唔記得咗係咩🤣🤣但係要比個👍👍👍3款各有千秋，鮮甜嘅有、creamer滑溜嘅有、蠔味重嘅都有😋😋另外叫咗兩款主食黃金軟殼蟹🦀扁意粉🍝🍄黑松露野菌意大利飯🍛呢兩款款味道都好好，唯一爭啲嘅係軟殼蟹嘅粉漿較厚咗少少🤏不過不得不表揚嘅係嗰度嘅經理超細心，見我推住bb車重係初生b，主動比我哋坐房，等我哋可以食得舒服啲（5大1b),話怕驚坐廳較嘈會嚇親bb,呢點做得非常好👍因爲又方便到我呢個母乳媽媽可以同bb一齊開餐，我又唔使怕尷尬🥰🥰真係不枉我山長水遠奔出去銅鑼灣食蠔🤪

Oyster Station最近有個生蠔優惠，$120有六隻生蠔。最近我有個朋友生日，佢好鍾意食生蠔，所以帶左朋友去Oyster Station🥳餐廳環境好大，燈光偏暗，幾有氣氛。- 冬蔭功海鮮天使麵冬蔭功味好濃郁，味道唔算太辣。天使麵口感幼滑，而且幾掛汁，加上青椒、煙肉碎，口感好豐富。海鮮方面有青口、蝦同魷魚，海鮮索晒冬陰功汁非常惹味👍🏻- 碳燒西班牙極黑豬豬鞍扒好厚身，入口嫩滑，散發淡淡既碳燒香氣，不過豬鞍扒內味中等，點埋醬汁就啱啱好。配料有薯蓉，口感香滑，仲有粟米同翠肉瓜。- 愛爾蘭生蠔Dooriel生蠔唔算大隻，口感肥美鮮甜，海水味中等。$120有六隻真係好抵🤤- 炸薯條幼身薯條份量多，入口熱辣辣，香脆不太油膩。- 凍咖啡Set lunch仲附送飲品，呢杯凍咖啡好大杯。整體而言，生蠔好新鮮，其他主菜包括豬鞍扒同意粉都好出色，希望係我朋友離開香港之前可以再同佢食多次Oyster Station😢

$10 一隻生蠔,真係$10.一隻生蠔，比這一個廣告吸引着，今日一於和朋友來嘗試一下.餐廳環境十分舒適，光猛明亮，午餐時段還有set lunch 提供.這個$10.一隻的生蠔性價比十分之高，吃得出生蠔的鮮味，此外也充滿了淡淡的海水味，一定是必叫之選.另外焗生蠔也只是100元4隻，生蠔配上煙肉也是最佳的配搭，加上餐廳自家製的醬汁，令到鮮味提升了不少.這個冬陰功Pizza十分之有特色，外皮十分之香脆.至於這個沙律正好為多天來肉食食清一清腸胃.

去銅鑼灣跟朋友見面，想在港鐵站附近食個午餐，在網上看到有間生蠔專門店，又有其他西餐選擇，就直接入座。 位於港鐵上的黃金廣場，全座大廈有不少餐廳，而這間生蠔專門店是佔全層，所以空間很大，座位闊落又坐得舒服，以藍色海洋主題設計，牆身用深色木板，很像在船上用餐一樣。 餐牌除了幾款生蠔，也有意粉，Pizza，扒類等等，今天跟朋友就點了兩款主菜，加6隻特價生蠔，悠閒地渡過了下午的時光！ 辣肉腸Pizza $178厚身的芝士，拉絲口感，中層有很多辣肉腸，配上茄醬和芝士，口感十分豐富，而且pizza餅底不算厚身，反而有脆邊感覺，整體很滿足，唔會太肥膩或太飽滯。 是日指定生蠔 $10/隻今日生蠔是法國生蠔，性價比很高，因為$10而質素不錯，有較濃的海水味，而唔會太腥太鹹，加少少檸檬味，鮮味十足。 卡邦尼扁意粉 $128意粉份量蛋，醬汁用芝士和蛋黃汁煮成的，食落creamy而順滑，有不少豬腩肉條，帶出少少油脂，令到口感更豐富，配上香草簡單調味，很搭配。

餐廳店如其名 主打多國生蠔🦪近來推出的生蠔優惠可以半價享用來自八國的生蠔 包括法國 西班牙 澳洲 韓國 愛爾蘭 蘇格蘭等地 生蠔品種多樣 新鮮即開 最喜愛法國生蠔 海水味重且豐盈飽滿 入口的瞬間 頭腦裡就是一片幸福的空白🤤.除了生蠔外 這裡的主食質素也不錯 適逢星期二 點了當日Special menu內的西班牙燒乳豬 🍖燒後的乳豬皮脆肉香 仍保留肉汁 乳豬雖有少許多餘脂防 不過肥膩感不重 另外的墨西哥辣椒牛肉丸相當濃郁惹味 咬下去汁香誘人 微辣的肉汁慢慢散發 越吃越滋味😋.▪️八國生蠔拼盤 | $199 (星期二三供應)▪️西班牙燒乳豬 | $308 (星期二三供應)▪️墨西哥辣椒意式牛肉丸 | $108

今日朋友介紹左一間性價比好高食蠔餐廳。平時食蠔一係去酒店， 一係要買回來自己開， 一係就好貴，呢間Oyster Station居然可以有10/隻的特價生蠔!!!! 仲要每日也不同款, 性價比極高!⭐ Oyster (Carlingford 愛爾蘭)$10/pieces 我們二人叫左半打試下，$10一隻, 先係＄６０！真係好抵食！今日係Carlingford 愛爾蘭生蠔~一上生蠔，擺碟好好，有茄汁和鮮檸檬作為配料。比我想像中大隻，肉位置有手掌心咁大，食落好勁新鮮，愛爾蘭海水味比較濃郁。加少少茄汁就會更好味！ 我們好快就食完，決定再追加半打！⭐$120精選生蠔拼盤3🦪🦪🦪 Korea Gold 3🦪🦪🦪Scotland 由於我們太愛食生蠔，我們決定試下當日其他產地精選。店員同我們去蠔吧好細心甘介紹比我們聽每個產地有咩特色。有korea, Japan , USA , Scotland etc.最後，我們食左Korea同Scotland ， 我朋友勁喜歡Korea，更大隻同海水味無甘重，較鮮甜。不過每個人的口味都不一樣，蠔友可以食下佢其他國家入口嘅生蠔！⭐法式煎鵝肝$158前菜一流，本身鵝肝嘅

以前食開大角咀嗰間，今次試一試銅鑼灣這間。一樣蠔嘅質素10蚊一定係物有所值，每次一個朋友都會吃一打。其他食物都極力推介尤其是豬手，皮脆肉香😍一試難忘。仲有心太軟都特別好味，平時唔食甜㗎我都忍唔住食多幾啖，好少心太軟會咁外脆內軟，極力推介

銅鑼灣黃金廣場樓上，地方又闊落，又有新鮮法國生蠔。出開去行街都值得一試！話明oyster station,一聽就知道係蠔吧，頭盤就先試佢半打生蠔，有海水味，又新鮮！仲做緊優惠，60蚊半打！生蠔方面，除左做緊優惠既蠔，仲有香港人都好鐘意既gillardeau等等既款， 仲要銅鑼灣核心地點。真心性價比一流！最緊要新鮮！三文魚凱撒沙律，煙三文魚分量絕對唔少，配上清新既凱撒沙律，開胃！黃金軟殼蟹扁意粉，鐘意重口味既朋友就呢個一定要黎試試佢。鹹蛋黃加穌炸軟殼蟹，啲蟹膏仲夾住係中間，果種咬落去之後個味道係口裡面湧出來，我返到屋企都仲記得佢。

同朋友行行街諗起上次搵到呢間銅鑼灣食蠔極平嘅餐廳，今日決定去翻踔！港島區，銅鑼灣核心位置，都可以有$10一隻生蠔真係好難得。同埋睇過佢啲set lunch都唔貴，所以今次決定唔叫a la carte.一開頭梗係叫半打生蠔止吓癮先啦！！！水準keep到，鮮甜，厚肉！$10一隻無得輸！！我地分別叫左個豬扒煎蛋飯同紐西蘭肉眼扒～個餐包沙律同餐湯。加幾蚊就有埋咖啡或茶，幾抵食！先講個豬扒飯，幾脆口，啲肉都幾嫩幾滑。份量十足，淨係食完塊豬扒都飽左七成，好彩飯唔多～岩岩好食得晒！我朋友叫左肉眼扒，佢係配翠玉瓜嘅。好厚嘅扒，佢叫左五成熟，冇筋，成熟度good，同埋啲肉汁都鎖得住。我試左舊，真係幾重牛味！最後我地加左個crème brûlée share食，跟餐$38一個，唔貴呀！質素唔差，焦糖燒得好靚～食左咁多野先至$200蚊人頭，好滿足！！

今日同朋友去咗銅鑼灣行街經過呢間oyster station度食個午餐 午餐時間嚟到 餐廳唔太多人 環境夠曬闊落 坐得超舒服叫咗半打特價生蠔 雖然價錢平但質素一啲都唔曳 味道新鮮 海水味唔太濃郁 隻隻都飽滿 鮮甜美式炸魚薯條 炸魚有兩大舊 外面脆卜卜入面非常嫩滑 薯條同樣炸得香脆 配埋特色嘅酸瓜沙律醬 好豐富呀鵝肝醬煙鴨胸pizza上面有滿滿嘅芝士 鵝肝醬味道唔太濃 食落唔漏 煙鴨胸肥瘦適中 餅底香脆 成個配搭有特色 味道唔錯最後加錢仲可以食埋芝士蛋糕 芝士味濃郁 口感creamy

放假同朋友打算食tea，天氣熱，食生蠔都係一個唔錯嘅選擇。之前食過oyster station，好唔錯，今日又嚟幫襯。當然要叫抵食之選，$10一隻生蠔，今期做緊愛爾蘭品種，雖然細細隻，但肉身都好厚，爽口同好新鮮，勁抵食之後再叫左一份薯條，新鮮炸，好好食！餐廳仲有好多唔同菜式選擇，之前食過意粉同pizza，都好唔錯。由於今日食tea，就唔叫主食。餐廳環境好，又乾淨，同埋地方闊落，又冇限時，可以同朋友慢慢傾計，坐得舒服，自然食得開心。

***蠔站 Oyster station***5級評分好味😋😋😋😋😋回頭 🤩🤩🤩🤩🤩性價比 💯💯💯💯💯蠔站坐落喺銅鑼灣最靚嘅位置，食物水準高，性價比又高，絕對值得一去！生蠔4隻，每隻都係$10雞！好抵食！香蒜辣椒欖油寬意粉，已經係第二次係食，水準依然咁高，個意粉底炒得夠爽身加埋啲辣又夠辣，簡單得來好食性價比超高！墨西哥辣椒意式牛肉丸，粒粒都勁大粒勁抵食，啲辣汁都好勁後勁，值得推介👍🏻👍🏻