蠔站 (荃新天地)

营业中

休息中

見佢$10一隻蠔咁抵食就同朋友仔嚟食雖然佢啲牛扒望落都好似好吸引但今日係嚟食蠔 所以今次就無嗌住蠔 $10@咁平 食嘅唔係味道係爽啪蠔 又唔肉痛嘅感覺😂唔腥唔臭唔苦 有幾隻仲係幾甜絕對得住價錢啦魷魚圈 $88正炸得夠香脆 魷魚又夠彈牙 再加埋沙律醬手撕豬肉薄餅 $158唔似普通pizza 依個脆到好似餅乾咁面頭係芝士+沙律醬+咁多配料 真係好難輸卡邦尼扁意粉 $108望落去好吸引嘅 隻蛋黃long下long下咁食落未算話好濃郁 但好足料 都唔錯

兩公婆放工晏了點，去到荃灣區嘅 Citywalk揾下野食，可能太累又唔算肚餓，竟然發現呢間餐廳被這Menu吸引住，$10 隻生蠔喎，最近唔知點解愛上了，計上次冰廳食完後，念念不忘，今次仲要咁平就去試試吧。有晒蠔 Bar架 即叫即開 新鮮來自南非生蠔 細細隻 但超濃蠔帶鮮無腥味Saldanha Bay 淡淡柔和海水味 鮮甜味美不過有點蠔殼碎 食時要小心$10 + 10% 叫一打都只需$120 超經濟抵食 生蠔控不能錯過，仲要性價比高食得過，當然有要求者就可另作它選。多點了小食同 Pizza, 香炸尤魚$88同四色芝士薄餅$168香炸尤魚有驚喜，炸得金黃香脆但一點也不乾，薄薄脆漿外脆同juicy, 調味好正，惹味非常。Pizza我就覺得唔太正宗，整個Pizza都較硬身，似餅乾底，味道可以不過唔係我喜歡嘅質地。

近期都常常在荃灣出沒，發現了在荃新天地的 Oyster Station 很不錯，尤其生蠔，更是超值。餐廳環境企理，座位舒適，蠔吧放滿不同地區的生蠔，方便客人參觀選購。蟹肉牛油果沙律 $108，賣相精美。有蕃茄粒、牛油果、蟹肉、三文魚籽、沙律菜，配上帶甜味的陳醋，完全蓋過蔬菜的青澀，味道清新。蠔站至尊薄餅 $168，方型賣相，有點新意。饀料有幾款不同的肉腸，以辣肉腸最為突出。喜歡它薄底，而且饀料豐富，上枱時熱哄哄的，半溶的芝士更是大愛。卡邦尼扁意粉 $108，平實而美味，意粉軟硬適中，煙肉咸香跟菇菌很配，加上半熟的溫泉蛋及忌廉汁，百食不厭。特價生蠔半打$60，價格極具吸引力，生蠔夠新鮮，即叫即開，入口帶有海水的鹹味，完全不用加茄汁或檸檬，瞬間可清掉一碟 😋😋😋😋 很滿意的晚餐，值得推介。 

佢哋將客人食完生蠔收返嚟嘅大膠兜不清潔亦不換過啲冰，每個收回嘅兜下面都是溶咗嘅冰水，而且冰水唔倒冰唔換就馬上重用，最離譜係佢哋將客人食剩嘅嗰小碗茄汁直接再唧啲新茄汁落去就放上另一盆生蠔比其他客食，睇住佢哋將好多盆生蠔放中間嘅茄汁都係咁做，跟手就送去比其他客人食，我今日嗰盆生蠔就是其中一盆係咁樣送來，我為有叫佢比多一份茄汁，睇住佢用個新嘅小碗唧啲茄汁落去才放心，啲生蠔亦不太新鮮，就連牛扒都唔掂，叫七剩熟就嚟咗九剩熟，星期日都冇人排隊都覺不妙！

店員服務好好 係咁忙既時間極度唔夠人手既情況都可以保持好態度值得稱讚.但比起荃灣分店我個人都係比較推薦大角嘴分店 嗰邊可能依家咁岩做緊優惠$199有8隻7個唔同國家既蠔仲包一杯白酒 味道差好遠 $199入面有一兩隻好creamy 而且早幾日去完大角嘴嗰陣嗰邊話會員有85折 但過黎荃灣佢話得9折 其實係咪間間唔同？ 總結我都係覺得大角嘴嗰間抵d 如果唔係諗住食蠔食到飽 可以試下佢嗰豬手 幾好食................

剛收工同朋友行過荃灣citywalk，見到有間餐廳在商場唔起眼的角落，門口宣傳做緊生蠔特價十蚊隻，朋友話好想食，咁就入去食啦！唔知係咪好抵，餐廳都幾多人，好彩我哋6点半食，先唔駛等位。我哋先order咗一打十蚊的生蠔，產地來自愛爾蘭，肉質清甜又creamy，有啖啖的海水味，只是十蚊隻；真是超值的感覺。跟住叫咗卡邦尼扁意粉，意粉爽口彈牙，配上煙肉，雞肶菇同一隻半熟蛋，十分好味。最後再order個至尊薄pizza，有辣肉腸，黃蕉，煙肉同蘑菇，加上芝士焗制，入口香脆又有好香的芝士味，應真唔錯。食飽後朋友見到餐廳做緊另一款生蠔特價，$199有七款不同產地的生蠔，朋友話下次一定要再來試！

今日去咗荃灣行街，俾佢依個$10一隻蠰嘅promotion吸引咗入嚟，所以揀咗喺度食lunch。入到去發現座位都幾寬敞，錯落唔會有壓迫嘅感覺，幾好。嘢食方面，因為見到有個黃軟殼蟹意粉幾吸引，所以冇嗌到一個set lunch。另一個就叫咗香草檸檬烤春雞（半隻），有埋湯同包，加$10仲有特飲添。最後仲叫咗1打 $10生蠔。個包正正常常，個湯就好夠味道同用料好足，仲可以見到有啲肉絲。先來嚟咗個黃金軟殼蟹意粉，淡淡的蛋黃香味，唔會話好濃郁，個人都鍾意比較食淡啲，所以OK。軟殼蟹就有成隻，兩個人分啱啱好。燒春雞燒得唔錯，尤其係個雞髀位，皮脆肉嫩，肉汁仲保持到。燒春雞旁邊仲有薯蓉同埋翠玉瓜，補充返纖維同埋碳水化合物。生蠔$10，呢個價位都冇乜好挑剔，蠔有礦物味同creamy，過下口癮絕對抵。總結：$10一隻蠔係抵嘅，另外其他嘢食亦都唔錯，座位亦都舒服。

餐廳環境都寛闊，枱櫈夠大，坐得舒服，可慢慢傾計食飯。裝潢帶點海洋feel，以藍黑相襯，有魚網，海洋圖……愛爾蘭 Harty Oyster 生蠔 $10/隻我地點左一打，生蠔都新鮮肥美，真係好抵食，原來餐廳同愛爾蘭當地的蠔場合作，直接取貨，確保飛機貨一到港就分發到貨，所以貨錢吸引，質素有保證。蠔肉飽滿新鮮，入口帶海水味，肉質爽滑扎實，味道鮮甜。加少少檸汁食出生蠔味，嫩滑得直到喉嚨，食完滿口蠔香。加cocktail 醬汁，味道豐富d，個人喜歡淨加檸汁就已經足夠。香炸魷魚 $88即炸好香脆，雖然油左少少，但熱辣辣又香口，配酒好夾。魷魚爽彈鮮味，外脆內柔軟，份量亦很足，味道偏重。柏士圖虎蝦意大利飯 $148一份有兩隻虎蝦都好吸引，意大利飯份量唔會好多，賣相誘人。虎蝦果然好大隻，開邊經半煎炸，肉質會香脆d，蝦肉爽口彈牙，味道都重。意大利飯煮得正宗，保留咬口，入口creamy，加意大利青瓜，添加爽脆口感，食完唔膩，更清爽。

中午時間經天橋到荃新天地就見到OSPlus嘅宣傳，專食生蠔咁吸引一於去試下$10隻 南非蠔-超級抵！海水味重得嚟夠曬creamy，必嗌唔夠喉仲叫多咗$120/6隻蠔，店員建議食完美國嘅先食韓國下三美國 Pacific roc-大大隻食落好鮮甜，口感豐富，推介！上三韓國 Korea gold-味道較重，好creamy嘅感覺嗌咗個lunch set包餐湯餐包飲品餐湯啲料幾豐富飲落都幾甜炭燒紐西蘭肉眼10安士配薯菜燒汁$168-五成熟賣相唔錯，肉質鮮嫩，點啲鹽吊味就已經好好食，啲薯蓉分量都好多巨峰提子梳打+$10-香甜提子味梳打好醒神

行荃灣，完全被10蚊生蠔吸引決定試試生蠔抵食，10蚊一隻可以放心瘋狂order生蠔size唔算大，不過10蚊真係冇乜可抱怨冇乜可挑剔蠔味也算ok建議食時倒掉蠔內的水這樣不會過鹹快約朋友生蠔大作戰吧主食叫咗軟腳蟹義大利麵隻蟹有一點點油溢味其他不過不失個人覺得三色椒的味道稍微有點蓋過了cheese的基底味，有點可惜啤酒炸薯條係幼薯條派別好高質，好喜歡全餐最驚喜超級酥脆炸得很乾每一條都充滿薯仔那厚實的味道試試吧，你唔會失望

假日的親友聚會，冇拜年超耐冇見，相約到荃灣一聚，本身想去的餐廳full左唔想等即轉場，經過Os Plus，記得幾年前幫襯過尖沙咀果間，食物不俗，主要生蠔抵食優惠價$10一隻，估唔到呢個優惠而加仲做緊，大家都想食生蠔，一行4人即入去了。店子面積頗大，我們4人坐窗邊位置，因2:00點多冇乜人，感覺寧靜自在。估唔到竟然有石燒牛扒食，成件事好日式，仲要幾平，一於試下。指定生蠔，$10/隻，要了一打($120/12隻)，今日係愛爾蘭生蠔，賣相唔算好飽滿，但大小適中，口感爽脆，海水味淡，唔腥幾鮮甜，好耐冇食過蠔，感覺滿足。石燒系列套餐：美國USDA CAB牛三角肌(跟麵豉湯、前菜、白飯及餐飲)，$98。套餐份量十足，石燒自行烹調，生熟度自己話事，安格斯牛三角肌，大件厚肉，但都幾多筋，肉質富彈性有嚼勁，肉味濃，都不俗。個石燒等好耐，4份石燒，上左兩份，食完兩份石燒都仲未上另外果兩份⋯ 不想分秒在等待逐漸沉落苦海.....期間問左2次侍應，話幫我地跟進，之後答要等多陣，再等陣，極不想一拖再拖之下再問多次時話原來係漏單⋯-0-！前前後後等左30分鐘以上⋯(一度懷疑其實係味唔夠石燒板用wwww)。青蘋果梳

嗰晚叫咗兩打蠔，起碼有兩個係直情搵唔到肉食，其他肉質地好參差，又瘦猛猛，其他啲嘢又貴，叫咗一份叫做最平嘅扒，港幣298，可能我唔識欣賞啊，味道同埋口感冇咩咁特別。當然仲有其他更貴嘅扒港幣1388，如果用呢個價錢我去啲六星級餐廳食啦，環境係適合一兩三個朋友去飲下啤酒咁，裝修又唔係話高檔，我認為唔值得。之前有去過青衣嗰間分店食過反而服務同食物質素都好少少，喺青衣都食過幾次，但呢間係第一次！因為青衣嗰間唔知係咪執咗先特登去荃灣食，試咗超唔掂，一開始係諗住試生蠔嘅，但係連生蠔都唔掂以後都唔使去啦，老實講街市嗰啲反而仲好食啲！不過呢間店有更貴嘅生蠔🦪，三百幾蚊接近$400左右啦一打我哋無試到！可能嗰啲正呢?

今次同朋友即興去食生蠔 揀咗間平靚正 啱口味嘅蠔站 位置幾好搵 係荃新天地天橋一入去就到啦 如果有埋露天茶座就好啦朋友係生蠔迷 一嚟就叫返一打先 依家有優惠$10一隻 唔好以為會係cheapcheap蠔 食落勁啱大家口味 我地都係偏愛食淡d海水味嘅🦪 食完一打又一打 total 3個人食咗3打🤣 另外再叫咗三個main 不過份量少得可憐 黑松露野菌意大利飯同冬蔭功意粉味道唔錯 意粉辣辣地🌶 夠惹味 不過下次食小食算 三個人食埋單每位唔過300 我地仲嗌咗啤酒同白酒 計落都算平👍🏻

都算係蠔站常客，當想食蠔又懶自己開，就會黎大拆一番，每次冇一打唔收手今日即興去到，得番生豪bar枱嘅二人位，其實位置冇問題，不過當我見到開蠔果位師傅個把長有光面嘅披頭散髮，再加上佢全程口罩放下巴兼且不停與另一位工作人員吹水⋯⋯我就真係有啲介意⋯今時今日疫情未穩，基本衛生也必須吧⋯⋯蠔質非常一般…一分錢一分貨呢個定律大家都明嘅…(唔知好彩定唔好彩，上碟時仲未留意到開蠔司傅嘅衛生情況）呢個赤貝同帶子刺身就夠鲜味，入口爽脆鮮甜平時通常食肉眼，但今日忽然想食有咬口嘅西冷，medium well, 外層燒到有肉香，內層juicy亦有咬口，不錯之選另外叫咗個啤酒薯條，幼身炸到有啲乾身，而且食唔出啤酒味⋯個人喜歡粗身薯條，實在唔啱口味總括黎講，監於衛生問題，會暫停止幫襯

$10一隻蠔香港地竟然有咁平嘅蠔食。我唔信！然後身體卻很誠實咁走入去食店。一坐低梗係要叫一打$10蠔啦。嚟到嘅時候。啲蠔望落去一啲都唔細隻。每隻色澤都非常鮮艷。而且望落去都脹卜卜咁。咁就唔點任何醬汁嘅情況下。試咗第一隻先。入口非常之滑。而且一啲都唔腥。亦都有一浸蠔味。$20$10嘅價錢來講。可以話非常之高質。另外喺waiter介紹嘅情況下,我哋分別叫咗美國蠔同澳洲蠔。嚟到嘅時候。望落冇$10蠔咁飽滿。但係入口就非常之唔同。層次非常分明。而且係好食過$10蠔嘅。最後我哋都忍唔住叫多一打蠔。因為佢真係好抵食