蠔站 (荃新天地)

好得意，8月最後一個星期等等等到9月1日，只有荃新天地有訂座優惠（餐牌單點85折），所以即日訂位去食生蠔。4打$10特價生蠔分2次叫，比左2款唔同的生蠔，都好好味又新鮮。其他熱食都可以，肉眼就好多根。服務有禮，希望下次再去水準一樣。大滿足。

當晚有叫做緊10元一隻的特價蠔 (當日係法國蠔）size 相對正價蠔細隻, 味道唔錯。另外我地都叫咗其他品種, 包括試咗杜拜, 蘇格蘭, 南非及澳洲蠔, 正價係 39-49 元一隻, 最欣賞蘇格蘭蠔入口頗滑同滿口海水味, 澳洲蠔夠 creamy, 杜拜蠔雖然入口時比較淡, 但之後回甘, 各有各的特式, 大家食得好暢快。所以跟“蠔站” 這個餐廳名稱甚是匹配, 值得一讚！ 至於其他菜式與同類型餐廳比較沒甚特別之處, 味道ok, pizza 單看價錢 ok, 上桌先知原來只得 6 吋細 size, 略嫌貴咗少少。 同埋叫咗個2公升Stella Artois啤酒, 有麥味, 基本上餐廳環境都舒服好坐, 大家都吃得好盡慶, 大班人慶祝的地方。

最近在5月份開始，放寬社交距離戲院重開，好戲陸續上畫；我便約好朋友去睇戲！為了遷就大家時間，星期六是最好的 schedule！今次，我們走到荃灣英皇戲院睇戲 <奇異博士2>！當日共有26場次，下午場次最適合我們；於是，我篩選10間餐廳讓他選擇！由於，他不想晚上 7:00 食 Cafe 及麵店，最後，他挑選了曾經去過尖沙咀分店的 <蠔站 Q Plus>！我們2人沒有 Book 枱，等上20分鐘！我們被安排到近門口的2人枱，相對不會太嘈易傾計！Menu白桃乳酸飲品 $48入口冰凍香甜！荔枝乳酸飲品 $48入口酸甜，正是他想要的味道！他讓我選擇食物！炭燒西班牙極黑豬配青蘋果醬 $318以炭燒零舍多一份焦香，  惹人垂涎欲滴！火候恰到好處！黑豬好厚身，略帶脂肪，脂香洋溢，同時肉質軟嫩多汁！ 配青蘋果醬，有助減膩！配料：烤粟米、焗香蒜酥皮波士頓龍蝦扁意粉 $268賣相給我們驚喜！ 酥皮酥脆而多層次，波士頓龍蝦起肉，鮮甜彈牙，又多蝦膏！扁意粉幾入味，口感又帶煙韌討好！

約咗朋友喺荃新天地shopping順便試下這間蠔吧，竟然見到$10/一隻生蠔，咁抵食，當然要試吓先。見到餐廳外面都好多人等位喎，不過好快安排咗入座，見到差唔多坐滿人客，餐廳環境一般，不過枱與枱之間比較迫。坐低即order2打生蠔，蠔站至尊薄餅，炸薯條同黑松露意大利飯。生蠔，外觀已經好新鮮，加入檸檬汁及茄汁，超級鮮甜，無得頂。至尊薄餅，餅底比較薄，不过味道唔錯，好食。黑松露意大利飯，味道尚可，薯條反而有驚喜，咸味適中，好好食。整体： 生蠔拾元1隻、認真抵食、值得無限encore 。

耐唔耐都會過嚟食，唔錯呢一個set仲要有一杯白酒，最好就係唔飲酒嘅，佢可以俾你轉嘢飲我哋揀咗個梳打七個唔同國家順着時針都幾有驚喜另外叫咗一打$10.1隻，一個人都可以食晒！好普通，提早預約仲可以有八五折，不過咁啱嗰日話冷氣機有問題，再加上坐嘅位置喺廁所隔離，又滴水又熱，希望可以快啲整返好部冷氣！所以都唔想坐咁耐淨係叫咗生蠔就走啦！下次再去食過啦因為之前都幾鍾意食佢豬手，同埋印象佢個卡邦尼意粉都好好味，最正係$10.1隻同埋八五折可以同步

鍾意食生蠔呢一間絕對是不錯的選擇～$10 per one味道鮮味我同老公食咗三打都冇一隻有問題而且亦開得好快唔需要等好耐另外蟹肉餅：外層炸到脆卜卜而且裏面滿滿嘅蟹肉香味 鵝肝多士：分量可以但煎得比較乾身肉眼扒：手掌咁大$3xx 價錢合理份量相當充足🤭 ，五成熟剛剛好另外也提供兩個汁給客人選擇松露蘑菇意大利飯：相當驚喜滿滿嘅蘑菇香味

愛食生蠔迷，必定要黎生蠔站🤤🤤🤤新鮮生蠔樣樣有！南非、法國、日本；總有一款你會岩！店員用心介紹不同價位、味道，貼心之選。最緊要黎到一定要試埋10蚊生蠔！雖然唔夠其他大隻，但鮮味一流！

講到食生蠔 唔係一定幾十蚊隻先好食嘅, 就好似呢一間餐廳, promote $10 一隻生蠔, 都好正, 好新鮮, 好乾淨, 冇沙, 已經第二次食啦, 一樣keep到呢個水準。 鍾意食豬手嘅朋友， 都係大膽一試， 絕對唔差得嗰啲德國餐廳。 想埋單平啲記住喺openrice訂位有折。

好食，食完八國生蠔返唔到轉頭！店員態度好好！！可以回轉食多次～可惜剌生份量比較少……………………….10蚊生蠔比較細隻+瘦，都係八國生蠔比較好食！！！！！！！！！

睇到做生蠔推廣10蚊一隻去嘗試，結果係唔好貪便宜，生蠔細到無法言語。跟住嘗試叫做正價生蠔，新鮮度係幾好，選品都係差滴。叫咗份西冷五成熟，上到來至少係七八成，自己仲煎的好。唯有鵝肝同沙律還OK。午食話正價七折，搞笑嘅係加一服務費係俾原價，小小錢，但係覺得商家玩唔起，體驗感真係麻麻嘚。如果對西餐生蠔有要求的唔推薦尼間。午市兩個人折完埋單近1200，加滴錢有更多更好的西餐廳選擇。環境勉強ok！唔會再去第二次！

蠔站🦪 雖然有好多分店，但其實我今次係第一次食😂 聽說唔同分店嘅質素相差好遠，我今日嚟荃新天地🤓 經Openrice book檯，單點餐牌有7折，可能因為有7折，所以覺得性價比還可以😆叫咗兩打生蠔🦪，肥美就一定唔係架了😂 但俾緊$10/隻，其實都算係咁😙呢三樣都不過不失，最有驚喜係pizza🤓蒜香BBQ豬肋骨 $268 卡邦尼意粉 $128 四色芝士pizza🍕$168 有嗰幾搞笑嘅小插曲，由於menu嘅選擇真係有啲少，朋友又唔食牛😂 所以係落單時問嗰staff有咩推介😆 佢居然推介墨西哥意式牛肉丸$98😂 仲話其他都無乜特別😂 我嗰fd就笑我話叫得人推介就要食🫣 所以最後都有叫嘅😂 雖然餐牌有廚師帽，但真係無乜特別，屋企都煮到嘅質素🫣青蘋果梳打🍏 $98/jar - 俾我想像中好飲，叫嚟share都幾好🤓仲有飲好多嘅朋友，一個人飲咗兩杯大大杯嘅啤酒🍻 $138，對我嚟講飲返同容量嘅都唔洗食😂最後埋單我哋3個人$982，我會話有4成係俾咗環境分，嘢食中規中矩，但坐近玻璃窗🪟位置望住外面係幾舒服，傾偈唔會太嘈🤓

十元一隻的生蠔比預期好食，我自己都點了十幾隻來食，味道幾新鮮，肉質挺爽口。侍應服務態度頗佳，值得一讚。其他的食物，例如點咗軟殼蟹扁意粉、薄餅、薯條，質素也頗佳，但價錢貴咗少少。

我同阿妹都超級無敵鐘意食生蠔，之後朋友介紹我們就試下，食完一次絕對會有下次！去到環境舒適，坐得幾好，光線充足。去到還要見到塊牌寫住優惠！真的剛剛好！生蠔的味道又夠鮮甜，味道一流又平又正！扺食

朋友介紹好抵食嘅$10 蠔，星期六下午喺OpenRice book 晚飯7:30pm, 唔使排隊又有9折都唔錯😃 🚙揸車嘅朋友可以泊荃新天地一期停車場🅿️，$200/1hr, $400/2hrs 我哋2個人叫左一打$10生蠔🦪、炭燒美國CAB 肉眼扒(12oz)$388, 自家製焗蟹餅，1杯白酒Chardonnay. $10生蠔🦪雖然唔大隻但夠新鮮，呢個價錢冇得輸😋 肉眼扒望落唔似12oz, 我哋叫左5成熟，肉質都先鮮嫩，配菜亦幾豐富，有薯蓉粟米翠玉瓜燒蒜頭🧄。 但配菜溫度只係微暖，燒蒜頭亦唔夠熟，呢個價錢嚟講差少少🤏 蟹餅幾足料，屬比較乾身口感總概黎講70分，環境會比較迫，上菜快，staff 好快手，如果你好似我咁怕等，又想食西餐，都唔錯😊 Dinner for 2: $726

看了評語說這里的生蠔不错，又做特價10/隻，在附近就來食午餐，順便試下生蠔。可能是平日，午餐時間只有兩檯客人。 叫咗一個午前--澳洲肉眼扒配薯菜。包餐汤和饮品，我加钱要了杯白桃乳酸。餐汤是罗宋汤。要了半打生蚝，不肥美，但鲜甜，加上柠檬和cocktail sauce，$10/隻，抵。👍😋牛扒要了七成熟，有一點過熟，會能看到少少红肉，吃到一半就全熟了，再生一點就好。里面的牛筋都煎得刚好，不会韧，好香。👍😋除了给了一兜黑椒汁，还配了芥末酱在旁边，还要少许的海盐分开放。细节满满。配菜有节瓜，薯蓉，沙律菜。很满意的午餐，还会来。