蠔站 (荃新天地)

見朋友介紹蠔站， 就想食生蠔， 我就揀咗荃灣嗰間分店就openrice 定枱好方便。生蠔由39蚊至58蚊之間嘅價錢，其中有紐西蘭，美國， 韓國等.., 咁就叫6隻，其中4隻愛紐西蘭 .2隻美國 , （紐西蘭款鹹味重 ，肉厚好鮮味 👍， 美國款鹹味偏淡 ，口感都覺得厚肉 👌）, 這間當中主打就係$10蚊一隻生蠔， 當然唔會執輸即刻點6隻試下先，今日愛爾蘭生蠔，口感淡肉少，但鮮味 👌）， 咁嘅價錢當然吸引。就再次叫12隻生蠔食，$180食18隻生蠔抵☺️。今晚非常豐富滿意

呢度地方好大下，幾有空間感，有好多座位，都岩一班人聚會～上菜速度幾快🤣黑松露野菌意大利飯 $108黑松露味幾香，野菌足料👏🏻菇菇好有咬口～意大利飯嘅口感唔錯，好大碟呀，夠晒飽肚👍🏻冬陰功海鮮扁意粉 $128最近幾鍾意冬陰功味既菜式🤣辣辣地、幾開胃同特別！蝦幾爽口，蜆菜等海鮮都唔錯～意粉既軟硬度適中，而家幾入味👍🏻生蠔 $10/隻抵食呀！而且幾新鮮！配酒嘆，更正正！仲想食多幾隻添呀🤣🙌🏻

慶祝生日飯！🎂👫💕環境氣氛都ok 唔會好嘈吵職員服務一般 冇黑面~每次要叫幾次先有反應過嚟幫手😂(個人覺得可以接受)不過上菜次序就有少少問題 熟食竟然快過生蠔到😳 如果可以改善埋會更加好！不過整體都推薦大家過嚟食！性價比都幾高👍🏻生蠔好抵食！$10一隻  Size都唔算細~  呢個價錢 絕對冇投訴👍🏻食落偏淋身 輕微有咬口(是我喜歡的口感🤪) 好重忌廉同松露味道！😋牛扒幾大塊但偏薄~ 原本冇乜期望但食落有驚喜！  五成熟岩岩好 肉質軟淋重牛味！😍豬手麻麻地😢 雖然份量好大 皮脆肉質都淋 但食落好大陣豬膻味  不推薦！單骨雞翼  方便食用  味道正常  皮好脆 食到尾都仲脆卜卜！😆

主打10蚊蠔，兩個人叫左三打，其餘既野價錢中等，叫左客意粉及兩杯野飲，好過去酒店buffet排生蠔，餐廳環境亦算舒服，餐廳開係商場入邊，可以泊車唔洗周圍搵車位，同伴侶搵個地方飲杯野坐下傾下計一流，埋單6xx

Oyster Station 「生蠔🦪」美國蘇格蘭. 呢種生蠔🦪體形較大蠔味好濃又滑又香甜，法國生蠔真的較豐富爽口，留在口腔中久久未散真心係最新鮮嘅蠔味「炸魷魚🦑」呢款小食絕對經典，咬落極脆，炸魷魚用上新鮮嘅鮮魷魚去炸，有生炸好正既味道👍🏻主食：「蘋果黑毛豬扒」，上碟好靚，黑毛豬扒煎得好靚勁香油香味，黑毛豬扒肉質滑肉質鬆化咬落夠多汁整扒口感清新，豬扒與蘋果好配，食落醒胃健康好fresh嘅美味。

Oyster station 今日難得同女朋友去咗荃灣行街當然就睇吓有咩附近好食嘅嘢，喺商場見到依間餐廳個環境都唔錯，而且住宅我最鍾意嘅西餐當然就要試吓Saladanha Bay大大隻鹹水味都幾足，食落口越絕對鮮味石燒蒜美國牛柳粒另外叫咗個主菜食，呢個石版燒，火爐十足，牛肉味香10分足夠照燒雞扒當另外都叫咗個雞扒飯食，佢哋嘅雞扒大大件好好味，配上日本嘅壽司飯，絕對好食我唔夠食日本菜同西餐都可以如此夾，環境幽雅性價比高

老友同我慶祝生日又知道我鍾意食蠔其實都有好多地方食嘅但係呢間唔錯因為地鐵沿線打風落雨唔使擔心環境唔錯同埋疫情下都叫做寬敞少少喺OpenRice唔可以即日訂位唯有打電話啦好彩有位⋯服務員話用膳時間個半鐘⋯ OK啦到最後都可以坐咗兩個鐘因為一邊食一邊傾計一邊再叫嘢食一入去可能行到好熱覺得好似冇冷氣一樣服務員都好好揀過第二個位但係我話坐吓先啦坐下又OK喎不過見到身邊嘅情侶入到嚟話冇冷氣都離開我覺得冷氣呢方面真係要改善一下佢呢間我每次都係食生蠔🦪同埋食pizza梗係叫兩杯梳打飲下啦吹水吹到口乾服務態度唔錯嘅不厭其煩都OK 㗎生蠔我哋兩個人叫咗兩打每隻都係$10雖然細隻但係過吓口癮唔錯嘅Pizza我哋就叫咗黑松露OK 㗎每人三小件其他嘢就唔吸引啦😅

今晚約左D fd去食生蠔，最後叫左4打生蠔、5成熟肉眼扒、香芒牛油果生津、卡邦尼意粉、3杯1664、2杯雞尾酒。先講生蠔唔知點解頭三打D肉都好小最後個打正常返D，可能同價錢上有兩款以上選擇可惜無人介紹過，依樣野有待改善味道黎講係ok ge有D海水味，最緊要無沙肉眼有唔少根位，最好食係薯蓉點醬沙津黎講佢ge菜就真係好少（真心）個人唔太鍾意個醋味太好濃烈啦但牛油果出奇地整得好食卡邦尼味道幾濃，ok好食～最後9折後1800鬆D各位朋友自己衡量下啦～

見佢做緊七折優惠同埋$10.1隻生蠔所以就去咗試吓呢間有開分店嘅餐廳。入到去大約12:00可能因為平日關係暫時得我哋同埋另一台，可以自己揀位。但係坐落咗先知原來七折優惠呢係單點嘅嘢食，即係如果嗌一個午餐又或者係生蠔都係冇七折優惠嘅。如果想去食嘅話要喺落單之前問清楚邊啲有七折邊啲冇。叫咗一打$10生蠔同埋佢有一個一打promotion嘅生蠔set,$280,有愛爾蘭新西蘭等等產地嘅生蠔。另外再叫多咗一個鐵板牛同埋豬柳嘅set lunch生蠔方面， $10嗰啲生蠔好似平buffet食嘅生蠔咁，細細隻，重海水味，不過$10來講，過吓口引都算OK，而$280.1 set嘅生蠔就大隻啲同埋cream呢啲都可以一試，唔錯。性價比高。兩個lunch就冇七折優惠，大概百零蚊一個，豬柳嗰個都中規中矩，而鐵板牛就有少少過熟。建議來呢間餐廳都係食蠔算喇。服務方便有小插曲，個侍應搭緊我啲蠔有咩分別嗰陣，唔小心將成杯水到咗落我個身度，不過佢都有即刻講唔好意思同埋掉位。

之前，我無 Idea 週末食什麼？！於是，看看 Openrice app 訂座餐廳！發現位於荃灣荃新天地一期的 <Q Plus 蠔站> 訂座堂食可享6折優惠！(現時只有7折優惠) 還有60積分或50飛行里數！疫情下趁有優惠期，不容錯過！星期六的中午 2:00，店內食客約三至四成！ 限聚令每枱限坐兩人！店內播放輕鬆的英文歌！服務方面，負責 Reception 及收銀的男店員，幾好笑容！而另一位男店員都主動勤力反應快，兩位也值得一讚！店方好貼心，除了餐具之外，還有提供消毒濕紙巾給食客防疫！Menu午餐 $68~$168 (不可享6折優惠)散叫：黑松露野菌薄餅 $158呈長方形，送上桌時，已傳來香濃芝士鹹香， 黑松露不知加在哪裡？濃厚的芝士可達到拉絲效果！ 完全只有芝士口味！蘑菇富彈性的嚼勁，餅底更不似預期，好似食餅乾咁！食完薄餅不夠飽，再點小食！法式煎鵝肝 $128煎鵝肝火候恰到好處！外層微脆，內裡甘香豐腴！ 與香脆塗上牛油的多士同食，滿口香脆滋味！ 配上混合酸中帶甜而杰身的黑醋醬，有解膩作用！荔枝乳酸梳打 $38 少冰味道酸甜不會輸！ 

上個月有日收工帶個女去食晚餐，個女話要食牛扒，於是帶佢黎這間餐廳，因為我都想食佢d生蠔。十蚊隻，上次老婆食過話幾好味！7點幾入去，自己揾位，都好full, 只剩近門口幾張枱。職員好少，全場見到只有2-3人，見佢地忙到暈，落單都等左好耐下。西冷牛扒要左5成熟，賣相好靚，煎得啱啱好，但係暗藏好大條筋，切左好多食唔到既。生蠔要左8隻，前面食果幾隻都幾好，夠鮮甜，但係最一隻係臭既，嘩！即刻嘔返出黎，唉，咩心情都無晒。賣單用匯豐卡有9折

Longing to be whisked away to a foreign beachside oyster bar? This local bistro near the waterfront can satisfy those cravings right here, right now 🌊〘 Linguine with Soft-shell Crab with Salted Egg Yolk Sauce 〙HKD138One of our favourite creamy sauces paired with a fleshy soft shell crab that’s perfectly wonderfully crunchy on the outside - a 10/10✨〘 Fresh Oysters 〙HKD10/1Shipped in from all across the world, these fresh bivalves are limited to dine-ins and a HUGE steal!〘 Classic Pepperoni Pizza

呢間餐廳主打$10蠔任嗌，叫咗3轉1打蠔&白酒。雖然細細隻，但都屬creamy但味道偏淡口，都可以一試既。間中會食到殼碎，所以都要小心。但小妹係到上咗一課，就係呢啲主打優惠咁出名既餐廳，就千其唔好期待佢啲主食喇，事關我叫咗份西冷，我好耐都未食過咁難食既牛扒🥲食第一啖已經有大舊筋，韌到咬唔到，迫到我都吐出黎，連續三啖都係咁，$298都唔洗咁呀麻...🥲搞到失禮人又失禮自己😓結論係happy hour去叫打蠔食，嗌杯嘢飲hea下都還可以啦，但食飯就不了。

And I Say The Oyster is Your World! As the popular saying goes, the world is one’s oyster, the contrary is true too at Oyster Station. Fresh oysters are affordably priced at HKD10 per piece, one can feast on dozens without worrying about breaking the bank. For optimum freshness, I would recommend finishing a dozen before ordering the next as the serving speed here is pretty prompt and quick. Besides oysters, there is a wide variety of pastas and mains to pick from. We had the chef recommended Li

話說同女朋友一齊黎食蠔 諗住放假可以去chill 下 去到叫左一打蠔 點知等又等 等又等 等左成個鐘 都未上到 本應係頭盤既野 去到最後都未黎到 問服務員我坐左一個鐘都未有蠔 佢同我講蠔係要耐啲 我心諗 我自己開都唔洗5分鐘 你同我講要一個鐘 都未有 真係得人驚 永不錄用