蠔站 (荃新天地)

放假夜晚又要諗食咩啦！個人又懶，唔想去得遠，但係又想食好d，咁就搵下openrice啦！見到樓下有間西餐廳幾出名下，又有10蚊1隻蠔，咁就落去試下啦！落到餐廳客人都唔係好多，餐廳裝修幾靚，但係冷氣就唔係好夠啦！應該係壞左啦！因為餐廳本身都安排左坐地風機幫手。咁我地睇完menu之後兩個人就點左以下菜式啦！首先頭盤係一打生蠔先，生蠔本身都唔係好大隻，但係就同期望差唔多啦！始終都係10蚊隻，大家係唔可以太高期望呀！咁就試下先，海水味好重，肉都係鮮甜嘅，店員洗蠔都算係洗得乾淨，唔會好多蠔殼係度，肉就有部分多啦！如果唔夠喉其實係可以出去蠔吧自選呀！跟住就到主菜啦！我地就選擇左蒜香燒美國豬肋骨，好大盤，豬助骨皮脆，而焗嘅時間剛剛好，肉質唔會係太韌，而且好香豬味。我地都好滿意，伴碟有翠肉瓜，菇粒及薯角，都好滿足，薯角新炸，夠脆。最後就係冬陰公海鮮扁意粉，味道有驚喜，配料充足，有藍青口，蜆肉，蝦肉及其他配料，另外意粉份量充足，夠飽，不過食到尾可能就掛左太多汁之後就開始咸啦！不過整體來講都係好味！會再幫襯。

已經係第2年係度食生日飯。首先，蠔方面，我地依然係叫左＄10一隻蠔，性價比高D. 然後，係松露野菌飯，堅正！松露好香，必食之一。另外今次試左鵝肝，果然冇令人失望，好香好味好juicy. 仲叫左份蜜瓜加Ham. 蜜瓜夠甜，Ham反而油份未夠，唔夠香，得個咸字，不過mix一齊都好食既。不過想講一樣野，上菜比較慢，同埋會有漏單情況，希望改善下啦

工作左咁多日 星期五放工後享受一頓豪少少嘅晚餐🤪 為左平價高質生蠔🦪 今次XXG就去咗”蠔站” 試一試佢哋主打既($10@1)生蠔 你冇聽錯係$10‼️ 一打都只係$120😱 超級抵食 蠔友絕對唔可以錯過！蠔方面 平時本身都係生蠔fans嘅XXG成日都會去貴少少嘅自助餐 任食生蠔 🦪 呢到主打嘅($10@1)生蠔質素絕對不比酒店差🧐‼️ 雖然未去到好高等級但性價比極高👌🏻👌🏻肉質方面鮮嫩多汁 一啲都唔乾 而且大大隻好飽滿🤤食落仲有淡淡的鹹海水味道 蠔味十足 非常鮮甜！可按喜好 加入配上嘅蕃茄醬或者鮮檸檬汁 味道更佳😋我地最後仲encall左一打 完全唔覺肉赤😂😂 對生蠔質素有再多啲要求嘅朋友可以用貴少少嘅價錢購買不同質素及品種嘅生蠔🦪 價錢大概$34至$54左右另外我哋嗌多咗一碟黃金軟殼蟹扁意粉🍝 ($138) 但意粉方面質素平平 新意不大 加入三色椒配鹹蛋黃醬 但鹹蛋黃味道不夠香濃 味道不太出眾餐廳除咗主打生蠔外 仲有好多冷盤例如刺身、螺肉、泰式生蝦等 價錢亦都相對平👍🏻 總括嚟講佢哋嘅生蠔質素 係呢一個價錢之下絕對優勝 強烈推介蠔友去食生蠔食到飽🦪😻⭐️Remark: 另有酒精飲品提供

😔今晚約了家人到荃灣蠔站食蠔，其實今晚都比較多人，我哋一到已差不多坐了8成人客。當然蠔是今晚的主角，因為我之前吃了一次，覺得這家的蠔和熟食都不錯，便推薦這家餐廳和他們一起品嘗。🦪我哋一到，就先order了5打生蠔，這5打其實都有點鹹和開蠔的人可能無清洗一下蠔殼，所以蠔有不小蠔殼我哋要了開。這5打蠔都尚可接受。但因我爸爸想再多吃，他order了多3打，這3打有些鹹到苦😫比較失望。之後我哋還order了熟食。有豬手，軟殼蟹意粉，燒雞和辣肉腸pizza。除左燒雞不好吃外，其他的還可以。唔知係咪因為人多，食物水準下降還是食物水準已經下降中。希望再光顧時，水準能夠提升返。

久不久都會黎os plus食蠔。市面上就算買返屋企，$10一隻已經差不多係最平。呢度$10一隻，幫你開埋，俾地方你食，俾餐具你用，真係冇得挑剔！而且生蠔都好鮮甜，好過去啲平價自助餐食。平時一般都會叫一個餐另外再叫蠔，今次都係一樣。見佢有新出嘅石燒餐，澳洲m6和牛都只係$98，即管試下。塊牛個樣都算幾好，不過一落刀就已經知道出事，超多筋，好難切。幾經辛苦切到一塊，放落口，點知冇乜牛味，不過加埋佢個汁都算還可以。黎呢度始終都係為左食蠔，而個牛都唔算貴，算啦！

Set lunch選擇多，今次試左好耐冇食既stone grill.. $98份有沙律，湯，餐包，牛扒，飲品真係算抵食, lunch time亦有供應$10隻特價生蠔，最大方係冇限量供應...其他刺身75折，推介海膽，夠新鮮

公司位於荃新天地附近，又幾鐘意食蠔。所以呢間分店都去過好幾次。前2次食都覺得啲蠔又正又抵食但係上次同今次就覺得質素下降左，變得好細隻同薄身咗好多！當然$10隻就唔可以要求咁高啦！只不過係有d失望 試過好野就覺得返唔到轉頭，所以都係忍唔住叫咗幾隻正價蠔過口癮！其他食物都保持一貫水準，唔錯尤其是好鍾意佢個黑松露意大利飯，好香好好吃！總括嚟講餐廳食物同環境係唔錯嘅！但係如果你一心預計去食promote蠔，咁你可能會有啲失望。

專程去吃生蠔，剛好做緊午市優惠價$128/6隻(有3個出產地)，大大個好飽滿，好新鮮，~抵吃，一些酒店自助餐都無甘既質素。餐廳環境裝修靚靚整潔，服務好，坐得舒適。意大利飯徧咸，清淡一啲，更好。

悉逢週未都要四出覓食，蠍站一定係我最佳選擇之一。價錢親民，食蠔有平有貴岩哂鐘野食蠔既朋友。每次來到店員都好好服務態度，由是疫情既關係，基本上一來到就可以入座。咁來到一定要叫返個好耐無食既豬手先，外脆內軟，每次來親都要食，份量大可以3~4人食用，兩個人就比較劑一啲，不過對大胃王來講就根係無問題啦。 都無令我失望，依然都係咁有水準。

等咗今晚好耐好想食生蠔用OpenRice book位 20:45 正價餐牌8折主角係生蠔 我哋兩個人一嚟就叫咗一人一打$10/隻 真係好抵食，size 唔算大隻肥美 但海水味好豐富同鮮甜 雖然唔係好creamy食完頭盤就叫番啲熱食 叫咗個黑松露野菌意大利飯 好香仲係好熱 而且好多雜菌 好快就清左碟 叫左2杯生啤 正價餐牌8折諗諗下覺得未夠飽 都係嗌多左個set dinner 因為唔係主餐牌所以冇優惠12oz 肉眼扒 先上餐湯同沙律 沙律正正常常 不過個麻醬鹹咗少少 嗰餐湯問佢有咩揀 佢淨係話得一款湯 所以都係冇答我其實嗰款係咩湯個碟就幾靚但個湯一上到黎個樣係好稠身 試左一啖好難飲麵粉糊咁...塊扒個樣幾靚好似幾得咁 而且都算係厚切但味道一般 雖然唔韌同唔乾 但肉味欠奉寧願食個薯蓉都唔係好想再食塊扒食到好飽 埋單差唔多$800 值唔值見仁見智

經過荃灣見到有10蚊隻生蠔，父親節個日同爸爸等一行4人去蠔站食，本身諗住生蠔10蚊隻唔知咩質素，少少地第一輪叫左1打先，雖然d蠔細細隻又唔肥美，但好新鮮好甜，10蚊隻超值，由於爸爸好鐘意食蠔，第二輪再叫2打，第三輪再叫3打，最後4個人total食左6打。淨係食蠔當然唔夠飽，另外仲叫左豬手同豬斧頭，除左10蚊隻生蠔之外，其他食物都幾貴，不過味道都好好。豬斧頭個味好好，但爸爸就厭佢d肉「鞋」，豬手好正 ，原本爸爸唔想食豬手，試左一舊之後佢都讚不絕口，d皮夠哂脆！仲叫左其他魚生，不過就唔係幾好食。上菜速度都好慢，人手又少，我地食完第一盤生蠔，要再等多30分鐘，先上第二碟菜。

亞妹巧鐘意食生蠔，近近地就去荃新天地食，貪佢平平地$10一隻生蠔，一人飲返杯吹下水🍺今日d蠔唔錯，細隻得黎都厚肉，味道都鮮甜，另外加左$28（20gram）既三文魚子，我個人覺得同生蠔好鬼夾，可能我本身又巧鐘意食三文魚子啦🤣最後每人食左1打，因為平時出去蠔吧食都會揀大隻既，好少食噤細隻，所以第一次對噤多隻😝另外再叫d輕食✨炸雞翼✨蒜蓉多士✨白酒青口個青口汁用黎沾個包岩哂，可能我重口味，係濃味左d,不過好好食👍🏻

因為個女好肚餓關係，一入去坐低就話要食包包，奈何得一款蒜蓉包揀，等咗大概10分鐘，㸃知上枱凍嘅。想揀個意粉或飯俾個女食，但種類好少，見食評話卡邦尼好差攪到都唔敢叫。男友話好餓要食飯，叫咗個石燒牛，牛肉又un又乾。軟殼蟹意粉又係乾爭爭。得啲特價蠔叫做正常。唔好食食唔飽，5百幾蚊埋單，總括嚟講應該9成唔會有下次。呀！仲有，啲水杯勁污穢，而家咁嘅環境仲一早放定哂啲水杯喺枱面度冇遮冇掩，又油又有積，真係好難接受囉。

食肆於12:30 凖時開門做生意午餐時段居然還可以叫生蠔（半打$120）可以選擇三款蠔我們選擇了愛爾蘭、韓國及加拿大每款兩隻。生蠔還算新鮮，本身對生蠔比較敏感，最多只能吃三至四隻，吃多了便肚痾，但今次我每款食咗一隻都冇事。所以生蠔還算是新鮮的。另外我們叫咗餐牌上邊啲套餐。一個係石燒黑毛豬定食，一個係石燒牛柳定食，但肉質比較鞋，而不知道是否剛剛開門關係，定食入邊嗰啲飯係半生熟的😵。叫餐廳侍應再換過啲飯，都係半生熟😵算吧！選擇放棄碗飯了。臨走嗰陣時候比一啲feed back侍應，點知佢聽完冇反應🙄

好耐冇食蠔了，聽講話男仔食生蠔可以壯陽，甘女仔食左會點？！我專登問左“Google大人”，原來女仔食生蠔可以補血和豐胸，源因生蠔有豐富的鐵質和鋅… … 漲知識了荃灣站呢閒蠔站分店最近有25% off優惠，今晚就去到嘆下美味的生蠔啦~荃灣分店我係第一次來，相比大角咀分店僻靜幽暗和浪漫，荃灣分店店面更大而且更光猛和熱鬧一些。特價生蠔$10/隻來到呢到一定會order例牌一打$10隻生蠔今次的生蠔來自Carlingford, Ireland，個頭算偏小巧，口感鮮美有些許海水鹹味，加上少少檸檬汁去腥味，一口一個，冰爽可口。黑松露炒野菌$88食唔到黑松露味，俾洋葱吊起整碟餸的味道，感覺非常普通冬陰功海鮮扁意粉$128見唔到辣椒的蹤影，但食到辣味，個辣度係可接受的範圍，幾特別，海鮮兩三隻，加彩椒絲作伴，整體來講，味道還是不錯的餐前湯包$38南瓜湯太稀，好似溝水太多但個餐包幾好味，香草味濃郁，又有少少脆口Sweet memory$68Somersby既sparkling rose, 飲唔出sweet既感覺個人都係鍾意pineapple隻味多些。最喜歡呢到大大熒幕放住歌仔，D歌又好岩聼，令人好rela