蠔站 (荃新天地)

营业中

休息中

經朋友介紹依度d生蠔🦪又抵又好食又見佢係荃灣有分店 所以黎試下點知真係好抵！10蚊隻咋 好癲呀！質素仲要唔差雖然細細隻 但肉質鮮甜 性價比極高真係自己一個食都食到一打叫左芒果牛油果🥑大蝦🍤沙律🥗芒果好甜呀！最怕食到好酸既芒果🥭🥲軟殼蟹黃金扁意粉🍝個意粉係有蛋黃味裏邊仲有三色椒🫑覺得好好味呢個提子梳打好似提子糖咁甜得來又唔會好漏呢個手撕豚肉Pizza必食！好鍾意呢一款薄批好似餅乾咁既上面嗰醬汁加埋肉鬆好夾

同朋友喺荃新天地行完街，下午有啲肚餓，即刻睇吓邊度有得食下午茶，見到呢間餐廳做緊生蠔優惠，只係$10一隻，就俾佢吸引咗。因為係下午時段，餐廳未見好多人，但地方好大，而且都好乾淨。要指定嘅法國生蠔先有優惠，唔好睇佢細細隻，但都好香甜、爽口，用黎做下午茶就岩岩好！仲嗌左一個石燒套餐，蒜片牛柳粒 （220g ）$118，跟前菜、白飯、麵豉湯同餐飲。牛柳粒份量都幾多，好鍾意用熱石板，自己鍾意煎幾成熟都得，同埋可以熱辣辣即刻食！另外，仲叫左小食，炸啤酒味薯條 $58，新鮮炸出嚟嘅薯條係最好食，配埋啤酒就一流。

今日喺荃灣荃新天地行街，經過呢間餐廳，見到有得食10蚊一隻生蠔，一向我都係生蠔控嘅我，緊係要去試吓啦。入面裝修好有海洋feel,而且坐得好舒服。10蚊隻咁平，我就要咗一打生蠔，上枱時，一大盤，生蠔size都唔細，食落勁新鮮，非常鮮甜，唔使點任何醬料都完全唔腥，10蚊隻真係非常抵食。石燒美國USDA CAB三角肌，上枱果時咋咋聲，生熟程度自己可以控制，又可以過吓整野食癮，牛排都幾厚，食落好juicy,好重牛味，個set仲有沙律，麵豉湯同白飯,98蚊都幾抵。香辣炸雞翼，外皮都炸得好脆，入面唔會炸到好乾，辣辣地幾惹味。白桃乳酸梳打＆荔枝乳酸梳打，夏日炎炎，最好就係飲返杯梳打，酸酸甜甜，好香生果味，解渴一流。

近期都很流行食生蠔，而說到食生蠔就想起Oyster Station 這一間有提供生蠔的餐廳。而且餐廳近期還做十蚊一隻蠔這個特價優惠，所以決定去試一試。首先我們點了12隻十蚊蠔，和兩隻日本Miyagi 蠔。雖然十蚊一隻蠔非常便宜，但是吃下去的水準也非常高，新鮮有蠔味也有淡淡的海水味，而且蠔生也很飽滿多肉, 這一個價錢絕對是超高的性價比。另外兩隻日本Miyagi蠔, 價格相對會貴一些，但是蠔也比較大，蠔肉更加飽滿，吃下去同樣非常之新鮮，而這一隻蠔還多了一種奶香味，和少少甜味，也很值得推介！另外前菜還點了蟹肉牛油果沙律, 新鮮的蟹肉搭配上牛油果和酸味十足的番茄沙律，整個配搭十分之新鮮和刺激味蕾，蟹肉的鮮甜味搭上番茄的酸味，令人一直很想吃下去，是一道很不錯很開胃的前菜！主菜點了黑松露野菌意大利飯和蒜蓉包。黑松露野菌意大利飯用料十足，除了很多的野菌之外，餐廳也落足重本放了很多黑松露醬，令到整個意大利飯還未吃就已經能夠聞到非常濃烈的黑松露香味，吃下去更加不用說，黑松露的香氣在整個口腔內散發，而且意大利飯烹調的熟度剛剛好不會太硬也不會太淋，是很正宗的意大利飯！最後就是簡單的蒜蓉包，牛油加上蒜蓉揸在法

10蚊1隻法國🇫🇷蠔！無錯，今日愛玩小生收到朋友的通知，立即Book 枱去呢間 餐廳食蠔呀！.餐廳位於荃灣CityWalk 1期，位置都有少少難找，不過餐廳不算太大，而且平日都幾多食客，好在留咗位，不同等呀！.愛玩小生跟朋友點了一打12隻$10生蠔，當日正是法國生蠔！.生蠔擺盤夠霸氣，雖然不夠酒店自助餐般的大隻，但一分錢一分貨，都有半隻手掌大呀！.生蠔顏色偏沉，但並非不新鮮，入口超滑，有爽口的口感，帶點海鮮咸味，不過，重點不腥，算抵食呀！.餐廳主打肉排，不過我們選擇吃意粉和Pizza，份量剛好，特別推介的是 Four Cheese Pizza，很易入口，芝士味不會過濃，也不會太油膩，脆皮餅底，可以一食！.📍Oyster Station 荃灣荃灣楊屋道1號荃新天地一期上層地下UG41號舖.#讓生活多一點歡樂

有一段時間唔記得左呢間餐廳平時多數去大角咀食不過果邊難啲搵到位泊車所以就不如搵商場舖喇呢間分店…你話好多人咩 又唔係 但冇坐滿但係啲員工就🙃🙂 好難搵囉 我個位已經係路邊野食質素…都一般整體黎講 大角咀一定優勝好多蠔$10隻 細細隻 不過性價比係ok 算係好食添然後叫左個Rib eye可以既 正常水準另外就叫左個黑松露野菌意大利飯唔好食呀可能係份量太多而啲汁又冇冇左意大利飯濕濕地果種感覺然後就叫左兩個甜品好後悔叫甜品仲要叫左兩個 貴 + 唔好食 佢地唔識整個心太軟 係。硬既 連個心都係硬仲要雪糕球都冇另外個係cream brulee 喂其實你冇雪糕 都應該出句聲丫 但冇囉 冇通知兩碟野上果陣 個樣一啲都唔吸引 求其比幾粒水果當補數呀 整體 間野除左蠔 唔洗食其他啦 其他野 一般/ 好麻麻下 服務又冇

朋友推介我黎試，佢話哩度既蠔平得黎幾好，行完一陣街黎食番餐dinner先。除左生蠔主打之外，都仲有好多意粉飯等，價錢ok。$10隻新鮮生蠔賣相靚仔喎，唔係$10就將貨就貨，幾大隻呀，即刻打個卡先。新鮮呀！夾埋咸海水，正呀，有諗過叫多打🤣黃金軟殼蟹扁意粉 $138落左咸蛋黃去炒個意粉，好味，軟殼蟹炸到金黃色，香脆唔油，哩個值得黎試。黑松露野菌意大利飯 $108意大利飯有咬口，煮法幾正宗，黑松露幾香，有幾多既菇，面頭既麵包烘下會更好。黎到已經俾哩張poster吸引住！

收工去了荃灣搵閨蜜開餐。在荃新天地的oyster station book了位。餐廳裝潢充滿加勒比海風情的海洋風情，予人輕鬆自如的感覺。點了以下:頭盤來了一打10蚊1Carlingford生蠔。雖然10隻每隻大細不一，但蠔身算是飽滿。以一打10蚊一隻來說，入口清甜，帶微微海水味，可謂非常抵食。柏士圖虎蝦意大利飯 虎蝦煎得蝦殼好脆，蝦身微微焦香，啖啖蝦肉配搭粒粒飽滿的意大利飯令人意猶未盡。墨西哥辣椒意式牛肉丸 牛肉粒粒都充滿辣椒青椒洋蔥香味。

生蠔（一打）（$120）美國USDA CAD 肉眼扒12安士（$348）.10蚊一隻蠔真係非常抵食，呢隻南非蠔細細隻，新鮮又肥美，海水味重，味道鮮甜，十蚊呢個質素實在抵食！平靚正！無其他限制，推介大家前往大口大口食蠔😍😍😍 另外主食試左佢地嘅美國USDA CAD 肉眼扒，一塊都有12oz, 本來叫咗medium rare, 但黎到發現太生連切都有困難，餐廳願意幫忙處理，服務很好，但翻煎實會影響牛扒嘅味道，所以未能客觀評論，另外佢配菜有瓜有薯蓉，叫一個加埋蠔都足夠兩人食用。

好耐沒見朋友相約到荃灣區行下食午飯,來相聚相聚一番。就是這poster 就吸引我們來這店來食。***餐廳地方寬敞裝潢具有西方牛仔風格,好RELAX好有情調。**兩人不話二說點一打【是日生蠔】 $10/隻是日生蠔就是South Africa Saldanha Bay這南非的Saldanha Bay生蠔10元隻,超抵食！想不到每隻不是太細,有淡淡海水味, 爽口厚肉口感,簡直鮮甜肥美,清甜得來似青瓜味,入口後滿滿生蠔鮮甜味！食完一輪, 我地再落多次一打生蠔,再回味無窮。**另外我們點了一款午餐F餐share食  這午餐有包有餐湯,餐飲及甜品是日餐湯是羅宋湯,湯有口感,酸甜味道不錯。還有竹炭麵包口感鬆軟。*【炭燒紐西蘭肉眼10安士配薯菜燒汁】 $168點了五成熟, 大大件又啖啖肉眼牛扒,肉味香濃而鬆嫩,還有淡淡炭燒香味,沾上紅酒燒汁很配合,伴上薯蓉,沙律菜及脆肉瓜。**餐飲 巨峰提子梳打  另加$10 巨峰提子梳打甜甜好飲又冰凍解渴。

話說我同我朋友都係非常鍾意食蠔 見到呢一間蠔站做緊一個長期都有嘅promotion $10 一隻生蠔 就算嗌足一打都只係$120 -✨$10推廣生蠔 ($120/1打）超級抵食 係足一打都係$120 carlingford 味道鮮甜 好有礦物味 -✨焗蠔（$138/6隻）見到呢度有好多種唔同味道嘅焗號可以選擇 而我就選擇左三款-黑松露野菌忌廉汁焗蠔幾特別嘅一個配搭 入口好濃郁嘅感覺 可惜個人覺得黑松露忌廉汁掩蓋左本身生蠔嘅鮮味 -芝士菠菜忌廉汁焗蠔芝士菠菜令到焗蠔味道濃郁之餘仲有少許清新嘅味道 都唔錯-蒜蓉蔥花焗蠔係味道最衝擊嘅嗰一種焗蠔 蒜蓉同埋蔥花刺激嘅味道 令到蠔味更上一層樓-✨鹹蛋黃軟殼蟹闊條麵軟殼蟹炸得外脆內院金黃色 咬入口好有鮮味 炸相當唔錯 鹹蛋黃令到成個意粉更添風味 -✨單骨炸雞翼炸雞翼我最鍾意食 鮮嫩炸雞翼 拆開左做單骨 特別好味😛😛

今日行荃新天地，順便食埋野，見到呢間蠔站門口有廣告寫住 $10/ 隻 蠔都幾抵食，而且環境都唔錯，所以就決定試下啦首先就當然叫返一打生蠔，真係幾有驚喜，估唔到個生蠔都幾飽滿厚肉同埋幾鮮甜10蚊一隻黎講算係性價比高另外仲叫左赤貝刺身，原隻上，都幾鮮味！另外叫左個雜菌黑松露意大利飯，黑松露味幾香幾濃，賣相都唔錯！飲品就叫左個Cider，打卡岩哂！整體黎講性價比都幾高，鍾意食蠔既朋友就可以黎開大餐食返夠本啦！

周末假期，黎左荃灣蠔站分店嘆個lunch$10/蠔做左甘多年推廣依然無加價賣緊$10，好值得支持。午餐已包湯、麵包、餐飲點了兩客午餐，再加一打$10生蠔凍檸茶+$0巨峰乳酸梳打+$10Lunch b 烤春雞 $78燒得都幾惹味，唔乾柴。美國豬肉眼配薯菜 $118豬肉眼切開有成個5蚊銀甘厚，的確有驚喜。肉質夠保濕唔乾柴。今日$10特價蠔係South Africa 嘅Namibia蠔🦪唔算好大隻，勝在蠔肉都幾creamy, 蠔邊都幾爽。

不嬲去過呢間蠔站好多次，不過多數都係去大角咀或者尖沙咀，啱啱先發現原來荃灣都有一間，仲要咁方便，咁今個星期五放工就去試吓啦。蠔站最出名嘅就梗係佢哋嘅$10蠔啦，第一次食之前其實覺得有啲驚，咁平會唔會好細隻或者好難食，不過試過嘅都知，雖然平但係佢嘅質素係非常好，所以次次我都起碼一人食一打先走㗎。今次仲叫咗三文魚刺身，估唔到佢除咗生蠔出色之外，啲刺身都好出色，佢同平時啲平價三文魚唔同，感覺比較厚身同埋肥美啲。朋友揀咗呢個炸啤酒薯條，佢話佢唔係太鍾意食生冷野，咁就叫一個小食啦。呢個薯條雖然食到冇乜啤酒味，但係唔知點解比其他薯條特別脆，會唔會係因為浸完啤酒之後炸嘅效果呢。呢個冬陰功意粉真係十分驚喜，估唔到呢度嘅ming course都做得咁好。佢食落真係好有冬陰功味，兩樣加埋竟然好夾，而且個意粉仲有好多海鮮，一啲都唔孤寒啊。呢間蠔站又平又抵食，而且仲周圍都有分店添，希望佢開多幾間啦。

荃新天地其實係一個幾唔錯既地方, 在荃灣地鐵站行天橋過來, 不會好天曬落雨淋, 商場都比較具規模, 幾好行聽朋友講這裡有間餐廳做緊 $10/隻生蠔, 超平呀! 夏日炎炎忍不住過來品嚐一下餐廳有sofa 位,坐椅舒適寬敞生蠔 $10/隻 我們先來一盤法國生蠔– Mauger , 肉味鮮甜同有金屬的回甘味! 蠔肉富光澤, 海水味滴中, 用來配 Chardonnay 一流而且餐廳的生蠔優惠很寬鬆, 可以加單再叫香炸魷魚條 ($88)魷魚比想像中大碟而且新鮮, 外而鬆脆, 內裡嫩滑彈牙, 明顯魷魚仍是十分新鮮迷迭香燒春雞 ($228)一大隻雞我覺得portion 要比我想像中大, 而且雞肉不肥, 皮脆香口就是雞肉感覺有點不太夠味, 可能要加點醬on side. 配菜因為已經烤焗過, 感覺香口健康, 而且份量亦多, 2 個人先可以食得晒 Apple Cider ($38)這個價錢堂食飲Apple cider 真的性價比很高! 我很喜歡果味種的 Apple cider, 有酒香又有蘋果味, 唔覺唔覺很快飲完一杯