蠔站 (黃金廣場)

营业中

休息中

已經黎過幾次一想食蠔就會上黎今晚都唔例外想食蠔去蠔站一入到去有一位男員工招呼問我地有冇係OpenRice訂枱我地話冇（其實每次都係walk in）咁我地問佢係咪OR訂會平啲之後就有另一個女店員話唔好OR即訂叫我地做會員 會平啲仲送甜品比我地食😂原來佢枱上有個qr code做會員 全線用得佢會比OR訂枱再平10%！即係OR 8折佢就7折我地個日去係星期六會員係有9折（當然唔計$10蠔）但menu食物& drinks都有原來入要仲有兩間private room(可打通）$6000 以上消費就可以訂多人聚會 今下酒食下蠔都係個唔錯選擇💯

第二次去呢間今次同朋友叫左兩打$10蠔每人食一打蠔好正今次同上次一樣都係法國🇫🇷蠔 但比上次好食每隻蠔比上次厚身海水味跟濃但今次開蠔麻麻食到有啲碎而第一打上既時候有一隻睇落壞左佢都好好係第二打幫我地換過隻最好係個auntie既服務兩次去都一樣咁好會因為佢下次再幫襯👍🏻

去過oyster station樂富和尖沙咀店好多好多次，都係keep到食物質素之餘，仲係正常上菜速度。第一次光顧銅鑼灣分店，真係跌晒眼鏡，正常二人食一餐，竟然食左2小時半。只係食左24隻蠔同兩碟熟食。同法國大餐有得揮真係’岀色’ ！如果要談心談到打烊，呢間餐廳好合適。真係唔肚餓都 等到肚餓到癲左呀！！！唔知點解可以耐到咁。。。。。話想取消又話整緊。。。。但都再一等再等。。。一拖再拖。。。。。。好差！銅鑼灣分店！

蠔怪有福🥰🥰十蚊蠔 仲要任叫😍😍又唔差 真會encore見佢星期二三仲有oyster nightPackage有幾款蠔連埋酒好似$199熱食就一般9點45去店入面唔多人其他層樓好多都9:30 last order…呢間算開得夜聽講5點半前仲有折

較早前去過尖沙咀諾士佛臺，雖然位置方面，但坐得唔舒服，冷氣直吹頭頂，轉位都冇用，只怕驚吹你唔走...🤕今次試下銅鑼灣依間，閒日放假book定位，中午時間去到，現場都冇咩人，小貓三四枱🐈‍⬛女侍應安排坐了𥦬口位，現場環境感覺好舒服🫠先唔講食物！其實最值得一讚係服務態度，店內女侍應生非常有禮貌，非常有耐心，相比其他一D高級西餐廳都未必做到！👍👩‍💼新鮮即開生蠔，生蠔配白酒，非常美味，最後叫左打半，正👍😋食完生蠔，之後叫左塊3成既肉眼扒，點知來到...😑唉！煎到變左7成😒，件扒幾靚都冇用，比你煎成咁，真係無言...總括來講，環境舒服，女侍應好有禮貌，生蠔新鮮即開，其他熟食質量唔清楚，可能佢叫蠔吧既關係🤔都係一處平日偷閒吹水好地方！

店名: 蠔站地址: 尖沙咀諾士佛臺1號7樓尖沙咀站B1出口，行5分鐘環境: 3.5/5價錢:4.5/5味道: 4/5一直去啲西餐廳食蠔都唔平，而呢間出名有十蚊一隻嘅生蠔🦪另設銅鑼灣，荃灣，天后，大角咀，將軍澳，土瓜灣，樂富分店指定生蠔🦪$10@1隻佢所有分店全日供應🤪生蠔食落味道正常，有少少海水味，唔算好細隻，食落都新鮮唔會有種臭左嘅腥味就算係十蚊一隻，質素都唔會話太差👍🏻🤩#stitchfoodie尖沙咀

情人節晚上7點去一間餐廳名叫”蠔站”，坐低叫焗蠔無焗蠔，叫肉眼扒無肉眼扒，叫生蝦無生蝦。身邊幾枱叫嘢食，不停聽到啲待應話呢樣無，果樣無。西冷牛扒一半都係筋，凍檸茶有怪味。重要節日咁多嘢無，講緊我地都唔夜去，又無提早同客人溝通，又唔出套餐。淨係識打電話黎確認訂位。有問題又唔講。令我同女朋友勁掃興！ 這次的經歷讓我非常失望，我不會再去這家餐廳了。做嘢懶得就懶，就係喜慶節日推啲平時唔好賣嘅。完全唔使理你客人嘅感受！價錢仲無任何優惠。真係當啲客豬咁對待！呼籲大家做節千奇唔好去！

今日朋友生日飯選擇Oyster Station.點了刺身拼盤$428，刺身整體新鮮，軟殻蟹意粉$158，美味，Pizza $168就一般皮有啲硬，芝士拼盤$188，我不是太識欣賞，炸薯條$68 正常送啤酒，德國豬手$288 ，一般有啲位置好硬，自家製焗蟹餅$138 ，美味好多蟹肉甜味蠔$10-60左右，指定$10的蠔，不算肥美可以過下口癮，性價比算好好，已其他的要睇店員介紹，當日店員好好介紹了不同的蠔都好美味，還叫了Horgaarden ，但第一次那些可能已到底味道變了，好彩一同店員講佢一試即換，都算好好服務。回味指數⭐️⭐️⭐️⭐️價錢⭐️⭐️⭐️服務⭐️⭐️⭐️⭐️衛生⭐️⭐️⭐️⭐️

約咗個好朋友銅鑼灣食晚飯，朋友話呢間食蠔超抵，食物質素又不錯，亦很有氣氛，岩晒姊妹黎傾下心事👭▪️八國聯軍生蠔拼盤🦪$398重點有一半係矜貴嘅金箔生蠔，肉質口感一流，很新鮮！▪️酥皮波士頓龍蝦意粉🦞$268▪️炭燒美國CAB肉眼扒🥩12oz $398▪️黑松露野菌忌廉湯 $78▪️白桃乳酸梳打$48▪️鮮青檸檬梳打$48◻️蠔站 (黃金廣場) (銅鑼灣)📍銅鑼灣銅鑼灣軒尼詩道502號黃金廣場9樓

〖 Oyster Station 🦪 銅鑼灣 〗NEXT STATION: OYSTER！😍 有無生蠔控一食就要食一打生蠔？Oyster Station絕對滿足到你 仲可以一次過食哂八國生蠔簡真係蠔痴必到勝地呀！ 【八國聯軍生蠔拼盤 ($398) 】 一次過嘆哂法國、美國、澳洲、 西班牙、愛爾蘭、蘇格蘭、韓國、日本肥美生蠔！ 重點係有矜貴著名金箔生蠔Ostra Regal Gold！貴為法國No. 1生蠔肉質零舍肥美甘甜中帶海水味層次豐富簡稱係蠔痴夢寐以求嘅盛宴呀！ 【生蠔拼盤 ($60) 】如果食完仲未夠喉的話仲可以加$10一隻嘅生蠔 咁嘅價錢真係啪一打都唔會肉赤呀！生蠔當然無八國聯軍咁肥美但依然非常新鮮富海水咸香！ 【酥皮波士頓龍蝦意粉 ($268) 】滿足完蠔癮之後叫番啲Carbs先酥皮波士頓龍蝦賣相比想像中靚黃金酥皮圍住波士頓龍蝦頭 波士頓龍蝦肉質果然彈牙幼身意粉完全索晒龍蝦精華！ 【黃金軟殼蟹天使麵 ($158) 】大大隻金黃色軟殼蟹非常足料最有驚喜係黃金醬汁好濃蛋黃香每條天使麵都掛住香濃醬汁真係一啖接一啖停唔到！ ================

銅鑼灣樓上有氣氛蠔吧🤍-🦪指定生蠔($10/隻)見到$10一隻咁抵食，所以我哋叫咗10隻🫡啲蠔肉唔算好肥美，不過完全唔會腥，而且冇沙，味道都唔錯，以呢個價錢嚟講真係幾抵食🫶🏻🐽蒜香BBQ豬肋骨 ($288)肉質唔會太淋，口感幾好，而且啲肉唔會柴，食落幾香幾入味🙉另外有比BBQ醬，點完之後BBQ味會更加濃🥰啲薯角好脆，擺耐少少再食都一樣咁脆😋伴碟仲有黑醋沙律，調味一樣都係啱啱好，食落幾清新😚🍹巨峰提子梳打 ($38)甜度適中，飲落好清爽，而且巨風提子味都幾濃，而且份量都算幾大杯!!餐廳嘅氣氛幾chill，食物嘅價錢幾抵，質素幾高，而且生蠔選擇都有好多，鍾意食蠔嘅朋友快啲同三五知己一齊嚟試下🥂另外佢哋嘅員工服務態度都幾友善，整體來講用餐體驗唔錯~味道 8.5/10服務 8.5/10環境 8.5/10回頭率8.5/10總評 8.5/10😙🤍人均消費 $240💰-📍 蠔站銅鑼灣銅鑼灣軒尼詩道502號黃金廣場9樓(其他分店:荃灣楊屋道1號荃新天地一期上層地下UG41號舖尖沙咀諾士佛臺1號7樓天后木星街9號永昇中心地下3及5號舖將軍澳唐德街9號將軍澳中心1樓163B舖大角咀詩歌舞街83號亮賢居地下

聖誕前夕，係依度食聖誕大餐，依度好多高級嘅食材，有啲要早啲電話預訂，好似有加拿大板膽，其他想食嘅都可以提早問吓店員。周圍嘅環境唔算有太大既氣氛，但服務尚算可以，但發現有好多食物都冇貨，例如聖子刺身，龍蝦刺身等。刺身拼盤 $428本身個刺身拼盤有螺、蝦、赤貝、扇貝同蟶子刺身，但蟶子刺身冇貨，刺身水平好似普通放題水準，唔算10分新鮮，完全唔值個價錢。生蠔拼盤 $199生蠔拼盤可加錢換一隻法國Gillardeau生蠔，生蠔來自12個國家，蠔嘅水準都麻麻，唯一一個加錢嘅法國生蠔海水味都重，而且鮮甜，建議可直接order法國gillardeau生蠔。另外，生蠔拼盤亦有一杯紅酒或白酒供應。加拿大版膽 $498依個要預先打電話訂，個海膽有種甘苦味，而且佢嘅顏色亦不吸引，紫菜就係好似韓國買返嚟有鹽嘅紫菜。我覺得可以唔使再食。美國頂級肉眼扒 $468牛排肉味濃，亦有油脂香，略嫌脂肪較多，但整體來說多OK。法式焦糖燉蛋伴雪糕 $88上面焦糖脆脆的，但以呢個價錢亦都可以喺其他甜品舖食到可能更好嘅水準。心太軟 $98心太軟外面冇脆脆的，而且蛋糕部份比較多留心部份比較，水準一般。總括來說，應該唔會再去呢間店舖。

想講這間好有潛質生蠔係真係$10元一隻，好抵食（不過出產地冇得揀，除非品味要求高，否則都ok嘅）🦪唔食生蠔可以食煱蠔，有4款topping，不用等太耐🦪其於的食物有分pizza、意粉同扒類，質素好均真。

今日嚟到銅鑼灣試一下呢間西餐廳。呢間餐廳唔同日子有唔同嘅優惠，今次叫咗半打$10生蠔同埋兩個意粉同朋友分享。半打法國生蠔(Fine de Claire) - HKD 60 (10@) - 都幾大隻，提供檸檬同埋蕃茄醬配搭，一開始咩都唔放覺得唔係好新鮮，我建議放一啲檸檬同埋蕃茄醬會好啲。黃金軟殼蟹天使麵 HKD 158 - 賣相唔錯，打卡之選! 先食炸黃金軟殼蟹，都幾香脆，有一啲鹹蛋黃嘅味道，天使麵充滿鹹蛋黃嘅油香，我覺得呢個遠勝生蠔！推介之選。冬陰功海鮮扁意粉 HKD 158 - 一開始覺得好鹹，同侍應講咗佢都即刻唔好意思再煮番一碟俾我哋，服務幾好。偏甜嘅冬陰功有一d辣，都幾惹味，意粉有咬口唔錯。傳統英式茶 HKD 48 - 茶杯同埋茶壺好有英式下午茶嘅感覺。

好耐冇食生蠔今晚就同朋友去間蠔吧享受下，首先必點係佢呢到好出名既十蚊隻正宗法國生蠔Fine de Claire，性價比超級高！海水味濃郁同時食到蠔汁既鮮甜，基本上都唔洗檸檬汁同茄汁，直接享受原味仲正！🫶主菜大力推薦卡邦尼長通粉，我想講完全係喜出望外，卡邦尼醬調配得啱啱好，夠creamy同heavy，真.鮮蛋黃混合一齊，超多芝士同煙肉，煙肉煎過煙燻味強，真係好好食，我同朋友食第一啖已經超驚喜，不約而同對望話好耐冇食過咁出色嘅卡邦尼，推薦長通粉，因為裏面可以留住啲醬汁更好食！🤤另一個主菜我哋揀左海鮮薄餅，又一道要讚既菜式，即叫即焗，薄皮香脆，最正係佢非常足料，有魷魚，蜆肉，蝦等等，海鮮同茄汁底完美配合，口感同味道一流！🤤